رواية هوسي بإبنة عدوي (مكتملة بدارجة المغربية )

138

🕎هوسي بابنت عدوي🕎
♨️oumaima mega♨️
☠718☠
و هي كتشوف فيهم كيتقدمو للعندها بخطوات بطيئة و عينيهم مكتزحزحش عليها ....كانت كتسارع الخوف بانفاسها المحتضرة استدارت بسرعة و وجهها المخطوف منها جوفها مبقاتش كتحس بيه ...تمشات للمصعد بخطوات سريعة و نفسها كتسمع و وقفت محادية للباب المصعد ليغادي يتسد دخلات ليه بسرعة ...و تهجمت على عاملة المصعد و هي كتنهج و حطات الاصبع ديالها على الطابق ديال المكتب بضغطات متتالية و هي كتشوف في الباب و موسعة عينيها حتى تقفل امام الاعين ديالهم ... عاد تكات على الحائط كتنفس بسرعة و غمضت عينيها و قلبها كيخفق في حلقها
العاملة ديال المصعد كتشوف فيها بالصدمة : واش نتي بخيير ؟ ...دفنة نزلت حواجبها كأنها غادي تبكي و كتحرك ليها راسها بالنفي بدون نطق أية كلمة اخرى ...اكتفت العاملة ديال المصعد باش تحط اليد ديالها على الكتف ديالها

في القصر ديال الريكس ....جابو الخادمات للغرفة ديال
السيدة وفاء هدية فخمة و متأنقة ....وفاء كتلبس في الحلقات الالماسية ديالها و هي جالسة بطريقة انيقة و كتشوف في الهدية و منزلة الحواجب ديالها باستغراب
وفاء : ديلاش هادي
رفيقة تقدمت للعندها ببطئ و الخادمات من موراه منزلين راسهم ....و مدات ليها بطاقة دهبية : مكتوب انها هدية زفاف ليك من عند السيدة سعاد
وفاء رفعات الحواجب ديالها باستغراب و خدات من عندها البطاقة الدهبية و شداتها في اليد ديالها ...كانت هدية مصممة خصيصا للوفاء من قبل احد اشهر المصمين ديال فرنسا ....وفاء جبدات عينها و ناضت بسرعة للهدية فتحات الصندوق ....كانت فيه مجموعة كتلمع من الحقائب كانت بجميع الالوان و كانت فريدة من نوعها ....خلات الشقراء تفتح الفم ديالها و توسع الابتسامة ديالها و تهز الحقائب بين اليد ديالها و تشوف فيهم بلهفة و سعادة ...متوقعتش هدية بهاد الجمال و الندورة قررات تلبس واحد فيهم لي يناسبها  مع للباس ديالها ...و تمشي بيه للجمعية و بمجرد ماترجع و تحس انهم وصلو لندن غادي تشكرها على هاد الهدية الرائعة

في الفندق ديال تي إيس ... كانت وقت الاستراحة الخاصة بالموظفين ...انساحبت ماريا منالبوسط ديالها و مشات للفترة الاستراحة ديالها و هي كتمشى بين العمال و كتحول عينيها يمين و شمال و غيرت للمسار ديالها للمصعد و هي كتشوف في الارجاء و هي كتمنى متلتاقطهاش الكميرا حيت ممنوع الموظفين يتجولو في الفندق و بالاخص يطلعو عند الزبناء للغرف ديالهم ... ماريا غادي تخرق جل هاد القوانين باش تنهي هاد المهزلة ....تمشات للمصعد و دخلات فيه
العاملة ديال المصعد : فين غادي تطلعي ؟
ماريا كتحك في الشعر ديالها و التوتر ظاهر عليها : بغيت الطابق الملكي للفوق
العاملة باستغراب حيت باين عليها موضفة هنا في الفندق شنو غدير في الطابق للملكي ولكن هي كدير للعمل ديالها وماشي سوقها :واخا

في المكتب ديال نزار ...دفنة كانت جالسة و هي كتسارع الهلع ديالها الشديد و شاردة في الدهن ديالها و يديها متوترين كأنها كتحسب نهاية ديالها شكون قال ان هاد الشرطية الشجاعة غادي تخاف بهاد الشكل في يوم من الايام مكانش عليها تجي المغرب من البداية هو يتفتح الباب بقوة و هي تقفز بشهقة مسموعة و دارت مخرجة عينيها و كتعكس بعينيها الدخول ديال نزار
نزار كيرمقها بنظرات استغراب و رفع الحاجب ديالو : شنو كين ؟
دفنة حركات راسها بالنفي و هي كتسرط في ااريق ديالها و توتر كيلعب بالانامل ديالها : لا والووو مزيان منين جيتي
نزار كيشوف فيها و كيتمشى للمكتب ديالو و شكلها غريب : واش كلشي عندك مزيان ؟
دفنة رجعت الشعر ديالها من مورا الادن ديالها : م مزيان ف فين كنتي ؟
نزار جلس في الكرسي ديالو و تكا عليه و منزل الحواجب ديالو : في الخدمة دفنة مكتبانيش ليا عادية
دفنة بتوثر تام : لا انا مزيان كنأكد ليك هادشي
نزار مبغاش يضغط عليها أكثر تجاوز الموضوع : على أي حولي جميع المواعد ديال هاد النهار لعندي و فكريني في اقرب موعد
دفنة حركت ليه راسها بالايجاب : واخا ...و نزلت راسها و قلبها كيخفق بشدة حائرة بين واش تقول ليه او لا لا و عاد الامر ديال دوك الرجال اصحاب الرقم سبعة لي شدهم هي فضولية اتجاههم و بغات تعرف واش قالو ليه شي حاجة عليها