رواية هوسي بإبنة عدوي (مكتملة بدارجة المغربية )

الاجزاء التاسع و الثلاتون

🕎هوسي بابنت عدوي 🕎
♨️oumaima mega♨️
☠251☠
نرجس بفرحة: مشفتييش ابنتي ليوما في حفلة الشاي اش وقع
وفاء كتحيد سبابط من الكرانط ودارت تستفهم : اشنو وقع ؟؟
نرجس : شي مرا قالت بلي في الحفل الخيري السي الريكس كان جا مع واحد الزعرا
وفاء طرطقت عينيها هي المنشودة يا إلاهيي
نرجس : ايوا يالالة سولوها عليها قالت ليهم غير لعبة
وفاء دارت عندها بتخنزيرات : كيفاش لعبة
نرجس : و تسناي نكمل قالت ليك كون كانت شي وحدة في حياة ولدها غادي تعرفها و تعلنها مغتخبيهاش و الا الامر غير لعبة (وفاء هازا حجبانها غطرطق كتشوف في نرجس ) العالم ربي بكيدايرا هاد الزعرة و من اينا كباري جيبها غتكون شي عاهرة فورست كلاس
وفاء بعصبية : واش من نيييتك صافي اي وحدة مشات معاه راه عاهرة
نرجس قرنات حجبانها : لا جيبها من مكة نتي متعرفيش هادو انا لي نعرف ليهم
وفاء كتعض شفايفها بغضب شديد : صافييي ا ملكة الله يخليك قلبي علينا حديتو الله يرحم باك
نرجس : و خلينا داويين ياااه .....هما يسمعو لباب كيتحل و هي دخل سعاد مطلعة راسها للسما لقاتهم هما كيصيبو ديك الحالة
سعاد : صربيو قادو ديك الحالة و بلاما ديرو العشا انا عيانة وولدي مكينش بليل ...و هي تنغز نرجس وفاء بدراعها و دارت ليها بحجبانها بلي هدرتها صحيحة سخطت وفاء بالمزيان كتعض شفايفها بالعصاب من هضرتها حتى جمعو داكشي و نزلو لكوزينة كملات نرجس مكلتها ووفاء كلات غير الفقصة حتى فاش نعسو الظهر على الظهر بقات نرجس كتهضر غير على الريكس و علاقاتو تقول السيدة كانت معاه على الاكيد ووفاء عيات فيها تسكت ووالو كتشعل لفتيلة غير في قلب بنتها
أصبحنا و أصبح الملك لله
سعاد جالسة في لي فوطوي الملكية الوسط ديال القصر و دايرا رجل على رجل و قدامها نرجس حانية راسها ووفاء كتشوف فيها
سعاد كتشوف في نرجس : على أي نتي غتغسلي القصر زليجة بزليجة غتبقاي تغسليها حتى نشوف فيها ووجهي بحكم اليوم عيانة منقدرش نخرج و نتي( دارت عند وفاء ) غتمشي تجمعي الحوايج المسخين و تحطيهم في غرفة الغسيل لي على برا الجردة يلاه صربي منلقاكش حدايا ههه باش نفاردو انا و نرجس مع بعضنا .....وفاء مشات و كتشوف في مها لي بقات فيها و هي حانية راسها كتساير سعاد ضرها قلبها على ماماها بسباب هاد العقروشة مشات نيشان للبيت الريكس سبحان الله رجليها كيتمشاو لعندو نيشان بسباب ظهورها الدائم أمامو و محاولتو للتجاهلها او دفن هوسو للعين كتلشى ادراج الرياح وعاد مكيزير يمشي مع التيار و يغرق اكثر ليتها كرهتو و ابتعدت عنو باش يرد السلام للداخل ديالو رجل بمثله برزانته وتباته قرر نسيان حبو المحرم بالتجاهل كيقضي ساعات وهو ثابت لا يتحرك و مسرح على الفوطوي كيلملم داتو كتجي هي في دقيقة بحركة كتضرب ليه كلشي في الزيرو و هاهيا دا كتدخل مرة اخرى الغرفة ديالو بعدما دقت الباب و منتضراتش الادن باش تدخل لعندو كتقلب بعينيها عليه الغرفة خالية من وجودو ريحتو لي كتحرك في المكان كتسأل واش مرجعش من البارح و هي كتلعن في داتها و كتقر انه ماشي سوقها ولكن كتخشى في اعماقها ان يكون كلام نرجس في الصحيح قربت للغرفتو المنظمة بشكل ميثالي كتقلب على ملابس الوسخ حتى تحل باب الحمام ديالو لاوي فوطو على نصو و العضلات السمراء المنتفخة الصلبة و العلامة الدوبلفي في الجانب الايسر من قلبو ووجهو الخشن الرجولي لي مهبطو الارض كتزينو للحية السوداء لي ابتلت بالماء و شعرو اسود قاتم نازل على عينو و فازك و قطرات الماء كتمايل على عضلاتو بفعل الاثارة هي كتغازلو بخيزورانية عينيها و هي كتحرش بجسدو بنظراتها بللت فمها على إثر القطرات لي كينسابو على ديك الدوبلفي و سرطت ريقها هو هز راسو فيها لقاها كثمتال العدراء كتشوف في صدرو هو ينزل عينو للدوبلفي و عقد حواجبو وهز فيها راسو و تقدم عندها بخطوات جد سريعة وهي للدرجة انغماسها في داخل لاوعي ديالها من هول الاثارة شدها من وراعنقها بقوة و قربها للعضلاتو الساخنة حتى تعلات شهقات انوثتتها المثارة و هي كتنفس و مطلعة فيه عينيها لأنه طويل عليها ورافعة يديها للسما باش ماقيسوش هو يحرك ليها راسها
الريكس بغضب في عينيه : عاقلة على هاد الندبة ...و هي تنزل عينيها لي الندبة بدون أي وعي غمضت عينيها و جمعت فمها و حطات يديها الاخرى على الجنب الاخر من صدرو و حطت فمها بضغط شديد على ندبة دوبلفي حتى إشتعل غريييزة ...يتبع🕎هوسي بابنت عدوي 🕎
♨️oumaima mega♨️
☠252☠
هو حل عينو في الفراغ قناع البرودة القاصية داب على إثر قبلة من شفتيها النقية تطهر بيها روح الشيطان السوداء فتيل الرغبة كيشعل فيه الشهور و للدة اجتمعت على أن تكسر طغيان التجاهل لا واعيا هي تعتدر على الندبة و كتعالجها بإثارة الشفاه ديالها و يدو من ورا عنقها محطوطة ظل ساكن بدهشة كيستنجد بشعور شفاهها لي كتعطيه نكهة الوقوع في للحب من جديد حيدت شفاهها على الندبة و هي كتشوف فيها و طلعت فيه عينيها بلمعان البريق ديالهم كيتلألأ نزل حواجبو كيتمالك نفسو أكثر على الصغيرة لي كتلعب على أوثار قلبو الجريح لي كلما كيحاول يلملم اشلائو بحركة وحدة كدمر بيها جبل برودتو نزل حواجبو فيها و تدفق خلايا للغريزة كتقتات عليه مستحيل تخليه يتجاهلها او يفكر ينساها و هي كترمش عينيها باستمرار و كتشوف فيه داق درعا من الاحساس لي كيحس بيه و شدها بقوة من دراعها حتى كاد يقتلعها ليها من مكانها و رفعها للعندو هي حلات فمها بالالم وعقدت حواحبها
وفاء : أااي ....حتى المها مثير سيطرتو على داتو كتلاشى عينيه ولاو شديدي الحمرة و عروقو خرجو من عنقو و رماها بكل جهدو على برا و زأر عليها كالاسد : براااا ...هي كتشوف فيه بتعابير باكية و شادا من دراعها هو استدار كينهج بقوة هائلة و تمالكو للغريزتو للمرأة لي كيبغي أمر اصعب من الاحتضار بالنسبة للرجال أمثالو للدرجة أن حرارة الجسد ديالو الحجري ارتافعت بقبلة حرارية يا الله رجع بسرعة للدوش هي ناضت شادا من دراعها ووقفت على رجليها كتمشى جيهة دالباب و تعابيرها ولات غاضبة سدات الباب كتمشى و قلبت دراعها لي مطراسيين فيه صباعو
وفاء بوجه غاضب و الهدرة كتخرج ليها مبين قضبان سنانها: كيفاش يتجرأ يرميني بهاد الطريقة كأنني وحدة مكتسواش ولكن انا لي حمارة و مدلولة سيد مدااار والوووو انا لي حالا فيه فمي كي الضبعة و بست ليه صدروو من الفوق
وهي تسد ودنيها بيديها و غمضت عينيها بقوة و حنات راسها و كتميلو يمين و شمال كأنها كتحاول تطرد ديك اللقطة
وفاء:اوووووف شحال انا غبية ....مشات غادة و محيحة على راسها طلعت البيت سعاد كتمشى و كتهدر باستمرار بعدا راسها مسلمش من معيارها غطرطق بقات فيها البوسة لي تجازات بيها بدفعة هزت وحد السللة فيها الملابس الخاصة بسعاد مبعترة
وفاء : هاد الشارفة مكتصبنش حوايجها و باز تيجيو عباد الله يصبنوهم ليها بففف ....و خرجات من تمااا كدور على لبيوتة دخلات غير لجوج لقات سلات فحال ديال سعاد مفيهم حتى حاجة و خرجات من تما غادا نازلة كتقلب
وفاء : فيييين غنقلب تاني على غرفة الغسيل الله يغسل ليا الدماغ ...نزلت دازت على نرجس ....لي لقاتها جالسة على ركابيها كتحك كتحك في الارض ووسعاد كتشرب فينجان دالقنوة و دايرا رجل على رجل شادا مجلة و كتهز عينيها في نرجس مرة مرة
نرجس جلس و شافت في سعاد بابتسامة : ساليت الالة
سعاد هزات عينيها بتعالي : انشوف ؟؟؟...حطات الفنجان و المجلة و ناضت حطات صبعها على الارض وطلعاتو شافت فيه
سعاد : ممم مزيان دوزي جليجة الثانية
نرجس : واخا لالة
سعاد : طلقي راسك راه القصر واسع و فيه كثر من آلف زليجة
نرجس كتحك و كتزرب : واخا الالة
وفاء دازت منزلة حجبانها في سعاد اش كدير ليها في مها و كتشوف فيها بحقد سعاد طلعت فيها راسها
سعاد : باقا نتيي دوريي بديك السلة يلااااه صربيي طلقي راسك ...نرجس وقفت كتشوف في بنتها واقفة كتخنزر في سعاد و كدير ليها بعينيها باش تمشي وفاء شافت تاعيات و مشات خارج القصر في الجردة تقلب على غرفة الغسيل و هزا ديك السلة مشات في اتجاه واحد البناية صغيرة لاصقة على للقصر متطرفة باباها مفتوح حلاتها وفاء كتفاجئ بيها مكان خاص بالتنظيف ..آلات تصبين منتشرة في المكان مختلف المواد التنضيفية تما وعاد مكان للمكواة (ههههه مقصدتش شي حاجة ) باش يتصلحو الملابس هي دخلت تما كتشوف في الماكنات و حالا عينيها فيهم مكتعرفش تخدمهم كيف غدير ياناري حطات السلة تما مشات للمواد تنظيف حدها هزات فيهم التيد واخا للقات فيه الانواع هزات واحد على الله و مشات للسلة كتشوف في الآلات كيتشبهو ختارت وحدة نزلتللمستواها ببطئ حلاتها صدقا هي عمرها تعاملت مع مكينة التصبين قبلا حلاتو و خشات الحوايج فيه لداخل فيهم غير حوايج سعاد و بقات كتشوف في تيد كيف غدير ...خرجات الحوايج من المكينة عاود تاني و عقلها معاهم خدماتو هزات تيد دردراتو علييهم فحالا كدير الملحة و رجعت دخلتهم تما و سدات عليهم مبغاش يتسد ليها حيت الكمية كبيرة شوية على السعة ديال الماكنة و هي مسوقهاش غيتسد هي غيتسد بقات معاه حتى تسد نص سدة و ناضت كتشوف كيف دير تشعلو لحسن الحظ ديالها تعليمات بالانجليزية خدماتها شعل من هنا دير عادي و من بعد هادي حتى بدات الماكنة الدور بسوايع و هي معاها
وفاء : اوووف و اخيرا شعلت ....ودارت كتمشى تما تكتاشف منها نيت تنسا الاحراج ديال قبيلة مع مسيوها الريكس و من اللور الماكنة تحلت حيت ممسدوداش مزيان الله يعلم بالكارثة لي غتوقع عاد زيداها مديراش الماا في الة تصبين
بعد ربع ساعة بالظبط ....نرجس بواحدها وسط القصر كتحك في الزليج باقا مسكينة غير تحك فيه و الريكس خارج بخطوات مسموعة نرجس على الارض زعزع عليها استقرارها بخطواتو المنتظمة هو بوجه صلب كالجليد و النظر الحاد ديالو طلع عينو و حواجبو بنفس الوقت لقا نرجس بوحدها جالسة على ركابيها هو يسمع في الأدن ديالو الصوت ديال سعاد كتغوت هو ينزل حواجبو و استدار للمصدر الصوت نرجس تهيا سمعت و هي تخرج عينيها و طلعت راسها في مصدر الصوت🕎هوسي بابنت عدوي 🕎
♨️oumaima mega♨️
☠253☠
في المصبنة ديك الماكنة ددتصبين حابسة و سعاد نازلة لمستواهاا كتجبد منها حواجها لي مقطعيين و كتغوت عليهااا : اش درتيييييي لييااااا الحوايجيييي
وفاء واقفة من موراها و كتجابه : راه مدرتهاش بلعانيي راه مكنعرفش نخدمها
سعاد ناضت شادة من شراوطهااا كترعد و كتشوف فيها و تقرب و سيدة عروقها خرجو و عينها خرجو : واشششش نتيييي عارفة هاد الحواااايج شحال بمشرييين لي نتييي قطعتهم بسباب غبائك الحمارة ....و خبطتها بيهم وفاء دورت وجهها و رجعات دورات فيها وجهها و خنزرات فيها بغات تطرطق بغات تجوبها و لكن خسارة نرجس محلفة عليها بقات تنفخ و تفش علبها
سعاد : هبطيييي عينييك فاش نكون كندوي معاك الحمارة ....هو يغتاصب المكان دخول الريكس بهدوء و حواجبو منقضة على بعضها هدر بصوتو الجوهري الطاغي على المكان : شنو واقع هنا ؟؟
سعاد خلاتها و دارت عندو و مشات كتوريه في الحوايج و كترعد : شوف شوف ولديي قطعت ليا حوايجيي شوف
نزل حواجبو كيشوف سعاد كيف كترعد حط يدو على كتفها بجوج بهدوء
الريكس : سعاد تهدني (و طلع عينو في وفاء مخرجهم فيها بغضب شديد هي مربعة يديها و كتشوف فيهم بتخنزيرة و كتقلا من للداخل ) نتي غنتفهمو من بعد ... هي تجبد فيه حجبانها بكل وقاحة هو نزل عينو لسعاد لي ولات فحالة استهرية هو يحط يدو على حنكها : انا غنسعى باش نعوض هادشي تعالي دابا معايا ....ضمها لعندو و خرج بيها من تما و السيدة كلها كترعد و كتقفقف نرجس واقفة برا كطل و كتسمع و خايفة على بنتها لداخل شافتهم خارجين و هي توقف جانبا كتخوي ليهم الطريق و الريكس كيلملم بكلمات في ودن سعاد باش يهدئها ما أمكن... غير تجاوزوها دخلت عند بنتها بجرية لي كانت تهيا كتفور بالغضب
ملكة بعصبية : اش درتي يا هاد الحمارة
وفاء دارت عندها : اش عندي مندير ليها معرفت نخدم الماكنة تقطعو ليها الحوايج اش غندير ليها انااا
ملكة : احياني عليك وفكيها دابا مع السي الريكس
وفاء : معندو ميدييير ليا اصلا
ملكة : شوفييي ااه سعاد ماشي هي السي الريكس خلينا نسلو شوكتنا بلا دم زيدي قداميي
سعاد ناعسة في الناموسية كتشرب الدوا و شادا كاس ديال الما الريكس جالس في الجنب ديالها متكيها على صدرو كيعملها كأنها الطفلة ديالو ماشي الام ديالو و يدو الضخمة كتمسح على راسها بهدوء
الريكس كيتكلم بهدوء مع الخشونة ديال صوتو هاز حاجبو الاعلى : نتي عارفة بلي مخاصكش تعصبي
سعاد شربت الدوا و عطاتو الكاس و كدير ليها بكل طفولية براسها : اااه
الريكس حاط الكاس في جنبو : و شنو هادشي لي شفت ،؟؟
سعاد ناضت كتشوف فيه: راه هي لي عصبتني
الريكس هز فيها حواجبو بجوج بجدية : ادن نوقف هادشي
سعاد كتحرك ليه راسها بلا : لا لاااا مغنتعصبش مرة اخرى غير خليهم ليا
الريكس ابتاسم شبه ابتسامة باردة : يلاه دابا غتنعسي باش ترتاحي ياك يلاه ...ناض و خلاها بلاستها نزل لمستواها كيترقب عينيها لي غمضتهم بهدوء و ناض بكل هدوء خرج و سد الباب و عقد حواجبو بغضب شديد و كيضغط على سنانو و انزاح من المكان
نرجس و وفاء في الكوزينة جالسة وفاء فوق الكرسي الطويل
وفاء : دابا مالكييي نتييي وحلت معاك غير نتي
نرجس كتغسل للماعن : نتي جاتك عادي العالم ربي اش غيديرو فينا دابا عقلك مدخلش فكرة انه .....و هي تسكت و قلبها وقف فجأة و عينيها خرجو ووفاء تهي تخللها احساس الدعر من صوت الخطوات لي أشبه بخطوات شيطان الموت نرجس وقفت قدام بنتها غتحميها و لي ليها ليها وفاء شدات من قلبها مزيرة على راسها و كتخنزر رغم الخوف و كلشي هي متمالكة راسها حتى دخل هو عينو شر لا متناهي كيحول بؤبؤو لاسود اللعين باستمرار في المكان كأنه كيتفقد فريسة حتى انتاشلها من الهواء من ورا الام ديالها كتشوف فيه بدوك الفيروزيتين بغضب لعين و تمرد واضحنرجس بخوف الام الشديد : عافاك اسيدي هي راه مكتعرفش
الريكس رفع يدو كإشارة باش تسكت و متزيدش كلمة و عينو على وفاء و هدر بنبرة مهددة قوية و الكلمات كيخرجو بضغط شديد : هاديك البرهوشة (نرجس حلات عينيها فيه و الخوف متملكها أما لي موراها متمسكة بداتها رغم الخوف فهي ارتدت قناع الجرأة لأنها تعرف جيدا شكون لي امامها غير هاد الاسد الغاضب ) هادااا آاااااخر خطأ نسمعك درتييه ....نرجس كتسرط في ريقها بشدة و هب رفعت حواجبها ليه بتحدي فهي عاشت معاه الحب و ميمكنش المرأة تخاف من حبها هو يرمقها بعيون النسر الميمتة اقتلع بيها روحها من الخوف بارتعاب ولكنها ظلت صامدة و استدار باش يمضي في طريقو و هي دور نرجس عند وفاء و تحيرت عليها و على اش دارت صدقا أن وفاء وحلت غير مع مها لي مخلات فيها ميتعاود الخبار ووفاء بغات اتسكتها ووالو ...... اهم حاجة تهناو من سعاد هاد نص نهار كولو حدهاا نزلت باش يتعشاو نزلت مهدنة و ساكتة جلست كلات خاصها تبقا باردة ما امكن باش يقضي فيها الدوا اما مستر الريكس فمكانش ليوم بليل ...نادرا مكيكون متواجد بليل بحكم طبيعة عملو لخارج عن القانون كتكون تفرعات بين الطيات و الظلمات ليلية🕎هوسي بابنت عدوي 🕎
♨️oumaima mega♨️
☠254☠
بداية بسعاد مرة اخرى موقفة قدامها نرجس و وفاء و دايرا رجل فوق رجل فوق الفوطوي و كتهدر بيديها : غنتزاوج داكشي لي درتي لبارح دابا غتمشي للجردة بيغتك تقاديها كلهاااا ....وفاء كتشوف فيها اش غتقاد اصلا في جردة عرضهااا و طولها كيساويي الهكترات و هي كتقوليها تقادها فاش يلاه كان دخولهم كانو كيشوفة الالاف ديال البستانيين منتاشرين فيها يقادوها عاد تقادها هي لا لا الامر غير عادل واقفة مسمرة كتشوف فيها
سعاد جبدت فيها عينيها : يلاااه سربيي سيري
هي كتشوف فيها و كتشوف في نرجس لي كدير ليها بعينيها سيريي دارت و كتشوف في نرجس معارفة مدير كيفاش غتقاد الجردة
و هي دور سعاد عند نرجس بابتسامة : دابا بقيتي ليا نتي كنت كنفكر صراحة بزاف شنو غندير فيك بحكم للبارح مكملتش معاك لبلان ديال الزليج ليوما منقدروش نمشيو نديرو الخير عاود تاني حيت عيانة مي مغنخليكش جالسة حشومة عليااا غنمشيو انا وياك للباب الخارجي باش تهزي لخناشي دزرع على ضهرك باش تنقيهم و تجي دلكي ليا رجلي اوكي
نرجس حانية راسها و كتسمع : لي بغيتي الالة ....خرجت وفاء للجردة كتشوف فيها و دايرا يدها على نصها ومكمشة وجهها مع الشمش ياربي كيف غادي دير ليها و منين غتبداها قربت من تما كتشوف فيها
وفاء : جردة مصايبة اش غنصايب فيها ....دورات وجهها كتلقا في وحد المكان منعزل شوية بزاف دالمقوصة كبااار و آلات ديال التقطيع ديال الربيع و بزاف ديال الات خرين معرفتش لاش كيصلحو قربت ليهم هزات مقص كبير خشات فيه يديها بجوج و كتحلو كتسدو بان ليها صالح و الآلة كتشوف فيها و تقلب كيف تخدمها لقات بلانها هزات المقص و جارا الآلة معاهاو هازا حتى منجل غتبدا من واحد القنت كتشوف شي اغصان خارجين ممخلينش الورود و الازهار الغالية دالثمن تبان بجماليتها يعني خاصها تحيدهم ماعلينا هزت المقص وحطات الغصن وسط المقص و سدات عليه طيرات الغصن و صف ديال الورد
وفاء : ياخ تفوو طارو و كاملين بغيتهم يبانو ....مشات الغصن الثاني كتحاول معاه تقطعو غير بوحدو ساعة الورد فرتاتو بالمقص
وفاء : اوووف يمكن معليش يمشيو غير هاد شوية مغيبانوش أكيد الورد كثير ....بقات الورد كثير مغيبانش حتى خلات فيه خمسة بالحساب الصف كامل طيراتو باقي ليها الصف الثاني حطات المقص
وفاء بتعبير مامفهومنيش كتشوف في للورد لي حيداتو : هادشي ماشي تال لهيه موحال ينتابهو ليه ....وهي دور الآلة بانت ليها واقفة مشات ليها خدماتها جرات الخيط و شدات من الآلة كتمشى بيها و حاضية مع الربيع لتحت كيحيد نصو تلهنا مزيان و هي تبدا تمشى بيه غادا جايا بيه المشكل انها محبساتش بقات خادا جايا حتى قرعت البلاصة حتى التراب طلع
وفاء بتدمر : عيييت اووف و باقي ليا ليموون كولو خاصني نجبدو من الفوق غيكون طاب هادا راه ماشي جردة هادي راه فيرما طفات الآلة تترجع ليها تكمل و هزات المنجل و اتاجهت للشجر تتجني ليمون(شي حد يوقف هاد الوحش المدمر ) وقفت كتفرج في الشجرة كيف غدير ليها دونك خاصها سلوم اكيد .... تحل لباب الخارجي للقصر على وسعو و كبرو و دخل الريكس بسيارتو واضع يدو لي فيها قفازات جليدية خاصة بالجريمة على المقود وقناع البرودة على وجههو بدون ملامح تحت نظرات سوداء كيسوك و ...هو على الممر الطويل على وشك أنه يوصل لبوابة الداخلية دور وجهو لجهة اليمين هو ينزل حواجبو بدهشة واحد المنطقة صغيرة كأن اعصار ضرب فيها كلشي مدكدك فيها الورد مفرتت طايح الربيع غير مشتت و الارض جرداء قاحلة اصبحت جد مخربة خرج من الطموبيل ديالو و رجلو كتحرك نحو التخريب حواجبو منقضة تراتيل جبهتو كتهدد الفاعلبالقتل تمشى ببطئ كيشوف في داكشي حتى كيسمع أنين خافت أنثوي لطيف دور وجهو ببطئ لجهة ديال الاشجار لي ولات ليمونها على الارض و الصغيرة الشقراء جامعة شعرها و هازة سلوم كيفوق طولها بمطرين و غادا بيه للشجرة الرابعة حتى كتحس بدراعها تنطر ليها بقوة و سلوم طاح الارض ااريكس جبدها لعندو بشدة قوية حتى صدرها تنساطح مع صدرو هي خرجت فيه عينها كتشوف فيه
الريكس بعصبية كيشوف فيه و حواجبو مقيضة بثراتيل سباقة للعتاب: اأش درتييي نتياااا ... و هي تنزل حواجبها فيه كند ليه و نترت دراعها من يدوووو القمعة ديال البوسة مزال كتراودها حتى تمكنااات تحيدهت
وفاء بعصبية : متقيسنيييش متحطش يديك علياااا ...و مخرجة فيه عينيهااا بكرياء مجروحة على دفعتو ليها ديال قبيلة و هو طلع فيها حاجبو على تمردها هادا و قلة أدبها لي مخليها ترفع صوتها و تحتج بغا يندافع باش يهضر معاها و هما يسمعو صوت سعاد على بعد مسافة
سعاد مخرجة عينيها في الجردة : أش هادشي ؟؟؟؟؟🕎هوسي بابنت عدوي 🕎
♨️oumaima mega♨️
☠255☠
ونرجس من وراها كتشوف تاهيا في الجردة و عينيها فيهم خوف كبيير على بنتها للواقفة كتشوف في سعاد الريكس خشا يدو في جيابو بكل رجولة خشنة كادت تلين في يد طفلة قبل ثواني و دور راسو و عينيه مغمضهم و حواجبو منقضة كيستعيد بيها سلامو الداخلي
سعاد بغضب شديد دارت لوفاء نيشان لواقفة كتشوف فيها : نتييي ادييك البرهوشة ....وجايا لعندها قاصداها بقوة و غضب في عينيها وفاء شافتها جايا لعندها ووحد الشر رهيب في عينييها بدون سابق إنظار هزات للمنجل و رفعات للسمى بأقصى قوة نرجس خرجات عينيها و طلقت لعنان لصرختها القوية و نزلت الارض على ركابيها فاشلة كل الفشل
ماكدات سعاد أنها تضرب وفاء بديك القوة بالمنجل حتى كان الريكس قدامها شد المنجل بقوة بيدو و عينو السوداء الثاقبة أصبحت شديدة السواد داكنة جدا لا تحمل أي انعكاس مزيج بين الخوف و الغضب عطات نظرة مغايرة ...أما وفاء فكانت مخشية في ظهرو بكاملها شادة من ظهرو بيديها بقوة كتستنجد بحاميها و كطل على سعاد بخوف شديد لدرجة عينيها عمرو بالدموع
الريكس الدماء ديالو كتنزل من يدو الصلبة و كيشوف في سعاد نظرة غير مفهومة الامد وتكلم بصوت خشن كيستدعي تفسي : سعاد ؟؟
سعاد كتشوف فيه و كتشوف في ديو لي كتنزف بكثرة و بدات كترجف و على وجهها مظاهر الاستفسار كأنها ماشي هي لي كانت دابا : و ولديي م م معرفتش اناا و و ...رخات المنجل بانهيار كانت غطيح هو يشدها سندها القوي في الحياة و فتح عينو عليها بخوف هي بين أحضان عضلاتو الصخرية كتقلب عينيه بسبب انهيار العصبي ديالها فهو رغم قسوته الشديدة و سفكه الدماء ببرودة إلا أن نساءه كيبقاو خط أحمر يمنع تجاوزه هو حاول يحط يدو على وجهها و لكن توقف لأنها مليئة بالدماء كيخشا عليها توسخ
الريكس : سعاااد سعااد ...وفاء طلقت من الريكس و كتطل عليها بوجه بريء كأنها مادارت والو
سعاد كتحل عينيها فيه بصعوبة : ولديي ....حط يدو لاخرى تحت من رجلها و رفعها بسرعة كيتمشى بيها للداخل القصر نرجس هي الاخرى بعدما انقض قلبها و توقف في للقطة لي كانت غضربها فيها قطرات ديال دموعها كينقطو في الارض و هي فاشلة مقداش توقف و هي تجي عندها وفاء بجرية نزلت لمستواها كتزعزع فيها
وفاء : ملكة ملكة مالكي
نرجس طلعت فيها عينيها و هي شاعلة عليها و هي تجمع ليها شعرهااا في يديها و كتبكي : هيء هيء الحمااارة محشمتيييش (و كتلوي فيها تديها و تجيبها ) كانت غتقتل مووووك يا الكلبة
وفاء شادة من يد نرجس : ااااااي ملكة طلقييي منيي اااااي ....طلقت منها وكتخبط في جنابها و وفاء شادا من شعرها و كتشوف فيها
وفاء : راه هي لي بغات تدربني
نرجس كتخبط في جنابها و تبكي : هيء هيء اويلي كنت غنترزا في بنتي اميمتي
وفاء بتعابير باكية : وصافي ا ملكة و صافييي
الريكس حط سعاد بكل هدوء في فراشها و ظنزل حواجبو كيمسح ليها في شعرها و هي كتشوف فيه
سعاد : حبيبي ضربتك سمحليا
الريكس بجدية : اهم حاجة تكوني نتي بخير اش قلت البارح ؟؟
سعاد بهدوء كتمسكن : هي لي عصباتني
الريكس بجدية : نتي غتبقاي هنا نهار كامل منبغيش انك خرجتي
سعاد بتدمر بغات تنوض : علاااش
الريكس هز حاجبو : انا هضرت غترتاحي دابا ...و ناض من تما كآمر القلعة يمجد بخطواتو قصر الشيطان
وفاء و نرجس بقيين على حالهم جالسين و نرجس يلاه بدات تسكت و حانية راسها
وفاء كتشوف فيها : و صافي ا نرجس راه موقع ليا والو هانتي .... مجات فين توريها حتى خشا يدو بين خصلات شعرها بقوة جمعو ليها وجبدو ليها هزها منو هي شدات منو و ناضت بغوتة حيت جبد ليها عروق راسها و قربها للوجهو
الريكس بغضب : حدرت مووك البارح باش متعاوديهاش
وفاء:ايي يي .... شادة بيديها بجوج من يديه لي ناتفاها و مغمضة عينيها من شدة الالم و هو يزيد يزير على شعرها و قربها ليه كثر شئ لي زادالمها اكثر و هو يغوت عليها بجهد حتى عروقو اوشكت على الانفجار من دراعو و جيهتو
ريكس :علاااش درتي هاكا
وفاء كتحس ان شعرها غيقتالع من جدورو وهي كتالم بشدة حتى زعزع ليها قلبها بديك لغوتة لي غوت و حلات عينيها على وسعهم من شدة الخوف لي نتاقلت مع سيالات جسمها و تصدم بشدةالقرب لي كان بيناتهم و كتشوف في عينيه المنقضة على عينيها بنضرات جد غاضبة و حوجبها مرفوعين وهي تسرط ريقها الشهي من شدة انجدابها واثارتها بعيونو لي كنبض برجولة مع خفقات شديدة في قلبها كتأيدها على هاد الاحساس شئ لي شلل ليها باقي الاعضاء و نساها في الالم اي كانت كتحس بيه و هي تحول عينيها لا اراديا للفموو و كتسرط ريقها باستمرار كأنها كتناديه لشفاه ديالها يلتهامهم ملامحو لي كانت غاضبة بدات كتلين و كيفقد السيطرة و كيشوف فيها صدقا مكارهش يلتهمها كتغلب على رجولتو الفخمة القوية بحركاتها البسيطة لي كتسم بالجرءة الشديدة ....نرجس ناضت من ورا وفاء كتشوفو كيرمقها و كيحول عينيه لي شتدت سوادا من قمة الرغبة يمين و شمال وهو كيغازل وجهها الملائكي و هي كتطلع عينيها في عينو و كتنزلها في فمو كتعطيه الادن باش يروي ضمأوو العطش ويدو الاخرى كتنزف
نرجس بخوف : سيدي سمح ليها راه باقا صغيرة معرفاش انا غنرد كلشي للبلاصتو اسيدي
الريكس دفعها كيشوف فيها و هي بملامحها الانثوية شادا من شعرها و كتشوف فيه كتبت في قلبو الاثارة الشديدة كتولي في لحظة " ابنة عدوه المثيرة " هو منزل حواجبو بدون مايتكلم استدار مزير على يدو الجريحة كابح غريزتو المسيطرة صدقا أنه يريد ان يشفي الضمأ العطشان من رحيق فمها و لكنه عااجز كل العجز عن الاعتراف بهوسه ...قناع القوة في وجهو قائم يرفض كل الرفض بالنداء ب "هوسه بإبنة عدوه "
وفاء كتشوف فيه بشك كأنها حطت أصبعها على نقطة الضعف الخاصة بي هاد الشخصية الرجولية الفظة ألا و هي نفسها و هي تخبط نرجس يديها على كتف وفاء
نرجس : زيديي الموك الله يغرق ليك الشقف
وفاء : داباااا مالنااا نتيي