رواية هوسي بإبنة عدوي (مكتملة بدارجة المغربية )

الجزء التاسع

🕎هوسي بابنت عدوي 🕎
♨️oumaima mega♨️
☠36☠
نرجس : السلام عليكم
الدهيبي بابتسامة : و عليكم السلام
نرجس : عفاك بغيت نبيع شي دهب عندي واخا تشوفو
الدهيبي : انشوف ...حطات ليه الخاتم ناري كيف داير العدااب خاتم ديال المرياج خليط بين الدهب لبيض و لصفر و ثقييل بزاااف و فيه حجيرة الماسية كتلمع و حطات ليه سنسلة هاديك كلها مرصعة بالالماس شي حاجة فوق راقية و أنيقة الدهيبي بقا غير تيشوف في هادشي لي قدامو باينا فيه شي حاجة مديراش موديل مكينش منو جوج طلغ فيها عينو لقا كتشوفيهم بعيون دابلين بزااف شدهم في يديه و كيشوف فيهم و كيتمعن فيهم كيشوف الطابع لقاه دهب و الماس الحر
الدهيبي : صراحة هادشي غاليي بزاااف بجوجهم يقدو يوصلو جتى ل80 مليون و لكن انا معنديش هاد المبلغ
نرجس حلات فيه عينيها : 80 مليووون ؟؟ شوف انا خاصني منهم غير 16 مليون لا جات على خاطرك
دهيبي : واش متأكدة هادشي كيتباع غلاا
نرجس : كون مكنتش محتاجة الفلوس كاعما نفرط فيهم ولكن جا وقتهم
دهيبي : واخا انا غنعطيه ليك شيك يمكن ليك تستعمليه من دابا الى بغيتيه ...و نزل كيكتب فيه بالنسبة ليه صفقة مربحة بزااف لالماس بهاد المبلغ الزهيد هي غير كتشوف بغا غير تعتق بنتها مسكينة .....و اخيرا استالمات لمبلغ الحمدالله بلا مساعدة حتى وحد خشات الورقة دسليمة في جيبها و مشات دغيا شدات طاكسي ديريكت المستشفى و مشات لغرفة لي فيها بنتها لقات ملكة جالسة و تبوس ليها في راسها و تمسح ليها في شعرها
نرجس : مي ملكة اجي معايا
ملكة : فاااش ابنتي
نرجس : غير زيدي معايا .....مشات هي وياها حلو كونط جديد بسمة دملكة باش يقدو يصرفو فيه الشيك جبدو الفلوس و خلاو مليون محطوطة تما و مشاو دفعوها كاش لغيسيبسيو باش يقدو يدخلو وفاء العملية الحمدالله بلا منطول عليكم كانت مدة العملية شي خمسة السوايع راه الراس هادا ماشي للعب كانت كدوز على نرجس و ملكة بالاعواام مساكن و شادين يديهم و يطلبو في ربي حتى خرج عندهم الطبيب و ناضو لعندو
نرجس : امدرااا ادكتور
طبيب : الحمدالله الحالة ديالها مستقرة كانت عندها استجابة قوية بنتكم تباركالله متشبتة بالحياة غنتسناوها تفييق و نشوفو نسبة النجاح ديالها
نرجس : شكرااا بزااف
ملكة : و امتا غتفييق اسي الطبيب
الطبيب : انشاءالله من هنا لسبعة دسوايع يحيد البنج وو بإرادة الله غتنوض اللله يشافيها .....و مشا نرجس دارت بفرحة و اخيرا من بعد هاد دموع كاملين فرحت و دارت و عنقت ملكة بواحد السعادة و اخيراا
أصبحنا و اصبح الملك لله
ملكة كاقدا في السوق كتشري دانون لبنان لدرية شرات ليها لبسة جديدة هادشي كامل من ديك المليون لي في الكونط و جايا راجعة أما نرجس عينيها حمرين ولهالات تحت عينيها و كتشوف في وفاء ناعسة و مغمضة عينيها و دايرين بيها ليزاباراي حتى دخلات عليها ملكة
ملكة : هانااا جبت ليها بينينات و دالون خاصها تفيق انشاءالله
نرجس : ربي يخليك امي ملكة
ملكة : جبتي ليها دوا لي قالتلك الفرملية
نرجس : جبتوو امي ملكة
وفاء مغمضة عينيها : مممممم ....هما يدورو بجوج لعندها
ملكة : كتفيق
نرجس ناضت : غنمشي نعيط لدوكتور ...و مشات خرجات تجيبو دغيا و تعيط لفرمليااا وفاء بقا كدير غير الانين جا دكتور طلب منهم يخرجو و انفارد بدرية صغيرة على ساعة عاد عاود دخلهم لعندها كانت هي جالسة و دايرا ديماد على راسها و كتشوف بدوك العينين عندها و فرمليا و طبيب دايرين بيها
نرجس بفرحة : بنتيي بنتي (مشات عنقتها و خشاتها فيها ) الله يابنتي للله هيء هيء خلعتيني علييك
ملكة واقفة حداهم : الحمدالله اربي للحمدالله ....و وفاء غير كدور في عينيها و كتشوف في نرجس لي معنقاها و كتشوف في ملكة حيدات منها ملكة و شدات ليها من حنكها
نرجس بإبتسامة و كتبكي : حبيبتي هيء هيء
وفاء كتشوف فيها بعينيها الخضرين فحالا مكتعرفهااش شكون : شكون نتيي ؟؟؟
نرجس تصدمات و هي كتشوف في وفاء و وفاء كتشوف فيها و هي دور عند طبيب لي هو بدورو دار كيشوف في الفرملية
نرجس : شنو واقع
وفاء : فين انااا ؟؟ شكون نتومااا ؟؟
نرجس رجعت كتشوف فيها و كتشوف في طبيب
ملكة : اويلي ابنيتي واش معرفتيش ميمتك
وفاء : شناهيا ميمتك
طبيب : هادشي لي كنا خايفين منو ووقعنا فيه ....نرجس ناضت عندووو : واش العملية منجحاتش
طبيب : لاء نجحات الامر لا علاقة له بضربة تفضلي معايا على برا نشرح ليك (خرجات معاه و سد الباب ) فقدان داكرة مكيجيش نتيجة الضربات و لكن بنتك هي بغات تفقد داكرة تقدر تكون تعرضات لشي مشاكل فوق السن ديالها او صدمة اما الضربة كانت غدخلها في غيبوبة و لكن بارادة الله عتقنا الموقف
نرجس كتشوف في الارض و كتفكر و هي طلع عينييها فيه : و دابا مغترجعهاش
الطبيب : تقدر اليوم تقدر غدا و تقدر مترجعهاش كنتمنا ليها شفاء كنستأدن ...و تجاوزهاا و مشا و خلاها هي حالا فمها بالصدمة مقدها فيل زادتها فيلة قوات راسها و رجعت دخلت عندها لقات ملكة شادا معاها الستون🕎هوسي بابنت عدوي 🕎
♨️oumaima mega♨️
☠37☠
ملكة : هانتي ابنيتي تنتي معندك ماتعرفي نتي سمك وفاء و انا مووك ملكة و هادي ماماك نرجس صاااافيي عرفيي غير هادوو
وفاء : نتيي موك ملكة و هي ماماك نرجس و انا سميتك وفاء صافيي (هههه درية تفورماطااات الدراري )
ملكة : لا لااا انا مي ملكة انا شكوون ؟
وفاء : مي ملكة
ملكة : نتي وفااء
وفاء : نتي وفاء
ملكة : لا لا ابنيتي خاصك تقولي أنا وفاء
وفاء : اناا وفااء
ملكة : و هادييك (نعتات في نرجس لي واقفة و كتشوف فيها ) ماما نرجس
وفاء : ماماا نرجس
ملكة : عاودينا
وفاء : نتي وفاء و انا موك ملكة وووو ووو هاديك معرفتهاش شكوون (كملت ههههه)
ملكة : لا لااا ابنيتي اش غديري كوليلك بينينة
الفرمليا : لا لالا البنان ممنوع
ملكة : و دالون
الفرمليا : لا دالون لا بنان ممنوع الاكل
وفاء : شكون هادو
ملكة : شكون
وفاء : بنينة و دالون
ملكة : ماكلة ابنيتي
نرجس مشات لجيهة وفاء : وفاء حبيبة نتي مزيانة
وفاء دورات راسها كتشوف فيهاا : نتي هي المرة ديال قبيلة ياكي م مامااا نرجس ... وهي تعنقهاا نرجس بين يديها
بعد مروور اسبوعين هاد الاسبوعين متغيرت في حالة وفاء والو باقا هي هي يلاه كيعلموها الاشياء فحال شي دري صغير كيكتاشف العالم ديك الفلوس لي في البنك نص منها مشا غير دوا لوافاء و مشات ملكة و نرجس خداو منها الدكيك و الزيت غترجع ملكة خدمتها لولة تعجن البطبوط و المسمن و البغرير و تبيعو في السوق اما نرجس اكتفات بالبقاء مع وفاء لي يلاه بدات كتكتاشف العالم و الواقع و كتشوف من شرجم و نرجس
اليوما غيخرجو وفاء من المستشفى لبسوها كسيوة و قادوها كاين غير ضمادة لي ملوية على راسها و كتمشا و شادا منها نرجس من يدو و ملكة من يد و هي بيناتهم غير كتشوف بعينيها شدو طاكسي و ركبو فيه نرجس القدام و ملكة للور شادا كوسان و حداه وفاء فرحانة و كتشوف في الطاكسي
وفاء : ديما كنت كنشوف هادو كيتحركو من الشرجم
ملكة : ههه و هانتي ركبتي فيهم ....دارت كتشوف في جنابها و تلعب برجلها بفرحة و كتشوف من الشرجم حتى زاد طاكسي و هي دوور كتشوف في المستشفى
وفاء : مي ملكة مغنبقاوش ساكنين لهيه
نرجس : ههه لا ا وفاء هاداك سبيطار عاد نمشيو لدارنا لي ساكنين فيها
وفاء : عندناااا داااار ههههه ياااه مي ملكة عندنااا دااار هههه
نرجس : ههههه غير بشوية عليك دابا تقصحي
ملكة : هههههه الله يخليك ابنيتي ديما فرحانة ....و هي كتشوف في جنابها جتى وصلو للسوق هبطو من الطاكسي خلصوه هي منين هبطت و هي حالة فمها في الناس هادشي جديد عليها سيغتو البشار كين بزااف و يديها في يد ملكة
نرجس : نمشيو ....شدو ليها من يديها و غادين بيها و هي من وسط منهم كتشوف و كتشوف لحيوطة و الناس دازو على داك دري الصغير سعيد شافها ودار ليها باي باي بابتسامة و هي ترد عليه بنفس الابتسامة و حيدت يديها من ملكة و دارت ليه باي باي و رجعت يديها
نرجس : هاحنااا وصلنااا لدار دابا هادي دارناا شفتيها ...هي كتشوف في دار و كتشوف فيهم هما يطلعو
غيتة : ايوا على سلامة بنتك
نرجس : ربي يخليك اختي
غيتة : ايوا نغتجيش تخدمي
ملكة : خليها اتدخل بنتها و تجي لعندك مالك باقا حتى مطلعت النفس تصرفتي ليها كيميت العاصر سيري ابنيتي دخلي درية
غيتة : ايوا مي ملكة هي لي باغا تخدم
عيشة : مي ملكة بغات غير تعاونهت و صافي ....دخلات وفاء لداك البيت و شعلو الضو و هي كدور عينيها على المكان
ملكة : هاد الكلبات قلت ليك صافي انرجس انا غنخدم و نطيب و نبيع
نرجس : لا ويلي امي ملكة نتي مريضة و كبرتي متقديش
ملكة : حرفتي هادييك ابنيتي مغضرني مغنضرها
وفاء دارت عندهم بفرحة : ياااه شحال زوينة عجبتنيييي ههههه
نرجس : عجباتك بصح هههه
ملكة : ههه فيك الجوع ابنيتي
وفاء : ااااه بغيت دالون و بينينة
نرجس : لا اوفاء سميتو دانون و بنانة
وفاء و هي تشوف في ملكة : هي لي قالت ليا دالون
ملكة : راه مكتسكمش ليا في فمي
وفاء : تاناا
نرجس : مالكي نتي
وفاء : مكيتكستممسكتش ليا في فمي
نرجس : هههه يالاه ههه انا نجيب ليك دانون
وفاء : جوج
نرجس : هههه واخا
ملكة لابسة جلابيتها و هازا سلة كبيرة مغطية : اححح هانا ابنيتي هبطت للسوق ترزق الله واخا كون راه برد
وفاء : ديني معاااك
نرجس : لا وفاء نتي مريضة دبا غتجلسي هنااا انا نجيب ليك دانون ....ناضت و مشات لوحد الميكة جبدت منها جوج دانينو صغار و عطاتهم ليها حلاتهم و خدامات صبعها كتاكل بيه
نرجس : لااا وفاء ديري المعلقة
وفاء كتمص في صبعها : هادشي لي علماتني مي حكيمة ....نرجس طلعات نفس و هبطاتها🕎هوسي بابنت عدوي 🕎
♨️oumaima mega♨️
☠38☠
نرجس : هانتي وفاء متخرجيش من هناااا صافيي انا شوية و نجي عندك مغنتعطلش
وفاء كتمص في صبعها : ديني معااك
نرجس : وفاء حيدي يدك من فمك
حيدتها و مسحتها في حوايجها (نعم هادا هو العفن ) : ديني معااك
نرجس : اخر مرة ديري فحال هاد تصرف انا غادا نخدم متخرجيش صافي و لا خرجتي بقاي غير عند الباب و متهدري مع حد و متنزليش لتحت صافييي
وفاء دارت ليها براسها اااه و خرجات و هبطات عينيها في دانينو كتلحس فيه نرجس مشات هبطات و مشات جيهة ديال دار غيتة ووصلات ودقات الباب بشوية هو يحل ليها دري صغير شوية زوين داير نضاضر و كيوت بزاف يكون في ديك 15 عام و لابس مزيان و كيهدر بشوية : نعام اخالتي
نرجس : كاينا غيتة
غيتة : أمير شكوون
أشرف دار عندها : شي مرة كتسول عليك اماما
غيتة ضحكت جنب : اااه نرجس ههه دخليي ...حل ليها لباب كانت دار ديال هاد غيتة ماشي بيت بالعكس دار فيها بيوتة و مراح و كوزينة و نقية مبيهاش
غيتة : سير أ أمير تحفظ تعالي انرجس لهناا نوريك الكوزينة بقات توري فيها و تبان عليها زعمة هي واعرا ياودي راها كانت عيشة في حسن من هاكا فاش سلات داتها لوحد لبيت تكفض على دراعها و تغسل الموكيطات و الزرابي على ود جوج فرانك
وفاء بقات جالسة تما في دار كملات دوك دوينينات و ناضت تخبش و تقلب و تلعب لعبت بكيسان بماعن فرشت الكواش كتلعب فيهم شوية دارت كسكاس فوق راسها ووحل ليها ميحداتو غير بزز حتى درها راسها و جاها الجووع بزااف ولا نرجس كاينا لا مي ملكة كينا بقات دور تما شافت الميكة ديال الدوا كتقلب فيها على وحد السيرو بنين لقاتو ضربت فيه النص و ناضت والو الجوع بزااف خرجات من البيت على برا كطل براسها مكين حد و هي تخرج كتشوف و كطل من الفوق كانو دراري صغار كيلعبو لتحت بكورة و البنات كيلعبو بمونيكات و طعارج و كوزينات (للعلم فقط هما في فترة عيشور ) بقات كتشوف فيهم و حالا فمهاا فيهم و عينيها و هي تسمع صوت زعزعهاااا حدا ودنيها
عيسى بصوت غليظ : اهلاا ...وهي دور عندو بعينيها و كتشوف فيه هو شافها و ابتاسم لجمال هاد البنت و عي غير كتشوف فيه وجه جديد عليها مكتعرفوش
عيسى : نتي كاورية ؟؟؟
وفاء : لا اناا وفاء نتااا هو شي واحد يااك ماما قالت ليا منهدر مع حتى شي واحد
عيسى طلقها بواحد الضحكة خطييرة و نزل غلى ركبتو لمستواها : هههههههه هي كتهدري بالعربية لا انا ماشي شي واحد نتي كتسكني هناا
وفاء شيرات بصبعها لبيت : اااه هنااا مع ماما نرجس و مي ملكة
عيسى : ههه و انا عمو عيسى كيسكن لهيه الفووق
وفاء مطلعة عينيها الفوق : فين في السمااا ؟؟؟
عيسى : هههه لا هنااا غطلعي في دروج غتلقايني تما
وفاء : لا قالت ليااا ماما منتحركش من هنا حتى تجيي عاد نتحرك
عيسى : هههه واخااا ...و هي دور وجهها كتكمل فراجتها في الدراري
عيسى : باغا تلعبي معاهم (وفاء دارت عندو بكل براءة و دارت ليه أاااه براسها ) و يلاه سيري هبطي لعبي معاهم
وفاء : قالت ليا ماما منهبطش لتحت منتحركش من هنا
عيسى : اووو نسييت
إبراهيم كيهدر من الفوق : عيسىااااا
عيسى طلع عينو الفوق هو وفاء : مال موووك نتاااا
إبراهيم : و جيييب الطاوااا اصحبييي غنبقاو هنااا بالجوع و لا شنو
عيسى : وهاهو جايبهااا صغيورة حان وقت الودااع
وفاء دارت لييه باي باي دغيا فحالا كانت باغا تفك منو و دارت كتفرج فيهم هو دار فحالو و غادي و كيضحك
نرجس حتى كتقول سالااات في داك البيت و كتجيب ليها ديك غيتة العرارم دالوايج مغتعطيها ديك خمسين درهم حتى غتسخفها مسكينا جامعا شعرها الفوق و مكفضة ديك العباية و مطلعاها حتى الفخضها و عاطيها للفريك من الحكان دزرابي لفرييك و داك دري أمير كيحفظ في المراح و مقابل معاها و كيحفظ حتى تحل عليه الباب ديال الدار كان راجل شويرف شوية مكيمد تهو و لابس جلابة و باينا فيه شلاهبي
أمير : الواليد جايتي
الاب : اييه اوليدي (ناض باس ليه في يدو ) الله يرضي عليك الله يرضي عليك (هو يطلع عينو مبقاش نزلها و خرجها حتى وصلو عند نرجس كتغسل مسكينة ) الله يرضي عليك الله يا زعورية و لحم بيض الله ....طلع فيه أمير عينو لقاه خاشي عينيه في داك البيت
أمير : الوليد تعالى تجلس غتعيا ...و جرو فحال العجينة دايب عنقو داير لديك الجيه (غير شوف قدامك الحاج هاديك راه ماتو عليها الرجال و كلاو العصا )
وفاء بقات واقفة تما جاها الجوع ديال بصح و كتشم الروايح ديال المرقا و كدور في عينيها الجوع ديال بصح و هي تشوف عيسى طالع و هاز طاوة بين يدو و ضربتها ريحة السردين لنيف بدات كتشمشم هو طلع لفوق و بقات غير كتشم و الجوع بزااف و هي طل لتحت مكين تواحد أكيد دخلو لديورهم يتغداو هي شدات من كرشها الجوع بزااف و هي دور و تمشات في داك السطوان إتجاه الدروج شافت الدروج و بدات طلع فيهم درجة درجة حتى وصلات لبيبان لي لفوق كيشبهو ليدا لتحت
وفاء : علاش ماما مبغاتنيش نطلع الفوق راه كيشبه لي لتحت🕎هوسي بابنت عدوي 🕎
♨️oumaima mega♨️
☠39☠
و مشات غادا بشوية كاع البيبان مسدودين الا وحد الباب لي مشرع و كل ما كتقرب منو كتجهد فيه الريحة ديال السردين حتى وصلات ليه و طلت غير براسها و مجبدة عينيها و كتشوف كان بيت عادي تهو فيه بطانية مفرشة و كويشة و طويبلة و مرواان بالمزيان جالس عيسى و محيد تريكو و حاط قدامو ديك الطاوة ديال السردين و شلادة بصلة و مطيشة و نص خبزة ديال الدار يلاه غيبدا بسمالله و هو يطلع راسو غير شافتو شافها درقت هو ضحك : وفاء نتي هادي ...ناض لقاها واقفة و كتشوف فيه ببراءة و ملامح هادئة هو ينزل عندها
عيسى : ههه جيتي تزوريني (وهو يسمع صوت معدتها) اووو الزويونة فيها الجوع (دارت ليه براسها أااه ) ههه تاكلي معايا (دارت ليه أااه براسها هو يبوسها في حنكها كانت فحال شي حليوة ) يلاه تعاليي دخليي....دخلها معااه و جلسها و جلس حداهااا و هي حالة عينيها في سريديلات و كتشوف فيهم و الريحة طالعة مع نيفها ريوكها سالو
عيسى : كيعجبك الحوت ههه نقيه ليك ؟؟...دارت ليه آااه براسها و رجعت تشوف في سرديلات بنفس الطريقة نظرة الانسان الجائع ....هز سريديلة و حطها قدامو و بدا كينقي فيها بشوية مع حامية و كيوكلها ليها لفمها هي كتخطفها من يدو لجوع كاافر تهو مفاتهاش حبة في فمو و حبة في فمها هي وياه طرح بطرح حتى كملوو الطاوة هو وياه و دازو لشلادة و درية تهيا ولات تكفض يديها و تاكل حتى كملو
عيسى : كتعرفي شنوو نسيناااا
وفاء متفطحة على ضهرها شبعت و هي تنوض : شنووو
عيسى : كوكااا كحلة مكلاااصية
وفاء غير كتشوف فيه عقلها جديد فين غتعرف ليها شي كوكاا
عيسى جبد فيها عينو : دايقااا كوكا
وفاء : لااااا دوقنيي
عيسى : ههه يلاه تعاليي نشيريها ليك ....هزها في دراعو و مشا خارج بيها و سد لباب من وراه و غادي بيها
عيسى : شحال عند الفنون من عام
وفاء بابتسامة : ماقالوش ليا
عيسى : ههههه كتقراي
وفاء : تهيا مقالوش ليا
عيسى : هههه غناكلك ....و بدا كيهر فيها دارها فوق كتافو وشادها من رجليها و مشا هابط بيها لتحت و خرج بيها من الرياض و ضرب الدور ووقفو عند مول الحانوت
عيسى : حمااااديي ارااا واحد جوج قراعي كوحل
حمادي : واه واه اسي عيسى ماتعاود غير الصلاتو عنبيي
عيسى : هي لا طرتي
جا وقف من موراه واحد عريان من الفوق كولو سيكاكريسات و غراز من وجهو تال رجليه : وااا فييين ابا عيسى
عيسى : حمادي ضرب معاك القرعة ثالتة لبراهيم
براهيم طلع عينو في وفاء لي كتشوف فيه : معامن ولدتي هاد البكوصة ...و غا يقرص ليها حنكها
عيسى : تقيسها نقسم موووك
ابراهيم : هانااا خويا نااارييي ضحكت ليااا حماديي جمع ديك ثلاجة دانون في ميكة ....حمادي عطاها قرعة صغيرة دزاج كوكا و هو شاد كوكا و ابراهيم شاد كوكا وعطاها ابراهيم ميكة عامرة دانون وحليب و دارو كراسة في راس الضرب و جلسو و عيسى مجلسها فوق رجلو
ابراهيم : مال صغيورة مضروبة في راسها
هي كتشوف فيه و خاشيا فمها في القرعة و عيسى ضرب القرعة : اححح شحال باردة
ابراهيم : مالها في راسها ا عيسى
عيسى شافيها : مالك في راسك
وفاء حيدت القرعة من فمها و سرطت كوكا و بجوجهم قربو ودنيهم و تهيا قربت منهم بصوت خافت : معرفتش ....هما يطلقوها بجوج بضحكة و هي ثالتتهم هههههه
عيسى : وافييين اعبيقة ....عبيقة جاي كفس منهم تهو فيه الدم في تريكوه و معصب باينا فيه كان مدابز جا وريح في الارض حداهم و مسح فمو بطريكوه و كينهج
عيسى نزل عليه بضربة للكتف : يكما صفيتها لشي حد
عبيقة : راه غير هاداك *امل ديال شعيبة ....هو ينزل عليه عيسى لقرفادة
عيسى : غنقطع لبوك لسان مكتشوفش درية صغيرة هنايا ....هي جالسة في حضنو و كتشوف فيهم (لعار متقولوليش غتكبر مع هاد القوم )
عبيقة : و غااا سمح لينا العشيير بنت من هادي
إبراهيم : بنتووو هههه
عبيقة : ههه وراهااا قوقة كيف دايرا مها اش سميت الفنكوشة
وفاء بابتسامة : وفاااء
عبيقة : ويتك ويتك على وفااء بوسي عموو ....و هي تقرم فمها على شكل بوسة و بغات تنوض باش تبوسو هو يبعدها عليه
عيسى : جمع حنكك موسخ متوسخش ليا انا الاميرة
عبيقة ناااض : و العداااب خليهااا تبوسني ا عيسى شوفي نتييي من اليوما و نتي الحب نتي العشيرة (هي كتشوف فيه و كضحك داار ) حمااااديييي جمع ليا دوك البمويات .....بانت ليا وفاء غتبرع مع هاد تريكة ديال الشمكارة صافي عمرت يديها ميكات و كان عيسى غادي بيها مدخلها هو يجي نازل واحد آاخر فحالهم
عيسى : عثماااان
وفااء : لا لا لا متعيطش لييه
عيسى : علااش
وفاء وراتو يديها : مبقاش فين النهز ميكة اخرى .....هو يطلقهااا بضحكة صافي طلعها لبيت ملكة كيفما خلاتو باقي مكين حد حطها تما دخلها
عيسى : فينما تبقاي بوحدك انا الفوق واخا
وفاء 😊 : صافيي ...و دخلااات للبيت و جلسات كتشوف في دوك المكات حتى دخلات عليها ملكة ناضت عنقتها و باستها جات مسخسخة سولاتها على الميكات جلسة في حزتها و بدات تعاود ليها من دق دق تال سلام عليكم🕎هوسي بابنت عدوي 🕎
♨️oumaima mega♨️
☠40☠
شوية ناضت ملكة جابت ديك الخضرة و خواتها فوق طبلة و شدات موس كتنقي فيها وفاء جالسة حداها و كتسيفط في البيمويات و كتشوفها أش كدير مع عقلها دابا فحال شي بيبي أي حاجة كتشوفها كتعلمها و حاضيا مع الموس لي كتكرط بيه خيزو حتى تحل عليهم الباب دخلات نرجس عيانة مسكينة مدكدكة و شعرها مشنتف و عرقانة و هي تنوض وفاء مشااات عندهاتجري
وفاء : ههه ماماااا ههه جيتييي ...و عنقتها و باستها تهيا ردات عليها بابتسامة تهيا و تعنيقة في يديها خمسين درهم مكمشة .....و جلست في طبلة مهدودة تهيا كتعاود لملكة على اش دوزات عليها غيتة قسمات ليها ضهرها كاع صدادر خلاتها تهزهم ووفاء كتسمع و حالا فيها فمهااا
ملكة : كون غاسعفتيني وبلاش ماتمشي عندها تحرت عليك
نرجس شادا من ضهرها : غنولف امي ملكة ايي غنولف فحال دابا خمسين درهم شكون عطاها ليك
ملكة : لا ابنيتي واخا هكاك متستغلكش على جوج دريال
نرجس : اخليها على الله وصافي (و هي دور تشوف في وفاء ) اش غنديرو دابا في مدرسة وفاء منقدش نردها لتماا ليتعاود ليها نفس المشكيل
ملكة : نقيدوها في مدرسة اخرى
وفاء : شناهيا مدرسة ؟؟ من سميتها معجبتنيش
نرجس : ههه لا غتعجبك فيها ناس كيقراو و كيتعلموو
ملكة : زويينة هاد المدرسة غتلقاي كاع ولاد درب فيها
وفاء بفرحة : حتى عمي عيسى
نرجس شافت فيها : شكون هاد عمك عيسى
ملكة : جارنا لي لفوق ههه هو لي وكلها وشراا ليها دالون و بيمو
وفاء : و حتى عبيقة و ابراهيم تهوما هههه
نرجس كمشت وجهها : وهادو نتي فين تلاقيتي بيهم
ملكة نغزتها : تي غاولاد درب بلعكس مدابينا حضاوها لينا ووكلوها لكانت مع عيسى تواحد ميقرب ليها
نرجس : و عنداك يدير ليها شي حاجة
ملكة : اويلي لااا عيسى ماشي هكاك كاع دراري صغار هنا يعرفوه عزازين علييه
نرجس هبطت راسها ممطمناش لهدرتها و لكن معندها مدير ليهت من بعد هاد المحادثة ناضو تعشاو مجموعين بالخضرة مصلوقة طيبتها مي ملكة ....مع ديك نصف ليل وفاء نعساات بقات غير ملكة كتعلم نرجس كيف دير البطبوط و المسمن باش تبقا تعاونها في العجينة
الايام كيدوزو الاسابيع كيدوزو الشهورة كيدوزو ....وفاء كتكبر بشوية بشوية وسط داك المجتمع في داك الدرب ديال الحزاق ( واش تقطعو السميات تالقاو غير هاد سمية ) ماعلينا نرجس وقع ليها مشكل مع غيتة لقات راجلها كيدور بيها في الدار و دارت ليها الشوهة تمااا الحسن لحظ كانت ملكة تما تهيا تحيرت علييها بالمزياان و من داك النهار ملكة ولات كتدي معاها نرجس لسوق كيبيعو بجوج المسمن و البغرير كيقيلو نهار كامل تم بداو كيدخلو الفلوس هي وياها بحكم أن نرجس زوينة كدير ليها الاشهار أكترية الزوافرية كيجيو يشريو بالعشرة بال خمسطاش أما وفاء كانت أغلب الاوقات كتكون مع عيسى كيخرجها كيلعب بيها و محيح بيها ممنوع شي حد يقيسها بدلو لوفاء لمدرسة دخلوها لوحدة أخرى تما عيسى كيدور مع دراري و كيقوليهم يحضيوها تهماااا رجولة مكينش لي يقيسها وولات كتعمر معاهم بزااف منين فقدات الداكرة و طلقات بعيسى و هي كضحك عمرها شافت الحزن ولا داقتو حتى لنهااار لي ماتت فيه ملكة و تقادا عمرها كانت فحال الصاعقة لا على نرجس لا على وفااء بكاااو عليها بزااف وفاء كانت اول مرة تعرف الموت شناهيا و حتى الدرب كولو بقات فيهم كانت مرة مزياانة بزاااف (إن لله و إن اليه راجعون ) جمعو ليها العزو من عند الجيران هي باش دارو ليها النعي و ثلتيام مشاو كاملين درب بإسره مشاو يرحمو عليها مسكينة هنا نرجس لقاتها فرصة كانت شادا بنتها قدامها و غمضت عينيها
نرجس : الله يرحمك امي ملكة كنتي ليا الصدر الدافيء سعد حبيبي فينمااا كنتيي غيوصلك ترحمي عليك الله يرحمك احبيبي و يوسع عليك ....و دارت بضهرها لقبوور ونزلات دمعة منها و مسحتها
وفاء : دابا مي ملكة مغتبقااش ترجع صافيي
نرجس نزلت لمستواها : دابا انا هي ماماك و باباك و ختك و مك ملكة انا هي لي مجموع فيا كلشي بالنسبة ليك و نتي كلشي بالنسبة لياااا صافي غنعيشو غير أنااا وياااااك في هاد الحياة غييير أنااا وياااك
وفاء باضحكة هبلة : و عيسى (ههههههه مسخوطة هاد درية ) .....من تماااا و هي نرجس تقمصات دور ملكة خدات دار ملكة خدمة ملكة السمعة دملكة حتى من السمية دملكة لدرجة أنهم نساو أن كان سميتها نرجس وحد النهار ولااات غير ملكة مامات وفاء (صحابات نرجس غتزوج بعيسى هههه من نيتكم البنات