رواية هوسي بإبنة عدوي (مكتملة بدارجة المغربية )

الجزء الرابع و السبعون

🕎هوسي بابنت عدوي 🕎
♨️oumaima mega♨️
☠326☠
نرجس كتخرج الثلج من الفريكو و كتحطو وسط واحد منديل ...وفاء جالسة في الفراش مربعة يديها و مزيرة على راسها وتعابير وجهها الحادة و هي مهبطة حواجبها و حنك منفووخ لييها بحرر الضربة و حمر بزااف ...جالسة على اعصابها كأنها قنبلة درية موقوتة كتوشك على الانفجار
نرجس كتحط الثلج في الزيف : الحمدالله ياربيي منين جااات في تصمييكة و مجاتش في حاجة اخرى
وفاء بعصبية : واااش بعقلك نتياااا كتشوفيه صمكني و كتقولي الحمدالله ...نرجس جايا للعندها بعصبية : نتيي المووك باغا تخرجي علينا و تعجلي من موتنااا غزااا فيك (نزلت المستواها وجلست و حطات ليها الثلج على حنكها حتى قفزت وفاء بأي ) اااه دابا ولات أي درتي فيها قبيلة جيمس بوند بركا تنتفي مرت السي الريكس و سعاد راك مين ممتيش راك باقا حية
وفاء : أييي بشوية واش بغيتينييي نسكت للمهااا على الظلم شناهيا نمسح ليها سباطها
نرجس : اناااا نمسحوو ليها ...و كتضغط ليها بالثلج على حنكها
وفاء : اييي بشوية
نرجس : وهانتي بقيتي دوري دوري حتى نفختي حنك و بقاي هاكاك دابا انا قلت المووت هاديي يديي بردووو عليااا الحماارة يا الكلبة
وفاء باقا على حالها كتشحن قنبلتها المتفجرة بحنكها المنفوخ الحمر بديك الطريقة السيئة ......ااريكس من بعدما خلا سعاد في الغرفة ديالها و حدرها من انها تخرج منها كان نازل من الدروج ديالو و ملامح منقبضة بشكل مخييف كتحكي على صراع داخلي و نشوب حرب أهلية في قلبو و أاااه من عداب الضمير لي كيتكب بكأوس من حمم على قلبوو و الندم كسيرى بكل حرية بين شريينو هو كينزل حاجبو و مزير على قبضتو هو كيستدكر اللحظة لي مد عليها يدوو لو أنه حبس نفسو و كبحها للحظة مكانش غيقيسها بالمرة و لكن ديك النظرة المستفزة لي على وجهها خلاتو يفقد السيطرة على تصرفاتو ...وهو كيتمشى في الاتجاه ديال الغرفة ديالو و السكون من حولو كينعكس تمام على الصخب لي في داخلو ....حتى دخل الغرفة ديالو ببطئ و توجه لوحد المائدة فيها سطل من اليمنيوم ووسطها قنينة ديال الويسكي مخشية وسط المكعبات ديال الثلج هزها و هز كاس حيد سدادة بالأبهم ديالو و خوا ليه كااس حط القنينة تما و استدار وهو في يدو داك الكاس و تمشى للقدام الجدار الزجاجي لي كيعكس وقفتو الغاضبة و ملامحو السوداء وهو شاد الكاس في يدو و بين عينيه داك المشهد لي كيحرق ليه قلبو وهو كيشوف في الفراغ ضغط بقوة على الكاس بيدو بقوة حتى تهرس الكاس في يدو و هو ثابت بدون حراك كيحك هاد القطع الزوجاجية بيدو لي ضرب بيها الشقراء ديالو حتى بدات الدماء كتسيل ليه من بين الاصابع ديالوو ....اللعنة إنه هوس الملك
سعاد عصات الأوامر و ناضت من فراشها و باقا ديرا داك المنديل على نيفها خرجاات من بيتها باش طمأن على الضيفة ديالها بنفسها
ووفاء لي باقا جالسة في الكوزينة حاطة الثلج على حنكها وهو عاد مزايد و كيتنفخ ناهيكىعلى اعصابها لي تشبكو بالعصبية و نرجس غير تماا كدور في الكوزينة و تلوح للوفاء كلمة ووفاء مكتسمع ليهاش بقات فيها مزييان الضربة لي ضربها فاش كتفكرها كتبغي طرطق ..... و الساعة ديال القصر ااكبرى كتدور بعقاربهاا و كترسل أصوات ديال تيك توووك حتى نزل الظلام على القصر ....عاد نازلة سعاد بشوية من دروج و دايرا سبرادرا فوق نيفها و شادا من تاليا بين يديها دايرا ليها الفاصمة على تحت فكها و سبرادرة موزعة بشكل عشوائي على وجهها و حانية راسها و هابطة بشوية عليها و شادة من سعاد (دكدكتها المسخوكة معليكش )
سعاد بعيون خائفة عليها : كنظن ا تاليا خاصنا ضروري نديوك للطبيب ....يتبع🕎هوسي بابنت عدوي 🕎
♨️oumaima mega♨️
☠327☠
تاليا حانية راسها و حاسة بالفك ديالها مكينش في بلاصتو و كدير ليها براسها لاا : لا ا خالتي غنكون بيخير ....باغة تبين راسها صبارة مسكينة و نزلتها من الدروج بهدوء و غادا بيها المائدة الكرسطالية .....و نرجس في الكوزينة كتقاد الأطباق ديال العشا ووفاء حنكها غيطرطق و عاد مزيد كيتنفخ و كتزيد كتولي حمرة و كتحط الاطباق في العربة
الريكس عاد دخل عندهم للمائدة وحواجبو منقضة ويدو مضمدهاش من الجروح لي لحقهم بيهم خلا الوقت يشيفهم ليه ...هو كيشوف في الاضرار لي خلفاتها البوءة ديالو في تاليا و في الام ديالو ...طلعو فيه راسهم بجوج بكل هدوء عطاهم تحريب براسو هو مطلع حواجبو و توجه جلس في الكرسي الخاص بيه بتعابير صارمة كيشوف فيهم ...هو يدور راسو للجيهة الاخرى و هو يحل فمو شوية و نزل حواجب و حل عينو شوية و هو كيشوف في وفاء كترسل ليه نظرات أخطر من الرصاص داتوو و الجيهة لي ضربها ليها منفوخة بشكل عجيب ...وهي كتشوف فيه بكره و سعاد طلعات فيها عينيها بتخنزيرات تهيا و لكن مغتهدرش معاها قدام الريكس حيت كانو كلامو عليهم واضح بشأن تعامل معاهم قدام تاليا ....أماا تاليا فياربي مسكينة غير دور راسها مسكينة وصلت نرجس و وفاء كينزلو الاطباق كيف العادة فوق الطبلة  والوضع في حالة صمت داامس شديد السكون و النساء كانهم كانو في حلبات المصراعة ....الريكس نظراتو مطوقة وفاء في كل حركة كديرها وهي كطلع صدرها و تنزلو وواضح عليها تهيا الغضب الشديد .....بداو كياكلو و كلشي منزل راسو كياكل إلا هو لي كان الأكل ديالو رغم للذة ديالو بلا طعم هو مطلع راسو و كيشوف فيها بالبؤبؤ ديالو الاسود وو مطلع حاجبو عليها و في يدو الفورشيط و الموس ...وفاء مهبطة راسها و مزيرة على يديها قدامها و العد العكسي ديال القنبلة ديالها أوشك يوصل للمراحل الانفجار ....ما مراتش دقائق قليلة على وجود الملك في المائدة حتى طلب الاستأدان و ناض من المائدة ووجه نظرو للوفاء
الريكس بتعابير جامدة : نتي تبعينيي
وفاء جبدات فيه حجبانها هو زاح عينو عليها و طلعت فيها سعاد و تاليا عينيها و تجاوزها بكل هدوء ....نرجس كتقرص في بنتها باش تمشي تبعوو ....عاد دارت وفاء مخلياها من موراها و مشات غتبع الريكس خطوة من مورا خطوة حتى دخل الريكس للغرقة ديالو هو يتسمع الباب ديالو من موراه تسد بالجهد هو دور عندها نصف دورة بتعبير جامد و منزل حاجبو لقاها مطلعةشوكتها و مربعة يديها و كطلع و كتنزل و كتشوف فيه
وفاء : شنو بغيتيني ؟؟....استدار و تقدم للعندها و هي مطرطقة عينيها فيه رافضة رفع راية الاستسلام هو يوقف قدامها و طلع يدو على دراعهاااا و شد منها
ااريكس : أجيي للهنا
وفاء باغا تنطر دراعها من يدو : بعد مني متقيسنيش
الريكس شد من دراعها بقوة و رفع الحدة ديال صوتو : أجيي لهنااا ...و هي تبت في يدو النبرة ديال صوتو خشنة مكتلعبش معاها مزال مخنزرة وجرها معاها في اتجاه ديال الناموسية و جلسها تما و هي غير كتشوف فيه بغضب
الريكس : جلسي الارض ...و استدار عاطيها بضهرو كيتمشى قدامها نزل يدو لوحد المجر و جبد منو واحد المرهم و رجع للعندها كيشوف فيها و جلس حداها و هي كتخنزر فيه باين من وجهها بلي معصبة بزاف ...حل داك المرهم اللزج و ضارو في اصابعو بجوج و هز يدو باش يماصيه ليها في وجهها و تراتيل الجبهة ديالو كتنادي بالندم بمجرد محط اناملو على حنكها دفعات لييه يدو باش متقيسش ليها حنكها
وفاء بتخنزيرة : متقييسنييش
الريكس كيخرج الهدرة مابين سنانو : وفااااء خليني نداويك
وفاء بعصبية : لاااا سيير داويي هادييك لي ضربتينيي على قبلها
الريكس خرج فيها عينوو بعصبية شد ليها من كتافها بقوة حتى كان غيقتالعو ليها و عينيه حمارو فيها : وفاااااء ...نبرة زلزلات الجدران ديال الغرفة
وفاء بعصبية و عينيها بداو كيلمعو بالدموع و كتلوى باغا تحيد كتفها من تحت يدو : منيين غتغوت عليااا علااش جايبيين للهنااا
الريكس بغضب شديد و كيحاول يكبحو كيجيبها للعندو : أناا جيبك هنا على قبل ... توقف على الهدرة على كلمة الإعتدار وهي مقربة ليه و نيفها قدام نيفو و
وفاء : علاش جيبني للهنا باش تعيرني عليها خاصنا كولنا نقدسو مرت الريكس و هي تجفف بينا لارض و تمسح بينا سباطها
الريكس نزل حاجبو من بعد ملتاقطت مساميعو "مرت ااريكس "بحدة  : علامن كتهضري نتيي ؟؟ كنهضر على سعاد
وفاء جبدت دوك العيون الخضراء عندها الشديدة اللمعان ديال البراءة و نزل حواجبها : انا مضربتهاش هيي ليي كطيير جايااا حداياااا كتنقز راه كلاتهاااا ....هو كيشوف فيها و بهاد قلة الاحترام ليي كتهضر بيهااا على الأم ديالو (اودي راها كانت مقربلاها مع غيتة و هي مخطوبة لأمير )
الريكس مزير على سنانو و صدرو كيطلع و كينزل : كنظن ان لسانك طواال و خاص لي يقطعو ليك
وفاء بتحدي و كتهدر بين سنانها و هي مقربة ليه : يلااه قطعوو ليااا ...و كتصغر عينيها بألم في كتفها
الريكس مزير على كتفها و مزير على القبضة ديال يدو حيدات ليه جليد البرودة هاد الشقية : برااااااا ....و طلق ليها من كتفها هي تنفخت و تفشت علييه و هي كتغنزر فيه و ناضت معصبة هو شبك أناملو مع بعضها و زير عليها و طاقتو كتحرق بفعل الغضب الشديد و عينو كتهللها عروق دموية على وشك الانفجار🕎هوسي بابنت عدوي 🕎
♨️oumaima mega♨️
☠328☠
خرجات وفاء بعصبية و حواجبها منزلاهم غطرطق هي وديك نفخة لي عندها في وجهها ....وغادة كنشتف على الارض في الاتجاه ديال الكوزينة.....و خلات الملك عاقد حواجبو و مشبك يدو عليها ...الشقراء ديالو خاصها العقاب على أقوالها و أفعالها العديمة الاحترام
دخلت وفاء الكوزينة لقات نرجس كتمشي و تجي في ديك الكوزينة بتوتر و هي تدور للعند بنتها مشات عندها دغيا و حالة عينيها بخوف : اش قاالك ؟؟
وفاء دورت عينيها بلامبالاة :اش عندو مايقول قاليا لا عودتيها غتموتي ... وهما ينزلو عليها الخبطات من حيث لا تدريي كل خبطة يا خبطة من يدين نرجس غير للكتف نيشان
وفاء : اي ايي ملكة اوليي رجوع الله
نرجس كتخبط و كتهدر : باغا تخرجيي عليناا الموك انا نصبر باش نجر الحمل و نتييي كتقلبيي فين  تجبدي رواحنا يا الكلبة
وفاء كطاكي على راسها بدراعها : اااييي ملكة صافيي راك هرستي ليااا دراعييي
نرجس بدات كتخبط في فخاضها و تويل على حالهم وفاء كتشوف فيها هي غير هضرت مكانش عند بالها غدير هاد الحالة كلها (من هاد المنبر كنقول للوفاء ربي ربي لما سكتي اختي ) ....
وفاء : متزيديش فيه تنتيي
نرجس :لااا اختي نزيييد فيييييه و نطووول فييه  لا كانت حياتك رخيصة حياتيي لاااااا باش انا نجري و نجااريي باش نعتق روحك وروووحييي تمشييي نتييي تخسري كلشي و ضربييه في الزيروو تال عادي منقبلهاش
وفاء عقدت حجبانها : مالكي جبدتيها فهاد ليل صافييي موقع والووو
نرجس : لا ابنيتي واللهتا تستاهلي داك الحنك لي نفخوه لييك
وفاء : انا اختي غنعس بغيت تبقاي تغوتي بقاي اختي ....و مشات للفراشهم و دارت الحيط مغطية و غمضت عينيها
نرجس بقات كتشوف فيها : نتي لي يجي معاك النعاس الله ياربي دير فيها تاويلت الخير ...وفاء متسوقتش ليها مغمض عينيها و هي تبدا المعزوفة المعتادة بليل و هي تحل الخضراوتين بسرعة اللحن نفسو و الاحساس داتو لي كيحطم ليها قلبها في كل ليلة .....في كل مرة ادكر ان ليل للعشاق يا إما ان يمارسو الحب معا او يمارسو الحزن معا
أصبحنا و أصبح الملك لله
بداية بنرجس لي كتشطب في الوسط ديال القصر بهدوء و حديث و شوشرات حداها مابين سعاد و تالياا ...جالسين في لفوطوي و حاطين الفناجين القهوة و سعاد كتشوف في تاليا و دوك الكدمات لي على وجهها كتزاد سوء على سوء
سعاد بخوف كتقيس ليها في وجهها : لا ابنتيي خاصناا ضروريي نديوك عند طبيب
تاليا فكها منفوخ و الفاصمة و تعابيرها حزينة :ولييت خايبة ياك اخالتيسعاد كدوز على حنكها بيديها : لا الحبيبة ديالي نتي زوينة ميي خفت لا تكون شي حاجة خايبة دارتها ليك ديك البرهوشة ...نرجس غير حانية راسها و كتشطب و كتسمع ليهم على بنتها حتى زعزع توازنها و توازن الحاضرين
الريكس واقف بعيد على نرجس بشوية واقف داير يد وحدة في جيب و السيجارة في يدو الثانية و دوك الثراتيل الجامدة على الجبهة ديالو
الريكس : نرجس (هزات فيه نرجس عينيها و حواجبها و سعاد و تاليا التافتو ليه بهدوء و طلع جوج الصباع كيتكلم بيهم وبرجولة كيهدر ) قولي للبنتك تجي للعندي....هي حلات فيه عينيها و استدار راجع من المكان لي جا منو ..نرجس بقات غير مبلقة فيه عينيه علاش غيكون باغي بنتها
سعاد هزات فيها حواجبها : راك سمعتييه اش قااال تحركييي
نرجس دارت عندها : ءءء؟؟ واخا الالة ...و مشات هازا الشطابة ديالها للكوزينة للعند بنتها ....كانت وفاء و داك الحنك بدا يتفش شوية جالسة وكتفطر في الكوزينة بشوية و بهدوء و كتاكل حتى دخلت عليها نرجس فحال الاعصار حتى وصلت عندها كتلهت
نرجس : نوضي دغيا عيط ليك السي الريكس
وفاء نزلت حواجبها : عيط ليا ؟؟
نرجس : اااه عندك غير يمون غيدير ليك شي حاجة لكانت شي حاجة طلبييه
وفاء تنهدت : متخافيش ا نرجس
نرجس : لا ابنتيي نخااف قالا نوضي شوفيه علاش عيط عليك خلااص و متخرجيش عينيك حنيي راسك ...وفاء ناضت من الكرسي و حطات يديها على الكرسي بتعابيرها الطبعية : قلت ليك متخافيش عليا ...و مشات كتمشى للعندوو
الريكس كان واقف كيف العادة كينتاظرها وهو واقف بكريقة رجولية قدام الجدار الزجاجي و داير يدو في جيابو و الملامح ديالو منعدمة حتى تسمع الباب ديال الغرفة تحل و رجع و رجع تسد ....دار بهدوء للعندها بتعبير صارم وهي واقفة حدا الباب كتشوف فيه بعيون شديدة النظر
الريكس نزل حواجبو بهدوء : غتبقاي واقفة تما (دار شبيهة الابتسامة ديالو وفاء شافت فيه بشك ) قربي للهنا ...طلقت تشددها و بدات كتمشى عندو خطوة بخطوة
وفاء بطريقة تعفرية : شنو باغي من عندي المسيو الريكس ...ووقفت بعيدة عليه
الريكس هو يبدا كيتحرك للعندها بشوية و كيسمع الخطوات ديالو وبشبه ابتسامة و كيهضر بيدو : نتي أ أنسة وفاء أكثر وحدة عارفة بلي من بعد كل خطأ كين العقاب ...ووقف قدامها
وفاء باستهزاء : شنو عاودتاني غتديني عند صحابك...مكملت الجملة حتى تبدلت الملامح ديالو للملامح جدية و طلع يدو و حط صباعو على حناكهاا و خشاهم فيها ويدو لوخرى حوطت خسرها بقوة هي غمضت عينيها بين صباعو المخشين في حناكها لي آلموها و خرجو ليها شفايفها للعندو🕎هوسي بابنت عدوي 🕎
♨️oumaima mega♨️
☠329☠
هو بعرض و شفايفو كيلامسو شفايفها و حواجبو منقضة كيهدر بين سنانو : نتيي دياليي
وفاء حلات فيه عينيها و طلعات يديها على القبضة لي شاد بيها وجهها و كتهدر و شفايفها كيتحسسو شفايفو: ولكن نتا لي قلتي ديك المرة ...و كتنفس ليه في فمو و نيفو
ااريكس بفحيح الشهوة ملصقها للعندو : أي قطعة من جسمك ديالي أناا أي كلمة غتخرج من فمك غتنطق بإسمي أناا حتى كل نفس كطلعيه بأمريي أنااا (هي جبدات فيه حجبانها بجوج على هاد التملك لي كيبينو ليها ) و أي رائحة غتفوح منك غنستنشقها غير أناا ...و غمض عينو و دوز نيفو على حنكها و كيستنشقو هي بين أصابعو مطرطقة عينيها في السما كتستشعر حتى هي بداتها وجودو و الكلمات ديالو و طلع راسو عليها و شاف فيها بشبه ابتسامة ...و استدار و هي في يدو كتشوف و منزلة حواجبها للناموسية و جلسها بهدوء جلس حداها وهو مشبك يدو : عندنا واحد الامسية
وفاء دامة يديها للعندها و وجهها الثقة الزائدة : معاش غنكوون واجدة ؟؟
الريكس هز حواجبو على هاد الثقة : انا غنحدد ليك الوقت ولكن ديري في بالك بلي هاد المرة غيكون العقاب زايد شوية
وفاء وهي تجبد فيه عينيها و كترمش الكلمة الاخيرة للعبات عليها وثر الخوف عندها
الريكس ميل راسو شوية للحنكها المنفوخ و نزل حواجبو و طلع يدو ليه وهي كتشوف فيه و كترمش و كتفكر في هاد النوع لي زايد في العقاب و هو كيتحسس بإبهمو حنكها
الريكس بهدوء و عيون ثملة : كنعتادر ....هي على حالها كتشوف فيه وهو كيقرب منها بشوية و كيغمض عينو و نزل يدو للعنقها باش يتحكم فيها و حط شفايفو على حنكها المتورم بقبلة حرقت أحاسيسها و خلات قلبها كيشتعل دقات بإسمو وهي حالة عينيها غير كتشوف طلع راسو عليها
الريكس بشبه ابتسامة : كين واحد الدوا غيخفي ليك هادشي ...و استدار بهدوء للكوافوز لي موراه باش يهز وحد المرهم
وفاء جبدات حجبانها : زيد شوية ؟؟ المعنى ؟؟
الريكس هز داك المرهم بشبه ابتسامة و رجع دار للعندها و شبك يدو : الظاهر أن الاميرة خايفة شوية ماشي مشكيل (هز حواجبو فيها ) اعتارفي بخطأك وعتادري مغتمشيش
وفاء كتشوف فيه بعزة نفس عصبية : انااا مدرت وااالووو معندي علااش نعتااادر
ااريكس بهدوء حط الاصبعين ديااو تحت من دقنها : ادن وجدي راسك الامسية و هي تحيد وجهها بقوة ما بين صباعو و هي مخنزرة فيه بانثوية ...صدقا كتعجبو و هي بهاد الشكل بالرغم من انه خرجات منها قطة غير مؤدبة خاصو يرودها كيفما تعلمت متجبدش حماها توفيق خاصها تحتارم حماتها سعاد ...خدات من عندو المرهم و ناضت بكل زعفة ..الريكس مزال محتافظ بشبيهة الابتسامة ديالو
نرجس في الكوزينة مزال غير جالسة و كتسنا مسكينة و كطلب الله يحن فيها عند بالها مدوزهاش ليها حتى دخلات عليها وفاء عاد ارتاحت
نرجس : شنوو قالك
وفاء بحواجب منقضة و مخبية داك المرهم : واالوو مقاال لياا والو غير على البيت كان ممخملش و خملتو
نرجس : ااااه تخلعت ياختيي وعلاش معيطش ليا اناا
وفاء كدور في عينيها : مممم و اش عرفني انا سيري سوليه
نرجس : ممم صافي ....مشات وفاء جلست حدا نرجس شاردة و كتنهد و حطات يديها على حنكها كتفكر في هاد العقاب كيف غيكون و بدا تعديبها النفسي في المراوغة فكرة كتقوليها راه فحال الامسيات لوخرين و فكرة كتقوليها لاا اكييد كين اختلاف هو قال هادشي بفموو و زايد من الفوقنرجس كتشوف فيها : امالكيي هاديك ااه
وفاء طلعت فيها عينيها : والوو
نرجس :نسيت مقلتش ليك ديك مرت الريكس تزااد عليها الحاال
وفاء غوتت بعصبية : هيي ماشي مرت الرييكس
نرجس ضربتها ضربة خفيفة للكتفها و مخنزرة فيها : يعطيك منعرف اشنو خلعتيني وعلااش جايا هناا ديكوور واخا ديكورها خسرتييه و ليوما بليل قرات سعاد انه غتديها للسبيطار
وفاء : غزيييت فيهاا تستاهل
نرجس بابتسامة : و سمعي الكلبة انا قلت زعمة مع راسي لا كانت الخطبة ديال السي الريكس مع هادي تاليا تقدر سعاد تعفي علينا و تخلينا نمشيو فحالنا (وفاء كتشوف فيها مخنزرة و قلبها كيحترق من الداخل و هي كتهدر على خطبة ملكها من وحدة اخرى مكين لا تاليا لا غيرها ) و تخرجنا فحالنا ديك الساعة غنخويو حنا من هاد المدينة كلها كاع ياربي غير نخرجو من هنا مايعاودوش كاع يشوفنا ياربي...وفاء كتشوف فيها و قلبها كيتألم كيفاش غيخرجو من هنا هي مبغاش تبعد على الريكس سواءا انتقام ولاغيرو هي باغا تبقى معاه هو مهماا كانت الظروف هادي هي الحدود ديال العشق ديال وفاء للريكس ..."ليتها اعترفت بدالك " ...بعد مدة وجيزة ناضت نرجس كتوجد للغدا ووفاء انساحبت باقا كتضرها كلمات نرجس كثر من العقاب لي غتلقاه ليوما مشات للطواليط ديال القصر و تما مشات كتماصي على الضربة لي في حنكها بداك المرهم لي عطاه ليها خرجات من تماا كانت الساحة داخلية للقصر شبه خالية و ظاهرة غريبة هي دخول ديال وحدة من لي كارد للداخل للقصر و جاية قاصدة وفاء ....وفاء وقفت بهدوء كتشوف فيها حتى وصلت لعندها و تحنات ليها باحترام
وفاء بجدية : شنو كين ؟؟
الكارد وهي حانية راسها : انسة وفاء جبت ليك هاد الرسالة من عند مسيو الريكس ....و قدمت ليها بطاقة بللون الفضي
وفاء بحواجب منقضة شدات من عندها البطاقة : ممم صافي يمكن ليك تمشي
الكارد حنات ليها راسها : أوامرك أ أنسة ...و استدارت باش تنساحب من تما🕎هوسي بابنت عدوي 🕎
♨️oumaima mega♨️
☠330☠
وفاء كتشوف في ديك البطاقة حلاتها بهدوء كانت مكتوبة بخط جميل جدا " مع 9 تكون الاميرة ديالي واجدة للعقاب و غتلقا كلشي للتحتاج في الغرفة ديالي" ...وفاء كتقرا هاد الجملة و هزت راسها هاد العقاب فعلا مختالف حتى طريقة باش تقدم مختلفة بزااف ...و استدارت مشات للغرفة ديالو .......السعات كثواني في هاد القصر دغيا كدووز الانسة تاليا وجهها في وضع مزريي جدااا الحاجة لي خلات سعاد تنوض بهاد الضيفة و توجه بيها للسبيطار بعدما تلقات الكثير من الرفض من قبل تاليا و اكتاشفت من بعد ان تاليا خايفة لا تخرج بوجهها هاكاك يكفيها انها كتحس براسها بشعة و هي في القرب من الريكس لي كل انظارو كتكون مشتتة عليها اكيد لأنها خايبة بسباب هاد التورمات لي في وجهها ...و الحاجة لي مكتنساهاش سعاد هي تدي معاها نرجس في أي بلاصة مستحيل تخليها ترتاح من مورااهااا ...
بقات غير وفاء كتدير تحضيراتها للامسية كتفكر في جميع الخرجات لي دازو عليها معاه كتسأل على شنو باقي و هي كتدير مساحيق تجميل ديالها و يديها كترعد
حتى دقت الساعة ديال السندريلا ....وهي لابسة فستان بالحمر طوييل معري ليها رجلها حتى للخفضها و عريان من الفوق و حلقات صغار في ودنها للحجر اسود مع حداء طبعا قادت شعرها و جمعاتو بشكل أنيق ....يتبع