رواية هوسي بإبنة عدوي (مكتملة بدارجة المغربية )

الجزء الخامس و الاربعون

🕎هوسي بابنت عدوي 🕎 ♨️oumaima mega♨️ ☠181☠ ميمكنش هي كتبغي أمير شنو كيوقع دابا هو يشد أمير من يديها بابتسامة و مشاو كيتمشاو هو وياها باش يوصلو للدار و هي كيف العادة شاردة كليا كتفكر في الريكس و يديها في يد أمير و هي توقف لامير أمير دار عندها بصدمة امير : مالكي اوفاء ؟؟ وفاء طلعات فيه عينيها : خاصنا نعجلو العرس بيناتنا ا امير باش نكونو انا وياك تحت صقف واحد أمير بدات كتشق الفرحة وجههو : أكييد متخليش شوقي انا ليك ولكن مي ملكة ؟؟ وفاء شدات ليه من يدو بجوج و كتخرج فيه عينيها : هي فاش غتشوف عرسي مغتقول والو انا كنعرف ملكة أمير بابتسامة : هههه نقادرش نتيق هادشي (هي كتضحك و تفكيرها كيمشي و يجي للريكس و كتحاول طردو شد ليها من كتافها بجوح ) اش بان ليك من هنا لشهرين باش نكون جمعت للفلوس لعرسنا وفاء دارت ليه أااه براسها و بابتسامة و حط يدو في يديها بفرحة و سعادة هنا لالة ملكة جالسة مصرحة رجليها خاشيها تحت الطابلة و مصرحة السوانت و الفلوس و تحسبهم و تعقل بالدرهم بالدرهم حتى دخلات عليها وفاء بشوية كتميل و حانية راسها في الارض و هي تجلس حدا ملكة و هزات تليفون لي عطاها الريكس و حلاتو في تصويرتو كتشوف فيه و كتفكر بعينين شاردين و كتفكر في هاد الاحاسيس كلها لي كتخون بيها خطيبها و مع مديرها من الفوق هادشي كلو كيفاش حتى ولات قريبة من الريكس لهاد درجة شنو وقع البارح بضبط أكيد شي ملحمة تلقات فيها شفاههم هادي على الاكيد فامهم بجوج فيها تقريبا نفس الجروح ملكة خاشية راسها في تليفون و كطرطق في عينيها في تصويرة : تباركالله تبركالله هادا هو المدير ماشاء الله وفاء طفات تليفون و خباتو عليها و خرجات فيها عينيها : نتيي واش مكديريش الحس ملكة :راه بح صوتي بتعياط (و هي تبتاسم ورجعات عينيها تليفون ) منين جبتي داك تليفون ياكما خلصوك وفاء : تي اشمن خلصوني راه باقي الشهر هاد تليفون عطاه ليا المدير انا و شي موضفين ملكة : لي هو في تصويرة ؟؟؟ وفاء : اااه ملكة بشك : و كاع دوك الموضفين دار ليهم تصويرتو وفاء شافت فيها :وووو منعرف انا شفت غير ديالي انااا ملكة مدات يديها : آري نشوفو وفاء عطاتو ليها : و متدربي حتى حاجة لا تخسريه ملكة شداتو و حلاتو و تبسمات : مشاءالله مشاءالله الرجلة و القلدة تباركالله نوضي اواا نوضي جري على داك أميير و شديي في هادااا وفاء كمشت وجهها : واش من نيتك املكة واش واش مغندويش معاك أريي تليفون لهنااا ملكة : بلاتي خنشوف اه يناري كيصوني فهد شكون فهد وفاء جبدات عينيها و خطفات تليفون من يديها و حطات تليفون على ودنها و قادت صوتها رسميا : ألو مسيو الريكس ...٠هنا ملكة خشات ودنها في تليفون الريكس جالس فوق البيرو ديالو بجلسة رجولية و تعابيرو الباردة جدا البيرو مضلم الاضواء مطفية و البيرو مقلوب أسفل ديالو على الاعلى ديالو فحالا شي قنبلة نسفت المكان الزاج مشتت في الارض و عليه بقع ديال الدماء مشتتين هو جالس و مهدن شاد بيد عامرة كلها بالدم الصورة ديالها مع أمير و اليد التانية لي قالت اليد الاولة متعرفش مغطات بخطوط من الدماء هي الاخرى و شاد بيها تليفون حاطو في ودنو الريكس : وفاء وصلتي وفاء كتشوف في ملكة حاطة ودنها حداها و كتجاوب : ااه ا مسيو الريكس من قبيلة ملكة : ناري ناري على الصوت ابنيتي هكا الرجلة من البحة وفاء حلات عينيها فيها و كتندب في حنكها و تشوفيها الريكس باستغراب و كمش وجههو : كيفاش ؟؟ شكون معاك تم وفاء عاضة شفايفها على ملكة و دفعتها و ملكة تشالي بيديها : غير مي ملكة امسيو الريكس ابتاسم : اوو و سلمي لينا على لالة ملكة وفاء ناضت من تم كاع هي و غتخرج برا تكمل معاه الهدرة : مبلااغ امسيو الريكس و هو كيدوز الابهم ديالو الدموي على الصورة ديالهم و كمشها بين يدو و صدر سرير الشهوة من فموو : سسسس فمك ....هي جبدت عينيها فاش سمعات ديك فمك و قلبها بدا كيضرب و صدرها كيطلع و كينزل : م م مالووو ؟ الريكس بشبه ابتاسمة : كي بقاا ؟؟ وفاء بارتباك : ل ل لبااس ا مسيووو الريكس الشيطان اللعين يتكلم بابتسامة شهوة : و لكن انا فمي ماشي بخيير وفاء كتزيد ترتابك و كتنطق بصوت يدوب يتسمع : ال الله ي يشافيك امسيوو الريكس بابتسامة و الخامة الرجولية : ولكن نتييي (هي جبدت عينيها و كدير براسها لا ياربيي ميقولش ليها والو ) لي جرحتيه و نتي لي خاصكي داويه وفاء علاين تبكي : االله كيداوي كلشي ...ملكة من موراها كطل و كتملص الريكس : المرة الجايا نخاف هاد الجرحات ميبقاوش غير في فمك يوليو حتى في بلايص خرين سسس (صوت اللدة لي كيتردد في ودنيها هي فاش سمعت كلماتو زادت كتجبد في عينيها و لسانها شبه أنه تبلع كليا مبقاتش تنطق بيه ولات غير كتسمع و تلون بمشتقات اللون الاحمر على أشكالها هو كيتكلم بنبرة هادئة ) يلاه سيري دابا قبل من نجي نكمل داكشي لي بديناه البارح (هي غير كدور في عينيها اش غيكمل اش غيبداو فين غيجي ) يلاه بسلامة ...و ابتاسم و قطع تليفون هي باقا غير مسمرة من كلامو الجرييئ هادا لي جاها في هاد ليلة هو ناض من البيرو و توجه بسباطو و خطواتو كيتمشا لخارج الباب بعدما عفط على هادو الصور بحدائو لعيينوفاء دارت و قلبها غيخرج من بلاصتو على هاد الكلمات لي استحودو على عقلها و جات داخلة للدار لقات ملكة مجبدة على المخدة و كتشوف فيها و الضحكة على فمها ملكة : مابين ليا ابنيتي علاقة مدير و مظافة لي صوني ليها في هاد ليل وفاء خرجت فيها عينيها : اش كتخربقييي نتيي ملكة : سمعي هاد الهدرة و ديريها حلاقة في ودنيك شفتي بنت سعد بنجلون واخا نعيا نهبط فيها الارض غتبقا طالعة الفوق غير قلبي على داك ولد غيتة وفاء تسرحت تمااا : و قلبيي عليا نتيي و داك سعد لي نهار و مطال و نتي تحلمي عليا بيه لي معندك حتى تصويرتو ملكة تنهدت : اييه على سعد الله يرحمو ....وفاء دارت الحيط : انا مغنسمعش لهاد الخرفات تاني راني حفظتهم بفففغ🕎هوسي بابنت عدوي 🕎 ♨️oumaima mega♨️ ☠182☠ أصبحنا و أصبح الملك لله الريكس واقف في البيرو كيتكلم مع نزار في امور مهمة و يدو بجوج فيهم ضربات و هو حاط السيجارة في فمو وواقف و نزار واقف قدامو نزار بجدية : من بعد شي ثواني غيبدا الاجتماع العام في الاوطيل الريكس كينفت نيرانو في الارجاء : ممم كلشي تجمع ؟؟؟ نزار : على الاكيد (شاف في ساعة العالية الطراز لي في يدو ) غيكونو تجمعو من هادي نص ساعة الريكس نزل راسو لتحت كيطفي السجارة ديالو و كينفت الدخان : يلاه .....و ناض توجه أمامو و نزار حداه الوجهة الرئيسية لي هي غرفة الاجتماعات المغلقة لي الفوق كانت باللون الاسود كتوسطها مائدة عريضة و طويلة بييضة الشكل و دايرين بيها كراسي فيهم جميع رؤوس الموضفين المهميين لي في الاوطيل و المهندسين ديالو و على الرئس ديال المائدة الكرسي ديال العرش الخاص بالريكس مقابلة معاه شاشة عملاقة الحجم سوداء قاتمة و كان تما بيناتهم أمير جالس كيوجد في الوثائق ديالو حتى دخل الريكس بحضورو زعزع الجميع ناضو وقفو احتراما ليه و تخلل إحساس الخوف و الارتباك بيناتهم و كلهم هو دخل و توجه لكرسي ديالو و عطاهم إشارة باش يجلسو و برودتو لي طاغية على المكان جا حداه نزار و جلسو كاملين باش يتعلن مباشرة على بدأ الاجتماع الريكس شبك يدو على الطبلة و كيهدر بحدة : يلاه بداو دابا أمير كيشوف في الريكس مباشرة و بجدية : كنستأدن منك أمسيو باش نعرض المشروع ديالي الريكس كيرسل ليه بعيونو نايزك حارقة كون كانت حقيقية كانت غتخليه قتلا في الحال تخلخل توازن أمير شوية من نظرات الريكس المخيفة و لكن حافظ على هدوئو و انحنى ليه و توجه لشاشة و هي تدخل للقاعة صاحبة الحسن و الجمال الدمية الجميلة وفاء داخلة لغرفة الاجتماعات بالمطريال ديالها باش تدير خدمتها الريكس و أمير و وفاء في بلاصة وحدة 🔥🔥🔥توقعاتكمهوسي بابنت عدوي 🕎 ♨️oumaima mega♨️ ☠183☠ دخلات وفاء لهاد الاجتماع المعلق تحت الطلب طبعا نزار يلاه دور وجههو الباب باش يهدر و يبهدل هادا لي دخل و الاجتماع بادي فاش لقاها الانسة وفاء سكت و حول عينو للريكس لي كان حاط ستيلو بين صباعو و كيطقطق بيه بكل غرور و تعالي و جميع الموظفين منظابطين قدامو بشكل جد منظم و كلشي منهدم و جدي و هو عينيه على أمير لي كان منز راسو كيكونكطي البيسي ديالو مع الشاشة و معاه الزميلة ديالو في العمل و حداهم السكرتير الخاصة بمسيو الركيس هو يقرب نزار راسو حتى لعندو نزار بهدوء : الأنسة وفاء هنا الريكس قلبو انخفق بمجرد دكر الاسم ديالها و بدون مايدور عند نزار دور راسو نيشان لباب هو داخلة بخلصة و حانية راسها طلعت عينيها في الريكس نيشان قلبها بدا في الخفقان نزلت راسها بتحفظ و حياء هو ابتاسم بشوية و رجع اللور على الكرسي و هو كيلعب بالإبهم ديالو في فمو و كيدور الكرسي معاها نزار قرب ليه بابتسامة جنب : الظاهر أن كلشي ممنوع عليه يدخل لإجتماعك المغلق من بعدك إلا الانسة وفاء لي مباح ليها حول فيه عينو و زاد وسع الابتسامة ديالو و رجع كيشوف فيها كتمشى من بين الموضفين بلبسة ديال الفام دو ميناج لي عشقها بيها للوهلة الالى هاد الطفلة غيرت لي قواعد العمل و الصرامة و خلات مجال ليها للاستثناء هي كتمشى و كتشوف في أمير بابتسامة و هو كيخدم في البيسي ديالو و هي تهدر واحد خيتي في القنت لي من لهيه من الموضفين موظفة بتعالي : أجي هزي هاد الزبل ....أمير طلع راسو لتماا حتى كتبان ليه وفاء الخطيبة ديالو الزوجة ديالو المستقبلية عيطت عليها زميلة ديالو في العمل باش تجمع الزبل قدام الزملاء ديالو و المدراء ديالو مرضاش بهاد الوضع و هو كيشوف للانظار ديالهم كتاجه ليه و ليها حس بإحراج شديد وفاء مشات لعندها باش تجمع واحد جوج ورقات تحتها مكمشين الريكس بكل برودة وجه نظرو لديك الموظفة بشكل خاص و تكلم بنبرة مهددة و خامة رجولية : هزيه نتيي ...و طلع حاجبو فيها الموظفة شافت الريكس كلمها قفزت من بلاصتها و ركب ليها الرعب في ركبتها خاصة من النظرة ديالو ليها المباشرة نزار داير ابتسامة جنب وفاء هزات عينيها في الريكس و عطاتو ابتسامة شكر لهاد الحركة لي رفعت من قيمتها كانت بمثابتة رصاصة من رصاصتها المفتنة لي كتصيب قلبو الصلب لي بين يديها حاليا ميل راسو و طلع حاجبو بتعالي كأنه كيخاطبها بعيونو لي كتغزل بابتسمتها و الابتسامة على الشفاه ديالو خير دليل حسات بهاد النظرات القاتلة و حشمت بابتاسمتها البريئة و دارت لعند أمير من وراها أمير كيشوف في السكريتيرة و كيهدر معاها في ودنها و السكرتيرة دارت ليه أاااه براسها و طلع في وفاء عينوه و زاحها بعيد وهو كيتكلم مع زميلة ديالو الاخرى وفاء مفهمتش النظرة ديالو بالضبط (كتفهمي غير نظرات الريكس ولايني تنتي بنت الكلبة ) السكريترية جايا لعندها بشكل مباشر و كتشوف فيها وفاء مسمرة كتشوف فيها السكريتيرة بشوية :تفضلي معايا وفاء : فين ؟؟؟ السكريتيرة بضحكة بزز : كتزعجي الاجتماع و مسيو الريكس كيشوف زيدي ....وفاء دورا وجهها و زادت معاها و دارت كتشوف في خطيبها من وراها كيف كيتكلم مع الزميلة ديالو باحترام وفاء : ولكن نتوما لي طلبتو من نجي ...دازو على ودن مسيو الريكس و نزار السكريتيرة بشوية : راه الانجنيور كتزعجيه و طلب منك نخرجوك ....الريكس تحولووو نظراتو نيشان لأمير قدامو و شيطان تملك صورتو كيفاش يتجرء يطرد ليه حبيبتو في ملكيتو الخاصة دور وجهو لعندها لقاها كتشوف في أمير و الصدمة و كتعلى وجهها و أمير ولا على بالو مشغول مع زميلة ديالو (رااك غادي في الخسران أحمااد خخخ )حتى خرجتها السكريتيرة من تما هو يدور ليه الريكس نيشان الريكس و نبرات تهديد و الخشونة و كيورك على الهدرة حتى عروقو ولاو بارزين : دابا مال هاد *بي وفاء على برا كتحاول تقاد الشغل مع قلبها لي كيضرها بهاد الفعل لي وقع دابا حتى لبكية شداها : هههه غيكون غير خدام ياك و خاف يدرونجا السكريترة تنهدت : شوفي وفاء نتي عزيزة عليا بمعزت لمياء و ماريا و منى ولكن سمحليا و لكن مغيرضاش هو انجنيور كبير و خدام على البروجي كبير و مربح و خطيبتو تشطب قدام زملائو وعاد قدام مدراء ديالو بجوج لي حاضرين انا تكون ختي فام دو ميناج و منرضاش سمحليااا و لكن هادي الحقيقة ....و دارت رجعت دخلت وخلات وفاء واقفة كانت كل كلمة كتقولها هاد البنت كتاكلها في قلبها واش لهاد درجة كتحشم بيه ومكيرضاش بيها و دارها بشكل واضح جدا حتى من البنت فهمتها متخيلوش احساسهاا دموع كينزلو منها و هي كتشوف في ديك الغرفة دالاجتماعات و رخات كلشي من يديها و دارت كتجري و كتبكيي الريكس دار شاف في نزار بنفس عيون جمرية متوهجة : بربي حتىنزلو يمسح للارض تحت رجليها نزار عاقد حجبانو : هادو هما *وامل لي كيكونو في لارض و كيطلعو و كيحسابليهم راسهم وصلوو الريكس مزير على يدووو و كيشوف في طبلة و عروقو برزو من رقبة ديالو و من يدو المعتصرة على الطبلة و عينووو معرقين بالحمر في اتجاه أمير فوالله كون كان السلاح في جيبو دابا كون فجر ليه راسو قدامهم بدون أي رحمة وهو كيهدر و كيشرح في الشاشة نزار مشبك يدو وهو بدورو كيشوف في أمير : غتكون تأدات بزاف من كلاموو ....هو كأن قلبو تعتصر ألما بهاد الكلمات ناض بسرعة و دفع الكرسي بعييد حتى تقلب بعييد حتى كلشي قفز من بلاصتو و أمير مافهم والوو كان كيشرح في البروجي ديالو حتى وقع هاد الستون الريكس حل لباب قبل مايخرج دار فيه واحد نظرة تهديدية كيبين ليها فيها بلي مشات ليه مايعودش يحلم بيها أمير مفهم والو في شوفاتو و كلشي كيشوف في الريكس حتى خرج من تما و نزار شد بلاصتو : يلااه نكملوو الاجتماع🕎هوسي بابنت عدوي 🕎 ♨️oumaima mega♨️ ☠184☠ خرج الريكس من تمااا هو كيشوف في المطريال ديالها كلو مليوح في الارض عفط عليهم بخطوات قوية حتى دمرهم بصباطو ووعلى مظاهر ملامحو الخوف الشديد من حالها حاليا مشا بزربة باتجاه البيرو ديالو بسرعة و الداخيلو كينادي بالاسم دايالها مع كل دقة و الخوف أنها تكون كتبكي ألم مزق الشريين ديالو ألم فضيع في قلبو خلاه يغير ملامح ديالو بقوة الالم هو يهز يدو و حطها قلبو و عتاصرو فوق الحوايج هو مزال زايد كيمشي بخطوات كبار حتى وصل لبيرو ديالو دفعو بيدو و دخل معندوش وقت يسدو كيحس باختناق شديد و كيحاول يحل الصدفة على عنقو خاصو يلقاها قبل مايتنفاجر القنبلة لي كضخ الدم بين عضلات صدرو الصلبة و هو شاد لاسوري في يدو و كيقلب في كميرات المراقبة الخاصة بيها و عينيه كيدور مع السهم بكل لهفة باش يلقاها وفاء كانت على برا الاوطيل مي مفاتتش الباب الخارجي قلبات على قنيتة مدرقة شوية و جلسات في الجنب ديالها جلست القرفصاء فحال شي درية صغيرة و مربعة يديها و الدموع من عينيها كيطحو قطرات ندى كأن حلم او أمل تحطم بين الصخور و الحزن أضحى كيدور بيها ميمكنش لأميرها لي كتبغييه يدير هاكا ميرضاش بيها و هي لي تقدر دير اي حاجة باش تكلع من شأنو عمر شي حد حسسها بالدونية ديالها حتى لدابا كانت فحال الزمردة الشقراء بين أيادي مليكة و عيسى و الدراري ضمت أضلوعها بين يديها و كتزيد في وتيرية البكا و بصوت و غمضت عينيها كتبكي كيفاش لطفلة تقبل بشي حد ينقص منها قدامهم و بدات كتنادي باسماء ملكة و عيسى و تمسح عينيها بيدها و كتبكي أي واحد فيهم يجي ينوضها من تم كيفما كيديرو ديما حتى تهزت من دراعها بقوة كان الريكس شدها من دراعها بجوج بقوة وهو كيشوف لحاجة لي كان كيخشى منها و لي كتحرق ليه قلبو و هي حاليا كتشوف فيه بصدمة و بليورتها الخضراء كيلمعو بالدموع و تعابيرو كانت كتشفق على حالها الريكس : علاش كتبكي ؟؟....و طلع يدو لحنكها كيمسح دوك لئلاء المدمعة وفاء كتشوف فيه فحالا لبا النداء باش يمسح ليها دموعها تجوزات يدو و تلاحت لأحضانو و ضربت مع صدرو و حوطت يدو بيه و انهارت بالبكا و قلبها كيعتاصر هاد الدمعات و لكن ميكونش فحال حال قلبو لي كيشوف حبيبتو بين أحضانو و هي كتظرف الدموع على واحد آخر حوطها بدراعو وهو حال عينو لأقصى قوة الغضب و كيلوم راسو هو لي خلاها ليه حتى خلاها دابا كتبكي كان عليه يكون حدر أكثر باش يحافظ عليها داتو غتنفاجر بهاد اللوم الشديد هو يحيدها من دراعو و شد بين يدو كيضغط على وجهها بعصبية و هي كتدمع الريكس كيهدر من تحت سنانو و عينيها في عينيها : مغنسمح لحتى حد يبكي ليا الاميرة ديالي معند حتى حد هاد الحق ...و رجعها لأحضانو هي توقفت ملامحها على البكا بقاو غير دموع بالصدمة حتى شكلو كان مخيف بزاااف و هي كتحس بيه كيزير عليها كأنه كيحاول يعتصر الالم ديالها و يتغلف بين عروقة وهي تحط يديها بغات يبعدو بشوية و رجعت كتشوف فيه بنفس التعابير ديال الصدمة الريكس هو كيشوف فيها و كيمسح ليها في وجهها و حجبانو مقتارنة ببعض : مابغيتش نشوف هاد دموع وفاء كتشوف فيه و كترمش و دوك الدمعات كينشفو ليها بين يدو كتشوفيه بعينها و الخفقات المؤلمة لي في قلبها كتشفى و هي كتشوف في عينيه السوداء لي كتحتاضن الصورة ديالها بعناية الريكس هاز حاجبو و كيهدر بجدية : مكنضنش غتكملي الخدمة دابا انا غنجيب ليك طموبيل الخاصة بيك توصلك للدار صافي ....كتشوف فيه و دارت ليه براسها أاه و حوط يدو على كتافها غادي بيها و هي كتنخسس و بردت من البكا وفاء طلعات راسها فيه : مسيووو محيدتش حوايج الخدمة الريكس باتاسم ليها : مكنضنش هادشي أهم من الراحة ديال الاميرة ديالي ....ابتاسمت ليه نصف ابتاسمة و باقي الحزن طاغي في ملامحها و عينيها منفوخين و حمرين و نيفها حمر بالبكا هو غادي بيها في طريق الباب الخارجي و تحل لباب و دخلت منو طموبيل البيضة كيفما خلاها هو الخاصة بيها هبط الشيفور حل ليها لباب والريكس دخلها ابتاسمت ليه و تسد الباب و توجه الشيفور لخارج البوابة دغيا الريكس قلب تعابير وجههو الحقيقية و حيد القناع المبتسم على وجههو و قلب الدورة للاوطيل ديالو وفاء جالسة في الطموبيل كتحاول تغلب الابتسامة على الحزن و تلف و تلعب بيديها و لكن دموعها كانو كيتسناوها غير تنفرد و تولي بوحدها باش تهجم عليها عاود تاني كتحاول تمالك نفسها أقصى مايمكن و لكن الامر كان مؤدي لديك الدرجة و هي كتفكر كيف كيعامل ديك لي معاه و هي طلب منهم يخرجوها علاش حيت لخرى بنفس كستواه دراسي و هي غير فام دوميناج تكات على الشرجم و كتفكر و تنهد جتى وصلات للقنتهم و خرجات من تم شكرات السائق لي كان مكلف بمهمة رسمية باش يصور حالاتها لمسيو الريكس توجهات لدارهم و طلعات لتماا دخلت كانت ملكة مكيناش بدلت حوايجها سروال بيجامة و ديباردو و تخشات في فراشها و دارت الحيط و مغمضة عينيها و تبكي حتى علنت استسلامها للنوم أما الريكس فكان في قمة الغضب الجنوني على أمير حلف عليه حتى يبكيه الدم على دوك الدموع لي نزلاتهم بسبابو و نزار كيحاول يهدأووو ما أمكن و يهدر معاه على أن هادا هو الوقت باش يحرك الريكس الحجر ديالو في لعبة الشطرنج الخاصة بالحب و يتربع على العرش و تكون ليه الكلمة .... كيش ملك🕎هوسي بابنت عدوي 🕎 ♨️oumaima mega♨️ ☠185☠ مع جوايه المغرب وفاء ناعسة و ملكة تململ فيها ملكة : انوضي ااه مامزيانش تنعسي مع المغرب وا تي نوضي راك دخلتي في الغد لييه ماوكلا ما ديقاه تكعدي وفاء يدوب تحل عينينيها كيتلصقوو و كدوي بصوت ناعس : خليني املكة علييك الله يخلييك ملكة : تي تكعدي شتك باغا تشركي ليل بنهارو ناضت وفاء مشعكة و كتحك في شعرها و عينيها منفوخين : اووووف متخليو لي ينعس يخ تفو ملكة : شفت لبستك ديال الخدمة هنا ياكما جراو عليك وفاء : حطي ليا مانحنجر بغيت نرجع النعس ملكة : تي تكعدي توكضي معايا مموالفاش ليك كنتي دوري تجري كي سلوكية وفاء : دابا غتحطي ولا لااا ؟؟؟ ملكة : تي راك مضروبة بعضم راه الماكلة محطوطة ...ناضت بلاما دوي معاها مشات جلست تربعت حدا الكبلة و بدات تخشي في وجهها البطبوط بالعسل و اتاي وبلاما تدوي جلست حداها ملكة ملكة : تي مالك مادوي موالو واش عيروك في الخدمة (مكتجوبهاش ) تي دوي يكما داك ولد غيتة دار ليك شي حاجة (وفاء كانت خاشيا دغمة في كلتا الجهتين حبست نديغ و هي ضحك ملكة ) هياا الكلب تاع ولد غيتة دارها و قلقك يلاه كوني مرااا و لوحي عليه خاتمو و جي عندي نطيب ليك دجاج في الفران وفاء دارت بضغاميها و عينيها منفوخين : خلينيي عليك ملكة ملكة : سرطي غير اش تاكلي كاك سرسطتيني وفاء مداتهاش فيها و كملت ماكلتها و ملكة تخطب عليها فوق راسها بعدا ولد غيتة خدا المعيار من عند ملكة واخا معرفاتو اش دار و لكن غير تحفن كيلو ديال المعيار و تسيفطو ليه و وفاء جالسة تما مقفولة ليها الشاهية كتاكل غير باش تنسا و ملكة و تقولي قلبت السيرة وهي الدور وفاء بزربة : صافيييي عيقتيييي صافييي ....هو يصوني ليها تليفون دارو بجوجات لتليفون فيه سمية ديال فهد و هي تنوض وفاء دغية دغية فتحات الخط و بدلات المود ديال الصوت وفاء : ألو مسيو الريكس : وفاء كيف وليتي بخير وفاء : احم ااه امسيو بخير...و كتشوف في ملكة لي كتجبد فيها عينيها و تشقلب فيها فمها الريكس : انا في البلاصة لي كنحط فيها كنتسناك أجي لعندي ....و قطع وفاء ماعرفت باش تبلات لاح ليها خمسة الكلمات في جملة وقطع ناضت دغيا بلا هواها دغيا تهبط في شعرها المشعكك ملكة : تي اش قالك وفاء : الخدمة ا ملكة الخدمة ....جمعت شعرها كعكة و خرجت دغيا ملكة : هاديك البرهوشة غتمشي الخدمة ببجامة النعاس الحماااااراااا الحماراااااا ...وفاء هاد ساعة دايرا مشية و جرية و تليفون في يديها باش توصل لعندو دغيا دار مع الدورة حتى لقاتو واقف و متكي على طموبيل وشاد تليفون بيد و اليد التانية في الجيب و كيساينها هي ولات كتجري لعندووو وفاء : مسيو الريكس ؟؟ ااريكس طلع فيها عينو و ابتاسم : جيتي ...و خرج يدو من جيبو و حوط بيها خصرها حتى دخل يدو للحمها من تحت الديباردو هي تجبدت عليه و عينيها مطرطقين فيه و تكا يسلم عليها بلابيز كيحط شفاهو الحارقة على الجنب ديال فمها حتى كترفع بهول هاديك البوسة و حطت تهيا فمها على حنكووو و ضغطت بفمها باش تبوسو حتى تملكاتو للدة و بعد وجهو عليها هي حلات عينيها فيه بدبول تام و حط يدو على دراعها بجوج كيمتسح بيهم الريكس بابتسامة: جيت باش نديك معايا ؟؟؟ وفاء كتشوف فيه : ف فيين ؟؟ الريكس : طلعي و غتشوفي ...حط يدو على خصرها تاني باش يطلعها للطموبيل هي غير كتشوف في جنابها ماعرفة حتى فين غيديها و هي لابسة هاد الشوهة و هاد البيجامة و سد الباب عليها و داار باش يحرك طموبيل و يتمشا بيها وفاء بضحكة مسطنعة و كتشوف فيه : اكيد البلاصة بعيدة ؟؟؟ الريكس بابتسامة مريحة و هو كيشوف في الطريق : ممم كنظن وفاء دارت ليه براسها اااه و دارت كتشوف في الشرجم و في الطريق دازو على طريق البحر و هي كتشوف لي كوبل خارجين و مشادين من يديهم و هي تفكر أميرها و غمضت عينيها بحزن تاني هادشي لي خلاها تغرق عاود تاني في النعاس كأنها كتحاول تملص من الواقع او شي حاجة فحال هاكا الريكس كان سايق دار بهدوء لقاها نعست ابتاسم جنب و إتاجه للطرييق السيااار بسرعة خاطفة في هاداك ليل دامس لي مخبي في طياتو أشعة ديال الشمس أصبحنا و أصبح الملك لله وفاء ناعسة على الكرسي ديال الكوسان و مغطية و الاشعة ديال الشمس كتداعب وجهها بحرية شيء لي زعجها و خلاها تحل عينيها بشوية كدور كتلقا الريكس داير نضاضر و كيسوق ناضت كتشوف في جنابها يمين و شمال الطريق مختالفة بزاف على طريق المدينة ديالهم و نقية بزااف ميتغرقش منعا الامر ثواني باش تعرف أنها ماشي في مدينتها و هي دور عند الريكس بدهشة : مسيو فين حنا ؟ الريكس دار فيها نص دورة و بابتسامة جانبية : مراكش ...و دور وجهو للطريق و خلاها هيا كتشوف فيه بصدمة