رواية هوسي بإبنة عدوي (مكتملة بدارجة المغربية )

الاحزاء السابع و الخمسون

🕎هوسي بابنت عدوي 🕎
♨️oumaima mega♨️
☠241☠
البوابة الضخمة المطوقة بالحراس اختل بعض الخوف هاد المرأتين و ظهرت على وجوههم العلامات الخوف
ملكة مخرجة عيني : أربي
وفاء دارت عندها : ملكة بلييييز لي فيا كافيني ...نزلو من تما بهدوء خلصو مول طاكسي بالفلوس لي عطاها ليهم عيسى و نزلت ملكة لابسة جلابة و حازمة راسها بزيف ووفاء حداها بلبسة البارح تقدم عندهم احد الكارد مسلح وفاء تخشات في دراع ملكة
الكارد بوجه مخيف : شنو كديرو هنا
ملكة مدات ليه ديك البيطاقة : هانتا اولدي عطاونا هادي لبارح سنينا الكونطرا باش نخدمو هنا سناتها الدرية بنتي معاكم
الكارد : لي كارط ....جبدو بيطاقات التعريف ديالهم و خداوها من عندهم في جيوبهم و تحلت البوابة ديال القصر كأنها بوابة الجنة و توجهو بخطواتهم المترددة و افواههم للمفتوحة للداخل و تسد الباب من موراهم و هي تقفز ملكة من حدا بنتها و شهقت
ملكة : اربي ربي
وفاء : خلعتينيي املكة معيقة تنتي
ملكة : ولاهيلا ركبييا محشيين ....غادين ببطئ شديد في ممر طويل باتجاه القصر و كيشوفو جنابهم و اليخضورة و البساتين و ناس كتخدم فيهم وهي تخرج خادمة جايا لجيهتهم بابتسامة
ملكة : يمكن هادي رئيسة الخدم هي لي غدخلنا
وفاء : و مالين الدار
ملكة : مالين الدار غتشوفيهم غير في احلامك دابا نتي غتعاملي مع الخدامة لي على منك ماشي مالين الدار هاهيا جايا ضحكي ضحكي
وفاء : على سواد عيونها
ملكة : تي ضحكي ...ضحكو ليها بجوج ضحكة اسطناعية
الخدامة : نرجس ووفاء ياك
ملكة : ااه ابنيتي
الخدامة : تفضلو معايا ....زادت هي القدام و هما وراها حتى وصلو لباب الدخلي الرخامي المفتوح الارضية كأنها محيط لشدة ديال الازرق الداكن لي في رخامتها وطأت اقدامهم تما و حالين عينيهم
الخدامة حنات راسها : هاهيا لالة جايا ....ملكة حنات راسها بهدوء و وفاء كدالك قلدو الخادمة كدلالة على الاحترام ...وهاهيا سعاد نازلة من الدروج ديال القصر ديالها بكامل أناقتها جميلة هاد المرأة و راقية كتمشا بحداءها العالي حتى نزلت من الدروج و عينيها على السيدة السمينة لي لابسة جلابة مبهدلة و الانسة الشقراء لي حداها نزلات عينيها بشك و الابتسامة على الشفاه ديالها و رفعت اصبعيها كإشارة باش تنساحب الخادمة و هي كتقرب منهم ووقفت وفاء و ملكة موطئين رأسهم ليها " أاااه كم أكرهك يا دنيا فلتدهبي للجحيم "
سعاد بعيون الشفقة و هي كتشوف فيهم و بصوت أنثوي : نرجس ؟؟
نرجس تصارعت نبضات قلبها ببطء شديد طريقة نطق الاسم كانها وحدة كتعرفها رفعت عينيها ببطء كتشوف فيها و هي تجبد عينيها لأقسى حد و هي فاتحة فمها و قلبها أوشك على الخروج نفس الملامح نفس كلشي هي نعم هي ...و سعاد كتشوف فيها كتجبد ملامح نرجس من بين هاد الغلض الشديد و هي تبتاسم بسخرية و هي كتطلع فيها و تنزل : ههه مستحيل هادي هي نرجس ...وفاء رفعت عينيها فيمهم كالاطرش في زفة و هي كتشوف في المرا و كتشوف في ملكة ...نرجس نزلت عينيها بكبرياء وخوف و كتلعب بعينيها
سعاد : داز وقت طويل انرجس اش هاد لحالة كنظن الايام دارت دورها بيما فيه الكفاية و وو خلات ليا تانا حقي ...بابتسامة جانبية خبيتة وفاء كتسأل كيفاش نرجس الوضيعة غتعرف مرا فحال هاكا نرجس كتسمع و كتاكل بيديها بتوتر كتنبش في عقلها الدكي على خطة للفرار
سعاد رفعت لوراق بين يديها : دابا نتي حياتك بين يدي أنااا(طلعت فيها نرجس عينيها حالاهم و كتشوف في الوراق ) شحال كنتي دكية ولكن البغلة ديال بنتك مخداتش درة من دكاءك سنات على وكالة حياتكم ليا أنااا دابا غنخرج فيك الموت ديال راجلي ...نرجس دارت دغيا عند وفاء و كتنفس بسرعة وفاء كتشوف فيها بتعابير الاستفسار مفاهمة والو مسكينة هما يسمعو صوت خطوات صلبة استحودت على المكان بقوة و ببكئ كتمشا
سعاد بابتسامة دارت لعندو : حبيبيي....طلعت ملكة وفاء راسهم و دارو بجوج في دقة وحدة بشكل متزامن و فتحو عينيهم
الريكس داير يدو في جيب كيتمشى بشوية و بتبختر و وعلى وجهو طبقة البرودة الشديدة لي نزلت لتحت الصفر ملامح جد مجمدة كأن شيأ لم يقع من قبل
نرجس حلات فيه عينيها لأقسى حد كتشوف فيه هادا ااه هادا فهد ولد توفيق هو الريكس المدير ديال بنتها لي طرق بابها قبل أيام تم الانضحاك عليهم نزلات راسها بشدة ووفاء مزال كتشوف فيه و الصدمة كتغطي على وجهها وهو كيبادلها بنظرات مظلمة شديدة السواد تضاهي الثقب الدودية وهي تلملم بشفاهها بثلاة حروف : ف ه د ...و رجليها تحركو لعندو و هي تحط نرجس يديها على دراع بنتها بقوة و هي مهبطة راسها لأرض ....يتبع 😔🕎هوسي بابنت عدوي 🕎
♨️oumaima mega♨️
☠242 ☠
هو يستقم نظرو الحاد المخيف على الخليلة الشقراء لي كانت قبل يوم حبيبتو الجميلة لي هي نفسها الطفلة ديال داك السيد لي كان كيمقت الدكر ديال الاسم ديالو حتى هي صاحبة الندبة كيرمقها بنظراتو.. الموت يشهد على أنها تجاريه دبت الرعب في نفوسها و عينيها الشبيهة بشجر الخيزران توسعت و ارتاعبت و رجعت للوراء و ملامحها مدهوشة و مرعوبة كتسول على شنو واقع الان هو يرعبها أكثر فخامة صوتو الغليض هو كيخرج الكلمات من قضبان سنانو
الريكس : مسيوو الريكس ... هادا هو ردو على نعتو بإسمو بتلك الطريقة لي أججت احاسيسها المؤلمة نرجس تشابكت عليها الافكار و هي كتحاول توجد فكرة او خطة باش تنقد راسها او بنتها على الاقل وفاء عينيها مكيرجعوش لبلاصتهم و هي كتشوف فيه زاح نظرو عليها بهدوء و توجه للغرفة ديالو كمحاولة منو يسيطر على قلبو المتمرد لي كنجارف ليها أكثر بطريقة نظراتها لجد البريئة اللعنة ستقوده الى الجنون عض على سنانو بقوة ضفط و قناع البرودة كيتلاشى
و سعاد واقفة بابتسامة عينيها على نرجس بشر و اخيرا جات بين يديها طلعات يديها الفوق و صفقت جوج ديال تصفيقات ....خرجو لخدم صفوفا صفوفا باستقامة واحد و على رأسهم مدبر المنزل وفاء منزلة راسها كتفكر ديك النظرة المخيفة لي كان كيشوفها بيها مدا يحدث بالظبط شنو لي تغير بظبط دارت نصف دورة عند نرجس لي بدورها حانية راسها و مزيرة أكيد هي عارفة علاش هنا على ما تظن
سعاد دارت عند مدبر المنزل بابتسامة : كنظن وقت عملكم سالا مع السلامة ....حناو راسهم ليها بانتظام و توجهو بصمت للخارج نرجس غمضت عينيها بقوة ادركت جيدا أنها هي و بنتها غيديرو عمل هاد الخدم سرعة البديهة عندها عالية على عكس بنتها لي غير كتشوف و هي تدور عندها سعاد
سعاد بابتسامة و الهضرة مبععكة : نرجس (طلعات فيها عينيها الزرقاء ببطء ) لكوزينة لهيه نلقاك تما نتي وهاد بنتك ....و قلبت عينيها ...نرجس تنفست الصعداء و عينيها كتلعب كابحة إحساس الغضب حاطة يديها على دراع وفاء لي كتشوف في في سعاد و هي تحني نرجس راسها و جرت بنتها لعندها و مشات لاتجاه لي شارت ليه سعاد بعينيها و تمشات قدامها حانية راسها و سعاد غتنفجر بالفرح و هي كتشوف فيه موطأة رأسها ليها فرحتها مكتوصفش
الريكس متكي على الكرسي دالبيرو لي في الغرفة ديالو مغمض عينو و رأسو ملقى لسماء كيستعد السلام ديالو الداخلي بعد نشوب حروب مزالت قائمة بنيرانها المشتعلة ووجهها لعين مكيفارقش مخيلتو او بالاحرى مبغاش يفارق مخيلتو المنحرفة كانت خاصها تدخل للقصر كزوجة الملك ماشي كإبنة عدوه أي عقاب هادا جهنم أرحم من تسلب منو جنة الشفتين ديالها حل عينو الغاضبة في السماء صدرو كيتنفخ بقوة الغضب خاصو يكرهها دابا انتفض من الكرسي ديالو بسرعة قبل مايشتاق أكثر للمساتو المنحرفة
توجهت نرجس بعيون غاضبة و هي جارا بنتها للجامدة بهاد الصدمات للمطبخ لي كان واضح من البوابة ديالو الواسعة ....جدرانا بيضاء أرديتها مرآت رمادية و الاضاءة منتشرة في الارجاء وواسعة سعة البحر مجهزة بأحدث تقنيات الطبخ و منظمة بشكل كبير اغتاصبو بدخلهم المنظر و تما دارت نرجس بغضب شديد عند وفاء
نرجس كتغوت : هربت من هاد العاااااللم تا عييييت و بغبائك رجعتينيييي لييه ودخلتيييه لدارييي من الفوووق (و شادا من دراعها و كتنخد فيها بقوة ووفاء كتشوف فيها بتعابير باكية مستغربة ) واااش عند موووك شييي عقل سانيااا على ورقة ديال الموت ديالناا
وفاء : مفهمت وااالووو شنو واقع
نرجس بغضب : لي واقع هما هاد الناس راجعين باش ينتاقموو للتوفيق لي لمات
وفاء بعصبية : و انااا عارفة شييي توفييق
نرجس طلقت منها بغضب شديد و كتشوف فيها و كتكتم غيدها عليها
وفاء : تي دوي تي كتخنزريي فيااا
نرجس تنفست الصعداء : توفيق رجل هاد سعاد الخدامة كانو خدامين عندنا
وفاء : ملكة ربطي السلوكية راه ماشي وقت الضحك هادا ...نرجس تعصبت شداتها من شعرها : المووك انا كنضحك حيت مكتيقيش بيا اما كاع منوصلو لهاد لحالة
وفاء : اي اي ملكة طلقييي
نرجس طلقت منها : ايه باك سعد بن جلون الاسم كان كافي باش كلشي يقولك شكون كان رجل اعمال غني بزاف و هادو كانو خدامين عندنا سعاد كانت الخدامو ديالي وتوفيق كان خدام عند باك ووووو (تفكرت انيس السخفة ركبتها ) ووو وقع بيناتهم سوء تفاهم على اساس أن توفيق شفار وجرينا عليهم يمكن بسباب هاد الحادثة مات هو ووو تبعو سعد وهاهمو رجعو ينتاقمو....وفاء واقفة كتشوف فيها بصدمة كتستوعب داكشي لي كتقول نرجس
وفاء بعد صمت قليل : واش بصح مسيو الريكس وولديه كانو خداميين عندنا (جوبتها بامممم و هي كتخمم ووفاء عاود سكتت مدة و هدرت )وهاد سعد مات مخلا لينا لا ورث لا والو خلا غير الاعداء قتل سيد و خلانا حنا نتعدبو من وراه و ماعرف مايقتل غير بات مسيو الريكس
نرجس بغضب : سكتي لا يسمعوك وحنا مقتلنا حد تباك تعرض المؤامرة و هو مات بسبابها
وفاء تفكرات نظرات الريكسالمخيفة قلبها ضرب ضربة قوية : انا انااا غ غ غدي نمشي عندوو نقوليه انا مدرت والووو نتوما لي درتو انا مكنتش
نرجس : كون تفكري اش درتي ليه نيت هاد مسيو الريكس يدرك خاطرك تبتي الارض مغيتقنا حد خاصنا نفكرو فشي بلان باش نخرجو معرفتش لحداش كتمتد قوة ولدهاا
وفاء جلست فوق واحد الكرسي طويل : دابا مسيو الريكس كان خدام عندنا حناا واااو لكنتي كدوي على القوة كتشوفي دوك المسلحين براا و القصر و كتهدري
نرجس كتفكر بجدية : داك ولد غيتة يقدر يفكها لا تزوجتي بيه يقدر يبطل ديك الكونطرا او شي حاجة فحال هكا و تقدري تخرجي نتي بعدا
وفاء كدور عينيها في الارجاء : تفارقنااا
نرجس دارت عندها ببطئ : و علاااش البغلة
وفاء كدور في عينيها و هزات كتفها: متفهمناش... نرجس شادت من راسها عليها🕎هوسي بابنت عدوي 🕎
♨️oumaima mega♨️
☠243☠
في غضون ثواني كان القصر الجنة خالييي من أي خادم و خادمة مسافة عرض و طول لا يأوي ولا خادمة توجهات سعاد بابتسامة جانبية و كتطقطق بكعبها العالي في الارضية و هي متاجهة لعندهم لي كوزينة نرجس كانت كتهدر و هي تسمع خطوات و هي تسكت و هي تدخل سعاد بتكبر و ابتسامة عريضة كتشوف في نرجس
سعاد : كيف جاك القصر ديالي زوين ...نرجس كتشوف فيها و كترمش خاصها تسايرهاا
نرجس حنات راسها : إيه الالة زوين
سعاد جواجبها قفزو الى الاعلى : لالة ؟؟ هههههه مزيان تعرفي مستواك من الاول
نرجس حانية راسها وفاء مكتحنيش كتشوف فيها و ترمش و سعاد كتقرب من نرجس ببطء حتى وقفت قدامها نرجس ولات غير كتشوف سباطها و هي طلع يديها بشوية و بدات كدوز على حناك نرجس و دراعها و كتنهد : هههه نرجس هههه ممتيقاش بلي نتي بين يدي وكنقيس فيك ....وفاء كتشوف فيها شوفة ناقصة يحساب ليها حمقة اما نرجس غير كدور في عينيها بانت ليها سيدة ممتوازناش عقليا و هي طلع ليها راسها فيها
سعاد بابتسامة عريضة : دابا غتوجدي ليا و لالملك ديالي غداا و بغيتو يكون متنوع و راقي كيليق بالمستوى ديالنا غنخلي ليك ساعات بينما موصل لوقت ديال الغدا ياويلك و منلقاهش كيف بغيت غنفشك انرجس ....خرجت عينيها في نرجس نرجس تهيا حالة فيها عينيها و كدير ليها ااه براسها
وفاء كتشوف في سعاد كيف محتاضنة نرجس و وسعت ابتسامتها و خرجات كتمختر في المشية
وفاء واقفة كتشوف فيها : ولايني هاد سيدة حاقدة عليك ا ملكة و مبعكااا مع قبها
نرجس بجدية : وفاء عاونيني في تقطاع لبصلة ...و دارت لبوطاجي كتجبد في الاواني بزربة و تقلب عليهم دغيا خاصها تسايرها حاليا باش تمكن من تملص
وفاء كدور راسها يمين و شمال : منين غنجبد البصلة
نرجس بزربة : قلبيييي
وفاء ركبت فيها الرهبة ولات غير تمشي و تجي في الكوزينة حتى نسات حتى علاش كتقلب و بقيتي هنا الالة ملكة مع هادي
في الاوطيل ديال الريكس ....أمير جالس في البيرو ديالو مشبك يدو فوقو و مخنزر و نضاضرو ماشي في عينو حيت هرسهم و قدامو ظل الشيطان جالس و متكي على الكرسي و الابتسامة ديالو واخدة وضعها كجنب
نزار : وايلي اصحبي غتبقا مكتآب على ود فام دو ميناج متستاهلش هاد الحالة تبعت الفلوس
امير الحزن العميق باين من ملامحو عليها و لقطة ديال عناقها للريكس مكتحيدش من بالو و هي دخل حنان كتلوى بشطابة و بابتسامة غير شافت نزار و هي تحني عينيها و دخلت كتشطب و مرة مرة كطلع عينيها في أمير
نزار شاف فيها و نزل حواجبو بشك و الابتسامة على شفاهها
نزار : كنظن أمير غاصك نسا ديك البنت و انا عندي ليك الوصفة الفعالة ...و ابتاسم بجنب و هو كيشوف في حنان لي طالقا ودنيها معاهم
نزار موجه كلام الحنان :يمكن ليك تخرجي ...نزلت راسها و خرجت من تم
أمير : كيفاش وصفة امسيو نزار
نزار بضحكة اظهر بيها انيابو و الوسوسات كتخرج من فمو : غندبر ليك موعد على حسابي باش نخرج صاحبي من الازمة ديالو ......و ضحك فحال شيطان من جديد
نرجس كتوجد الماكلة في الطباسل و كتنضمهم بديكور جميل زوينة و بشوية ووفاء واقفة حداها دايرا يديها على جنابها.. حدها قطعت بصلة وحدة بكاتها في عينيها و هي تعطيها نرجس تكمل
وفاء : وتنتي زدقتي بنت الحرام املكة لما تحكيتي متعطي كامونك دابا كون كنا لهيه كون هلكتيني بالعدس
نرجس منغمسة في عملها بجدية : غتهزي الطباسل و غتحني راسك الارض حطي هادشي و رجعي للور شوية ووقفي
وفاء بملل : دابا واش غنبقاو هنا
نرجس : قوليها لمخك الكلب فاش سنيتي هزي داكشي و تبعيني....هزات ملكة الاطباق منوعة في واحد العربة زجاجية صغيرة و مشات و من وراها وفاء
وفاء بصوت خافت : عارفة فين غتحطيهم ولا غير غادا بينا نرجس : والله ماعرفت فين الطابلة دالماكلة
وهي تنزل سعاد من الفوق : كنشم ريحة الكلاخ واش لهاد درجة تكلختيي انرجس ولات عندك الشحمة حتى في عقلك راااه لا طابل لهيه ...وشارت بصبعها
نرجس حانية راسها : واخا الالة
توجهو لوحد المكان معزول المائدة دايرين بيها كراسي و فيها أواني من كريسطال وكتوجها ثريا من كريسطال هاد المكان جد فخم و كلاسيكي في الجدران لوحات لأشهر الفنانين توجهات لتما نرجس بسرعة و بدات كتنزل بهدوء الاكل على الطبلة ووفاء من وراها كتنزل تهيا و كتدور في عينيها و هي تجلس سعاد في الكرسي الجانبي و كتدور عينيها في الاكل المحطوط صدق القول ملقات متقول و كطلع فيها عينيها بحقد شديد الامر الجدير بالدكر أن السيدة سعاد تغار بشدة من نرجس و هي تهز عينيها في الوقت تماما بشكل منضم الريكس كيتمشى بهدوء في اتجاه المائدة وجهو بارد جدا و بؤبؤ عينو الاسود كيلتاهم أسيرة قلبو لي كتنزل في المائدة الاطباق و كتسترق النظر لسعاد بخلصة و دورت عيونها الخضراء إتجاهو هو يرمش بكل هدوء و ببطئ شديد وحول بؤبؤو لعين للمائدة تصرفاتو تتمرد في وجودها و كتخرج على السيطرة حبو الاحتضانها من الوراء و المداعبة ديالها كتقتات على أفكارو غضب من أفكارو دخليا و اشتعلت نار الحرب في قلب الاسد من جديد و هي كتشوف فيه بعيون ترجي و قلبها كيخفق لسيادتو هو المولى الاصيل ديالو و في جعبت عقلها كلمات بغاتتاكد بيهم بلي معندها حتى دخل في هادشي تبعاتو بعينيها حتى جلس في رأس المائدة كالمولى العليل و دار ابتاسم لسعاد كيغطي على غضبو من نفسو
الريكس : ملكتي فرحنة ؟؟...سعاد عينيها كيلمعو بفرح و كدير ليه اه براسها
وفاء هزات طبق من العربة بخفة و طلعت عينيها في سعاد و عين في نرجس و مشات من ورا العربة و نرجس🕎هوسي بابنت عدوي 🕎
♨️oumaima mega♨️
☠244☠
و استقرت حداه كتحط الطبق و تحنات كترمق وجهو الوسيم لي كتخللو بعض العروق بنظرات تترجى هو معطاهش النظرة كتفى للابتسام للأم ديالو و نزل الاكل ديالو كأنها غير موجودة في الاصل و على شكلو كل السكون الخامل رفع الشوكة و الموس و دخل في سبات الصمت كياكل " توقفي عن إرماقي بتلك النظرة البريئة التي تغضبني للحد الشهوة أنت عدوتي و انا لك شيطان مبين : هي حطت الطبق و نظراتها على حالها و رجعت لوراء باش ترجع فحالها للكوزينة و هي تشدها نرجس باش يبقاو واقفين إنه الاتيكيت ديال الخادمات واقفين بسكون
تبات ااريكس و عيونو على الاكل الطريقة اللبقة الراقية الهدوء الكلي و حداه سعاد تنتمي للنفس الطبقة كتاكل و كترفع في نرجس عينيها باغا تشوف فيها نظرات الغيرة ليها
كانت نرجس الدكية ساكنة و عينيها لأسفل في جعبة رأسها خطة ووفاء حداها كترمق مولاها بنظرات من البراءة كتنتاظر رفع انظارو الشديدة ليها باش يقرا كلمات عينيها بلي هي مدارت والو و مكتعرف والو على هاد الحادث و لكن المسكينة ملقاتش مرادها مع جبل الجليد هادا حتى توقف على الاكل رفع المنديل ديالو الابيض و حطو على فمو من بعد حطو على المائدة و استأدن من سعاد و نهض من الكرسي بكل قوة و مر عليها كأنها مجرد شبح لدرجة انها شكت في راسها واش موجودة خاصها بضرورة تهدر معاه موحال أنها تبقى على هاد الحالة خاصو يعرف خاصها تستاعد اهتمامو ...تمشى هو ببطء شديد للغرفة ديال كيلعن في راسو لي كاد يفقد السيطرة و ينوض ينهال عليها بالقبل و هي كترمقو بعيونها لي طالما تأسر في خيوطهم الخضراء قبضتو شديدة و قبضة قلبو أشد أنيابو مكشرة كيضغط على سنانو دخل يستنجد بالوحدة باش تعيد ليها سلامو الداخلي من جديد ....وفاء حنات راسها باسى
سعاد كلات وشبكت يديها مع بعض كتشوف في نرجس بابتسامة : نرجس
نرجس : نعام الالة
سعاد : غنوجد راسي باش نمشيو نديرو الخير واخا
نرجس : امرك الالة ....قلب نرجس كيخفق نبرة سعاد ولا طريقة كلامها ماكدل بلي هاد الخير غيكون ضرر ليها
سعاد كتشوف في نرجس و كتبتاسم و دارت تشوف في وفاء لي اصلا دراتها رجليها بالوقيف و كتميل
سعاد بحدة : اييه نتي استاقمي.....وفاء و نرجس طلعو فيها عينيهم
وفاء كتشوف فيها : أاا نا
سعاد : اييه نتي وقفي مزيان ...وقفت وفاء مقادا كتشوف فيها
سعاد كتبعكك في الهدرة : نتيي بغيتك تخملي لبيوتة واحد واحد و انا غنجي ندير من موراك لا فيزيط و نشوف خدمتك كدايرا ....نرجس غير كدور في عينيها باغا تحمي بنتها من شر هاد المخلوقة وولدها لي وجودو كيرعب الحضور الله يعلم بافعالو وفاء غير كتشوف في سعاد و دور تشوف في نرجس
سعاد دارت عند نرجس : نهبط نتي للقاك واجدة يلاه ...وناضت من تم كتمشي رافعة راسها للسما حتى اختفت عن الانظار تما قربت نرجس ووفاء من المائدة غيجمعوها مع باقا عامرة
وفاء : واش انا غنجمع هاد البيوتة ديال هاد دار كاااااملة من نيتها ...و هزت من طبسيل و خشات في فمها كتندغ و كتجمع بيديها الاطباق
نرجس كتجمع و كدوي : صبري ديري داكشي لي قالت ليك نتي اصلا لي جبتينا لهنا
وفاء : وصافي ا ملكة عيقتي عليا راه مسيو نزار لي خلاني نسني
نرجس وقفت و شافت فيها : تي شكون هادا ؟
وفاء : المدير ديالنا ثاني ديال مسيو الريكس
نرجس رجعت كمل بتنهد : ايييه مسيو الريكس لقاك بغلة دغيا لعبو بيك كي الكورة
وفاء بغضب : مسيو الريكس ماشي هكاك
نرجس : و هادشي شناهو ؟؟
وفاء بتعابير باكية : وراااه نتوما لي قتلتووو بااه انا مالي من هادشي
نرجس خرجت فيها عينيها : هاعار ربي ماجمعي هادشي و سكتينا
ماعلينا بداو كيجمعو بهدوء و الصمت سلطان المكان وفاء شاردة في افكارها عندها امل وو نرجس شاردة في هاد العمل الخير لي قالت سعاد ليها ما فتئت دقائق حتى كانت نرجس كتغسل لماعن و وفاء جالسة في الكرسي الطويل حتى ختارقت المكان سعاد بملابس الخروج دخلات على غفلة منهم
سعاد كتشوف في وفاء : شفتك جالسة ؟؟(وفاء دارت وشافت فيها ووقفت و كتشوف فيها ) حني عينيك فاش نكون كنشوف فيك ....وفاء كتشوف فيها و هي تجي نرجس لصقت عليها في الجنب كتقرص فيها باش تحني راسها حتى وطأتو بشدة القريس
سعاد : يلاه بغيت البيوتة كلهم يكون مخملين و نتي تبعيني
نرجس : واخا لالة ....و دارت سعاد كتمشى للخارج و نرجس قلبها كيضرب بشدة و مشات من وراها بعدما تحلفت على بنتها باش دير داكشي لي قالت وفاء شادا من جنبها و كتحسس القرصة ديالها
وفاء : ايي مال هاد العقروشة و ملكة تجمعو عليا بففف الاوطيل و مكنتش نخمل هاد قوت البيوتة خرجت من الكوزينة كتقلب على غرفة التنظيف كاع البيبان كيتشابهو بقات حل سد حل س حتى طاحت فيها كانت قريبة من الكوزين بمثابة خزانة ممتلأة بالاجهزة ديال تنضيف هزات شطابة و نياشة و بدات يابسم الله الغرفة لولة دخلات ليها فيها مائدة عريضة و دايرين بيها الكراسة و الديكور كحضارة أروبا الكلاسيكية دخلات كتمنظر حدها قادت كرسي و خرجت دخلات لثانية فيها صال فخمة واسعة ديال الثلفازة
وفاء : واي واي فين عيشين بشاخ ...شطبت تم واحد القنت تفو نسات البالة ماشي مشكيل خشات تشطيبة تحت الطابي هاهو الغش بدا يبان في الشقا🕎هوسي بابنت عدوي 🕎
♨️oumaima mega♨️
☠245☠
دازت لغرفة لي منبعدو حركات نياشة في الحيط و خرجت حتى دوزات تقريبا شي 15 غرفة وباقي متحدوش
وفاء وقفت شادا من ظهرها و حاطة يديها على الحيط : ايي ضرني ضهري اووف ياربي راني مكملت حتى ربع جوج دناس ديرين ليهم هاد بزاف دالبيوتة اووو ....
بالنسبة لسيدة سعاد فركبت في سيارة سوداء خاصة و نضارات سوداء في عينيها و كتلعب بشعرها القصير و رجل فوق رجل و نرجي مجلساها حداها بزيفها و جلابتها كتدعي دعوات خافتة بالرحمة .....
سعاد كتهدر مع السائق : يلاه توجه ليا للمصحة العقلية ....بدات تراود نرجس افكار سيئة و قلبها كيضرب ...انطالقت السيارة ديال سعاد مع خلية سوداء حامية ليها لخارج القصر ...
وفء ارتاحت شوية و دارت تكمل ولات غير تحل طل على الغرفة و تسد تحل تاني طل و تسد حتى وصلات لوحد الممر منعزل واسع عليه بساط اسود ممتد على طوال الممر و الاضاءة خافتة و اخر الممر باب أسود قلبها كينبض بخفة و هي كتمشي ببطئ على داك البساط المحدور و عينيها الخضراء مفتوحين في الباب حتى وقفت قدامو و دقت دقات بتردد ودنها محطوطة على الباب كان الصمت هو الشيء الوحيد لي كتخلل ليهم هبطت يديها لباني دالباب وحلاتو بشوية و هي كتستنشق منو رائحة ااريكس الرجولية انتاشت من هاديك الريحة لي داعبت انفها للطيف باش تبتاس ادن هادي هي غرفة الريكس حلات لباب بتردد و يديها كترجف و عينها لؤالؤ زمردية كتحرك يمين و يسار كان غرفة رجل واسعة الامد مكتاسحة مساحة عريضة من هاد القصر شكلها الاسود غريب كانت كتركز على بوابة اخرى مسدودة و شكل الدائري لسرير بغطاء مبعثر باللون الاحمر مع بعد قننات الخمر في الجوار وطأت جرءة القدم الخادمة الوضيعة غرفة الملك و هي كتشوف بعيونها هاد الغرفة الخاصة برجل لي كل زاوية من زوايا هاد الغرفة كتمثل الريكس و هيبة الريكس عضلات ااريكس اهتمام الريكس قبلات الريكس تهندت بأنوثة و استدارت من وراها و هي تقفز و رجليها اصبحت في الهاوية قببها كينبض بقوة و عينيها محلولة و هي قدام البيرو ديالو على بعد مسافة ماشي قصيرة و هو متكي على البيرو ديالو حواجبو منقضة على بعض و السيجارة في فمو كيشعلها بالقداحة الفضية الخاصة على هيئة جمجمة شعل سيجارة ديالو و انظارو الشديدة البرودة كتقيد حركاتها لي كيقفقفو امامو من جديد حتى لسانها تعقد بشدةو رغم هدوئو السطحي الى ان امواجا من الغضب الصامت تتحرك تحت سطح بحر ملامحه هو حيد السجارة لي بين صباعو من فمو و تكلم بكلمات مختلطة مع دخان السجائر و صوت رجولي مهدد تقشعر له الابدان
الريكس : اش كديري هانا
وفاء قفزت من بلاصتها و ركب ليها الرعب من جديد و كتبلع الريق : راه ديك المرة لا ل لالة هي لي قالت نجمع لبيوتة ف ف هد بغين نهضر م معاك
الريكس الغضب البارد تخلط في وجهو بسبب صوتها لمثير و كيورك على الهدرة : راه قلت ليك مسيو الريكس ....هي كتشوف فيه و توتر بين انامل يديها و كترمش
الريكس رجع لدرجة حرارتو تحت الصفر وهو داير رجل على رجل و كيتحدث و السيجارة بين يدو كتحدث رفع حواجبو الاعلى : وفاااء بن جلون (خافت من طريقة نطق للاسم و عقدت حواجبها البسيطة ببراءة هو دار ابتسامة استهزاء ) بنت سعد بن جلون مستغربتش بزاف انك تكون بنت هاداك (و كيشير بصباعو في العدم ) معرفتش بضبط السبب ديال افلاسكم و مكيهمنيش الاهم انك بغيتي ترجعي للمستواك الاول باي طريقة (هي خرجت فيه عينيها و بدات كتنفس بسرعة و كتشوف فيه ) لدرجة انك مشبت لأحضان داك المهندس الوضيع ديالي باش يطلعك شوية (هي قلبها كيتفتت بفعل كلماتو الجارحة و نيران الدمع المتحجر في عينيهابثقل دنوب العاصي الدي يود التوبة فلا يستطيع وهو غير مبالي السكينو في كلماته تطعنها طعن ) فاش لقيتيني انا حسن منو مترددتيش ايام قليلة و جيتي في احضاني انا و خنتيه جيد جيد جدا ....وطلق لعنان لضحكتو الشريرة تزلزل المكان هي كتشوف فيه و كتدير ليه لا براسها دموعها كتنهمر على خدها بغزارة
وفاء بصوت تكاد تنطق بيه : لا لا انا ماشي هاكا
الريكس رجع الوضعو الاصلي اللامبالي البارد : يلاه براا ...معاودتش معاه الهدرة خرجات كتبكي هو تكا راسو على الكرسيزاح تعبير البرودة لتعبير الغضب "بحق الجحييم مادا اقوول بحق الجحيييييييم مادا اقول " نهض على الكرسي و ضرب بقبضتو القوية المكتب حتى كاد يقسمو على جوج من هو الاحساس لي كيحس بيه شيطانين شطان الحب و شيطان الانتقام قيدو الوحش بسلاسل اتفقو على شيء واحد خاصك تبكيها و تألم نتا لدموعها هادي لعنة لا محالة
هي مشات الكوزينة دخلت لتما كتبكي و كتحول ملامحها الغضب
وفاء : كلشيي كلشيي كان كدووووب هو ضحك عليا خلاتها ملكة انا اكبر بغلة واخااا امسيو الريكس ولد توفيق غتشوف شكون هي وفاء بن جلون لي كتهضر عليها ....و دموعها كانت كتطيح لشدة الالم في قلبها و نظرة الغضب تعلات وجهها تواحد ميقدر يرقص مع مشاعر المرأة مهما بلغت عضمته
نرجس داخل المشفى ديال حماق واقفة كتشوف في جنابو و سعاد كتهدر مع رؤساء المركز و كيشكروها على خيرها جات خدامة قدام نرجس حطات ليها سطل ديال الما و بكية تيد نرجس كتشوف فيهم : ديالاش هادو ابنيتي
سعاد : هادو باش تسيقي بيهم سبيطار هانتي بكية تيد والما مسموح ليك تستعملي لكمية لي بغيتي واخا نقتاصدو ...الامر شبه مستحيل تسيق سبيطار ببكية تيد كانت الدهشة كتعلى وجهها
سعاد هزات حواجبها : كتسناي راس العام يلاه بداي يلاه
نرجس وطأات راسها كتصبر في راسها كلها ايام و تحقق الخلاص خاصها تصبر