رواية هوسي بإبنة عدوي (مكتملة بدارجة المغربية )

الجزء الثاني و الستون

🕎هوسي بابنت عدوي 🕎
♨️oumaima mega♨️
☠266☠
خطا خطوة نحوها بنظرات ملتهبة غيرت ملامحها الغاضبة و كالدئب حط يدو على جوانب خصرها الهامشي و خشا صباعو بقوة تما حتى وقفت على صباع رجلها و تنفسها كيتسارع بنفس وثيرة ضربات قلبها و جا من وراها حتاضن ظهرها نحييف بين عضلات صدرو القوية و لحية ديالو السوداء و فمو كيلمس في ودنها لي فيها خيوط شقراء مبعثرة هي حلات عينيها على قوتها و قلبها و نفسها اصبحو فيديه فداءا للمساتو و ريحتو الرجولية توسعت ابتسامتوو بين سواد لحيتو الخشنة و كشر على انيابو الشرسة و يدو الجريئة بوقحة كتنهش في هامش خصرها الرطب حتى حرك ليها سوائلها
الريكس كيهدر بفحيح خافت هو كيستنشق رائحت هاد دمية الشقراء : كيف بقيتي من البارح ؟؟....سؤال اغضب داخلها و تغلبت على حواسسها و بقوة حطات يدو على يدو لي في خصرها و بقوة زالتها ليه حتى تحرك من ظهرها و حواجبو انقضت بسرعة ...و هي تدور للعندو بقوة و عينيها في عينو كتشوف فيه بتحدي و شرارات الغضب الشديد كترسلها ليه
وفاء كتهدر و سنانها مزيرين هلى بعضهم : عمرك تجرأ تقيسنيي مرة اخرى قبل منعيف راسي ....هو بالمقابل كان مخرج فيها عينووو بشكل شديد و العروق الدموية كخطوط كيدورو حول بؤبؤ عينوو و انيابو الساخرة أضحت في وقت وجيز انياب غاضبة كلماتها كانو حرووف إبر رقيقة حادة كتغرس بطعنات في رجلتوو بكل جرءة ....بدا الخوف كيتخلل ليها بين جريان الدم ديالها من نظراتو و بلاما تسقط قناع القوة ديالها زاحت بنظرها و تمشات امامووو عطاتو بظهرها فحالها و زالت قناع القوة و اظهرت الخوف الشديد من النظرة لب كانت على وجهها هو على حالو واقف و مدور غير عينو للعندها باحمرار هاد الرفض ديالها اللعين كيخدش ليه مرة اخرى رجولتوو الطاغية و غرورو المتعالي و دور وجههو كيتوعد ليها بعقاب قاسي ملامح وجههو كيتحولو الغضب الشديد وحط يدو بدفعة على الحاشية د طبلة و دفعها بقوة حتى كادت تنقلب و تضيع كريسطالتها شظايا و قلبو مشتعل بالالم و الغضب على هاد الرفض ....دخلات هاد القطة المشاكسة هي الاخرى غاضبة و خائفة منو في نفس الوقت
وفاء وقفت كتشوف في باب الكوزينة بغضب : مستحيل نخلييه يقسنييي مرة اخرى بيدووو مستحييل ولو على الجثة دياليي .....هو توجه لباب بعرض اكتافو و خطواتو الثقيلة المسموعة صداها و وجهو لي مزال مرجعش للحالة التقمس ديالو للبرودة باقي الغضب البارد مسيطر على الشيطان الناشط في كيانوو و خرج من القلعة ديالو و خلى صدا صوتووو في المكان
مكتساألووش على ملكة و سعاد فين مشاو ...هما خارج المدينة بأميااال في واحد البادية عصرية تابعة للممتلكاات السيد الريكس فيها العماال و الخدم مشتتين في الاراضي كيخدموها و كيجنيو بقولهاا بأحدث الاجهزة المتمكنة في عالم الفلاحة و الزراعة وقف الاسطول لي تحت الرحمة ديال السيدة سعاد و في السيارة القرموزية نزلت سعاد دايرا طربوش على راسها و نظاضر على عينيها توقفو قدام منزل جد فخم حيطين بيه الاسطبلات الخاصين بالحيوانات الاليفة لي بدورهم كينين عمال خاصين بالعناية ديالو نزلت تا نرجس مسكينة كتشوف في داكشي العالم ربي اش غتعطيها ديير تاني سعاد تمشات نحو البناية ضخمة وومن وراها ملكة كتشوف لاراضي لي حيطيين تمااا ميمكنش يتحدو بالنظر
سعاد بابتسامة : هادي آخر هدية تقدمات ليا من ولدي بمناسبة عيد ميلادي حبيبي صممها ليا خصيصا ....كتهدر بوحد الفخر بالملك ديالها لي ولداتو من كرشها هنا نرجس كطلع فيها عينيها بنوع من الغيرة الشديدة على الرجل لي عندها....ازيد من مئة عامل في استقبالها رؤوسهم منحنية ليها كسيدة متعالية قوية المكانة و نرجس من موراها مباشرة كتشوف فيهم و هي دور عندها سعاد بابتسامة غير مريحة
سعاد : خدمتك غتبدا ا نرجس ...ووسعت ابتسامتها
وصلات للعشية ...وفاء جالسة في الكوزينة كتاكل في بيضة قلاتها ليها باش تسكت بيها الجوع بينما جات ملكة و دير ليها الغدا و هي كتغمس الخبز ديالها في البيض حلات عينيها بقوة و قلبها بدا كيخفق و اشارات ديال الصدا ديال سباط الشيطان كتقرب من الكوزينة حولات نظرها بصدمة للباب الكوزينة الظل ديالو العملاق كيبان ليها و قلبها كينبض حتى بان من العدم كيشوفيها بنظرات باردة حادة القوة و تراتيل ديال الغضب مرسومة في جبهتو هي كتشوف فيه و كتنفس بخوف و كترمش فيه عينيها بصمت
الريكس و البحة الرجولية الخشنة هدر بحدة : تبعينييي
وفاء كتشوف فيه و هو استدار كيتمشى ببطئ
وفاء بقلق شديد : اش بغا عندي ؟؟....ناضت مسحت يديها و خرجت من المطبخ و كتشوفو خارج بهدوء كيخنق للنفس بالخوف قلبها كينبض بسرعة و كترمش بزااف تمشات هي الاخرى ببطئ و بخوف شديد خاصة فاش وقف وقف معاه قلبها و استدار نصف دورة رافع حاجبو فيها هي كتمشا لجيهتو
وفاء بخوف شديد : ش شنو بغيتيني
الريكس تابث كصخر المبين دار ليها شبه ابتسامة غير مريحة البثة : عندي مفاجأة غتعجبكوفاء منزل حواجبها ببراءة مخوفاها نظرتو حرك حواجبو باش تزيد لقدامو هي حنات راسها وزادت بخوف شديد منو مرت بالقرب منو و هي بملابسها الفاضحة و كيحرك معاها الؤبؤ ديال عينو طلع يدو و نزل لافيسط ديالو و تمشا وراها حط لافيسط ديالو الضخمة بين كتافها النحافة هي جبدت عينيها و دارت لعندو و هي كتشم ريحتو الرجولية فيها طرطقت فيه عينيها هو داير يدو بجوج على كتفها مخبيها وسط لافيسط ديالو و جمعها بيهم هو عينو الثاقبة على السيارة السوداء لي واقفة بإنتظارو تما و هو كيتمشا بحدائو الاسود بخطوات سريعة و حداه رجليها حافيين مكيجريوش السرعة ديالو كتجري بيهم حتى وصلها للطوبيل لي كان بابها اللوراني محلول طلعها جلسها تما و هي غير مخرجة عينيها طلعت و دورت عينيها للشيفور لي كان هو نزار لي كيشوف فيها بعينو الزرقاء من المرايا بنظرات حادا و نزل عينو للطريق و يدو فيها القفازات الجليدية على الكيدون و الريكس طلع حداها جلس و سد الباب هي كتشوف فيهم في نزار و في الريكس ببراءة خائفة (عاد كنتي مفرعنة في الصباح )
وفاء : ف ف فين غادين بيااا ؟؟
الريكس دور فيها عينو و ملامحو جد باردة و تكلم بخشونة : غتوصلي و تعرفي (و تكا بكل راحة على الكوسان و دار لنزار اشارة بيديه باش ينطلق ...هي جالسة حداهم الخوف متملكها بشدة من هاد القوتين لي شكلو ليها هالة رعب داخل الجو ديال السيارة🕎هوسي بابنت عدوي 🕎
♨️oumaima mega♨️
☠267☠
وفاء تكمشت داخل لافيسط ديالو و كتنفس بشكل مسموع و كتشوف بعينيها يمين و شمال هما اسياد الصمت المخيف نزار بدون ملامح كيسوق و الريكس يكل هيبة جامد كجبل الثلج الشامخ إنطالقت السيارة السوداء في الممر بين حدائق الجنة تحلت البوابة الخارجية القصر و السيارة السوداء انطالقت بسرعة و انطالقو من موراها الدروع السوداء الحامية ليها بانتظام كيسيطرو على الطريق هاد رجال العصابة كاع اعضاءها مختفيين بين الضلال السوداء مروو بين شوارع المدينة في وضح النهار نشروو الرعب امام الناظريين و كانو للبعض استعراض قوي كيخلف في الادهان نفوس الخوف فمابلكم بطفلة كالملاك وسط ديك الكتيبة السوداء كتعاني الرهبة من القادم و كتشوف في الشرجم بترقب حتى كيبان ليها السوق المنصوري و الارجاء ديالو نفرت باستهزاء و دارت للعند أخطر مجرميها و طلعت حاجبها بتمرد و هي كتحارب الرهبة لي فيها من هدوئو القاتم
وفاء : شنووو واش جيبنيي نشوف شهر العسل ديال أمير مثلا ؟؟
هو جالس بهدوء و فخامة رجل فوق رجل و بدون أي ملامح رفعو حواجبو فيها و شاف فيها بالسودوتين ديالو : الظاهر أنك مقديتيش تصبري عطيها اش بغات ا نزار ....دارت كتشوف في نزار لي توجه للداخل ديال سوق المنصور تقريبا وو وقف بالسيارة ديالو هي كتشوف قدامها حتى كتلمح الجماعة ديالها عيسى و عبيقة و ابراهيم و اشخاص اخروون كلهم ولاد الدرب جبدات عينيها فيهم هو يهز الريكس يدو و حرك صباعو كيعطي الاوامر لنزار لي عينو كتشوف في الريكس بالمراية دالطموبيل وفاء ببناتهم مافهما والو هو يتكلم نزار و السماعة في ودنو
نزار بصوت قوي : بدااو ....وفاء شافت فيه كتسأل اش غيبداو حتى توجهو ليهم الكارد بلباسهم الاسود و ديرين كمامات سوداء على وجههم و هازين عصي حديدية بالاسود هي خرجات عينيها و هي كتشوف و كتنفس بهستيرية و هي كتشوف فيهم غادين ليهم قلبهااا كيخفق بالخوف عليهم
وفاء بصوت باكي : اش شش غديروو نننن ....و كترمش بزااف
عيسى و رباعتو جالسين كيدربو الشقوفة قدام السلعة ديالهم لي مفرشة في الارض حتى وقفو عليهم الاحدية ديال الشيطان السودان لي مكترحمش حوطوهم هما يلاه غيهزو عينيهم فيهم هما يهزو يديهم و بداو كينهالو عليهم بالضرب و هما جالسين ازيد من خمسين كارد كيدربو مجموعة ديالهم لوخرين كيغوتوو عليهم و مطاكيين بيديهم و لكن دارهم تحت سببطهم كيضربوهم السوق كامل ناض كيشوف فيهم تواحد متجرأ يقرب كانت العصى كتهز تال السما و تخبط بدون رحمة تقدر الدماء بدات كتنهمر منهم و اصوات الالم كتعالى في السوق و عظامهم كتكسر
وفاء مخرجة عينيها فيهم كتبكييي في السيارة ديال الريكس و كتشوف فيهم واحد واحد كياكلو العصا بسبابها مكرهتش تخرج و تحامي عليهم وحد واحد قلبها كيدرها عليهم كيف لااا وهما لي رباوها
وفاء كتغوت : هيؤ هييييء عيسىىىىى عنداااااك (العصا جات العيسى للراس حتى هداتووو للارض ) عبيقة هيء هيء (كان منشور دودة في الطرييق و مزال غيكملو عليه) ابراااااهييييم ....و هي تدووور بدموعها و حااالتهااا للعند الريكس كان جالس بهدوء بوجه بارد و شبه الابتسامة على شفاهو و كيشوف فيهم
وفاء بدموعها كتهدر : فهد عافاك مديييرش هاكاا هيء هيء هادشي بيني و بينك مدخلهمش ...حول البؤبؤ ديالو ليها بكل برودة كيشوف احوالها الهستيرية و عينيها البلورية الدامعة لي كسرو ليه عقارب زمن قلبه و بدون ميسقط جدار القوة على وجههو استدار كيكمل مشاهدتو ليهم و نزار رافع حواجبو كيشوف فيهم من المرايا الامامية للسيارة هي شافتو حول وجههو ببرودة و كدور كتشوف في عائلتها غيموتو بين يديهم و هي ترجع تدور عند الريكس بوحد اللهفة و نزعة مؤلمة في قلبها باغا دير اي حاجة تنقدهم بيها و هي تحط يديها البريئة على فخضو حتى أشعلت فتيل الرغبة في رجولتو داتها حول عينو ليها بسرعة و هبط حواجبو
وفاء بتعابير باكية و حركاتها سريعة مجلساش في خاطرها باغا تنقدهم من مخالبو الشريرة و كدوز بيديها على فخضووو بشكل عرضي
وفاء : عااااافااااك امسيوووو الريييكس هيء هيييء ندييير ليك لي بغيتيي غير صافيي باراكا ....هو كيشوف فيها كيانو كيشتعل من لمستها خفقات قلبوو مستمرة و هي كتبكي و كتشوفو مكيحركش ساكن و هي تندفع لعندو بقوة طلعات لعندو و حوطات يديها على عنقو بقوة و حطات صدرها الرطب على صلابة صدرو حتى انباعجو ليها و غمضت عينيها بقوة حابسة البكية و خشات وجهها في عنقو هو يغمض عينو استقبالا للهاد الشعور لي كيخالجو و هي بين يدو و شهوة و الرغبة كتعلى روحو الشيطانية نزاار كالصقر صغر عينو كيشوف ترويض الاسد بين يديها و ليونتو دار شبه ابتسامة كحب الاستطلاع لي القادم ....بدات كدوز شفاهها الشهية الرطبة على رقبتو بكل جرءة كتحرك ليه غريزتو و كالقطة كتحك حنكها اارطب مع الرقبة ديالو هو حط يدو الضخمة على خصرها و هو مغمض عينو وكيحرك تفاحة آدام الخاصة بيه و مستسلم الاغواء الطفلة ديالو حلات عينيها حمراء باكية و طلعات شفاهها و قلبها كيخفق بقوة من جرءتها و تمردها و انجدااابها القصوي لييه و بكل براءة جريئة حطات شفاهها على ودنوو
وفاء بهمس : عافاااك ا فهد وقفهم .....وهو مغمض عينو ليها كيخشي لحيتو الخشنة في عنقها طلع جوج من صباعو و عطا اشارة للنزار باش يوقف تما نزار وسع ابتسامتو كان داير رهان مع عقلو واش غيمتتاثل للطلبها او لاا وحط يدو على سماعة ديال ودنو : رجعوو
هي حولات عينيها الخضراء لي كتسبح في بحر الدموع الحمراء لليمين بعدما سمعات اوامر نزار و سرطات ريقها و قلبها كيضرب بقوة و هي كتحس بيدو معتاصرة خاصرها و خشونة للحيتو كتخدش للحمها الرطب في رقبتها و حيدات وجهها من عنقو و كترجع داتها لللور هو مغمض عينيه كيحس بخروجها من عنقو و كيميل وجهو باش ياكل من هاد الشفاه لي بكل جرءة تحطت على رقبتو🕎هوسي بابنت عدوي 🕎
♨️oumaima mega♨️
☠268☠
بدات كتبعد عليه بصعوبة و كترجع بللور و لكن يدو الضخمة كانت كتصدها عن الرجوع و نفسو الحار الساخن كيضرب في وجهها و عينو مفتوحة قليلا كتشوف في شفاهها و فمو مفتوح قليلا باش يلتاهم فمها لي كتنفس منو الهواء البارد و عينيها نائمين على فمو و كترجع بللور و كطلع فيه عينيها حتى زال يدو من ظهرها ورجعت للوراء كتغطا بلافيسط ديالو و حانية راسها و كتسرط ريقها و تنزل على شعرها من ودنيها و قلبها كيخفق و كطلع عينيها في نزار و هي كتحس بالخجل في حناكها و السخونة الشديدة كطل لوجهها هو شد على قبضة يدو و عينو الثملة دورها لشرجم و سنانو كتكسر الهواء بين انيابها بالعصبية نعم هي الانثى الضعيفة لي لا تملك من القوة الربع تمكنات من انها تخليه يرجع على قرارو بلمسات شفاهها سمح ليها بكل إرادة خالصة عطاها مفتاح حصوت القلعة ديالو باش تدخل و تربع على عرش الملوكية
الريكس : رجع ا نزار ....نزار دور السيارة للوراء باش يرجعو فحالهم و الكارد بداو كيؤجعو أدراجهم مخليين أهاات عيسى و جمعاتو كتعالى في السماء و طيحين الارض ....السيارة في حالة تااان نزار السائق الخاص بيهم كيطلع مرة مرة عينو البليورية الزرقاء ليهم هي حاطة يديها على صدرها كمحاولة منها ترجع داتها من هاد الخوف و الخلعة لي تحطات فيهم و عقالها شريد مع عيسى و جماعتو و احوالهم ....الملك كان كيشوف في الشرجم بغضب شديد كيف متاثل الاوامرها بهاد السهولة هادا ليس عقاب على رفضها ففور لمساتها تناسى كلشي و هو حتاضنها بنفسو أي قسوة هادا و أي عقاب هاداا لي كيتكلم عليه
في القصر الرئيسي للملك ....كان الوصول الحتمي ديال السيدة سعاد و من وراها نرجس حالتها حالة مسكينة كتمشى بصعوبة ووجها حتى حمر بالشمس و يديها عامرين تراب و بالرغم من دالك مكتشكى على حتى حاجة
سعاد دارت عندها : شوفي نتي انا عيانة دابا غطيبي العشا نتي عارفة هادشي
نرجس دامة يديها عندها : واخا الالة ....و دارت كتمشى للفوق للغرفة ديالها و نرجس مسكينة غير دخلات حيدات جلابيتها و جلسات في فراشها طالقة رجليها بالعيااااا
نرجس : احححح اميمتي رجليا تنفخو عليااا اميمتي بالوقيف اوووف ...و بدات كتماصي للراسها رجليها ماهيا إلا ثواني قليلة حتى دخلات عليها وفاء للكوزينة و تعابيرها باكية شافت ماماها جالسة و هي تمشي تجلس حداها بزعفة و تعبيرها على وشك يبكيو نرجس حطات يديها بقلق على كتف بنتها
نرجس : وفاء بنتي مالكيي ؟؟
وفاء دارت عندها و بدات كتبكي : هيء هيء مسيو الريكس داني عند عيسى و ابراهيم و عبيقة هيء هيء و بقاو كيضربوهم قدااامي هيء هيء
نرجس ضحكت و ضربت ليها كتافها : ههههههه تنتي عيسى ورباعتو مولفين للعصا انا كرهت يديوني نتفرج فيهم كيعصوهم و مانمشيش نضرب الكرفي ديال سعاد
وفاء بتعبيرها الباكي : ملكة واش معندكش القلب راه ضربوهم نتي خاصك تمشي تخدمي مع هاد الريكس
نرجس كتجبد فيها عينيها : راه كندوي معاك هدوك راه مكدد لحمهم على العصا انا لي مسكينة شوفي رجلي كديرا ووجهي زيدتني نجنيي مع الفلاحة هما بالالات و انا بيدي فاش سالبت ضربت ليك الكوري ديال دجاج مع الكوري ديال البكر بواحد تجفيفة نزلتو كاامل واخا كان غيركلني واحد الثور بقات ديك الشويرفة ديال سعاد كضحك قالت ليا تغالطت ليها مع البكر
وفاء كتمسح دموعها و كضحك : ههههههه الشارفة ههههههه
نرجس : هههه و ضحكي عليا للموك هههههه ....بقاو جالسين تما كيضحكو و نرجس لي حولت عدابها للطريقة هزلية كيضحكو علها شوية ناضو كيمثلو سعاد و كيضحكو بغات وفاء تنوض تمثل الريكس و هي تكحل نرجس بالعما مكحلت بالفكرة قالت ليها انا كنخاف غير من سميتو عاد تمثليه شوية نوضتها نرجس تبدل حالتها على هاد نص شبورة لي لابسة زعفت عليها تاعيات وناضت لبسات بودي نص كم كحل كان تما و سايا قصيرة شوية طالعة على ركبة بشوية
الريكس اللور جالس في السيارة على حالو كيستدكر الحادث والغضب بين من تراتيل جبهتو منزل حواجبو بغضب نزار دار عندو هو رافع حاجب
نزار : فهد واش نتا بخير ؟؟
الريكس دار عندو و حواجبو منقضة و حرك ليه راسو بأااه و دار ليه اشارة باش يمشيو لأوطيل
في موعد العشاء .....لي تحضر بطريقة راقية من طرف الجميلة نرجس اما وفاء فهي غير مساعدة في التصميم كيحطو الاطباق بطريقة منظمة على الطاولة الكرسطالية و كيستفو المعالق فيها بطريقة منظمة كيسكبو العصير في الكؤوس وبانتظام كيحطوه حتى نظمو مائدة تليق بالمقام و و من حولها لوحات لاشهر الفنانين الاروبيين
سعاد كتمشى بالطلون النصفي ديالها و كتهدر كسيدة : ساليتو الحطان؟؟ حبيبي قريب يجي ؟؟
نرجس حانية راسها : اااه الالة كلشي واجد
وفاء كطلع فيها و تهبط و الغيرة كتاكلها حضاتها حتى جلست في الكرسي بكل أناقة ورقي
وفاء قربت الودن نرجس : من نيتها كتقوليه حبيبي ....يلاه غتجوبها نرجس حتى تخلخل احساسهم بحدائوو حتى من وفاء بنفسها كيتولد عندها احساس الخوف بالرغم انها متعودة عليه كتحاول تحبسو ولكن لا فائدة كتبقى هالة الخوف الخاصة بيه كتحتم على البعثرة ديال استقرارهم الداخلي داز عليهم بهدوء و عينو على السيدة سعاد بشبه ابتسامة كيبعتها ليها هي وقفت استقبالا للملكها هو توجه لعندها و باس ليها خدها و طلب منها الجلوس بكل لباقة كالنبلاء جلست هي و جلس هو على الكرسي ديالو بكل هدوء و الابتسامة على شفاهو ليها وفاء كترسل ليهم نظرات تعج بالغيرة الشديدة هو حاط يدو عليها بهدوء
الريكس : كيف دوزتي نهارك ؟؟
سعاد بابتسامة : الحمدالله احبيبي
الريكس حط يدو على كتفها و طلع حاجبو فيها : متجهديش على راسك ؟
سعاد : لا ا حبيبي كون هاني
نرجس واقفة و بدات كضرب في كرشها بشوية : ها كرشي ها كرشيي لي متولدش الدكورة
دارت عندها وفاء بالعرض البطيئ اصلا كانت مفقوصة : واش من نيتك نتي اش تتقولي اويلي
نرجس : شوفيي اش داير عليهاااا و كيف مهتم بيها و حاطها فوق راسو فحالي انا والدة بغلة دخلتني الهنا
وفاء كتشوف فيها : ياااك املكة دابا هو حسن مني انا (ردات عليها غير بحجبانها ) واخا ا ملكة هانتي غتشوفي غير بلاتي .......و دارت كتشوف فيه و هو كياكل بكل تجنتلمانية و رقي و هي مخنزرة فيه غتاكلو بالغيرة🕎هوسي بابنت عدوي 🕎
♨️oumaima mega♨️
☠269☠
بعد الانتهاء ديال هاد للمؤدوبة العشاء الجميلة الراقية لي كانت بين السيد الريكس و الام ديالو بدات نرجس ووفاء كيجمعو في المائدة بهدوء و مشاو حطوها في الكوزينة نرجس بالرغم من التعب بدات كتغسل مسكينة وفاء شافت هادشي في الام ديالها ميمكنش شي حد يخلي الام ديالو تعاني فحال هاكا
وفاء : ملكة سيري تنعسي انا غنغسل الماعن
نرجس كتغسل فيهم : لا لاااا غير سيري تنعسي نتي
وفاء : ملكة راك عيانة شوفي تحت عينيك كيف دايرين بالنعاس غير سيري تنعسي
نرجس : لا لااا لا تمشي تهرسي شي حاجة
وفاء 😒 : انا عند بالي مبغاش تعدبيني غير أري ا ملكة سيري تنعسي .....بقات هي وياها مشادين حتى سيفطتها تنعس بزز و هي بقات كتغسل للماعن حتى نرجس مسكينة مع فيقة بكري و دكدكتها سعاد بالفلاح طاحت نعست دودة مسكينة ووفاء بقات كتغسل الماعن بوحدها في داك اليل لي كيتسمع فيه غير الصوت ديال عقارب الساعة حتى اوشكت على الانتهاء و هي تفتح عينيها من جديد الصوت لي كيخوفها لي ولا فحال شي كابوس بالنسبة ليها أثر على نفسيتها بشكل دب الرعب فيها دارت و عينيها جاحظة مفتوحة بقوة في اتجاه صوت الخطوات حتى دخل هو فحال شي قاتل متسلل هي حاطة يديها على البوطاجي و كتشوفيه بخوف شديد هو منزل راسو كيلبس في قفازاتو الجلدية طلع عينو فيها بدون ملامح و نظرات لي مرعبة أكثر في هاد الوقت المتأخر جعل نبضتها في موسم العدو الريفي
الريكس كيقشعر ليه الابدان : الظاهر انك كنتي في انتظاري تبعيني
وفاء بخوف و تعابير على وشك البكاء : لا لا انا مغنمشي معاك لحتى بلاصة
الريكس نزل حواجبو و البرودة مسيطرة عليه حتى نخاع : انا ما طلبتش إدنك انا كنأمرك تبعيني
وفاء بهسترية ديال الخوف : لاااء مغنجييش مغنمشيش معااك
الريكس بكل دم بارد جبد السلاح الاسود الخاص بيه من الحزام ديالو و بيدو الاخرى داه وجابو و حط صبعو في الزناد ووجه الفوهة ديالو للنرجس لي ناعسة مسكينة هي جبدت فيه عينيها كتدير ليه لاا براسها هو بدون ملامح الرحمة موجه رصاصات عينو للنرجس
وفاء كتبكي : هيء هيء صافي اما غنجي معاك هيء هيء ... و غمضت عينيها كتبكي هو رد السلاح للحزام ديالو و توجه لعندها و دار من ورا ظهرها حط يديه بجوج الضخام على كتافها و جمعها بيهم و زاد بيها للخارج .....من جديد كانت في انتظارهم السيارة لي السائق ديالها نزار تدل على أن العملية جد حساسة او تحتوي على بعد المشاهد السيئة اجتماع هاد الجوج في المكان عرف أن الشيطان حاظر بظله اللعين ....خشاها في الطموبيل في داك الجو المظلم المشحون بالطاقة السلبية و هي كيف الملاك الابيض كتشوف فيهم ببراءة و ترجي طلع الريكس من وراها من جديد و انطالقو وسط الظلام نحو المجهول من جديد هي جالسة كتشوف و حالا عينيها في الظلمة ديال الطريق و يديها كيترعدو و شفاها كتمتم بأدعية روحها النقية خائفة الريكس محول بؤبؤو الاسود لي كيظاهي ليل بظلمة ديالو ليها و لارتجافتها و خوفها الشديد هو كيتغزل بخوفها كانت مثيرة بشكل خانق صدقا كيصعب عليه يبعد عينو عليها بجسمها هادا النحيف لي يشتهي الضمة ديالو فحال لي كانت قبيلة سسسس كم كان الاغواء ديالها مثير واخا كان الهدف ديالو شيء آخر ....بقا الصمت سيد المكان و هي وسط رجال خارجين على القانون كتحاول تكبح خوفها للعين و كتمر عليها الساعة ببطئ كبير و هي كتشوف في جنابها حتى وصلو للوحد المنطقة فيها الفيلات الكبار هي حالة عينيها كتشوف في ديك المنطقة لي مكتعرفهاش بالمرة في الاخر ديال المنطقة كانت وحد الفيلا مظلمة معزولة منظرها مخييف جدا توقفت السيارة ديالو امامها
ااريكس بشبه ابتسامة كيشوف فيها : مرحبا ا انسة وفاء
هي كتشوف فيه بعيون بريئة و كتنفس بهدوء حل لباب و نزل هو و مد يدو حطها على دراعها بقوة و جبدها للعندو هي كتكحاز للعندو بشوية و قلبها كيخفق بشدة كتحس براسها غيتدخل في حالة اغماء بسباب الخوف ديالها نزلها من تما و حطات رجليها الحافيين على الارض كيترعدو و كتشوف في الارجاء لصق على ظهرها و خشا صباعو في خصرها بقوة و حط فمو في ودنها و زيدها ...و الابتسامة مكتفارقش خدو اللعين و كيتمشا بيها للاتجاه البوابة ديال هاد الفيلا المخيفة المظلمة هي "بصباع رجليها باغا ترجع و مدخلش معاه تما و لكنها ضعيفة مبين يدو و هو مستغل فرصة وجودها في يدو و كيلمسها بطريقتو اللعنيفة هي لي خلاتو عطشان عليها حتى وقفو قدام البوابة و هي في احضانو كتنفس بسرعة و مع كل نبض كتحرك فيه مشاعر الرغبة أكثر
ااريكس بصوت أقرب للفحيح الافعى السامة : معرفتيش فين حنا ؟؟
وفاء كتشوف في الارجاء بخوف و رهبة و كترعد فمها و كدير ليحط إبهامو بشهوة على فمها و ظغط بيهم على شفاهها و هي كتنفس بصوت مسموع
الريكس بنفس الصوت ووسع ابتسامتوو : انا غنقوليك فين نتي ....توجه بيها للجنب ديال الباب و هي كتحرك ليه من مكان للمكان بصعوبة و حيد يدو على فمها و نزلها مع دراعها و عينو كتسبق يديه بالنظر كينتشي من لمسها هي كتحسس لمساتو و الخوف مسيطر عليها شد معصم يديها و حطو على واحد البلاكة و مسح بيها من الغبرة و هي كتشوف في البلاكة و حلات عينيهااا كانت فيها "بن جلووون🕎هوسي بابنت عدوي 🕎
♨️oumaima mega♨️
☠270☠
تعلات الصدمة على وجهها و هي كتقرا الكنية ديالهم و كترمش و دورات وجهها للفيلا ادن هاد الفيلا المخربة هي نفسها دارهم لي كانت عيشة فيها فوسط افكارها في أحضانو شافت الكارد كيحلو الباب الخارجي ديال الفيلا و ضغط على خصرها بقوة و زيدها معاه للداخل هي كتمشى بخطوات مترددة و حتى دخلها للجردة ديالهم كانت شديدة الخراب و مخيفة كانها فيلا مسكونة و هي توقف ليه مبغاتش تزيد و هي كترعد و كترجع عليه بللور
وفاء بخوف شديد : ب بغيت ن ن نمشب فحالي .....حط من جديد الاصبع ديال الابهم ديالو على فمها بظغط كبير منو و كيدوز يدو على فمها و اصابعو الاخرى شادا من الفك ديالها و كيدورها على الارجاء ديال الجردة و هو محوط يدو على خصرها
الريكس بابتسامة و هو كيهدر في ودنها بهدوء : مابغيتيش تشوفي الفيلا ديالكم ولكن انا مصر ...و كيدور ليها وجهها في الارجاء
وفاء رافعة حواجبها ببراءة وخوف هي كتشوف في الارجاء و تمشا بيها للداخل ......كانت الفيلا اشبه بمنزل الاشباح كلها ظلام و رائحتها عفنة الاثات ديالها مبعثر و متقلب كيتسمع فيها اصوات الجردان هي حالا عينيها في الفراغ كتشوف غير ظلال ديال الاثات و خايفة بزاف هو طالع بيها من الدروج و هي كتعكل ليه الحمد الله أن يدو في خصرها كيحميها بيها وصلو للطابق العلوي لي كان مخيف اكثر بابوابو المغلقة تما فين كانت غرفة الصغيرة وفاء وقف بيها قدام الباب ديال غرفتها هي كتنفس بسرعة و كترعد بين يدو خوفا من الفتح ديال الباب و خروج شيئ ماا هو يمد يدووو بقوة فتح بيها الباب هي غمضت عينيها كتسمع غير الصوت ديال تزييطة ديال الباب هو يقفزها صوتو
الريكس بابتسامة : وهاهو بيت ديال الاميرة الصغيرة وفاء ...هي حلات عينيها في البيت و رخاها قدامو لداخل بيتها بدفعة هي دفعت للداخل حلات عينيها و هي تشهق بالخوف و الخلعة بيتها كولو عامر بدوبلفي مكتوبة في الحيوطة بالدم
وفاء بنبرة باكية : شنوو هادشيي ؟؟؟
الريكس ضحك بثقالة : ههههه انا عرفت بلي كيعجبك تطبعي دوبلفي في اي حاجة امرت بهادشي مسبقا
وفاء كتشوف فيه و كتبكي : هيء هيء نتا راك مريض هيء هيء ....هو يقرب ليها بشبه ابتسامة ديالو وهي كتشوف فيه كيقرب كينزلو غير دموعها و شدها من دراعها لي كترعد بيها بقوة و زيدها قدامو للشرجم وقفها تماا كان تحت منها لابسين عامر بالجماجم و الرمال و هي تغوت باعلى صوتهاااا
وفاء : ءءءءءء هيء هيء
الريكس بهدوء مميت : متخفيش منهم هما ميتين دابا طلعي راسك لهديك الشجرة لي لهيه (دورات عينيها الباكيين كتقلب بيهم هو يشد ليها فكها بروية و دورو ليها علايش كينعت ليها لشجرة محروقة كحلة ) تما في انتاحر باااك حرقا ....تما مقدراتش تكمل دارت عندو و خشات وجهها في صدرو و عنقاتو و كتبكيي بهسترية
وفاء : هيء هيء خرجنييي افهد من هناااا خرجنيييي هييييء خرجنيييي ....و هي كتبكي في صدرو عقد حواجبو عليهااا غيتنازل من جديد على العقاب ديالو لا محالة و هي الان دمت ليه قلبو لي كان رحيم جدا وهو كيخفق ألما و حبا ليها حوط عليها دراعو و زاد خشا ليها وجهها في صدرو و مشا بسرعة غينزلها من تما و هي كتبكي بين دراعو حمدا للله انه اشفق عليها هوسو اما لي كانت غتشوفو من بعد اسوء بكثير ...الورقة الحظ ديالها هي هوسو و حبو لي لا حدودة له بمجرد مكتلتاجأ ليه كيطرد فكرة انه يعاقبها خرجها من تماا بسرعة البرق و عطا اشارة للكارد ديالو باش يسدو لفيلا حل ليها باب الطموبيل و حيد ليها وجهها من صدرو و الدموع كتنزل من عينيها و الخوف الشديد مسيطر عليه نزل حواجبو و عينو معاها عقابو كان قاسي عليها رؤيتها في هاد الحالة مزقت فؤادو لاشلاء دخلها بيدو للسيارة و هي دغيا دخلت و خدات القنت مكان ليها و دمات يديها لعندها كترعد نزار كيراقب كلشي من المرآة ديال السيارة حالتها سيئة دخل الريكس من وراها و جلس بملكيتو المعتادة و نظرو عليها كيف كترجف عطا للنزار اشارة باش يتحركو من هنا و تنفدت أوامروو في الحااال تحركت كتيبتو السوداء الاسطورية من تمااا و مشاو في اتجااه الغابة المظلمة و الصمت سيد المكاان كيتسمع غير صوت المحرك القوي ديال السيارة
نزار كيشوف في وفاء من المرايا : انسة وفاء واش نتي بيخير
الريكس حرك نظرو ليها ببرودة و هي كيف العصفور المبلل كترجف ميل راسو : كنظن الانسة وفاء بن جلون معجبهاش تصميم ديالنا ....هي كانت ضامة يديها عندهااا و هي ترفع راسها و عينيها دامعين و الغضب الشديد على وجهها و دارت عند الريكس
وفاء كتهدر تحت سنانها و بكل جرأة : عاد عرفت بابا علاش قتل توفيق هادي احسن حاجة دار كان خاصو يموت......يتبع