رواية هوسي بإبنة عدوي (مكتملة بدارجة المغربية )

الجزء الواحد و السبعون

🕎هوسي بابنت عدوي 🕎
♨️oumaima mega♨️
☠311☠
ااكارد بصدمة فاش تخطف ليه سلاحو من حزامو شاف فيها و دار شاف في السيد الريكس البقية ديال لي كارد كلشي تابت في المكان ديالو فحال الصخور
وفاء هازا بالادرع ديالها الضعيفة داك السلاح و مزيرة عليه و كترجف مكيناسبش الانوثة ديالها بصوت انثوي : انااا مغنليكش ديني عندهم شنو مكان الثمن ...الريكس بتعبير بارد و هادئ استدار للعندها ببطء بعرض اكتافو كيشوف فيها بملامح شامخة باردة تحت الصفر هازا السلاح عليه و في وجهو تسللت بين البرودة ديال ملامحو ابتسامة مخفية اعجابا بالانثى ديالو المقاومة و السلاح الاسود بين يديها سسس مثيرة للحد الجنون هاد الشقراء بدات كترمش و هي كتشوف فيه و كتنهج وهو بدون مقاومة منو كيبان قدامها جبل شامخ قوي البنية و الشخصية توازنها تخلخل و هي تبدا تدور عينيها في لي كارد لي كانو تابثين فحال التماثيل في داك المكان الصامت لي فيه غير هي كتحرك عينيها كانت كتنتاظر رد فعل منهم وهي هازا السلاح حتى تحطت يد ضخمة بهدوء على السلاح و جبدو ليها من يديها بغفلة منها حتى قفزت وودارت دغيا عند الريكس لي من بعدما خدا ليها سلاحها من يديها و قرب منها وهو كيشوف في الكارد لي تخدا منو السلاح بحواجب منقضة و حط يدو على خصرها و هي واصلة للحد صدرو في الطول و كتشوف في سلاح بتعابير فاشلة
الريكس حط السلاح في حزام الكارد و طبطب عليه و هي بين يدو كتشوف في الكارد بتعابير باكية و بكلمات ثقيلة و حادة تكلم : جمع راسك راه غير جات في وفاء .... الكارد نزل راسو ليه باحترام و انساحب و هي طلع فيه عينيها ووجهها و هي بين احضانو
وفاء وبعيون باكية : مابغيتش نمشي ....كتخبش ليه قلبو الصلب بهاد الحركات
الريكس نزل وجهو ليها بدون ما يزيل هاد القناع و هو شادها من خصرها زيدها بشوية عليها للباب محلول و طلعها فيه هي كتمشى غير بزز و الله لي عالم بقلبها حتى طلعت و جلست كتحارب البكية مبقا عندها حل من غير داك الموس لي في فخضها لي مغطي بديك القماشة البيضا و كتشوف في جنابها حتى طلع حداها في مكان السائق في ديك السيارة العالية الدفع .....تحركت ديك السيارة للخارج ديال القصر مطوقة بحصون سوداء من رجال العصيبة ...كانت هي في داخل السيارة كتشوف في جنابها و كتشوف فيه عديم الملامح كيسوق لي شافو يقول انه كيفكر في لاشيء و لكن للقطة ديال المسدس و الشقراء مجننة ليه عقلو هي كتشوف فيه بمظاهر الخوف و ضامة يديها عندها كتخلق خطط كيف تهرب ميمكنش ليها و كينين بزاف ديال لي كارد من لاخر قررات لي قرب منها غتخشي فيه داك الموس واخا غتمشي للحبس ....بعد معاناات طويلة النفسية لي عاشتهم هاد النهار و في هاد السيارة كانها في موكب العزاء وصلت السيارات أمام احد المطاعم الراقية ليلية الارسطقراطية المكان الهادئ للنبلاء
الريكس وقف السيارة ودار عندها كانت متوترة و هي كتشوف في الشرجم و دامة يديها بخوف
الريكس بحدة كيشوف فيها : يلاه نهبطو (و هي تقفز و دارت عندو هو ينزل عينو كيلمح شي حاجة كتلمع تحت ديك القماشة البيضة وهما حواجبو ينقضو و هي تحط يديها على فخضها ) شنو كين تما
وفاء بتعبير بريئة ديال خوف : والوو ....هو يرفع حاجبو عليها و نزل يدو الخشنة فوق فخضها و هي تبدا تقاومو بيديها و رفع ديك الكسوة و كيلمح ديك السكين و هي تجمع يديها للعندها و عضت على شفايفها صافي مشات فيها الريكس حيدو من فخضها بالبوندو ديالو و غمض عينو بعصبية و طلع فيها راسو و فتحهم فيها بحواجب منقضة
وفاء كتشوف فيه بتعابير باكية و بداو كينزلو الدميعات : عفااك متديرش فيا هاكاا
الريكس : نزلييي ....و استدار وحل ليه الكارد الباب عطاه الموس و دار عند وفاء لي حل ليها الكارد الباب و مبغاتش تنزل حتى جا هو و شدها من درعها و نزلها كدمع ليه تما وشدها من كتافها بجوج و غادي مدخلها للداك المقهى هي كترعد و كتمسح في الدموع و كتدعي بترجي خافت هو كيتمشى بيها بشوية و كيشوف فيها كيف العادة دخل بيها للداك المقهى مع استقبال المحترم ديال العاملين فيه كان مقهى كيحتوي على كراسيي منتظمة رااقية المظهر و جالسين فيها الناس محترمين سرقو بدخولهم بعض الانظار لان دخولهم ملكي متميز صورة متكاملة على الجمال والقوة و الانوثة وفاء مجبدة عينيها كتشوف فيهم باستغراب و رجليها كتمشى مع الريكس فعلا مكيبانش فيه مقهى ديال شي حاجة خايبة كالعهر هو نزل يدو للخصرها و كيزيدها معاه و هي دور عندو بعينين كيتساألو على وجودهاالريكس نزل راسو ليها كيشوف في دوك البلورتين لي كيسولوه مكانها هو دير ليها شبه ابتسامة رجولية و طلع يدو قرص بيها حنكها بللطف : غير كنت كنضحك مع زوينة ديالي عندي ليك للقاء مهم ....نزلات حواجبها باستغراب هو طلع راسو بديك الابتسامة و هي دور وجهها فين طلع راسو و هي توقف و قلبها كيضرب و حالاااا عينيها و هي كتشوف في وحد المائدة لهيه
الريكس هز حاجبو و ديك الابتسامة مكتفرقوش : علاش وقفتي هانا جبت ليك الماضي لي عالقة فيه ...ووسع ابتسامة هي كتشوف حتلة فيه عينيها و كطلع راسها كتشوف امير هو وحنان جالسين في المائدة ديال اكل مائدة معزولة كليا على العامية و خطواتها كيرجعو بللور ااريكس لي شادها بنفس الوجه
ااريكس : من غير لائق اننا منلقيوش التحية ...و زيدها معاه ...وفاء في الاصل كتخشى من المواجهة بأمير بسبب الخيانة و هاهي دابا غتبت عليها انها هجرات امير خطيبها و فضلات تكون عشيقة الريكس ....امير كان جالس برسمية و حنان حداه متأنقة زولات الحجاب دابا و دارت كاشكول في عنقها امير طلع عينو حتى كيبان ليه الريكس جاي بديك الهيبة و بين يدو القطة الوديعة حانية راسها كانت غطرطق بالحشمة ....امير حل عينو على وسعهم و ناض من الكرسي حنان حتاهيا فاش شافت وفاء مع الريكس حلات عينيها هادا دليل على ان الاشاعت كانت صحيحة وقف الريكس قدامهم بلباقة و شبه ابتسامة
الريكس بخشونة صوتية : السيد أمير (و مد يدو ليه أمير كان كيشوف في وفاء و قلبو كينبض و دار كيشوف في لي خداها ليه عض شفاهو بحرقة و مد يدو وهو كيعفط على قلبو باش يتصافح مع الريكس وهاد الاخير لي كان هاز حاجبو بلباقا ) كيسعدني تلبية ديالكم لل
عوة ديالي الشخصية
امير بابتسامة حسرة : شكرا امسيو الريكس...وفاء مخشية بين الاحضان ديال الريكس و حانية راسها خجلانة من انها الطلعو و كطلع صدرها و كتنزلو ... الريكس دار عند حنان لي كانت هي الطرف الرابع المصدوم و دار ليها تحية براسو و هي ترد عليه بنفس تحية و ابتسامة مع بعد مشاعر التوثر...امير كيشوف في وفاء و تخلخل لعينو لمعان ديال الحب العالق فيه نزل راسو كيخفيه و مد يدو ليها هي طلعت فيه غير عينيها ببراءة و كتنهج باغا طلب السماحة منو و طلعت يديها باش تسلم عليه هو يدور الاسد بنصف دورة و بنظرة حاد طلع حاجبو و رفع يدو الضخمة حوطت يديها بقوة مانعها تسلم عليهو ودور عينو الداكنة لمخيفة ل أميير بحواجب كيف النسر " انها امرءته لا تقترب " ...يتبع🕎هوسي بابنت عدوي 🕎
♨️oumaima mega♨️
☠312☠
في الديك المائدة الفخمة لي فيها ربعة ديال الكراسة راقيين في القنت ديال المقهى واقف أمير هو الزوجة ديالو حنان متباعدين على بعضهم على عكس الريكس لي في الاحضان ديالو كتواجد وفاء و مطلوقة موسيقى كلاسيكية راقية في هاد المقهى
كانت النظرة ديال الريكس واضحة جدا للامير كيمنعو من المحاولة ديال انه يسلم عليها هادا بحداتو إثبات انه ديالو من الاول ...أمير تهو كيشوف في الريكس بعيون الحسرة و لكن كانت النظرة ديال الريكس بعيون الداكنة هادا هو الرجل إدا أحب أنثى كيعلنها على أنها من ممتلكاتو للعالم و كيحدرهم من الاقتراب و إلا....... هو يدور راسو للعندها هو حاط يد على خصرها و يد شاد بيها يديها كيتحسسها ليها هي كانت هي حانية راسها من هول للخجل بعيون هو يدير ليها شبه ابتسامة و ميل راسو
الريكس بصوت رجولي و طلع حواجبو : كنقدم ليكم الحبيبة ديالي وفاء ...هي طلعات فيه راسها و عينيها مجبدين فيه و قلبها كيخفق من الكلمة حتى لبؤبؤ عينيها كبر كانت الصدمة على وجه حنان و هي كتشوف في وفاء و حالة فمها شوية عطاها لقب للتعريف امامهم اما أمير لا احدثكم على قلبو لي كيتسكر مابين اسنان الريكس بكلماتو
الريكس بابتسامة : وفاء هادا المهندس الخاص بالاوطيل و المدام ديالو(و دار عندهم بابتسامة ) تفضلو ....و جلس الشقراء ديالو بهدوء لانه على علم بفعلو الشنيع المؤلم لمناطقها الجنسية و جلس من بعدها و حلس كل من امير لي كانت نظراتو ليهم غيرة و حسرة و حنان لي كانت حواجبها منقضة للوفاء كيبان عليها السم و الحسد .....يدين وفاء كيترعدو محطوطين فوق الطبلة و عينيها كيلعبو في الارض هو يحط عليهم الريكس يدو الخشنة هو كيشوف فيها بابتسامة
الريكس : الاميرة ديالي مصدومة شوية (هي هزات فيه عينيها ببراءة كتنهج و منزلة حواجبها كتساأل على فعلو هادا هو يدور عندهم بابتسمة من جحيم كيلعب بكلماتو بلباقة ) مدكرتش ليها امر للقاء فاش كنا في الدار مبغيتش نزعج الاميرة ديالي بالتفكير بكلمات لائقة باش ترحب بيكم ....ووسع ابتسامتو الجانبية و يدو هازا يديها برفق و عينو في أمير لي كيرسل ليه رسائل بين انيابو بلي هي معاه في الدار و دار عند وفاء كيشوف بابتسمة هو متكي على الكرسي ...حنان كتطلع و كتنزل في وفاء و كتدور عينيها كتشوف في السيد الريكس الرجل الاعمال البلياديير كيف كيعاملها كانها الاميرة على عرش الملوك دارت لعند أمير باش تدير مقارنة لقات حواجبو منقضة وهو كيشوف في وفاء بغيرة شديدة وهو مزير على القبضة ديالو و هي ترفع حواجبها و دارت كتشوف فيها كيفاش قدرت تخطف نظر رجلين في عين المكان و احد الرجلين هو الزوج ديالها
أمير دور عينو لريكس بعصبية : كنشكرك امسيو الريكس على هاد الدعوة القيمة (جاو بعد النادلين كيقدمو مشروبات التحريب )
الريكس كان مسحور في الجميلة ديالو بعيون ثملة و كانت هي كتشوف فيه بعيون غير مريحة عارفة جلوسو هادا المتملق ماشي عادي الريكس رفع حواجبو و استدار عند أمير بشبه ابتسامة و يدو طلعها لرقبتها كيلعب بأطواق لالماس لي من اختيارو و في نفس لوقت كيحتك اصابعو بخشونة مع ملمس عنقها للطيف هي طلعت عينيها في امير قدامها بعيون من براءة كطلب بيهم السماحة و في نفس الوقت كتسرط ريقها و كطلع النفس و كتهبطها من لمساتو المهيجة
الريكس على حالو كيحك بيدو رقبتها و ابتسامة جنب : كنهأنئك على مشروعك الناجح ....حنان كتشوف في الاطواق لي في عنق وفاء كتلمع و طلعت يديها لعنقها لي كان فيه طوق بسيط ديال دهب
امير كيومأ ليه براسو بااه وهو كيحني راسو باسى طعم النجاح ديالو لامعنى ليه و هي ماشي معاه كان كيتألم في هاد الثواني ... وفاء كتسرط ريقها بين يدين الريكس و كتشوف في الريكس بعينيها كتنعتو بالشرير في دهنها الباطني حتى دار لعندها بابتسامة بين فيها انيابو المثيرة هو كيقرب ليها
الريكس : وفاء (هي جبدات فيه حواجبها ) فاش كتفكرك هاد الموسيقى (نزلت حواجبها فيه معرفتوش علاياش كيهضر ) اكيد نسيتي فاش كنا انا وياك في مراكش مؤخرا .....ووسع ابتسامتو بشر ....شكون قال الشيطان دميم الوجه هاهو جا على هيئة آدمي وسيم وهو كيصرح على خيانتها لامير راسميا ....وفاء خرجااات فيه عينيها بالصدمة و دارت عند أمير لي كان كيشوف فيها بنظرات مفسرة بمظهر لخيانة كانه كان ماشي راجل تخونو مع واحد اخر ...وفاء كدير ليه بحواجبها لاا ...و حنان مجبدة عينيها ادن الاشعات على علاقتهم كانت صحيحة شحال هي محظوظة و هي كتنزل فيها عينيها ااريكس بابتسامة كيشوف فيها و دار كيشوف في امير لي تهو كيشوف في وفاء ....تما محا ابتسامتو و اشتعل في قلبو جنون الهوس و حواجبو انقضو .....يتبع🕎هوسي بابنت عدوي 🕎
♨️oumaima mega♨️
☠313☠
الريكس كيشوف في أمير بنظرات نارية للهاد الاخير لي كان كيلوم وفاء على كلشي متجاهل وجود الزوجة ديالو حداه لي مخرجة عينيها فيهم بدات انفاس الريكس كتاخد المجرا الاخر وهو كيدور عينو لوفاء و كيلقاها كتشوف فيه افكار الاجرامية تبلورات حول أمير عتابر النظر في خليلتو الشقراء جريمة ....وفاء كانت كتشوف في امير ببراءة و شفايفها كيلملمو بكلمات الاسف بدون صوت حتى اغتاصب هاد السكون النهوض القوي ديال الريكس لي رجع بيه الكرسي للور وجهو الحاد جامدة وقف بالردة فعلو هادي اي افكار كانت غتأدي بأمير قتيل في هاد المطعم الراقي....انظارهم توجهات ليه بشكل مركز حول نظرو العميق لوفاء و حط يدو على دراعها برفق و خشا صباعو على دراعو و نوضها هي ناضت كتشوف فيه بعيون بريئة ...و استأدن الملك بلباقة رغم نيران المشتعلة لي في الداخل ديالو و لكن الارسطوقراطية اللبقة كتحتم عليه الاستأدان وشد بيدو الاخرى الاميرة ديالو هي مكتفية انها كتسايرو في حراكتو و نزلت راسها و حواجبها نقضو و دمات يديها بغضب لعندها ....و استدار بسمو الاميرة بهدوء و هي في احضانو كتعاني الغضب من تصرفاتو وهو داير القناع ديال البرودة ديالو مغطي على قلبو لي كيشتكي منو الغيرة ....و مرو بين الممر ديال المقهى بهدوء بعدما اختطف من أمير الروح ديالو كشيطان الموت و هو كيشوف الضياع الكليي لحبيبتو بعد الدموع الرجالية نزل راسو باش يكبحها حنان شادا على قبضتها و كتشوف في وفاء بعيون حقد ودارت كتشوف في زوجها محطم الفؤاد على ود هاد العاهرة الشقراء .....من بعد ما خرجها من المقهى هو مزير على دراعها باصابعو هي كتألم بين مخالبو بخفوت و كتلوى بكتافها باش تفلت من بين يدو حتى وصلو للسيارة لي كانت تحت اشراف الرجال ديالو لي كانو حانين راسهم ليهم و هي يزير على كتفها بقوة ضاغطة حتى غيرات ملامح وجهها و طلقات انينها الاول و دورها و خبطها على الطموبيل ...لي كارد كلشي زاح على الطريق
الريكس و صدرو لاصق على صدرها جهو قريب لوجهها انفو كيحتك بانفها هو مزير على كتافها و عينو سهام كتختارق عينيها بغضب و كيهدرو من تحت سنانو و بصوت جوهري : علاش كنتي كتشوفيي فيييه
وفاء كتشوف فيه و حواجبها منقضة و البراءة على وجهها : اناااا مشفت فيييي حد و نتاااا اصلااا لي جايبنيي هنااا شنو الهدف ديالك ؟؟ بيغتي تبيني خائنة ياااك
الريكس هو الاخر كيشوفيها بغضب و الكلمات كيخرجو مابين للقضبان ديال سنانو : طلعي دابا تال لدار و نتفاهمو ....هي كتشوف فيه بعيون جريئة و قلب خائف هو بدون مايزيح نظرو عليها دخلها للطموبيل لي بابها مفتوح و سد لباب و استدار للجهة السائق هي جلست تما و مربعة يديها و مخنزرة غطرطق و عينيها تبعوه حتى طلع حداها و جلس ....حتى هو على وجهو ظاهر فيه علامات الغضب الشديد هو كيشوف بحواجب كيف السقر في الطريق و ديمارا السيارة و زاد مع الطريق و رجالو حاضرين بقوة
وفاء كتشوف فيه و انفاسها كتضارب مع كلماتها : اكيد دابا نتا فرحان بافعالك البطولية و لكن فعلا انا ضيعت فرصة كااان خاصنييي نطلب منوووو السمااحة
الريكس رفع يدو تال السما و ضرب بيها الكيدون بقوة و عفط على المكابح لو زاد في السرعة ة عينو سعير من جهنم في الطريق : غتزيديي كلمة اخرى غنقلب مهااا هاد الطموبيل ...هي كتشوف و كطلع النفس و تهبطها و كتشوف فيه كيف كيزيد بسرعة في الطريق و كتحول عينيها بخوف من انه يديرها ربعت يديها و دورت عليه وجهها بغضب شديد .....بعد مدة قصيرة من صراع هادا لي كيجسد حرب باردة بيناتهم حتى وسلو للقصر بشحنات سالبة دخلت السيارة من الباب الخارجي ديال القصر ووقفت في المنتصف ديال الممر ديال الجنة وفتح احد لي كارد الباب الوفاء ...نزلت من الطموبيل و خدات من عندو الباب و خبطاتو على الريكس هو بدون ميحرك ساكن في داتو حول غير عينيه ليها و هو رفع حواجبو على تمردها الشقي هادا ....و هي ماشي كتمشى كتشتف على الارض واخا باقا كتمشى فارقة رجليها على ود الاحتكاكات الداخلية ...هو نزل من السيارة عطا الكونطاك للكارد و تبعها بخطوات سريعة باش يلحق هاد البطة الغاضبة و مكمشة وجهها بغضب شديد كيبانو فحال الزوجين هي غاضبة وهو اكثر على وشك انه يوصل ليها
الريكس بحدة : وفاااء وفاء
وفاء وقفت و دارت لعندو : شنووو بغيتيي من عندي تانيي
الريكس طلع فيها حواجبو بعصبية : هدرتنا مزال مسلات ....وحط يدو في دراعها بدون توقف و جرها معاه و هي غاد و كتعنكش معاه
وفاء : طلق مني طلق ....و هو جارها بدون توقف نيشان الغرفة ديالو دفع الباب بيد بقوة و اليد تانية جار بيها المشاغبة ديالو حتى دخل بيها و هي تنطر يديها منو
وفاء مجبدة فيه عينيها : علاشجايبني للهنا ...هو بحواجب منقضة قرب ليها و طلع يدو لحناكها و بصباعو بجوج ظغط عليهم حتى نفخ بيهم شفايفها و هي بعينيها الفيروزتين كتشوف في عينيه الداكنة بقوة
الريكس من تحت نيابو كيخرج نيرات الغيرة و بكلمات ثقيلة و نبرة تهديدية : مابغيتش نسمع مرة اخرى سميت داك خينة في فمك و لا نسمع حسو .....وفاء بين أصابعو للعنيفة كانت عينيها في حقل للعنة ديال الانجداب و هي كتشوف الرجولة في عينيه و كتنفس بين اصابعو و نزلت عينيها بكل جرءة للفمو خلخلت توازن الريكس وهو في قمة غضب و ادخلتو بدورو للعنة و طلعات فيه عينيها هو نزل عينو بالموزات للفمها لي اشتهى الاكل ديالو عينو ثملو فيه و في تحركاتو البطيئة و ميل راسو وهو كيقربها للعندو هي كتشوف فيه كيقربها لعندو "اااه الويل للحب اد على الحبيب غفى فقدم قربانا للعشق " نزلت عينيها فحال السحر تغمضهم استسلاما لييه هو فتح فمو شوية وقرب باش يلتاهم هاد شهيتين ديالها و اوشك على انه يكالهم هو يستدكر صوتها و هي كتنعتو بانه باغي غير جسدها ميمكنش ليه يحسسها بهادشي هي اغلى من مجرد جسد او روح هي الشقراء ديال الملك حل عينو و رجع للور شوية هو كيشوف هادا الفم الجميل لي مظطر يتخلى عليه و هاد العينين المعمضين بهاد الشكل المثالي جميلة جدا اعتدر للقلبو بأدب و حيد صباعو من حناكها مخلي بصماتو فيهم حلات عينيها فيه و جبدات حواجبها فيه حسات بالقمعة وهو داير جنب و مدور وجهو كيحارب نفسو عليها و تفاحة اداك جفت وبغات من فمها قطرة
الريكس بدون ميشوف فيها : مبغيتش نشوف وجهك ....زادت طرطقات فيه عينيها و الحمورية في حناكها و هي تمشي للناموسية بخطوات مسموعة غاضبة هزات حوايجها و خرجات مخليا ليه هاد الوكر ديالو من بعد مسدات الباب بقوة هو استدار نصف دورة و حواجبو منقضة كيشوف في الباب لي خرجت منو زير على القبضة ديال يدو بقوة و غمض عينو للشدة الألم لي كيخالج الداخل ديالو🕎هوسي بابنت عدوي 🕎
♨️oumaima mega♨️
☠314☠
وفاء غادا كتمشى و كتلملم بكلمات مسيئة للاخلاق كتنفس بيهم على غضبها توجهات لاحد الحمامات باش تبدل حوايجها تما ميمكنش تدخل على نرجس هاكا كانها اميرة .....بعد دقائق معدودة كانت وفاء كدور في الكوزينة بوحدها و كتسأل على وجود نرجس في الارجاء الوقت متؤخر بزاف فين غتكون مشات جلسات تما من بعدما خبات ملابسها الثرية وطلقت رجليها و هي هازا شعرها للفوق و كتخبش في صباعها كتفكر في لحظة للقمعة فاش بغاو يدخلو في قبلة عميقة و هي تميل راسها يمين وشمال كطرد بيه هاد الفكرة و تزامنت مع الدخول ديال نرجس من الباب ديال الكوزينة و هي كتحيد جلابة
وفاء جالسة في الفراش : فين كنتيي ؟؟؟
نرجس حيدت جلابة كاي ام مغربية و كتشوف فيها : كنت مع سعاد و ديك العويجة مرت السي الريكس للسينيما
وفاء نزلت حواجبها : اشمن مرت الريكس و زيدون علاش الداوك للسينيما نتي
نرجس جات جلست حداها سرحت رجليها : اي اي ياربي ياربي وااالوو ابنيتي خرجوني من الطموبيل و خلاوني واقفة حدا للكارد
وفاء بتعابير غضبية : وعلاش معدبينك معاهم
نرجس : نتي عارفة سعاد كيف دايرا اوووف شي 3 سوايع وانا برا في البرد بلحق دوك لي كارد حننو فيا مساكن طلبت غير كويست للما حنا راسو و قاليا ديك واخا الالة و مشا جابو ليا شربتو و قاليا نجيب ليك شي حاجة اخرى الالة كنت غنقوليه لا ساعة سبقاتني كرشي شوهتني دخل جاب ليا من للداخل ميتكال عطاوني كرسي جلست فيه مساكن زدقو حنانين و بقيت فيهم (هادي اوامر السيد الريكس ا لالة نرجس ولكن اعمالو ديما في الخفاء )
وفاء هازا فيها حجبانها : ومشافتكش سعاد
نرجس : راه قالوليا دوك الدراري الله يرضي عليهم لالة راه السيدة سعاد جايا ناضت دغيا دغيا درت ورايا الاثار ديال الكرسي مبقاتش
وفاء بعيون جدية : انا غنخرجك من هنا املكة
نرجس كانت ضاحكة حتى هجراتو : متخرجيني منخرجك غير ريحي الارض انا كنبلاني ليك
وفاء : قلت انا غنخرج منخليكش ناعسة هنايا
نرجس : هااااعار الله مريحي نتي راه باغا تعجلي موتني (نرجس غيرت ملامحة في لمح البصر ) على اثر النعاس راه مشيت لداك المخيزن لي كتنعسي فيه(وفاء جبدات فيها عينيها كانت غتقوليها كين بصح مخيزن ) ملقيت فيه لا فراش لا والووو
وفاء سرطت الريق و بدات فقرة الكدب و كتحك في شعرها : اه الفرااش كنخبيييه من مورا الحوايج تما و ادوات تنضيف باش مينتابهوش ليه
نرجس صغرات فيها عينيها بشك: مممم ادوات تنظييف : وعنداك تكوني كتكدبي عليا
وفاء : و و و علاش غنكدب عليك
نرجس : تكوني كتحفري شي حفرة تماا باش تخرجييي غير حيديها من عقلك راه مكين فين تنفنفي تبارك الله الجيوش كينين على برا
وفاء😒 : انا خاصني شي عقل لي كنسمع ليك نتي ....يلاه غتجاوبها نرجس و هي تنزل حواجبها كتستشعر شي موسيقى في ودنها كتدندنها ....اما وفاء كانت كتهدر عادي حتى دق ناقوس الخطر بضربة قوية في قلبها و هي كتسمع عبر الادنين ديالها الموسيقى الهادئة ديال لبيانووو عزف لحن حزيييين كيداعب الجدران ديال القصر وفاء كتطلع صدرها و تنزلو
نرجس كتسمع : هادا صوت البيانوو (دارت شافت فيها وفاء ) كين بيانو الفوق في غرفة بوحدو كنت باغا ندخل ليه و منعتني سعاد و حدرتني نقرب ليه قالت لا مشات حتى وقعت ليه شي حاجة غديرني في بلاصت دوك الاوثار (وفاء عقلها معاها و قلبها كيضرب الألم من هاد للموسيقى الحزينة ) يابنتييي هاد اللحن دار ليا الحزن ياختي طيح عليا الغمة .....في غرفة مضلمة مضويها القمر كين خيال بيانوو كيعزف على نوتاتو خيال الريكس وهو مغمض عينو و اصابعو كتحرك بشكل بطيئ
نرجس : ايييه توحد مالقاها كيف بغاهااا كلشي عندو المشاكل و الاحزان
وفاء نزلت عينيها فيها : اشمن احزان كتقولي نتيي
نرجس : ايييه ابنتي ميغروكش المظاهر هادو هما الناس الراقيين و الاكابر كيعبرو على حزنهم و آلامهم بهاد الفنون ....وفاء كتشوف فيها ميمكنش يكون في دوامة الاحزان وهو للتو كان معاها باعصابو الغاضبة
نرجس : المهيم نعسي دابا هاهيا موسيقى تركدك تكاي و سمعي تديك عينيك .....و عطاتها بالظهر و تكات على المخدة مغمدة عينيها ووفاء بدون متنطق اي كلمة كانو عينيها كيتحولو يمين يسار و لكن عقلها و قلبها مع هاد الصوت ديال للموسيقى الكئيب لي خيم على هاد المكان ....يتبع🕎هوسي بابنت عدوي 🕎
♨️oumaima mega♨️
☠314☠
و من جديد ليل دار سحرو على الاعين المستيقضة باش تستلم للنعاس إلا أعين العاشقين تحت وطئة ليل الرغبة ...الريكس كيعزف لحن الموت وهو مغمض عينو و كيخلي الانامل ديالو تعزف على اوثار قلبو ...و الشقراء متكية على المخدة حدا نرجس كتداعب ألحانو قلبها بحزن شديد و عينيها رفضت انها تدوق النعاس للشدة ديال الالم لي كتحس بيه على إثر هاد اللحن ... .لندع للسهر دور ترميم جراح العشق هده
أصبحنا و أصبح الملك لله
في الكوزينة ...إنطلاقا من نرجس لي كتحط الفناجيين في واحد الصينية .....و وفاء كيف عداتها السيئة باقا ناعسة ووجهها مدرق بخيوطها الدهبية و مجبدة على الارض
نرجس مشات عندها دغيا كتحرك فيها : وفاااء و و وفاااء تكعديي
وفاء كتكسل و حواجبها منقضين على بعضهم : مممممم
نرجس كتحرك فيها : و نوضييي ديك الصينية لسي الريكس و مرتو راه عيطت عليا ديك سعاد.....وفاء غير سمعت مسألة الريكس و مرتو و هي تحل عينيها على وسعهم و ناضت جلست مطرطقة في نرجس
نرجس شدات من صدرها : مااالكيي ياربي السلامة شوفي معنديش للوقت دابا نوضي ديه ليهم و غسلي ديك الكمارة ....وناضت دغيا خارجة من الكوزينة وفاء مطرطقة عينيها بالنعاس و كيتردد صدا ديال الريكس و مرتو في ودنها
في الجردة للملكية للقصر في واحد المكان انيق مختص بالجلوس أنيق حدا نافورة المزينة للقصر جالس ااريكس كيف عادتو بقناع البرودة متكي علة الفوطوي و كيتكلم بحواجب مرفوعة و كلمات مرافقة لليدو بهيبة على مختلف الاعمال الداتية الاقتصادية و تاليا حداه متأنقة كليا لارضاء نظرو الدامس و هي ضامة يديها للعندها و ميلة راسها مسحورة بطريقة كلامو من ابتسامتها المثيرة و نظرها ليه ...و ترسل للقلبها سهم من عند الكيوبيد باش توقع اسيرة في حركاتو ...عاد ظهرت قمر الزمان متوجة على العرش الجمال ملكة هازا في يديها الصينية فيها الفناحين القهوة جامعة شعرها و عينيها الخضراء الفاتحة داعبتها الشمس كتمشى فوق الصحاب النارية للغيرة وهي كتمشى إتجاههم بعيونة هائجة بطعم الغيرة ...الريكس كان رافع حاجبو كيهدر مع الانسة المثيرة حتى دور عينو شوية باش تلقى عليه اللعنة ديال الشقراء و هي كتمشى على قلبو بحواحب مرفوعة من غيرة و نظرات بريئة من جهنم نزل حواجبو و متانع للسانو على الهضرة حتى الكلمات تلخبطت في فم الملك ....حتى انتسى خبرتو العملية للهده السنين في ثانية بوجود الشقراء زاح عينيه من جادبيتها بصعوبة و دار عند تاليا باش يعدل من كلماتو ...كانت تاليا كتشوف فيه في لحظة للخبطة ديالو و لكن هي مرفوعة اكثر مكتسمعش حتى شنو كيقول ....بقات الشقراء لي كتمشى على ريح الغيرة من الطريقة لي زاح بيها عينو عليها جبدات حواجبها فيه حتى وصلات للعندو و عينيها عليها حطات ديك الصينية فوق المائدة الزوجاجية لي قدامهم و كتنزل في الفناجين و عينيها عليه وهو كيتحدث مع تاليا آاااه على نار الغيرة كيف كتقتات على قلب الجميلة ....ماشي وفاء لي كتبقا في الهامشية و تاخد اهتمام ملكها ليها
وفاء و عينيها المنقضة على الريكس : شحال بغيتي من السكرة امسيو الريكس ....اغتاصب صوتها الخلوة العشقية للتاليا هو اكتفى انه يدور للعندها بملامح ثابتة هو كيشوف فيها مقامها لي خاصو يكون أعلى من مجرد انه يشوفها خادمة
الريكس بكلمات ثابتة و حرك اصابعو بحواكب منقضة : غير خليه ....و استدار حاني راسو كيفكر بملامح جدية هاد الوضع خاص يتوضع ليه حد وفاء بقات واقفة كتشوف فيه بنظرات معاتبة و مزيرة على قبضتها الشديدة ... تاليا كتشوف في وفاء و هازا فيها حواجبها
تاليا بنظرة مستفزة : يلااه ساليتي الحطان سيري يلاااه ...الريكس طلع فيها عينو بحجبها و ما اقساها من النظرة لو استدارت تاليا لهتز الكيان ديالها ...وفاء شافت فيه و شافت فيها بنظرات شقية غيورة و هي تدور عطاتهم بضهرها و مشات بكيان مشتعل ...و هي تدور تاليا للعند الريكس و هي تهز من مكانها و من نظرتو المخيفة وهو رافع حواجبو عليها و متكي على الفوطوي
الريكس بخشونة صوتية و كلمات الثقيلة قاسية : أنسة تاليا (هي كتشوف فيه و كتبلق في عينيها و قلبها كيرقص على انغام الخوف ) اخر مرة تكلمي مع شي واحد في القصر ديالي بهاد الطريقة كنتمنى تحتارمي مكانك كضيفة ا انسة كنستأدن ....كلماتو أقسى من الحدين ديال السيف خلاها كتلملم اشلاء وجهها من الارض هو ناض بكل هيبة باش ينساحب المكان العمل ديالو
بالنسبة للوفاء دخلت الكوزينة بعجاجتها الغيورة و خبطت ديك الصينيا على البوطاجي وعلى وجهها الغضب
وفاء : صافيي جات البديلة و انا نفهم السبب ديال التغير ديالك امسيو الريكس (كتهضر على القبلة المقموعة ) مستحيل نخلي ديك العوجة بففف مكرهتش نتف مها بسناني زغبة زغبة بففف (بدات كدور ليها افكار سلبية هاد الشقراء عليهم و يقدرو يدخلو في قبلة عميقة دابا بخوف ) ناريي ويوقع هادشي غنقتلها بيدي مستحيل نخليها ...و استدارت خارجة من الكوزينة و هي تصادف بتاليا داخلة كتعض في شفايفها على الموقف المحرج لي تعرضات لييه🕎هوسي بابنت عدوي 🕎
♨️oumaima mega♨️
☠315☠
إلتقت الانتثتين ...تاليا زاحت عينيها بتكبر على الشقراء
تاليا : نتي تبعيني
وفاء واقف في الباب دالكوزينة و مجبدة فيها عينيها كتقلب عليها بالمزيان من عند القطة الشرسة .....طلعات تاليا كتعوج في الدروج وفاء قلبات عينيها عليها و طلعت من موراها و كتشوف ليها في المؤخرة ديالها و كيف لاطاي ديالها مثالية نزلت عينيها كتقارن بينها و بين راسها و كتزيد من شدة الغيرة ...انا متأكدة لو لم يكلمها الملك ماكانتش غتكترث في الاصل ليها و لا لطايتها ....طلعات معاها للبيت لمختار ليهاا كضيفة دخلت الانسة تاليا كتبجح بمكانتها و كتمايل بشعرها
و دخلات من موراها وفاء بتعابير واضح منها محاملهاش
تاليا بدات كتنزل في حوايجها و كتهدر : بغيتك تجمعي ليا داك المكياج لي تما و تقاديه يلاه ....وفاء كتشوف فيها بنظرات مميتة على هاد الاوامر لي كتمليهم كانها السيدة عضت شفايفها كتصبر اعصابها عليها و توجهات للكوافوز فيها مختلف مساحيق التجملية مبعترة تماا و بدات كتجمع فيهم بشوية ...و لوخرى كتحيد من وراها لبستها باش تبدلها بما حسن خاصها تكشف على مؤهلاتها باش تحقق غاية الدخول ديالها باسم ضيفة و تحول للقب السيدة الخاصة بالريكس ....بدات كتلبس واحد الفستان بالكحل مثير اكثر و كتحاول تبين بيه تضاريسها المثيرة
تاليا : إيييه نتيي (وفاء دارت عندها بنص دورة كتشوف فيها و طلع فيها و تهبط ) اجي طلعي ليا سنسلة ....و عطاتها بظهرها وفاء هزات قرعت الريحة محطوطة تما و رفعتها تال السما و بغات تشير عليها و عضت شفايفها مكرهتش تشير عليها بيها بلاتي بلاتي أفضل حاجة لامثال هاد الشبيهة ديال الفضلات هي تحطيم الثقة ديالها بنفسها (كنظن مرافقتها للريكس كسبتها بعض اساليب للانتقام النفسي ) حطات القرعة دريحة و ابتاسمت جنب
تاليا : يلاااه نتيي غنبقاو هنااا
وفاء بابتسامة : واخا ا انسة تاليا ....توجهات للعندها ووقفت من مورا ظهرها شدات بصبعها السنسلة و بدات كتحاول طلعها بصعوبة و ترجعها و تضارب معاها باش طلع و تأن بإعجاز العدم ديال القدرة ديالها طلعها
تاليا هزات حواجبها بجوج و دارت نصف دورة : شنووو واقع ؟؟
وفاء هزات عينيها فيها ببراءة و يديها مزالا على سنسلة : اانسة مبغاتش طلع ليااا
تاليا نزلات حواجبها : كيفااااش مبغاااتش طلع
وفاء هزات كتافها : مبغاااتش يمكن صغيرة علييك
تاليا توقفت للحظة كانها كتفكر فشي حاجة و دارت عندها : سيري جيبي ليا الميزان ديالي لهيه ....وطلعت يديها كتشير ليها لاحد المجورة ديال الكوافوز
وفاء ضامة يديها للعندها كانها قطة بريئة : واخا انسة ....دارت عطاتها بظهرها ووسعت ابتسامتها الملاك الشقراء و توجهات فين شيرات ليها
تاليا كترجع شعرها بيديها : ناري هملت راسي ولحمية دياليي ياربيي منكونش تزاديت في الوزن ماشي وقت هاد المشكل دبا
وفاء نزلت مستوى الادراج و على خدها ابتسامة انها حطات صبعها للنقطة ضعفها هاديي باش تعلم تلقي عليها الاوامر مزال الحساب ديال انها تجلس مع ملكها عصير خرجات واحد الميزاني فضي مبرج بطريقة اليكترونية خرجاتو من تما بهدوء و ناضت و استدارت عندها بوجه مبهم ببراءة و تمشات للعندها حطاتو ليها حدا رجليها تاليا نزلت للمستواه غتبرمجو ووفاء ناضت وقفت كتشوف فيها بنص عين " غير طلعي ابنيتي طلعي " عطات تاليا بضهرها للوفاء ووقفت على الميزان باقدام حافية سادة على رجليها و كتشوف في الارقام ديال وزنها و حواجبها منقضة حتى توقف في رقم خيالي (70 كلغ ) الامر لي خلا تاليا تخرج عينيها ميمكنش راه من موراها وفاء عابرة معاها رجلها لي منعرف شحال كتسوى و كابحة الضحكة كتولد فيها وفاء الشقية الصغيرة مجات فين تنزل تاليا حتى حيدت رجلها و رجعت لتقوقعها البريء
تاليا كتحرك راسها بالنفي : لا لاا ميمكنش هادشي مستحيل ميمكنش (ضربت الميزان برجلها وفاء جبدت فيها حواجبها و هي كتشوف الميزان تزاوط ) كيفااااش كسبت هاد الوزني حيديي عليا هاديييي .....كتحيد في الفستان ديالها و خبطاتو الارض و مشات للبلاكار ديالها كتغوت و معصبة
تاليا : حيدي عليا هاد الزبل تهو بنفس المقاااس تفووو هادشي ميمكنش حتى وصلت لهنا عاد وقع ليا هادشي ياربيييي ...باركة تجبد في الفساتين و تلحهم في الارض بعصبية ...وفاء واقفة في مكانها و بابتسامة خفية تفيد التشفية
تاليااا دارت عندها و هي تجمع الضحكة : جمعيييييي عليياااا هادشيييي سيري لوحييه ولا حرقيه و خرجييي باراااا
وفاء ببراءة : واخا الالة حالا ....بدات وفاء كتهز و كتطلع عينيها في تاليا كدور بواحد البيكيني و مشات للتليفون ديالها كدوز شي راقم ...وفاء ناضت و في يديها دوك لبيسات بابتسامة و جات خارجة
تاليا على وشك انها تبكي : ألووو دكتورة جيهان عندي مشكييل في الوزن ديالي ....وهي تسد وفاء لباب
وفاء : ههه واش من نيتها زدت ليها صبع رجلي في الميزان نوضت هاد الضجة هانا دابا عصبت العوجة و دبرت على لباس زوينين قللت ليك حريقهم نعمة الله هاديي ...و مشات فرحانة و مخلية من موراها زوبعة متشابكة من الاعصاب للتاليا