رواية هوسي بإبنة عدوي (مكتملة بدارجة المغربية )

الجزء الثاني و السبعون

🕎هوسي بابنت عدوي 🕎
♨️oumaima mega♨️
☠316☠
الريكس جالس في البيرو ديالو متكي على الكرسي قدامو الحاسوب الالكترونيي و كيتفرج في بعد الاستجوابات وصلوه مؤخرا من طرف فتاح و تعبيرو الجامد الجدي على هادوك الاستجوابات بعد الانتهاء ديال هاد الاشرطة ديال الفيديو
نزار جالس قدامو : شنو بان ليك في هادشي
الريكس زاد تكا على الكرسي و شبك يدو بحواجب النسر : العدم ديال وجود جميع الخدم في اليوم ديال الانتحار ديال سعد بن جلون فيه الشك
نزار رفع حاجبو : اغلبيتهم كيقولو بلي تعليمات جاتهم من عند سعد بن جلون بنفسو بديمساج كانهم شدو يوم عطلة ربما مبغا حد يحدر لموتو
ااريكس بحواجب منقضة :ممم هادو فئة قليلة بزاف و البقية ؟؟
نزار : بعدما ترقبنا النشطات ديالهم بالرقم الوطني ديالهم كين لي مات منهم و كين لي في الحبس و كينا خدامة وحدة خارج لبلاد ووالشيفور الخاص بسعد بن جلون تهو ملقيناهش اخر نشاط ديالو كان قبل شي سنين كيطلب تعاونيات من الجمعيات اهم حاجة ماشي خارج البلاد
الريكس بهدوء اعصار ثلجي : ممممم سي سعيد (الشيفور
نزار : اااه و حنا مكتفين الجهود ديالنا باش نلقاوه كيفما قال فتاح يقدر يكون هو الشاهد لي كنقلبو عليه ووو فتاح شاك فيي السيدة نرجس
الريكس كيشوف فيه بملامح الجمود و الثبات مكيحركش قناعو بحواجب مقرونة شديدة الجدية صمتو هاداا جواب على تجاوز الموضوع
نيت نرجس في الكوزينة جالسة فوق الكرسي الطويل كتاكل في الزيتون في طبسيل و كتشوف في بنتها بنظرات عادية
نرجس : دابا تقنعيني بلي دسك المسيميمة عطاتك هاد اللباس
وفاء جالسة فوق الفراش و كتطوي في هادوك الحوايج بفرحة على وجهها باين انهم عاجبينها : قالت ليا لوحيهم و لا حرقيهم
نرجس بنفس الملامح و كتحط الزيتون بين سنانها: هي نتي يا طارووو يا عافية
وفاء حيدات ملامحها و طلعات فيها عينيها : مالكي دايرا هوكااا نتيا
نرجس كتلعب بواحد الزيتونة في فمها : وداكشي لي قلتي عاود ترجمتو ليك من منضوري الخاص .....يلاه غتهدر وفاء هما يسمعوو الصوت ديال سعااد على برا
(سعاد : نرجس وااا نرجس اجي و جيبي معاك ديك بنتك )
نرجس ناضت وقفت و جبدااات عينيها في بنتها : اش درتيي المسخوطة
وفاء كتحول في عينيها و هي جالسة في الفراش : انا مدرت والووووو و حق الله
نرجس خبطت عليها جنااابها : ناريي و نلقا موووك درتيي شي حاجة تكعدي زيدي معايا
سعاد واقفة اسفل ديال الدروج هي و تاليا لي واقفة بابتسامة حداها
سعاد بعصبية : نرجسسسسسسس غتعصبنيي هاد البكرة
تاليا حاطة يدها على كتف سعاد بابتسامة : متعصبيش راسك ا خالتييي
نرجس خارجة مشية بزربة و حانية راسها : هانااا الالة ...ووفاء جايا موراها كتكسول في المشية و كتشوف فيهم حتى وقفت حدا نرجس
سعاد شيرات بصبعها للوفاء (نرجس طلعت عينيها في سعاد و قلبها كيضرب اما وفاء غير كترمش فيها ) ودارت عند تاليا : هانتي احبيبة دي معاك هاديي باش تعاونك في التسوق ديالك تهز ليك .......يتبع🕎هوسي بابنت عدوي 🕎
♨️oumaima mega♨️
☠317☠
وفاء جبدات فيها حواجبها بتمرد واش من نيتها
تاليا بابتسامة : شكرا خالتيي
سعاد : حبيبة هادا واجب نتي راك وحدة من العائلة غتلقاي لي كارد في الخدمة ديالك احبيبة ...و غمزتها و ضحكوو بجوج بضحكات انثوية مسموعة
وفاء من تحت سنانها بصوت خافت : انا مغنمشي مع حتى شي عوجة
نرجس ضامة يديها لعندها و حانية راسها و كتشوف فيها بنص شوفة بصوت خافت : متكونيش عاصية سيري معاها و مديريش المشاكيل مبغيناش الصداع مع هاد المنيبتة
وفاء كتشوف فيها بعصبية خافتة : واش من ....قبل ماتكمل للهدرة كانت سعاد موجهة كلامها ليها
سعاد بوجه جاحض : يلاه نتييي خلاص
تاليا بابتسامة : يلاه اخالتي نستأدن منك دابا تبعينيي نتيي ....كتهدر بكلمات جاحضة خلقت في الشقراء زوبعة عصبية باوامرها عليها و نرجس كدفع ليها في دراعها باش تزيد تابعة تاليا ...اكثر ماعصبها هي مها حانية راسها و خايفة من سعاد ....تمشات من ورا تاليا بخطوات بطيئة ... وتاليا غادا رافعة راسها للسما و هازا ساكها في دراعها و دارت نضاضر شمسية في عينيها و متوجهة لسيارة البيضاء المركونة وسط الممر ديال الحديقة و جوج من لي كارد واقفين تماا و السائق متاخد الوضعية ديالو في المكان ديالو
لي كارد شافو بتعابير متحجرة في تاليا و في الانسة وفاء من موراها هما ينزلو حواجبهم على بعضهم و شافو في بعضيتهم و تكلمو بعيونهم وواحد فيهم حط الاصبعين ديالو على ودنو و كيلملم بفمو تعليمات للقائد ديال الكتيبة على الوجود الشخصي ديال الانسة وفاء ...وتعطى للقرار من عند القائد باش يكثفو الحراسة عليها باعتبرها السيدة ديال الريكس ...و وجب الحماية ديالها من كل الجهات ....وصلت تاليا للسيارة و تحل ليها الباب من قبل الكارد و تسد من بعدها ...ووفاء عاد جايا بخطوات بطيئة محاملاش الوضع دار الكارد لعندها تحناو ليها كدلالة الاحترام هي اومئت ليهم راسها بالايجاب كرد على التحية و بوجه عديم الملامح و تحل ليها الباب من قبلهم و طلعت حدا تاليا و تسد الباب من وراها و دارت كتشوف في تاليا لي حيدت نضاضر و و كتلعب في شعرها و جبدت تليفونها ... استدارت للشرجم و زفرت من فمها الريح بانزعاج ....و خرجات السيارة من القصر بعدما فتحو الباب الخارجيي و انطالقت في الطريق و نطالق من وراها اسطول اسود مضاعف باش تأمن الحماية المطلقة للبوءة الخاصة بالريكس
تاليا حطات تليفون في ودنها تحت شعرها : هههه ويي روبيي .... ههههه نو حبيبة مجابتهاش الوقت ...دابا أنا في القصر ديال حبيبي (وفاء حلات عينيها و دارت في لمح لبصر لعندها ) هههه راه مكيخلينيش نخرج بدون حراسة انا دابا غادية غير للتسوق و شحال ديال الطموبيلات تابعيني (وفاء كطلع النفس و تهبطها و كتشوف جنابها لعدد الهائل ديال السيارات و تاليا دايرا رجل على رجل و كضحك ) ههههههه خطبتنا قريبة و اكيد غتحضرو ليها كاملين (وفاء حواجبها انقضو عليها ميمكنش هادشي يوقع وقلبها كيخفق بزااف تاليا كتهضر و تلعب في شعرها ) ويي انا وياه عيشين في غرفة وحدة مكيخلي حتى خالتي تدخل ليها من غيري انا وياه (نزلت وفاء حواجبها بشك هادشي ماشي بصح ) و البارح كنت انا وياه في السينيما و كان معنقنيي كيبان صارم و كيخوف مع لوخرين و لكن معيا انا رومانسي....وفاء وسعت ابتسامتها هاد البنت كتحلم بزاف و دورات وجهها كتسمع في احلامها واخا كتضايق شوية و هي كتجبد ملكها بهاد الطريقة (ملاحظة : ليس للريكس علم بالخروج ديال وفاء ) ..... كان التسوق حسب الاوامر لي تلقاوها من السيدة سعاد و المرغوب من قبل الانسة تاليا مكيتواجدش في نفس المدينة ....اختارت مول من اضخم المولات في عالم الموضة المغربية وهو كيتواجد في مدينة كتبعد على ديك المدينة ب40 كيلوميتر في واحد لبمول فخم معزول خاص باحدث المركات العالمية ....مرت سعات طويلة على الشقراء ديالنا لي تخللها الملل الشديد من المراقبة ديال الطريق حتى جاها الفرج و دخلو لديك المدينة و اختاطف اسطولهم الانظار ديال العامية ديال الناس كانت تاليا حدا وفاء تايقة في مكانتها و بصمت على انها السيدة عجبها كرسي العرش و نسات ان السيدة ديال العرش هي وفاء .....توقفت السيارة أمام داك المول الضخم و توقفت معاها حصون السيارات السوداء مطوقة المكان ....و اختاطفو الانظار لي في خارج المول حل الكارد لباب لي من الجيهة ديال تاليا و هبطت منو كتمايل و مطلعة راسها الفوق و كتشوف في الناس بدونية رغم ان مكانتهم عالية ...عاد نزلت وفاء من عينيها الخضراء باين فيها ماحملاش الوضع و هي كتمشى من ورا هاد تاليا بدون ملامح و نزلو من السيرات لي كاردات نساء بملابس سوداء باش يرافقوها و معاهم جوج من الرجال بقوام حديدي ...تمشاو في خارج لمول كيشوفو في الناس باعين دقيقة خوفا من وجود أي محاولة هجوم على الشقراء لي كتضهر بكيفية دائمة مع الملك و بالصفة ديال حبيبتو ...و لكن للتاليا اهتممات و تنبؤات اخرى غادا كتمشى على بساط العرش و من موراها وفاء كطلع فيها و تهبط كتمشى على قلبها ....دخلو المول بديك الزاوية لي كتبين على العظمة ديال مولاها🕎هوسي بابنت عدوي 🕎
♨️oumaima mega♨️
☠318☠
و الناس كتهافت بوشوشات عالية عليهم .....ماعلينا كتمشى الانسة تاليا بين المجمعات لي تما و دخلت الاماكن لي كتواجد بيها المحلات ....حتى اختارت وحدة منهم
تاليا : غندخلو هنااا تبعينيي ....وفاء كتزير على فمها كتحلف عليها على هاد الاوامر دخلت تاليا للداك المحل و هي كتعامل معاملة خاصة و دخلت وفاء من موراها و لكارد هدرو بعينيهم دخلو جوج من البنات حداها كان المحل ديال الالبسة فخم و فيه القليل من الناس و المعاملة الخاصة لي كتلقاها تاليا ...جات موضفة من تما للعند وفاء بابتسامة : انسة حنا رهن الاشارة ديالك ...يلاه غتوصل لعندها عليها هي تحبسها الكارد بيديها باش متقربش ليها و بعيون حادة قسمات الموضفة قلبها بهاد النظرة
وفاء بنبرة هادئة موجهة للهدرة للكارد : غير خليها (لكارد نزلت يديها ) مبغيت والو اختيي
موضفة بخوف : و و واخا الالة ....و مشات منساحبة حانية راسها اما تاليا فدخلات للغرفة الملابس باش تقيس سيير مغتخرجش دابا ووفاء واقفة كتسنى في الزمرة و كتشوف في لي كارد برا مطوقين المكان ممخلينش شي حد يدوز او يقرب و الموظفين خايفين منهم للداخل ....بعد مدة عاد خرجت الانسة تاليا كتقاد في شعرها : صافي جمعي ليا هادو
الموضفة : واخا الالة .... و دازت للاكيس عطاتهم الكارط لي عطاتها ليها سعاد و حطو ليها الاكياس ديال التسوق تما
تاليا عطاتهم بالظهر بتعالي : هزيهم ...بنبرة آمرة وجهتها الوفاء و خارجة من المحل ...وفاء كتشوف فيها بعينين ديال واش من نيتها لي كارد شافو في بعضياتهم بحدة ...زيرت وفاء على القبضة ديال يديها و تنفخت و تفشت و دازت هزت دوك الساشيات و خرجت من داك المحل لقات تاليا دخلت لواحد اخر .....هاهي غدير ليها المرض الخايب في راسها دخلت معاها للمرة الثانية عمرت ليها يديها ثاني ساشيات ...و للمرة الثالتة يلاه غدي تدخل للمحل
وفاء بعصبية نفضت الشسيات من يديها بحواجب منقضة : اناااا مغنهزش هادشييي ... و طيحت السشيات الارض
تاليا دارت عندها بانثوية كتشوفها لاحت ليها السشيات ديالها و طلعت فيها عينيها بغضب : واش من نيتك نتيااا ؟؟؟....واحد من الكارد جا عند وفاء حاني راسو : واش نهزهم أ أنسة وفاء ....وفاء دارت عندو نص دورة و هزات جوج من صبعها وحركاتهم كتعطي الاوامر فحال الملك ديالها حنا راسو ليها كيمتاثل لأوامرها
تاليا الدهشة تعلااات على وجهها وزادت الغضب الشديد عليها و هي تغوت على الكارد بعصبية مرداتش : خصك تسولنييي انا اما هادي راها خدامة فحالك فحالهااااا و نتييي لي غتهزي هادشييي
وفاء بعصبية كثر و هازا يديها كتهضر دابا كنحس فحالا دابا غنجيب يديها للحنك : اش كتخربقي نتيا انا مغنهز لييك والو
تاليا : ادن تحملي العواقب بقاي هنا نشوفو كيفاش غديري ترجعييي ....و استدارت وجات غادية
وفاء نزلت حواجبها و تبعتها : واش من نيتك نتيا غتخلينيي هنااا
تاليا رافعة حواجبها للسما : باش تعرفي المكانة ديالك شناهيااا تبعونييي نتومااا هادييي غتبقا هنااا ...لي كارد غير كيشوفو في بعيديتهم بملامح صلبة خاصهم لأوامر
وفاء شدات ليها من كتفها بقوة و دورتها للعندها تالخرى دغيا دارت : نتيييي ميمكنش ليك ديري ليا هاكااا
تاليا قربت للعندها بابتسامة : ادن شوفيني وانا كنديرها (و طلعت يديها و حيدتها ليها من كتفها ) اخر مرة تحطي عليا يدك المسخة ....و دارت خارجة من الموول وفاء بقات واقفة في بلاصتها و قلبها كيضرب و عينيها تقوسو مستحيل تكون كتهدر من نيتها و تبعتها تانيي على برااا كتشوف الضلام كيطيح و لقاتها ركبت في الطموبيل و كتشوف فيها و ابتاسمت بخبت و عطات الاوامر للسائق باش يزيد و انطالق بيها و خلاتها هي واقفة و الكتيبة كلها لي كانت جايا معاها واقفة من موراها ....لي كارد لي كانو من موراها واحد فيهم حط جوج صباعوللسماعة لداخل ودنو : مسيو الريكس
كان الريكس جالس في البيرو ديالها رافع الطابع ديال الملوكية بملامح وجهو الخشنة الحادة كيترقب عملو القانوني ديال بعض الوثائق المهمة تكلمت السماعة في الداخل ديال ودنو متخفية هز يدو بهدوء وحط جوج صباع فوق ودنو
الريكس بخشونة : شنو كين ؟؟
الكارد : مسيو الريكس ديك الضيفة الجديدة خلات الانسة وفاء بوحدها في واحد المول
الريكس هز راسو و حواجبو منقضة و ميل راسو الجيهة ديال السماعة : من امتا وفاء خارجة ؟؟
الكارد : من الصباح امسيو على حساب اوامر السيدة سعاد و دابا الانسة وفاء واقفة بوحدها اوامرك امسيو ؟؟
الريكس بنبرة غضب كتخللها شونة رجولية شديدة القسوة و كلامو كيخرج بين سنانو : طوقو لبلاصة متخليو حتى حد يقرب ليها أنا غنجي ليها
الكارد : اوامرك مسيو احنا غنربطو سيادتكم بالجي بي إيس و بالنسبة للضيفة نديوها ؟؟
الريكس شاعلة فيه نار العصبية حرك يدو بعصبية و خرج كلماتو من فمو : ديوهاا أهم حاجة ميوقع لوفاء والو
الكارد : حاضر امسيو ....و تقطع الاتصال ناض الريكس بقوة مخلي الكرسي كيدور و بحواجب منقضة ووجه غاضب توجه للباب
بالعودة للاميرة الشقراء بقات واقفة تمااا من بعد ما مشات ديك تاليا دارت يمين و يسار كتقلب على لي كااارد كتلقا الريح كتشوف سيارة وحدة منهم تبعات الانسة تاليا ....تحولو تعابيرها لتعابيير باكية وهي كتشوف في جنابها بوحدها قدام داك المول و الظلام كيطيح و هي في مدينة بوحدها ....تطوق المكاان بجنود الظلاام ليلي في الخفاااء و مسلحين في الاعلى ديال المول و في الجوانب ديالو عينيهم شديدة الحضر كيترقبو للمارة تما لا يقيس اية واحد الشقراء ديال الملك .....هي كتشوف في جنابها مخرجة عينيها و قلبها كيضرب بقات بوحدها لاول مرة في مدينة مكتعرفهاش و قلبها كيطلع و كينزل معرفت لا منين تزيد ولا تمشيي و تجيي حتى الفلوس معندهااش بقات واقفة غير قدام المول و هي تزيد شوية للحيط جلست جلسة القرفساء حيت عيات و كتشوف في الناس دايزين
وفاء بتعابير بكائية و نبرة بكائية : ف فين غ غنمشيي دابااا ...المول بعد مدة قصيرة بدا كيسد الابواب ديالو و كيطفي الانوار ديالو هنا بدات تعابيرها الباكية كتظهر بضوووح و هي كتشوف ابوابو كتسد ولمارة كيتقطع حسهم بشوية هنا قلبها بدا غيتوقف ووقفت كتشوف في المول و كترعد
وفاء : م ملكة هيء هيء (و حطات يديها على وجهها كتمسح دموعها و كيعاودو ينزلوو ) ....لي كارد من بعيد كيراقبو الوضع كيشوفو السيدة ديالهم كتبكي ولكن معندهمش الاوامر باش يقربو و في نفس الوقت خاصهم يحميوها عن قرب ...اظطرو يديرو تنكر ديال وحدة من الكارد مسلحة كليا على هيئة حمقة و تقرب منها .....يتبع🕎هوسي بابنت عدوي 🕎
♨️oumaima mega♨️
☠319☠
في محاولة ديك تلكارد المتنكرة بهيئة حمقة تقرب منها وفاء كدور في راسها بدوك العيون للباكية و يديها لي كترجف و قلبها كيخفق بشدة و يديها داماهم لعندها و هي دور راسها بهدوء كتشوف ديك الحمقة كتشوف فيها تهز الكيان ديالها بالخوف و دورت راسها دغيا كطلع صدرها و تهبطو و كتقفقف و كتمشى بشوية بعيد عليها حتى دموعها توقفو على انهم يهبطو كتبان ولات في ديك الدقائق فحال القطة الشريدة كتبحث على مئوى في يوم الشتاء العاصف و هي كتحاول تبعد منهاا و تمشا قدام المول بين أعين لي كارد ديالها لي تحت الامرة ديالها و لي زاد الامرء سوء على الاميرة هو ان المكان اوشك على انه يولي خاويي و منعدم من الناس و هي غير كتلعب للئالئها يمين ويسار معارفة لا فين تمشي لا فين تجي .... بعد ثواني قليلة حتى كيتسمع صوت محركات صاخبة مخيفة كتاسحت الصمت ديال المكان الشقراء ديالنا جبدات عينيها بالهلع من هاد الاضوات و رجعت بللور حتى خرج من الظلام جيش الامبراطور الملكي الاسود كيتجسد فخلية نحل سوداء كثيفة و منتظمة و الرائد ديالها سيارة من نوع خاص متميزة بالاسود القاتم توقفت قدام المول مباشرة و بثبات وخرجو الجنود الخفية لي كانت فيىحماية الشقراء من الظلام باش يطوق المكان بإنتظام وهما حانيين راسهم وفاء واقفة بعيد ملامحها تخطفو من مكانهم و فمها نشف و الشلالات المالحة كتنزل من عينيها قطرات شديدة للمعان واقفة غير ببضع ميترات مجبدة عينيها فيهم و مطلعة حواجبها و كترجع بللور شوية
تحل باب ديال السيارة السوداء و نزل منو الحداء ديالو و من غيره السيد الريكس ...وخرج راسو بحواجب منقضة كينافس ليل بعيونو لي كيدورها باش تلتاقط المكان ديال حبيبتو و هو كيتمشى على بساط الغضب ...وفاء غير شافتو كانها شافت ملاك و اخيرا ملكها في الحضور الكارد لي موراها انساحبت و هي طلقت العنان للدموعها و بكيتها لي ولات بالصوت و تحرات من القيود و انطالقت بجرية قسوية للعندو هو كيتمشى بهدوء وسط جيشو المحصن ودور راسو جات عينو عليها وهي كتجري للعندو ببكية هو نزل حواجبو و قبل ما توصل للعندو تلاحت عليه و صدرها تضرب مع صدرو و دراعها تحوطو بقوة على عنقوو حتى تهزت رجليهاا على الارض ووجها خشاتو في عنقو و كتزيد تجهد وثيرة الصوت ديال البكا ديالها و قلبها كيخفق فوق صدرو هو بمجرد ما حتاضناتو بديك القوة حوط دراعو القوية على ضهرها و حط يدو الضخمة على راسها كيدوز بيه على خيوطها الدهبية ...وحواجبو من منقضة و اعصابو كتحرق فدائا للدموعها شكون لي تجرأ يبكي ليه أميرتو الشقراء غمض عينو بقوة و هو معنقها كيصارع الألم في قلبو من دموعهاا و كيتكلم وكينفخ في خصلات شعرها لي جيهة ديال ودنها
الريكس بفحيح خافت : صافي متخفيش أناا هناا (و فتح عينو الداكنة كيدوز يدو على شعرها ) انااا هنا ..هي كترجف رخات من عنقو وحطات رجلها في الارض و يديها حاطاهم في صدرو ولاصقة عليه هو محوط يدو على خصرها بقوة و كيشوف فيها بتراتيل منقضة على جبينو بطريقة عصبية
وفاء كتبكيي فحال دراري الصغار : هييء هيييء هاديييك تاليا هييء (هو بنفس الطريقة كيشوف فيها و صدرو كيطلع و كينزل بغضب ) هييء جابتنيي للهنااا و جبرتنيي انني نهز ليها حوايجهااا هيء هيء (حط يدو على حنيكاتها بجوج و بالإبهم ديالو الخشن كيمسح ليها دموعها و ملامحو الصلبة كتأرجح للعصبية و في نفس الوقت للرفق للاميرة ديالو وهو كيسمع شكواها ليه ) و فاش سلات هييء خلاتنيي بوحدي و مشات هيء هييء...و ميلات تعابيرها للبكا أكثر و حطات يديها لباردين على الكفين ديالو للي محوطين حنيكاتها
الريكس بصوت الصرامة لي كيتخللو الهدوء : كنواعدك هادي آخر مرة غيوقع هادشي أنا معاك دابا ....هي كتنخسس بين يدو و بين عرض أكتافو هو ينزل راسو للعندها و غمض عينو و حط شفايفو على الدمعة ديالها و هي تغمض عينيها و هي كتشهق بالبكا و دوز راسو للجيهة لاخرى بنفس الطريقة باس دمعتها حرقتها للقبلة في أنحاء الجسد ديالها و رجع راسو للور وحل عينو بكل هدوء كيشوف في الزمرودتين ديالها و مزال كتنخسس بداك البكا لي عاشتو عنقها للعندو بشدة وواضح بشدة من الجليد لي على وجهو أنهو تشقق بفعل الغضب ...صعيب تسخط الملك و لكن إلا في الشقراء ديالو ...عنقها و هي مخشية فيه كتحتاضنها رجولتو كتشوف في جنابها و في نفسيتها مزال آثار ديال البكا توجه بيها للسيارة ديالو لي تفتحات ليهم من قبل لي كارد و طلعها تما بهدوء و هو شادها من خصرها حتى جلست و طلعت فيه عينيها و سد عليها الباب و استدار للمكان ديالو في وضعية السائق جلس حداها و حط السماعة ديال الهاتف السوداء في ودنو هي غير كتشوف فيه و دوز واحد الرقم في الهاتف ديالو و حطو حده وديمارا الطموبيل و حواجبو منقضة بشدة و كيشوف في الطريق و تحت يدو الكيدون كيتسنى الرد على الهاتف ديالو
سعاد كانت جالسة في الجردة جلسة أنيقة كتقرا أحد الكتب ديالها و هي دايرا نضاضرها و رجل على رجل و حداها نرجس كتنقي في ديك الجردة في داك ليل بأمر من سعاد حتى طلقات موسيقى هادئة في المكاان خدشت التركيز ديال سعاد حيدت نضاضرها و مشات للمصدر ديال هاد الموسيقى لي هو التليفون ديالها نرجس دارت عندها نصف دورة و هي كتقطع في داك العشب و طالقة ودنها معاها🕎هوسي بابنت عدوي 🕎
♨️oumaima mega♨️
☠320☠
سعاد ابتاسمت و حطات التليفون ديالها في ودن : ألووو
الريكس كيسوق و تكلم بنبرة مخترة بغضب شديد وملامح وجهو تخسرو و كلماتو مضغوطة كتخرج : شكوون عطاا الحق لدكيك الضيفة تخرج وفاء من القصر ( وفاء قفزت حداه من نبرة الصوتو المرعبة سعاد حلات عينيها هي عارفة مزيان الغضب الشديد ديال ولدها من نبرة صوتو ) و مخلياهااا من الفوق بوحدهاا
سعاد كتحاول تلطلف الجو : كيفاش خلاتها بوحدها هي مشات معاها غيير (و هي تشوف السيارة ديالها داخلة وسط الممر وتوقفت و خرجات منها تاليا بوحدها و هي تجبد عينيها بقوة ) واش كتقصد خلاتها تماا
الريكس بغضب شديد : كنظن أن غيكون حسابها معايا شخصييي
سعاد بخوف على تاليا : لا لااا اولديي انا اناا لي قلت ليهااا تديهاا ....نرجس وقفت على الخدمة مجبدة عينيها في سعاد أكيد كيهضرو على بنتها و قلبها كيضرب بشدة و كتقرب من سعاد
الريكس بغضب و كيورك على الهدرة : وفااء مخصهاش تخرج من القصر
سعاد كيتهدأ فيه : ااه اه اولديي اخر مرة يوقع هادشيي
الريكس ميل راسو و هو كيسوق بعصبية : وهدييك خيتييي متبقاش في القصر ديالي
سعاد خططها كلها غتضرب في الزيرو : تهدن تهدن اولديي انا غنهضر معاها في الاخير كتبقا ضيفة دياليي (هو دور وجهو بغضب و غمض عينو سعاد نقطة ضعفو و هي كتمثل الدرع على هاد الضيفة لي شخصيا مكرهش يفصل ليها راسها على بلاصتو باش تعلم تبكي ليه حبيبتو )...وفاء كتكتفي أنها ميلة راسها و كتشوف غضبو الجلي
سعاد بنبرة هادئة : غير على قبلي اولديي انا غنتصرف كنواعدك احبيبيي غيمشي كلشي على أوامرك انا غنهدر معاها غير تهدن يلاه حبيبي نخليك ....و طفات تليفون بعصبية
نرجس بخوف واقفة حداها ووجهها للبريء : ش شنووو وقع لبنتيي ا لالة
سعاد كتغوت عليها : موقع ليها والو من غير انها نوضت الصداااع ....و استدارت غادا في الاتجاه ديال تاليا لي كتمشى بتعالي و وحدة من لي كارد هازا ليها مقتنياتها من موراها
نرجس بخوف كترعد : فيين خلاو ليا بنتي اشمن صداع ياربي متكونش دارت شي كارثة ....الريكس هز يدو و حيد بيها ديك السماعة و حطها حداه و رجع يدو المختلة بالعروقة على الكيدون ووجهو جليد صلب مستقر على تعبير الصرامة مزال كيهدأ في الزوبعة العصبية ديالو
وفاء كتشوف في هاد البركان لي خمد النيران ديالو جبدات فيه عينيها و دوراتهم للطريق كترمش
تاليا طلعت لبيتها كتلقي الأوامر بصبعها للكارد فين تحط السشيات ديالها حتى دخلات سعاد عليها الغرفة و شافت في الكارد بتعابير حادة : يمكن ليك تخرجي ....الكارد حنات راسها و خرجات من الغرفة و سدات الباب
تاليا بابتسامة كانها مدارت والو : خالتيي جيتي باش تشوفي اش شرييت
سعاد بتخنزيرة : لااا ا ا تاليا باش نستفسر على اش درتي
تاليا حيدت الضحكة : واش على الخدامة اخالتي
سعاد كتمشى لعندها : جيت نبشرك ا انسة تاليا بلي راك خربتيها مع فهد بهاد الفعايل
تاليا طلعات حواجبها ببراءة : علاااش راه ديك الخدامة لي كترد عليا في الهدرة و مكتحتارمش و انا خليتها تما باش تعلم
سعاد هزات عليها صبعها : اااااخر مرة يوقع هاااد التصرف انا دابا ياربي نهدن فهد من جيهتك بالحق الخطأ مني مكانش عليا نخليها تخرج معاك صحابلي بعقلك
تاليا : ياك هي مجرد خدامة
سعاد : معندكش سوق في شكون هي خاصك تكون تابتة باش تاخدي فهد و لكن كيبانلي للعكس متخلينيش نفكر انني خطأت في الاختيار
تاليا : خااالتي
سعاد بحدة هزت عليها يديها باش تسكت : صافي هادشي ميتعاودش يتجبد مرة اخرى ...و استدارت كتنساحب من المكان و مخليا تاليا من وراها مفاهمة والو
تاليا : على شكون بالسلامة هاد وفاء مجرد خدامة تمشي و تجي وحدة فعلا مابقيت والوو
بالعودة للسيارة الريكس ...كانت داخلة في بئر الصمت العميق فقط حركات وفاء لي كتسمع في الارجاء اما هو كما كنعرفو عليه جبل ثلجي درجة الحرارة ديالو تحت الصفر وفاء دارت كتشوف فيه : فياا الجوع
الريكس شاف فيها بنص عين و بهدوء : شنو بغيتي تاكلي ...ورجع عينو للطريق
وفاء كتحول في عينيها كتفكر شنو تبغي تاكل و هي تشوف من الشرجم الشارة ديال ماكدونالز كتنجادب لدوبلفي بزااف و استدارت للعندو كتشوف فيه بملامح هادئة : بغيت ناكل من ماكدونالز ...هو حول عينو وهو في مكانو للماكدونالز و استدار بالسيارة ديالو فين بغات الاميرة تاكل و استادرو معاه الكثيبة ديالو ...دخلو بسياراتهم للمكان ديال الاكل الجاهز ...و السيارة ديال الريكس وقفت قدام النافدة لي كتقدم الطلبيات وقفو على وحد الموضفة تما و الزاج كان اسود قاتم ...الموضفة جبدات عينيها في الفراغ الأمر مخيف انها توقف عليك مجموعة من السيارات سوداء و كتحيط بيها هالة ديال الخوف الشديد عاد نزلت الزاجة اوطماتكيا الجيهة ديال وفاء لي كانت كتشوف في الموضفة كيف الملاك البريء و بالمقابل كان الريكس من الجيهة الاخرى جالس متكي على الكرسي و حاط يدو بجوج فوق فخاضو و رافع حواجبو في الموظفة
الموظفة حنات راسها بخوف منهم النبع ديال حاستها السابعة تخدش خوفا من ارواحهم الشريرة و عاد هاد الانسة لي كتشوف فيها لي الظاهر انها اجنبية الاصل
وفاء ابتاسمت ليها و هي متكية على الكوسان : عافاك اختي عطيني هاداك ...و نعتاتو ليها بصبعها
الموضفة ابتاسمت ليها بالرغم من الخوف و حنات راسها : واخا الالة ....