رواية هوسي بإبنة عدوي (مكتملة بدارجة المغربية )

153

🕎هوسي بابنت عدوي🕎
♨️oumaima mega♨️
☠774☠
♠️الحلقات النهائية ♠️
و ميل راسو للعند العنق ديالها كيشوف فيها و كيتلدد في النظر و يدو في الخصر ديالها و حولها للضهر ديالها كينزل السنسلة ديال الضهر ديالها بكل بطئ....دفنة كتشوف فيه و منزلة حواجبها و كتضهر التقاسيم ديال الوجه ديالها كيتعلاهم الغضب الشديد ...و نزار نزل السنسلة حتى للاسفل الضهر ديالها المقوس بطريقة مثالية و هو منزل للعين ديالو و حرك الابهم ديال اسفل الضهر ديالها حكو بهدوء معاها
دفنة كتستشعر حركاتو و هي منزلة حجبانها و حطت اليد ديالها على صدرها شدات بيها الكسوة لي غادي تنزل ليها  : نزااار وقف ...و حلات عينيها في المرءات و شرارات الكره كتطاير منهم ...نزار حبس على اثر هاد الكلمة و طلع راسو وهو منزل حواجبو كيشوف فيها ....و هي خرجت من اليد ديالو كتمشى و شادة الكسوة ديالها : برافو مسيو نزار (نزار متبعها بالبؤبؤ ديال عينو وكيشوف في الضهر ديالها العاري وهي وقفت و دارت للعندو بابتسامة مزيفة ) برافو تستاهل جائزة الاوسكار على التمثيل ديالك تقنتي الدور ببراعة كان عند بالي كتقن غير الاجرام
نزار زاد عقد الحواجب ديالو و هو كيشوف فيها : شنو كتقولي نتي
دفنة نزلت الابتسامة و رفعت الحواجب ديالها : اووو تمثل انك معارفش حتى هو دور زوين ا نزار و لكن ماشيي عليا (حولت نبرتها للحدة و هي مزيرة على سنانها ) دابا سلات الخطة ديالك و نجحتي فيها و حصلتي عليا كيف كنتي كتخطط (نزار زاد نزل حواجبو و الصدمة كتخلل بين التعابير ديال الوجه و كيتساأل واش عارفة بالامر ) نجحتي بانك تخليني نخاف و نتا كتستمتع كيف كتشوفني خايفة و طلعت للعندك كنستنجد منك لامان و في الاصل نتا لي مخوفني
نزار رفع يدو و هز معاها حواجبو : دفنة ...و زاد خطوة للعندها
دفنة بنبرة عالية وقفت الحركة ديالو : ماتقربش للعندي يكفي انني كنشوف في وجهك متخيلش شحال كنكرهك (كانت طالقة نارية قوية على قلب الظل ) زواجنا غادي يكون فقط حبر على ورق كيفما بغيتي و لكن عمرك تحلم تملكني لا انا لا روحي لا جسدي كنت كنظن انك مختالف و لكن تبثتي ليا انك فحال تركان كلكم من طين واحد من جنس واحد كنكرهكم كاملين ...بدات كتضعاف قدامو و كتحس براسها غادي تنزل دموع قدامو ....و هي دور بسرعة و تمشات للباب من الابواب لي تما مكتعرفش حتى لفين كيأدي اهم حاجة تختفي على الانظار ديالو و تغيرو الملامح ديالها و هي كتنزل الدموع ديالها و بدات كتبكي بلا صوت .....و دخلت من داك الباب ...نزار منزل حواجبو وهو كيعكسها بعينو البحرية حتى اختفت من امامو ...غمض عينو بعدها و هو منزل الحواجب ديالو و مزير على القبضة ديالو

دفنة دخلت الحمام ديال الغرفة و سدات الباب و حطات الظهر على الباب و بدات كتنزل دموع و هي مزيرة على عينيها و مزيرة على القلب ديالها و كتهضر بكلمات متقطعة بصوت البكا : ك ك كنكرهكم ك كلكم ت ت تركان

بالعودة للابطال ديالنا ...و بضبط في المنطقة البحرية لي كانو جاو ليها قبل الزواج ديالهم ....لي كانت اشبه بمنطقة في شي جزيرة سياحية معروفة ....منظمة و مقادة و مطوقة بالحراسة ديال الكارد منتاشرين في الارجاء ...و فيها كراسي بحرية مصايبة خصيصا ليهم و مائدة منخافضة فوقها اجود انواع العصائر و الفواكه ....كانت واقفة كوثر باستقامة تامة ....وفاء بابتسامة لابسة كسوة قصيرة و شعرها مطلوق و دايرا نظرات الشمسية في عينيها و بابتسامة هزا وئام في اليد ديالها لابسا بيكيني خاص بالعومان و شانقة بالقبضة ديالها الصغيورة على وفاء ومجبدة عينيها في الما ...كان الريكس في الاسفل ديال الما لي كيلامس الجسد ديالو باغراء و الوشوم الوحشية لي في الجسد ديالو ...ورفع الحواجب ديالو بابتسامة جانبية عندو جوج شقراوات مكيعرفوش يعومو ...هز يدو باش ياخد وئام هي الاولة من عند وفاء
الريكس بصوتو الخشن و وجهو المبشوش : اجي اميرتي
وفاء منزلاها ليه و كتجبد عينيها في البحر : شدها احبيبي مزيان ...شدها من تحت الابطين ديالها و نزلها للما وئام بدات تلعب برجليها و بيدها و ترمش و تنهد بحكم الما بارد عليها ...و الريكس كيشوف فيها بابتسامة و كيضحك ببطئ و كيشوفها كتصارع الما بارد و كتقفز بين الايادي ديالو و خاشي نصها للتحتاني في الما
الريكس حواجبو انقضو بشبه ابتسامة : هه اميرتي جاك بارد  ...و جابها للعندو لصقت بيديها صغار في العنق ديالو و تلعب برجيلاتها في الما و ترمش و تشهق
وفاء مجبدة عينيها فيهم : يمكن مكتبغيش الما فحالي ...الريكس كيضحك و كيشوف في وئام لي بين يدو لي بدات كتولف الما وكتضحك بجوج سنينات ديالها و هي كتشوف فيه
الريكس رجع راسو للور و عينو  تحولت للوئام و هو كيضحك و كيشوف فيها شادة منو و نزلت راسها كتشوف في الما و كضحك بدوك سنينات و تلعب برجيلاتها صغيورين ....وفاء واقفة كتشوف فيهم و كضحك و الريكس كيلاعب الصغيرة ديالو في الما حتى ولفاتو و ....من بعد دقائق قليلة رجع عطاها للوفاء لي شداتها و مباشرة حولتها للكوثر للي شداتها للعندها و لبستها البينوار الصغير ديالها لي مصمم خصيصا ليها و مطرز بالدهب
وفاء كتشوف في كوثر و رافعة حواجبها : غطيها مزيان على البرد ...كوثر ضامة وئام للعندها لي كلها فازكة و كترمش بعويناتها
الريكس كيشوف في وفاء بابتسامة جانبية و اشار بالانامل ديالو لوفاء : اجي دابا نتي ....وفاء رجعت ليه راسها كتشوف فيه بالاعين ديالها الزمردية و ابتاسمت و بارتباك تام بحكم الخوف ديالها شديد من الماء و نزلت عندو ببطئ و الساقين ديالها كيحتك مع الكف ديال يدو الخشن و هي كتنزل للعندو و الريكس بشبه ابتسامة كيشوف في الساقين ديالها البيضاء بين اليدين ديالو و طلع عينو للعندها و هي كتنزل عاضة شفايفها و مجبدة عينيها ....و هو يشدها من الخصر ديالها و نزلها بهدوء تحت الما و لصقها للعندو و هي تعنقو بقوة في عنقو و كتطلع نفسها و تنزلها و قلبها كيخفق و كتشوف في الما و هي كترجف ....و الريكس كيضحك ببطئ كانها مماثلة للبنتو و هو يزير عليها في الدراع ديالو
وفاء شفاه ديالها كترعد : ففف بارد بارد بزاف
الريكس حيد وجهها عليه شادها من الخصر ديالها و كيشوفها امامو و هي كتطلع نفسها و تنزلها بابتسامة ليه ورجليها كتسبح في للما
الريكس بشبه ابتسامة كيحرك انظارو في الوجه ديالها : نقطعو ؟!
وفاء جبدات عينيها فيه و كتحاول تولف الما بارد و كتقفقف : ف فين ؟ ...الريكس بابتسامة جانبية : فين مشينا ديك المرة
وفاء هزات حواجبها و هي كتدكر انهم مشاو للحواتة للمرة لي فاتو و تبسمت ليها بالايجاب ....الريكس دورها بحدر شديد و هي لاصقة فيه وسط الما على ضهرو و هي تلصق صدرها معاه و معنقاه بقوة و كتلعب برجليها في الما و مشا كيسبح بيها ... نصف ديال لي كارد تلاحو معاهم في الما بالملابس ديالهم ...و نصف الثاني بقا في حماية للاميرة وئام لي جالسة بيها كوثر تحت الظلال حامياها من اشعة الشمس