🕎هوسي بابنت عدوي🕎
♨️oumaima mega♨️
☠740☠
وقفو السيارات ....و توجهو لي كارد الخاصين بالقصر كيفتحو للسيدات الابواب ديال السيارات ...و كينزلو بطريقة ارستقراطية و اعينهم و رؤوس ديالهم كتدور بدهشة بضخامة القصر و الابداعية ديالو ...نزلت سامية و حيدت النضاضر ديالها و فتحت الفم ديالها
وفاء بابتسامة كتقتارب منهم و ضامة يديها : مرحبا بيكم ...كثالينا سبقت هي الاولة بابتسامة : اووو ههه مدام وفاء
وفاء بابتسامة : تفضلي ...سلمت عليها بطريقة متأنقة....و جاو سيدات كيسلمو عليها بدورهم ...سامية حتى هي جات بنفس الطريقة سلمت عليها و راسمة ابتسامة بلاستيكية و دخلو كيتمشاو مع وفاء داخل القصر و مطلعين عيونهم بدهشة فيه
وفاء متوثرة و كتهضر و تشوف في كثالينا لي كتشوف فيها : كنرحب بيكم مرة اخرى تفضلو تفضلوووو للهاد الصالة
كثالينا بابتسامة : شرف لينا ا مدام السمري
في الكتيبة لي مكتاسحة الشارع و كتمشى بسرعة ....الريكس داير السماعة في الودن ديالو و النضاضر في عينو ...بحواجبو منقضة
الريكس بصوت خشن و وجه جامد و هز حاجبو : واش كلشي مزيان ؟
في لندن ...في قصر عمران ...سعاد نازلة لابسة ملابس رياضية و الباندا على راسها و كتهضر في الهاتف ديالها بابتسامة : ااه ولديي كلشيي مزايان و صحتي مزيان ختى هي
الريكس حول عينو للمراية كينعاطف لليسار : واش نجي نجيبك ؟
سعاد حيدت الابتسامة ديالها و طلعت حواجبها برأفة : وصافي افهد انا بخيير هناا (سليمة دخلت من الباب الداخلي ديال القصر : راااه مدربة اليوغا جااات ...سعاد جبدات عينيها ) ولدي خاصنيي نمشي دابا
الريكس كيحرك راسو بالايجاب ببطء و كيهضر مزير على اسنانو و بنبرة تهديدية: واخا غنحتارم الرغبة ديالك و انا غادي نصبر دابا لكن غادي نوصل لوحد الحد غادي نجيبك بزز منك
سعاد بالالحاح شديد منها : لااا ا فهد انا عاجبنيي للحال هنااا (نرجس حتى هي دخلت لعندها : سعاااااد راه الكوتش كتسنا ...سعاد نزلت حجبانها فيها )واااخااا اناا جايا يلاه ا فهد حبيبي انا غادي نمشي
الريكس بشكل خامد : غادي نعاود الاتصال بيك
سعاد : واخا حبيبي (و قطعت و هي كتشوف في نرجس و سليمة ) يلاه سربيو باش منتعطلوش على الكوتش ....نرجس و سليمة جبدو فيها عينيهم و هي دازت عليهم تحلفي هي مولات القصر خلات الانفجار من موراها
في الشقة ديال نزار ....الظل مزال شاد هاد الشقية الصهباء بين يدو على الجائط و مطلع ليها تي شور و كينزل يدو مع الخصر ديالها و هو لاصق عليها و شعرها الاحمر في عضلاتو كيتموج مع المياه و فمو كيمتص في الفم ديالها بشراهة ...دفنة كانت كتجاوب معاه و لكن القوة ديالها بدات كتمشي ليها مقدراتش عليه ....ولات كتخنق بين يدو و حس بالتنفس ديالها كيضيق هو يطلقها و متص فمها و طلقها وهو كيرجع خطوات بلور و الما كيتصب عليه و مغمض عينو كيرجع في الوحش الجائع لي يقدر يلتاهمها بشراسة...دفنة بمجرد ماطلقها و وقفت على رجليها لي مبقاتش قادرة تهز بيهم لدرجة انها كانت غادي تطيح و فتحات عينيها كتنهج و داتها كلها كترجف و كيتسرط الريق ديالها و كتشوف فيه بانظار البراءة ... بمجرد مافتح عينو و طلع راسو ...هي قفزت و قلبها كيقشعر الخوف ...و هي تحادي الزجاج و هربت من قدامو بسرعة حتى خرجات من الغرفة الزجاجية
نزار دار معاها نزل حواجبو و رجعو شعرو للور بيدو : دفنننة ....خرجت من الحمام بسرعة و مشات مباشرة للغرفة ديالها كتجري و كتسابق مع قلبها انفاسها هاربة
YOU ARE READING
رواية هوسي بإبنة عدوي (مكتملة بدارجة المغربية )
Romance(ممنوع النشر او الاقتباس اية فكرة من افكار رواية حقوق النشر محفوظة من طرف التطبيق و اية وجود تطابق سيتم ازالة الحساب كليا ) ملخص هو ملك في العالم السفلي ....هو رجل اعمال مجهول ارستقراطي .... اسمه بين قائمة النبلاء ....معروف باسم الريكس ... يتسم با...
