(ممنوع النشر او الاقتباس اية فكرة من افكار رواية حقوق النشر محفوظة من طرف التطبيق و اية وجود تطابق سيتم ازالة الحساب كليا )
ملخص
هو ملك في العالم السفلي ....هو رجل اعمال مجهول ارستقراطي .... اسمه بين قائمة النبلاء ....معروف باسم الريكس ... يتسم با...
🕎هوسي بابنت عدوي 🕎 ♨️oumaima mega♨️ ☠44☠ ملكة كتهز براسها : أيه بنتي مامسحت حتى خراها بقا ليها غير تناقش في مستقبل بلدها هو : مادا تقوليين ياسيدة من انتي و لمادا دخلتي و هي تنوض وفاء بشوية هازا يديها : إنها أمي هو : هل يا معك ايتها الرفيقة ملكة : دابا انا وليت أمي الكافرة بالله دوزي حيدي من تم قبل من فرج فيك هاد الرباعة ديرين شدودا دفلسطين ملاقيين تالخدما و باغين تحرو فلسطين اامخير فيكم تلقاه غير هارب من تمارة ديال دارهم دوزي الكلبة دوزي باغا تمشي لحبس و نبدا نهزز عليك الكفف نييت هو لي بقا ليا مزرتوش في هاد دنيا تتزوريني ليه دوزي ابنيتي بشوية عليك خطوة خطوة ( وفاء كتخطوي بيناتهم بشوية و كتقرب منها و دايرا يديها مكاليا بيها لا ضربها ) زيدي ابنيتي بشوية عليك .....غير وصلات عندها و هي تسلت مع الباب هربت زعمة صحيح انها مشدتهاش في لافاك مي تجي تجي للدار زعمة مشات طلعت تخبا عند عيسى حتى ملكة حفظت بلاناتها طلعت ليها نيشان بسندالة الميكا عيا عيسى ميفك خلطاتو معاها هو يتقنت فحالو كلات قتلة ديال كلب من داك النهار عمرها عتبت في النقابة شدات الطريق المستقيم غير هو لقرايا الله يجيب غير كتاخد المنحة و مريحة كتسركل حتى سالا العام على خاطرو مدخلت حتى لعبة مشات لمنحة مبقات ترجع ...من بعد ملكة عرفتهم داو ليها المنحة حيت مدخلتش تشفات بالمزيان حيت مدوقاتهاش منها الريال (هاد جوجات ولاو فحال المش و الفار ) ماعلينا وفاء قررات انها غتقراااا مزيااان باش يردو ليها المنحة زعمة دخلات لعاام التانيي صافي معولة غتقرااا صافي غير هي ولات كتشوف علااام أخر فاش كتخرج من لافاك كتلقااا طموبيلات الواعريين مصافيين طموبيلات آخر ماكين و لي كينزلوو منهم غير الباكص صحاب لحية مطراسية و لباس الانيق زعمة كيطلعو معاهم بنات لفاااك يقديو معاهم الغراض (راكم فاهمين ) كانت ديما كتوقف في البلاكة ديال الطوبيس لي حدا لافاك و كتبقا تشوف فيهم كيبانو ليها مثاليين كووبل ناضي هو باين فيه لباااس عليه و هي زوينة بزااف و المكياج و الشعر كيطيير و كلشي لبنات حداها كيقولو ليها سعداتها هي كانت كتشوف فيهم أكيد كاين عالم آخر مختالف على العالم ديالها ميمكنش يكونو عيشين فحالها كانت فضولية بزااف اتجاههم و كتسمع لبنات كيهدرو في المدرجات على اشخاص عندهم مركات ديال طموبيلات عمرها سمعات بيهم و على اشخاص كتسمعهم كيملكو بزااف ديال الاملاك و بلي عندهم اموال طائلة هي كانت طوال الوقت كتفكر و فضولية كيف عيشن هاد الناس فعلا نرجس نجحات باش انها تبعدها على هاد العالم بشكل كاامل...طوال أربع سنوات وهي كتسمع و كتشوف على داك العالم لي جديد عليها عرفات علييه بزااف غير من افواه البنات و لكن مكانتش كتقرب ليه كاانت بعيدة و كتشوف ...و أخيرا وليس آخيرااا شدات ليصونص آداب إنجليزي تاني تعالي تشوف درب الحزاق كيف فرحانين بيها تانييي ملكة : هههه الله على بنيتي حبيبتي شدات لياا ليصونص دابا لبغات الموت تجي تجي بالحق تندوق فلوسك وفاء مشبحة دايرا يديها على المخاد مقداهااش الدنيا رافعة خنافرها لسمااا وفاء : هنتي غتشوفي ا ملكة اش غندير بهاد ليصونص غنصدمك نصدمك ملكة : هههه كنتسنا بفارغ الصبر بداي دفعي لخدامي باش يعيطو ليك وفاء : كوني هانية الخدمة موجودة و ساهلة بالنسبة لهادوك لي عندهم ليصونص فحالي ماداا بيهم تقبل بيهم وفاء و تخدم ليهم ملكة : هههه و من غدااا بداي تقلبيي ياله ....تعشاو هاد ليلة بالحم ديال البرقوق حكا ما حكا وفاء خدات ليصونص راه زردة هادي فاش سلات طلعت عند عيسى تهو لقات دراري مجموعين جيبين دوك لحليوات صغار و دايرين ليها حفلة بيناتهم فرحت بزااف جلسو ضحكوو تما و ختموها بتخاطييف على الحلوة خمسة بعدا ديال وفاء ميقيسهم حد تاسلاو و بداو يتناقشو على مستقبل وفاء وفاء : فهمتو شي حاجة تجي مع ليصونص ديالي إنجليزي عبيقة و إبراهيم و عتمان غير دافعين وجههم قدام طبلة و عيسى الوحيد لي كيفكر. عيسى : نقدر نضبر ليك بلاصة مع الحواتة وفاء : من نيتك ا عيسى واش انا ليصوووونص إنجليزي و اقوليا الحواتة عيسى : وشوفي ليصونص إنجليزي أحسن بلاصة تشديها بين الحواتة ياك دراري ....كلشي وافق وي وي وي تهيا تقناعت معاهم باش تعرفو عقل واحد سبحان الله أصبحنا و أصبح الملك للله نيشااان في المرسااا اصوات ديال طيور النورس تمااا كيطيروو و صف ديال البطواات الكباار ديال السيادة ديال الحوت وقف عيسى تمااا لابس لبسى كلها تجين و من موراه وفاء ضاربا الكحل في الكحل و جامعة شعرها كمشة و دايرا نضاضر كحلين (جايبهم ليها عيسى الله يخليه ) و سروال كحل و طريكو تهو بالكحل و كتشوف الفوق زعمة راه هي شادا ليصونص (كبرو ليها الزبلة بهاد ليصونص تهما ) ماعلينا عيسى مشا عند رايس ديال الحواتة تما هدر معاه راس في الراس صافي حتى عطاو لوفاء غدخل لبحر مع الحواتة دورها الوحيد هو تحسب في الصنادق لي غيعمرهم من بعد مايجبدو الشبكة ديال الحوت و عنداها 100 درهم في النهار🕎هوسي بابنت عدوي 🕎 ♨️oumaima mega♨️ ☠45☠ تعطاتها أحسن بلاصة تمااا جالسة حتى يعنىو الصنادق و تبدا تحسب فيهم مخيرة و نهارها طااالع رجعت عند ملكة قابت ليها على لبلان يلاه غتغوت عليها سكتتها بميكة ديال الحوت مخلط مع شحال مكلاتو شقماتو من عندها دغيا قلبت الموني ديال ليلة حوووت و بدات تشكر في وفاء و هي تلوح ليها 20 درهم ملكة ماتا بالفرحة داقت من اول خلصة لبنتها ليوما تبرعو مزيان بالعشااا الغد ليه صابحة ملكة على الصباح تشوي في الحوت و صايبت ليها الحوت لغدا في طاسا باش ديها معاها (لا تاني ا ملكة متشديش في الحاجة تاني ) ماعلينا السيمانة لولة دازت كلها حوت كلها سعادة دورات الصرف مزيان غير هي خنااازت مزييان مع الحوت و كتجي للدار كتلقا للابداع في الحوت الجوت مقلي الحوت مشوي الحوت مخضر بالبرقوق شوميشة و مدرتهاش وصلات ديك شهر وفاء شداتها القهرة حياتها مشات في منحى الحوت ولا تدور حول الحوت و تا ملكة محشمتش كين غير الحوت في الماكلة مصبح عليها النهار حتى صبحت ناعسة ممشاتش صافي غتريح عيات تحيح عليها ملكة و تقوول هي بغات ترجع عيقو عليها أوو هي ماشي ديال الحوت وااه ملكة هاد المرة هي لي غتحرك بنفسها و عرفت بلي كونكور ديال تعليم غيخرج دفعو ليها لتعليم باش تخرج زعمة استادة للانجليزية ساعة لي صكع صكع دازت في نتائج لانتقاء و مشات دوز في الكونكور في لافاك في واحد المدرج كبير فيه لي غيدوزو بزاااف و حاضينهم خمسة المراقيبين و ملكة جالسة على برا تساينها دوزات المادة لولة ديال لونكلي ناضية اصلا كتحماق هي على الانجليزية جات المادة التانية ديال ديداكتيك مادة الانجليزية (هاد المادة كتختص بتدريس مادة التربية للتلميد و كتكون باللغة العربية في اي تخصص كتدوز في هاد المادة لبغيتي طلع استاد) وفاء كتشوف في ديك الورقة و هي تهز يديها لسماااا المراقب : شنو المشكل ا انسة وفاء : يمكن غلطت في القاعة انا لونكلي ماشي عربية المراقب دار عند صاحبو : هاهو نفس الستون كيتعاود كل عام (هههه وهاد العام جات فيها )...كلشي في ديك القاعة ضحك وفاء : و مالكم بنادم ميغلطش المراقب : ابنتي راه هادا ديداتيك ديال مادة الانجليزية وفاء كتحك في راسها : مقراوهش ليناا ....بداو كيضحكو تاني (وراه عندها الحق مالكم ههه) بقات تشوف في الورقة سطيلة مكتقرقبش فاش سالات خرجات عند ملكة غير شافتها جايا كانت جالسة وهي تنوض ماجيا لعندها ملكة : وفاء بنتي امدرا وفاء: حطو لينا شي حاجة مقريناهاش حطو لينا العربية ملكة : اينا عربية ؟؟ واش قصدك ديداكتيك المادة واش محفطتيهش وفاء: و نتي كيفاش غتعرفيه و انا لي قاريا معرفتوش على اي خدمت في لونجلي ولوخرا قمرت فيها ملكة : شفتي لل عيطو ليك جي عكري. ليا بالعكر الفاسي ...و مشات هازا جلابتها وفاء : العكر الفاسي عندك فلوسو شكون كره العكر الفاسي ملكة بلاتييي ساينينييي....هاد دريرية دوزات كاع الخدامي مشاء الله مرساتش في الاخر جلسات في طروطوااار حدااا عيسى في راس الدرب و مهبطة راسها الارض عيسى شاد واحد شوية من جورنال كينقي بيها سنانو : مااال الاميرة مهبطة راسها وفاء مهبطة راسها : مبقيتش قادرة ندخل للدار بنكير ديال ملكة دور دور و تسولني واش لقيت خدمة فرعت ليا مخي هانتا ا عيسى عندي 25 عام لا خدمة لا زواج تاحجة انا والو انا زبالة فهمتههاا اعيسى انا زباااااااالة عيسى : متقوليش هاكا على وفاء ديالنا هاك شوفي في هاد جورنال ناس لي في القهوة كيكونو جالسين و كيقلبو فيه على الخدمة وفاء طلعت فيه راسها و شدات من عندو الجورنال و رجع هو كينقي في سنانو بداك طريف دجورنال بقات هي كتشوف و تقلب داكشي فوووق المستوى ديالها حتى شافت في واحد الاعلان ديال تي إس (T.S) للفنادق صغرات عينيها كان داك الاعلان في القنت لتحت ديال جورنال و مقطع منو شوية و هي تحل عينيها : عيسى شوف شوف قااالك مطلوب موجزوون ا عيسى مطلووب مجزون للخدمة في الادارة ههه كنبغيك احبي عيسى ....وعنقاتوو و بااستووو و هي كتشوف في ديك القنت ووعيسى كينقي في سنانو الكمالة فيها الاقتصاد (يعني الاعلان طالبين فيهم موجزون في الاقتصاد 😑 مسكينة ) ....ناضت وفاء في داك ليل هي و عيسى يدورو على سيبير باش يخرج ليها سيفي (عندها فيه غير الباك و ليصونص لا تجارب لا هم يحزنون ) ومشاات فرحانة كتجري عند ملكة حتى حلات عليها الباب كانت مسكينة كتشرب اتاي قفزاتها وفاء : ملللللكة ههههه لقيييييت خدمااااااا فييي الادارة ملكة ناضت على وقفتها : لقييييتيها هههه فرحيي بنتييي لقاات خدمة دياااال الادارة يويويويويويو(كانو معانقين و هي توقف ملكة ) اجي بعدا واش قبلوك وفاء بابتسامة كدير ليها لاا براسها : عاد غنمشي عندهم غدا باش يقبلوني قالك لونطخوتيان غدااا خاصهم موجزون ملكة : ااااه و فيين ؟؟ وفاء : شي فندق سميتو تي إس (T.S) ملكة : ااه فندق بلاتي بلاتي خاصكي لباس لمقابلة عمل ماخصكش تمشي ليهم هكاا وفاء : علاش ماشي فحالو فحال تعليم🕎هوسي بابنت عدوي 🕎 ♨️oumaima mega♨️ ☠46☠ في مكاان بعيد على وفاء بعيييد على درب الحزقة ولا الحزاق ولا منعرف اش كيسميوه في وحد المكان راقي وهادئ في وحد الاوطييل كيعموو سكون رهييب بشكل غير عادي و بضبط غنمشيو ل وحد الغرفة كلاسيكية أنيقة كيغلب عليها الطابع الملكي فيها غير الصوت ديال البيانو كيتعزف و الضو خااغت قدامها شرجم كبيير ديال الزاج كيطل على االاضواء ديال لمدينة كلها كيبانو الناس فحال شي نقط كتحرك من داك المكان لدرجة انو عالي و قدامو كورسي فخم هاد الكرسي مكانو و فخامتو بحداتها كتقول بلي هاد المدينة ملك لصاحب الكرسي و حداه فينجان قهوة كتفوح منها ديك الريحة الشهية كان جالس على داك الكرسي كأنه ملك سلطاان على العرش جالس بقوة وعظمة بهدوء البنية ديالو قوية جدااا بشكل مثير كان ثابت كيتأمل صورة المدينة لي قدامو بعيون غامضة مخبية ورااء نظرات فخمة لباسو كان أنيق بزااف و عملي كيعبر على شخصيتو الهادئة من حولو واحد الهالة مخييفة حايطا بيه كتخليك تحس بالرعب غير بمجرد النظر و كتعطيك تحدير من الاقتراب و السيجارة على فمو كتبين على قوة خرى فكل مرة كينفخ فيها الدخان من فمو كيسدر معاه فحال صوت النفس فحال شي نفس ديال الاسد فاش كيكون كيشوف في الفريسة ديالو كيف لا وهو الملك او بمعنى أدق هو الريكس كان أسمر ملامحو سوداء قاتمة جدا كتعبر على المعنى الكليي لرجولة جادبيتو خاصة جدا لحيتو خفيفة كتكمل ليه اللوحة الفنية لي في وجهو كان كيسمع لصوت لبيانو في ودنو كان كيتزعف بشكل منتضم حتى اختارق السمع ديالو الصوت ديال الباب تحل دخل منو شااب طويل أنييق أشهب ملاميحو جدية و جامدة بلاقياس عيونو زرقين قاتلين لا شفتي فيهم كتحس فحالا كيشن عليك الهجوم لحيتو خفيفة شهبة لباسو منهدم وراقي بزااف دخل بخطوات تابتة كتسمع حتى وصل من ورا الكرسي لي جالس فيه الريكس نزار : مسيو الريكس الريكس جاوبو بصوت كيزعزع الفؤاد : ممممم نزار ببتاسم بخبت : هي قريبة من الاوطيل الريكس بين غير شبح ابتسامة هز يدو لي متشعبة بالعروقة و مزينة بساعة يدوية رجالية حيد سيجارة من فمو و حطها فوق طفيا لي تهيا بدورها حاضرة باش تعطي لمسة للمكان ناض بكل هدوء ووفخامة قاد الكوستيم ديالو و دار و اتاجه بهدوء الجيهة ديال الباب و من وراه نزار كتسمع غير خطوات أقدامهم المتماتلة لي كتزعزع نفوس الحاضرين خرج من ديك الغرفة بكل هيبة كتخطف و من جنبو الايمن نزار و ضهرو جوج لابسين ديكوستيم بالكحل ملامحهم جامدة بشكل مخيف و كيتمشاو باستقامة فيما كيدوزو من حدا الناس بطريقة غير عادية و غير مريحة كيتعطاهم الطريق خرج نيشان من الاوطيل بلامايتلفتو في حتى حد كان متاجه لوحد سيارة فخمة مريبة كلها كحل تحل ليه لباب من قبل أحد الحراس دياولو و طلع تما و سد الباب و إنطاالق بواحد السرعة كاريتية طموبيل كطير مابين الشوارع ماشي غير كتمشى كانت تعابير وجهوو هادئة عينيه مفكسيين في الطريييق و بدون سابق إنظاار قلب الدورة ديال طموبيل ووقف وهو كيشوف قدامو شقات طريقو ابتسامة مخييفة جداا ...كانت قدامو مجموعة ديال البناات هو عينيه على وحدة فيهم كانت في طرف كضحك شعرها مصبغااه بالحمر و المكيااج في وجهها كثيير بزااف طاي ديالها مثالية لابسة سايا قصيرة بزااف بالكحل و جاكيط ديال الكوير وشادا من ساك و سباط طالون و كتموت بالضحك هو يخرج بكل هدوء و دار يدو في جيبو و كيشوف لجيهتها بنظرات تابتة حتى تلفتات وحدة فيهم و طرطقاات عينيها فيه كتشوف الكريزما بحد داتها واقفة و عاد طموبيل و لباس ولوسامة البنت 1 : الله ياربي غنسخف يارلي البنت 2 : اويلي مالكيي البنت 2 : دورو تشوفو ....دارو البنات بنفس اللفة في جيهتو و توقفت أنفاسهم قلوب بدات بالخفقان في ديك الساعة البنت 1 : نااريي واش كيشوف لجيهتنا البنت 2 : لا لا كيشوف في نازليي نازلي كتشوف فيه و أنفاسها كطلع و كتهبط كانت عينو في عينيها بشكل مباشر البنت 1 : اه اه واقيلا كيشوف في نازلي واش كتعرفيه البنت 2 : سيري لعندو اصحبتي نازلي ولات غير كترمش لسانها مقادش ينطق و لا عقلها قادر يستوعب أن واحد فحال هاداك غيشوف فيها البنت 1 : يلاااه تحركييي اصحبتيي...و دفعوها اتجاهو هي كتشوف فيهم و كتشوف فيه كيشجوعها درية كأنها منومة مغناطسيا حتى كتقرب منو و كتحس بشي حاجة كتشدها ربما الشخصية كتأثر عليها هنايا هو يبتاسم ليها باش يسمح ليها تزيد تقرب ليه كثر و هي ترد عليه زعمت حتى بينت سنانها و عينيها حالاهم فيه الريكس بصوت حجري : سلاام نازلي كتقرب منو : س سسلام الريكس صغر عينو فيها : قربي نازلي مكانش عندها إعتراض قربت منو هو تهز على طموبيل و حل ليها الباب هاد الحركة كانت كفيلة باش تخليها تزيد و تطلع معاه بدون أي اعتراض غير طلعت تما حول ديك الابتسامة الى نظرات قاتلة كفيلة انها طيح منك النص نازلي كانت كتعلاها ابتسامة فرحة متصورش دار هو و يطلع حداها شعلو الفرات لورانيين ديال الطموبيل كتعلن انطلاقها
Oops! This image does not follow our content guidelines. To continue publishing, please remove it or upload a different image.
