رواية هوسي بإبنة عدوي (مكتملة بدارجة المغربية )

111

🕎هوسي بابنت عدوي 🕎
♨️oumaima mega♨️
☠561☠
كان الاسم ديال دفنة مندرج ضمن قائمة المدوعييين و تسمح ليها بالدخول ....و دخلات كتمشى بالحداء ديالها على للبساط الاحمر بابتسامة جانبية معهودة و تبرج مضبوط على وجهها ... تمشات للداخل بكعبها العالي كتمجد شعرها بتموجات ديالو الحمراء
وفاء كتجهز كعروس من قبل المصميمات في غرفة خاصة هي امام المرآة و الابتسامة الجميلة على الشفاه ديالها المنكهة بحمورة احمر الشفاه و بشعرها الدهبي و عينيها الزمردية الخضراء و يكاد قلبها نفاجر بالسعادة بالخفقان الشديد و هي تسمع الخطوات ديال الملك ديالها المصممين منزلين راسهم و نساحبو بالوجود ديالو
وفاء حولات فيه عينيها في المرايا بابتسامة : فهد
الريكس بشبه ابتسامة بلباس انيق و بعرض اكتافو رائحتو الرجولية سيطرت على المكان و بصوت مفعم بالرجولة : شقرائي الزوينة (وقف من موراها و حط يدو على الكتفين ديالها و كيزيل شعرها على العنق ديالها و هي ميلت راسها ليه بابتسامة كتشوف فيها نزل راسو قبلها قبلة على الكتف ديالها العاري حتى حترق ليها المكان و اصدرت سرير الشهوة بابتسامة و طلع راسو مطلع الحواجب ديالو بشبه ابتسامة و جبد من الجيب ديالو طوق الماسي يطوق بيه عنقها العاري ) هادا الاجمل عروس شافتها عيني ....هي كترمقو بابتسامة جميلة
نزار وهو كيضحك مع الضيوف ديالو بهدوء دور عينو باش يخفق قلبو من جديد و نزل الابتسامة ديالو و هي كتمشى بين الزرقة ديال الاعين ديالو و هو كيشوف فيه كيف داخلة كتدور في راسها و منزلة حواجبها كأنها كتبحث بالاعين ديالها على شيء ما حتى جات للعندها نرجس و في يديها وئام كتلعب
نرجس بابتسامة : بنتيي دفنة
دفنة ردات عليها بابتسامة : سلام خالتي نرجس
نرجس : مرحبا بيك ابنتي
دفنة : شكرا اخالتيي
نرجس حنات راسها بأسى : بقا فيا آصلان بزااف وصلي ليه ابنتي عتداري
دفنة نزلات راسها و هي كتزير على فمها علامات الحزن طغاو على الثنايا ديالها و هي كتحرك راسها بآااه و دورات راسها كتزيح بعينيها بعيد حتى خطفات لؤلؤات ديالهم أنظار نزار ليها زعزع قلبها من مكانو من جديد و نزلت حواجبها و دورات راسها عند نرجس .....و تحت تصفيقات الجماهير الراقية كان الخروج ديال الريكس بشبه ابتسامة و العروس ديالو الجميلة في الدراع ديالو كتوزع ابتسامات السعادة على الحضور
نرجس : هاهما خرجوو صفقيي لبابا و ماما ...وئام تهي بدوك اليديات بدات تصفق
دفنة نزلت حواجبها و تنهدت براحة و ابتسامة و هي كتشوف وفاء بديك الابتسامة السعيدة و هي كل مرة كتدور تشوف في الملك ديالها ....دفنة حولت عينيها للريكس نظراتها رصاصات كتختارقو ....بداو الضيوف كيتوافدو عليهم بابتسامات و تهانيي و عمران تمشى للحدى نرجس من بعدما اعاد المكالمة مئات المرات بآصلان و الهاتف ديالو مطفي و بدا كيصفق بابتسامة ... دفنة تقدمات للعند وفاء بابتسامة طفيفة و انظار نزار مكتفارقهاش حتى العالم من حولو فقدت حواسو الاتصال بيه كان كل تركيزو عليها و على مشيتها كأن ااروح ديالو انبعثت منو عاشق آخر في القفص .... و الملك غرييق في بحر الغراام كينزل شبه الابتسامات للناس و في كل مرة كيدور البؤبؤ ديال عينو للعروس ديالو خوفا من القدر لا ياخدها منو ....وفاء بابتسامة كتشوف فيهم و كترد عليهم حتى تحطات يد على كتافها و هي تدور
دفنة بابتسامة : وفاء
وفاء جبدات فيها على الوسع ديالها : دفنة جيتيي ... دفنة عنقتهاا و وفاءحتى هي بنفس الطريقة و حيدت منها
دفنة بابتسامة : انااا فرحااانة ليك بزااف درتي بنصيحتي و تصرفتي بأنانية اهم حاجة السعادة ديالك
وفاء شافت فيها بابتسامة و لكن مزال الدنب ديال آصلان على العاتق ديالها حركات ليها راسها بأااه و هي تجبد عينها : فين هي آناا ؟؟
دفنة نزلت ابتسامها : صاحبها دار اكسيدون و هي معاه في السبيطار اعتادرات منك انها مغاديش تقدر تجيي
وفاء نزلت حواجبها : اااه و كيف بقا
دفنة : ماشي بخير و نتي عارفة لا وقعات ليه شي حاجة نقدر تموت فيها آناا (وفاء غيرت تعابيرها ) دابا اهم حاجة هي الفرحة ديالك (و زاحت عينيها المسيو الريكس ورسمت على وجهها ابتسامة زائفة اصطناعية و مدات يدها ليها ) كنهنأك امسيو الريكس ...الريكس مطلع حواجبو استدار عندها نصف دورة مكيصروش الوجود ديالها و بشبح ابتسامة واضح عليه عدم السرور مد ليها يدو صافحها و كيحرك ليها راسو بآااه و وفاء بيناتهم واضعة ابتسامة على فمها
الريكس بصوت خشن : كنشكرك  ...و حيدت يديها من أيادي الملك المجرم و انساحبت بهدوء بعيد كتشوف في وفاء بابتسامة طفيفة حتى كتستشعر وقوف جسد طويل و رائحة مميزة اختارقت انفها و خي تدور راسها نصف دورة ...كان الظل نزار بابتسامة طفيفة و يد وحدة من مورا ضهرو كيشوف امامو : الشرطية السابقة دفنة (و هي تقلب عينيها و زاحتهم بعيد بغيض ) كنرحب بيك
دفنة بحدة و على ملامحها عدم الرضى : شكرا
نزار بابتسامة طفيفة و عينو مزالت على الضيوف وجودو هنا هدفو لاستنشاق النبيد و الاستمتاع بايقاع دقات القلب ديالو : من الواجب ديالي نرحب بالضيوف مكينش لاش الشكر ا اشرطية السابقة دفنة
دفنة رسمت على شفاهها ابتسامة حادة : الشكر ديالي ليك من جانب اللباقة المجرم ديالييي نزار
نزار بابتسامة واسعة : عجبنيي الاسم
دفنة : و لكن انا معجبنيش الشخص
نزار طلع فيها جواجبو بابتسامة طفيفة سرعة الرد ودار شاف فيها : غنقوليك من جديد هادشي كيتعلق بييك ا انسة دفنة
دفنة بابتسامة كرد على تحدي : و حتى انا مبغيتش نخلي الحوار ينتهي عندك امسيو نزار لا يجوز
نزار بابتسامة : كنشكرك على لباقة ديالك
دفنة بحدة : هادا واجب كنستأدن ...و استدرات كتمشى و منزلة حواجبها و كتلملم بشفاهها بعصبية " هاد المجرميين "🕎هوسي بابنت عدوي 🕎
♨️oumaima mega♨️
☠562☠
هوس الملك كانت ليه الكلمة الاخيرة و هي هي العروس في الايادي ديالو بالثوب الابيض لي تلبس من شأنو هو و الجميع واقف بابتسامات كيشوفو في عقد القران ديال الشقراء والملك ....و وفاء كتمضي على ورقة الزواج و عينيها كيقطرو دموع على هاد الورقة للهاد اللحظة مازالت ممثيقاش الأمر و الابتسامة مكتفارقش الشفاه ديالها و عوجاج خصرها بين آيادي الريكس و هو كيظهر اسنانو للعلن كيخلد الابتسامة الساحرة ديالو و هي كتوقع على وثيقة الملكية ديالو و و قلبو بين عضلاتو كيضخ الدماء بسرعة بين العروق كيمجد الفرحة ....وفاء طلعات راسها في الريكس كتعكس صورتو بين العيون ديالها كتأكد واش هو الحلم او الحقيقة ... نزل عندها يأكد ليها زواجهم بقبلة علنية صفق عليها الجميع ...نرجس شادا وئام وكتنزل الدموع و عمران محتاضنها و كيهدأ فيها ببشاشة سليمة هي الاخرى عنقها ارشاد و الابتسامات على افواههم ...انور آية عيسى كلهم انظارهم مبتاسمة ....و الظل اكثر شخص شاهد على هاد الهوس بابتسامة خاشي الايادي في جيبو وهو كيشوف فيهم ...دفنة هي الاخرى بابتسامة طفيفة هي فرحانة للصديقة ديالها و لكن كين عندها تخوف من المجرم اللعين لي هي بين الايادي ديالو .....و استمر هاد الزفاف برقصة بين الملك و الشقراء ديالو امام انظارهم حاط يدو على خصرها و صدرها على صدرو و حاطة يديها لي فيها الخاتم على الكتف ديالو و كتمايل في الايادي ديالو و خطواتهم متوازية و يديها في يدو و كيراقصها و يدو تحركت من مورا ظهرها و عينيها المبتاسمين بالخضورة ديالهمكتشوف في البؤبؤ ديال عينو
وفاء
الريكس بشبه ابتسامة و بفحيح : الزوجة دياليي
وفاء وسعت ابتسامتها : هههه نعام الزوج ديالي
الريكس بابتسانة خبيثة : كتدكري اول رقصة لينا
وفاء نزلت ابتسامتها و هي كتدكر انه من موراها كانت اول ليلة ليهم : مكتظنش امسيو الريكس انه كان خاصك تعليمني قبل
الريكس رفع فيها حواجبو بطريقة ساخرة: كنعتادر كان عليا ناخد موعد قبل ا اسيدة وفاء السمري ...و دورها بهدوء كيراقصها على إيقاع اللحن ديال البيانو و بين الحضور
وفاء طلعت حواجبها  : لا امسيو الريكس ولكن متخلعنيش بديك الطريقة
الريكس بابتسامة جانبية : اهم خاجة النتيجة كانت الاميرة ديالنا وئام
نرجس كتشوف في بنتها كترقص و وئام خاشية صبيعاتها في شعر نرجس و تعابيرها باكية : غنتوحش بنتي بزااف
عمران بابتسامة : اهم حاجة تكون فرحانة ياك ؟....حركات ليه راسها و رجعات كتشوف في بنتها
حااان وقت للحظة ودااع العروووس و مااا اصعبهااا من اللحظة
في مطااار لندن .....و على أرضية هاد المطار ...مصطفة طائرات سوداء بانتظام و وسطها طائرة مميزة و السياراات السوداء كثيفة في هاد المكان و تماثيل السوداء من الجنسين واقفيين بانتظاام
الريكس هاز في الايادي ديالو وئام و بتعابير جامدة و حواجب منقضة ...نزار من موراه بنظرات شمسية على جهة اليمين و عيسى على جيهة اليسار خاشي اليد ديالو في جيبو  ...و وفاء معنقة نرجس بشدة و كتبكيي هي وياهااا بحرقة الفراق نرجس عينيها تغمضو بالبكا على بنتها
نرجس كتبكيي : بنتييي هيء هيء عيشيي حياتك حبيبتيي و ديمااا صوني ليااا هيء هيء
وفاء معنقهاا : هيء هيء صافيي ا ماما هيء هيء غنتوحشك مامااا ... عمران واقف من موراها مأثر بالوضع و سليمة كتمسح في دموعها و مخشية في ارشاد انور خاشي يدو في جيبو بابتسامة و آية كتبكيي ...و دفنة الاخيرة كتشوف في وفاء بابتسامة طفيفة تأثرت بالفراق ديالها
عيسى قرب للعند نزار للودنو : كنسمع على العيالات كيبكيو بزااف اول مرة نشوف بعيني ....نزار مكلفش نفسو انه يجاوبو بقى على نفس الهيئة ديالو و انعكاسو كيحتاضن دفنة كيتربص فيها فحال الفريسة ...وفاء كتنخصص و تشوف في مها لي مشات و تخشات في عمران و دارت عند دفنة و عنقتها حتى هي
دفنة بابتسامة حزن احتضاناتها : عيشى فرحانة و بقاي تهدري معايا في تليفون
وفاء كتبكيي : وصليي سلاامييي للآناا هيء (و بصوت خافت نزلت حواجبها بحزن ) و اعتادرييي ليا من آصلاان بزاف ...دفنة نزلات حواجبها بحزن وطلعاتهم في الريكس  لي جاي بعرض الاكتاف ديالو كتشوف فيه بنظرة حاقدة حيدت منها وفاء و حط يدو الخالية على خصر وفاء
وفاء طلعت راسها فيه ميل ليها راسو بشبه ابتسامة حان وقت الوداع و حركات ليه راسها بااه و رجعت شافت في دفنة و هي كتبكي و كدير ليها باي باي بيديها و دورها الريكس شاد ليها من يديها و يدو الاخرى هاز بيها الابنة ديالو  و بشبه ابتسامة طيودعهم بانحناء بسيط بالرأس ديالو ....و وفاء كدير باي باي ليهم و كتشوف فيهم و تبكي و نرجس مقدراتش تشوف ...نزار و عيسى استدارو كيتمشاو للطائرة كيعلنو على انساحبهم رسميا من لندن ....و الريكس عنق وفاء للعندو بين عضلاتو الصلبة و لكن بروية باش متآداش من الصلابة ديالهم  ......و فاااز الهوس كان من المقدر ان وفاء ملكية الريكس و تمجد هادشي في لندن اكتمل بزواجهم فليحيا حبهماا الى الابد في آخر دخول للنزار للباب ديال الطائرة استدار نصف دورة شاف في صهباء كيتطاير شعرها فحال الشعلة ديال اللهب و على ملامحها الحد ابتاسم بخفوت و دخل للطائرة🕎هوسي بابنت عدوي 🕎
♨️oumaima mega♨️
☠563☠
في السمااء كيطيرو هاد السرب ديال الطائرات السوداء الكثيفة بمسافات منتظنة فحال شي طائرات دفاع حربية ...و في الطائرة الأمامية الخاصة بمسيو الريكس
جالس الملك بعرض اكتاغو و في اليد ديالو وئام ناعسة و في اليد ثانية كيدوز الانامل ديالو على شعر الشقراء ديالو و الحواجب ديالو منقضة بشكل رحييم على الشقراء ديالو لي كتنزل الدموع بين الاحضان ديالو و مطلعو حواجبها و كتشوف فيه
الريكس بهدوء : مبغيتش نشوف هاد الدموع
وفاء مطلعة للحواجب ديالها : غادي نتوحشهم بزاف
الريكس ابتاسم ليها : فيما غادي توحشيهم غادي نجيبك للعندهم دابا ....و كيمسح ليها بالابهم ديالو عينيها
وفاء ابتاسمت ليه و جبدات فيه عينيها : واش بصح
الريكس بشبه ابتسامة : اكييد دابا قدامنا حياة أميرتي حياتنا انا و ياك ....بتاسمت ليه و طلعات راسها للعندو باستو في الشفاه ديالو سطحيا و ابتاسمت ليه و نزلت راسها للبنتها كتداعبها بصبيعاتها بخصلات شعرها
نزار جالس و رجل على رجل بهدوء شاد في الايادي ديالو كتاب من الكتب ديالو و عينو بحر لت حدود له و حداه عيسى حتى هو مفطح كيشوف في الريكس و وفاء بابتسامة و دار عند نزار
عيسى : والله حتى هاد الخريجة نااضية اسي نزار فوجت علياا كون غير درناها كل سيمانة في قنت (نزار طلع حاجبو و طلع فيه راسو ) والله وتاا بنادم كيف داير وانقيي نقيي و لبنات بزااف و عريانيين وعادي تخرج تشم للهوى و تخضر عويناتك و حتى هما كيغمزوو و يتحلونوو تحشم مديهاش فيهم
نزار : هادشي علاش عجباتك ؟؟
عيسى : ههه لااا و كين بزاف تشوف النااس تبارك الله كيدويو بلغة اخرى و كيمشيو
نزار نزل حواجبو : وعلاش في المغرب كيزحفو
عيسى كيشكل في تعبير دياالو : لااا اسي نزار فهمنييي مشيتهم باينة كاورية تركيبة ديالهم قرطاسة و ااه معندهمش سواق فحال ديالناا كين غير مارجانات و اسوق سلاماتنزار باستغراب : كتقصد سوبير ماركيط ؟
عيسى : هو هداك  كنت كندخل ندورو شوية انا وئام .....نزار منزل حواجبو مخلي على الاسطر المهمة لي على الكتاب لي قدامو و كيسمع للعيسى جميع الجمل ديالو خالية من أي معنى
》》》》》》》》》المغرب 《《《《《《《《《
بالعودة الأراضينا الترابية لي كانت شاهدة على حزن دفييين ....المعسكر الاسود الخاص بالريكس جميع اعضائو لي مكيتحدش العدد ديالهم و بمختلف المراتب ديالهم و المناصب واقفيين بانتضام تااام و انضباط تاام و بالسيارات ديالهم على ابواب الاستقبال تحطت الطائرات طائرة من بعد أخرى و في المقدمة ديالهم تحطت الطائرة ديال الريكس و تفتح بابها ....خرج منها المستر الريكس و في الاعين ديالو النظرات الشمسية و بملامح جامدة و في يدو العروس ديالو وفاء مجبدة عينها  في كمية هاد الجنود لي بقامات قوية و هازة بنتها بين يديها حتى هي مطرطقة عينيها في الاجواء ...و نازلين من الدروج بهدوء
وفاء كتشوف فيهم مجبدة عينيها : فهد فين غادي نمشيو دابا ؟؟
الريكس استدار عندها نصف دورة بابتسامة : للقصر ديالنا ....وطأت اقدامهم الارض السوداء و انحنت الرؤوس باحترام ليهم و توجهو مباشرة للسيارة الخاصة بالريكس ...طلع الريكس في مكان السائق و طلعت وفاء كتجر في فستانها و وئام في يديها كتلعب بدريعاتها و تحركت السيارة ديالو و تحركو معاه الحراس ديالو الشخصيين في السيارات ديالهم ....نزار نازل بهدوء و منزل راسو على الهاتف ديالو باش يجري مكالمة مهمة و عيسى من موراه بمجرد تحطت الاحدية ديالهم على الارض
عيسى حط يدو على كتف نزار و استدار نزار للعندو
عيسى بابتسامة : واقيلاا هناا سالاا الدور دياليي اسيي نزار
نزار استدار و طلع فيه حاجبو : كيفاش ؟؟
عيسى : دابا جات وفاء لي تهتم بوئام و مابقا عندي مايدار نمشي نرجع للضريبة
نزار كيورك على سين : عيسى طلع للطموبيل
عيسى طلع حواجبو بابتسامة : غتوصلنيي ؟؟ وااا هاديي هي صحبة يلاه بسمالله ....و تمشى قدامو فتح ليه الكارد السيارة ديالو بإحترام و دخل ليها عيسى ....نزار كيحرك راسو بشكل سلبي و مطلع حاجبو فاقد الأمل فيه و هبط راسو و حول الرقم للسعاد و حطو في الادن ديالو
سعاد جالسة في الغرفة ديالها و ضامة يديها للعندها و جمييع الحقائب ديالها مجموعة من ليلة أمس و هي كتنتاظر و كتشوف في تليفون هو يرن الهاتف ديالها و هي تهزو بللهفة بين ايادي ديالها المجعدة و حطات في ودنها
سعاد : ولدي نزار
نزار بابتسامة طفيفة : شنو اخبر الملكة ديالنا الزوينة
سعاد بابتسامة : لاباس ا حبيبي
نزار بهدوء : ياريت كون كانت هاد حبيبي حقيقية
سعاد بابتسامة : الله يمسخك مكتبدلش
نزار : ههه عندي ليك خبر سار جدا حنا رجعنا للمغرب و معانا الزوجة ديال ولدك مدام وفاء السمري
سعاد بفرحة من القلب : هه الحمدالله ياربي
نزار بابتسامة : دابا يمكن ليك تمشس ترحبي بالزوجة ديال ولدك و تشوفي الحفيدة ديالك وئام شحال زوينة
سعاد مقدهاش دنيا بالفرحة : ضروري اولديي
وفاء جالسة في الطموبيل و شادا بنتها عندها و بقدر الفرحة ديالها بكونها رسميا هي زوجة ديال حبيبها الريكس بقدر خوفها من المواجهة ديال سعاد كان قلبها كيخفق و كتفكر كيف غادي تصرف مع الحماة ديالها و الابتسامة لي غادي تقدمهاا ليها و كتحفظ الكلمات لي غادي توجههم بيها ...الريكس بابتسامة على جنب في شفاه ديالو مطلع حواجبو و في كل مرة كيستدير بهدوء للعندها باش يمتع أنظارو للزوجة ديالو المصونة🕎هوسي بابنت عدوي 🕎
♨️oumaima mega♨️
☠564☠
في لندن في المقهى المعتاد للجلووس الصديقات ....كانت جالسة دفنة و محتاضنة فنجان ديال القهوة و منزلة راسها كتشوف فيه و حواجبها نازليين واضحيين على الثنايا ديالهم الحزن و حداها آنا حتى هي مشبكة يديها و ملامحها في حالة دبول تاام
دفنة منزلة حواجبها : كيف بقا دابا ؟
آنا كتشوف فيها و في صوتها نغمة البكاء : معرفتش الاطباء كيقولو انه حالتو حرجة جدا و متجاوزش مرحلة الخطر الحادث آثر عليه بزاف (و عينيها بداو كيعمرو بالدموع ) انا خايفة انه يموت
دفنة حطات يديها على يدها : آنا تهدني هو اكيد غادي ينوض بالصحة ديالو خاصكي تفألي كثر
آنا بدات كتمسح دموعها و كتحرك ليها راسها بااه : وفاء مشات ؟؟
دفنة حركت ليها راسها بااه بابتسامة طفيفة : ااه مشات وراني عتادرت ليها على عدم لمجئ ديالك وقلت ليها على الحادت وراه غتاصل بيك طمن عليك فاش توصل لمغرب و سلمات عليك بزاف قبل ماتمشي
آنا بابتسامة مخنوقة مزال كتمسح دموعها : كيف طلعات
دفنة بابتسامة : زوينة بزااف
آنا : كندعوو الرب باش يمنحها الحياة السعيدة واخا مكنتمناهاش للداك المجرم
دفنة منزلة حواجبها بجدية : لقيتيني كنفكر في الامر انا خايفة على وفاء بزااف من داك المجرم و خفتو يدير ليها شي حاجة هما في بريطانيا بلد القانون و قدرو يديرو داكشي في آصلان (عينيها بداو كيعمرو بدموع ) عاد بلد من دول لعالم تالت فحال المغرب و هي بوحدها تما للحسن الحظ هاداك لي سميتو نزار عطاني تدكرة ديال طائرة و عرض عليا الخدمة تماا
آنا بخوف : متقوليش لياا غتمشيي للتمااا و بوحدك
دفنة حطات يديها فوق يدها : تهدني ا آنا انا غنكون بخير مبغيتش نحس بتأنيب الضمير فحال لي حسيتو من جيهة آصلان غنحاول ما أمكن نعتقها لا وقعت ليها شي حاجة ولا حاولو يديرو ليها شي حاجة
آنا : لااا لاا ا دفنة نتيي متقدريش تواجهيهم نتيي داباا مجرد بنت عادية مغادي يحميك لا قانون و معندك حتى السلاح لي تدافعي بيه على نفسك و عاد غاديي تمشيي تمااا للمغرب لي مكتعرفي حد فيه وهوما بانين عندهم سلطة كبيرة في داك لبلد كتر من تصور ديالنا
دفنة : آناا راني ماشي مراهقة اناا كنعرف المدى ديال القوة ديالهم مزيان و جربت اللعب معاهم على غير قصد كنت انا الخاسرة و كيف قلتيي انا معندي لا سلاح ولا قانون غادي يحميني بالاضافة انني مغاديش نضيع هاد التدكرة المجانية غادي نمشي نطمن على وفاء و غنشوف للخدمةلي قال عليها داك نزار ونجمع لفلوس ونرجع لهنا لبريطانيا نأسس حياتي من جديد ولا معجبتنيش لخدمة غادي ندوز شي وقت تماا و غادي نرجع (و ابتاسمت ليها كتطمأنها ) متخفيش عليا
آنا قلبها مقبوض من جيهتها : وعنداك يسخن عليك راسك و تفكري تنتاقمي للآصلان
دفنة نزلات حواجبها : انا واضحة في كلامي ا آنا أكتر واحد المني في حياتي هو تركان حتى مبقيتش كنحس بالالم من بعد ولا كنحس بأي شعور متخيليش قلبي شنو ختابر في هاد سنوات لي عشتهم بوحدي حتى مات في الاخير وماتو معاه غاع الاحاسيس لي يمكن لانسان لعادي يحسهم يعني كون كانت فكرة الانتقام في بالي كنت غادي نقلب على تركان آغا من شحال هادي و نقتلو بدم بارد و ننتاقم منو مهم انا قررت غدا غادي ناخد الطائرة للمغرب
آنا بابتسامة حزينة : غادي نتوحشك كاملين خويتو لندن عليا .....دفنة عنقتها : اكيد غادي نبقاو على اتصال حبيبتي آنا و علميني بالجديد ديالك
آنا بابتسامة : كوني هانية 
الله على بلادي المغرب يا زينة البلدان ....الشمس في الآعالي ساطعة بوضووح تاام و في شارع خاليي بين الاشجار كتمر فيه غير السيارات ديال الريكس هاد المكان المحدور من اقتراب اي احد منطقة خاصة و الدولة اخدت الثمن ديالها بالمقابل حتى خرجوو من داك الشارع للممر شديد الحراسة المسلحة انحنت الرؤوس ديالهم و تفتحت أبواب القصر لي كان على الدوق ديال وفاء تبنى خصيصا ليها من بعدما تأكدت الخطبة ديالها بالريكس قبل عامين و هاهو جاااهز كيفما كانت وفاء كتقول الريكس على الاحلام ديالها ....حديقة شاااسعة جدااا بمساحاات مهمة و منتاشرين في البستانيين كيعتنيو بأزهارها النادرة الوجوود و النافورات ديالها الكثيرة المنتشرة في المكان عاد آلعاب للصغيرة وئام و بعض الملاعب و مسبح شاسع عاد البناء المميز للهاد القصر هيهات على اعداد الغرف لي كيشملها هاد القصر الضخم و بتركيبتو الداخلية و أثاتو المزدوج بين العصري و ثرات المغربي .....صلات ضخمة مغربية و اخرى عصرية جلساات وسط القصر بلي فوطوي المنتاشرة في المكان غرفة بيانو خاصة و حداها سرير مميز و فخم ....صالة السينيما عائلية لأن السيدة وفاء كيعجبها تفرج في الافلام و أخيرا و ليس آخرا الغرفة الملكية لي كتكون اكبر غرفة في القصر و مجهزة بطريقة دقيقة ملكية
تحطات العجلاات ديال السيارة ديال الريكس و توقف البستانيون حانيين رؤوسهم باحترام ....وفاء داخلالسيارة مجبدة عينيها في المكان غريب عليها كان عند الظن ديالها انها غادي يرجع للقصر عند سعاد
الريكس بشبه ابتسامة حط يدو على يدها : أميرتيي كنرحب بيك في القصر ديالنا ....وئام كتشوف في الريكس و تجبد في دراعها و مجبدة عينيها باغا تمشي للعندو
وئام : دااه داااداه دااداه
الريكس نزل راسو للعندها بابتسامة كاملة  : اجيي للعنديي ....و هزها من خصرها للعندو كيضحك و وفاء بابتسامة دهشة حالة عينيها كتدورهم ....الريكس نزل أولا من السيارة بالابنة ديااو ...و تفتح للعروس الريكس للباب ....خرجات حالة عينيها في القصر ديال عائلتها الجديد و بابتسامة كتشوف الخادمات امام القصر كثيرات و باللباس الموحد و كتقدمهم سيدة كبيرة منهدمة الملابس و انيقة حانيين راسهم ليها ...و دارت كتشوف في الريكس لي هاز الطفلة ديالو كتقبل فيه و كيبادلها القبلات في خدودها و استدار للعند وفاء بابتسامة و قدم ليها يدو هي جات عندو كتمشى بسرعة و شدات من يدو و بداو كيتمشاو ببطئ
الريكس منزل حواجبو بشبه ابتسامة : اميرتي نتي السيدة ديال هاد القصر كلشي تحت الامرة ديالك غيري القصر كيفما بغات اميرتي .....وفاء بابتسامة احتاضنات دراعو المعضلة : كنبغيييك الملك دياليي
الريكس بشبه ابتسامة : حتى أنا اميرة ديالي ...وئام مجبدة عينيها في وفاء و طلعت عينيها في الريكس لي مكيشوفش فيها و هي تخشي يدياتها صغيورين في اللحية ديالو و كتبوس فيه باش يدور عندها باش يعطيها اهتمام هي ...دار للعندها كيبادلها القبلات حتى هو .....دخل كيتمشى بهدوء مع وفاء في الداخل ديال القصر ديالهم و هي كدور عينيها في الارجاء بابتسامة و الريكس كيلملم بالشفاه ديالو بكلمات من قاموس الغزل و هي كتبادلو بالضحكات السعيدة و كيتمشاو داخل ارجاء القصر
سعاد كتمشى و دايرا نضاضر كحلين في عينيها و بشعرها الابيض خارجة من القصر ديالها في اتجاه السيارة ديالها كتمشى رافعة راسها للسما و من موراها رجاال هازيين الحقائب ديالها
السائق انحنى ليها بهدوء و فتح ليها الباب
سعاد : ديني عند ولديي ...زاد حنى ليها راسو بطاعة و طلعات في السيارة
طلعو بهدوء الاعلى القصر و عينين وفاء معلقين في السماء كتبتاسم و تبني أحلام ديالها عليه
الريكس بشبح ابتسامة هادئة و ملامحو جامدة  كيشوف فيها و وئام كتلعب ليه في لحية ديالو حتى تحدثت السماعة لي في الادن ديالو الحواجب ديالو انقضت
الريكس بصوت خشن كيتماثل للطافة مع الزوجة ديالو : وفاء غنستأدن منك لدقيقة ...و عطاها وئام
وفاء دارت عندو بابتسامة وخدات من عندو وئام ....و هو استدار و تمشا بهدوء و ضغط بالاصابع ديالو على الآلة لي في الادن ديالو 
ااريكس بصوت خشن و تعابير كتماثل للجمود : شنو كاين
الكارد المكلف بالحراسة الشخصية للسيدة سعاد و لي كينقل آخبارها بثواني للريكس من أول يوم تحط فيه رجلو خارج اسوار قصرها : مسيو الريكس السيدة سعاد غادي تجي للعند السيادة ديالكم ....الريكس احتاضنات التراتيل ديالو استبشارة خاصة و تعلات الشفاه ديالو ابتسامة هادئة و غمض عينو باريحية......يتبع🕎هوسي بابنت عدوي 🕎
♨️oumaima mega♨️
☠565☠
الريكس ابتاسم ابتسامة جانبية الاسرة ديالو في الأخير غادي تجمع عل أكمل وجه ......وفاء معنقة وئام و كتمشى بيها في الممر ديال القصر بابتسامة سعادة
وفاء بابتسامة : هناا غنسكونووو حبيبتيي دائما مع بعضياتناا و مغاديش يفرق بيناتنا حد ....وئام غير شادة منها بالقبضة ديالها الصغيورة و كتجبد في عينيها ...الريكس بعرض أكتفو حوط الأدرع المعضلة علييهم و وقفهم للعندو ظهر وفاء في صدرو و خشا راسو بين كتفها وراسها و وئام مجبدة فيهم عينيهو و كتشوف في الريكس و تضحك بدوك جوج سنينات
الريكس بشبح ابتسامة مطلع حواجبو بصوت خشن كيشوف في وئام : يجرب شي حد و يتجرأ يقرب للزوجة ديالي و الاميرة دياليي
وفاء طلعات راسها فيه بابتسامة : مغيتجرأش حيت حبيبي ملك و ماشي انسان عادي
الريكس بابتسامة جانبية كيشوف فيها : غادي نتفااهموو في ليل على هاد حبيبي اجي نشوفو الغرفة ديالنا
وئام كتخشي روايسها بيناتهم و تجبد عينيها في الريكس : داداااه دااداااه ....حط يدو على خصرها و تمشااو للوحد الغرفة معزولة كلياا الباب ديالها ملكيي تحلت الابواب ديالها ... على ديك الغرفة الشاااسعة الملكية كيتوسطها سرير فخم و الشرفة ديال هاد الغرفة مكتاسحة حائط على قدو كيطل على الحديقة و اللوااح اارسم عديدة كيفما كتعرفو طابع الريكس الارسطقراطي و صور وئام و وفاء منزلين في امكان بطريقة جميلة دخلات العروس الشقراء كتحول عينيها في المكان بابتسامة
الريكس داخل كيتمشى بهدوء و شبه ابتسامة : شقرائي كنرحب بيك في القصر ديالك هو تحت التصرف ديالك اميرتي
وفاء دارت عندو بابتسامة : قصرنا حبيبي الريكس ....الريكس قرب للعندها خطوتين و نزل عندها و نزل حواجبو : كون مكانش عندي عمل دابا غنرحب بالعروسة ديالي في البيت ديالي و لكن مزال ليل ديالنا
وفاء بابتسامة رفعات فيه حواجبها : ادن راك غادي تعطل امسيو الريكس  ....و نزل راسو يتبادلو القبلات حط الشفاد ديالو بهودوء في شفاه ديالها وجرهم ليها بمص وهي غير مغمضة عينيها وعاطياه شفياه ديالها و رجع راسو لور وشافو في بعضياتهم بابتسامات وئام نزلات حواجبها هاد الصغيورة الغيورة هي تنتف وفاء من شعرها و كتغوت فحال الرضع
وفاء حيدت منو و نزلات حواجبها : أييي
ااريكس حيد منها و نزل عند الصغيورة لي جمعت الفيم ديالها حتى هي باش تبوسو في فمو ابتاسم و باسها من الفم ديالها وفاء بعد ما حيدت يدين بنتها من شعرها شافت فيهم بابتسامة هاد لاب ولابنة لي كيشكلو لوحة جميلة يعجز أمهر رسامين على رسمها
عيسى جالس في الطموبيل مع نزار و مجبد حواجبو حتى هو في الشرجم و دور راسو بعند نزار لي كيسوق بجدية : بالله حتى غادي نتوحشك اسي نزار غنتوحش جمايعنا و قصايرنا غير هو راه ماشي هادا هو طرييق درب الحزقة مع كااامل اسفيي و تطفليي
نزار استدار عندو و نزل حواجبو :الريكس بغا يهدر معاك شخصيا و غادي نمشيو للفرع ديال المعسكر تما غادي نهضرو
عيسى : فين جاا؟
نزار طلع حواجبو : غادي نوصلو و غادي تعرف بالامر .....عيسى سكت شوية و دار عند نزار
عيسى نزل حاجب : و معرفتيش علاش زعمة مسيو الريكس يكون باغي يهضر معايا ؟؟
نزار كيشوف في الطريق بتركيز تاام : غادي نوصلوو تماا و تعرف كلشي
عيسى : مع ضرني راسي فهمتيي للفضول غير لمح ليا هاكا
نزار ضغط على سين بين سنان ديالو : عيسى
عيسى دور راسو للطريق و رفع الحاجب ديالو : هاهو ساكت
وفاء العروس الجديدة بقات بوحدها في الغرفة ديالها الملكية هزات بنتها كتدور بفرحة و بنتها حتى هي حالة فمها كضحك
وفاء : دابا غادي نمشيو ندوشووو انا ويااك هههه
وئام كضحك : ممممماماما
وفاء بابتسامة : غناااكل هاد الفم لي كيقول مامااا هههه اجي تدوشي مع ماما (حتى تطرق اربع دقات خفاف على الغرفة ديالها وفاء دارت ) تفضل
دخلات المدبرة ديال المنزلة ضامة يديها للعندها و منزلة راسها ليها و دخلو من موراها جوج خادمات بنفس الطريقة ديال الاحترام دخلو الحقائب ديال وفاء للعندها
رئيسة الخدم : مدام وفاء كنعرف براسي انا رفيقة رئيسة الخدم ديال سيادكتم
وفاء طلعات فيها حواجبها بارتباك : ءءء؟! ءءءء متشرفين
رفيقة على الوجه ديالو الصرامة و هي حانية حركت ليها راسها بإيجاب : أوامرك مدام وفاء ؟
وفاء فحال الدهشة اصابت الملامح ديالها و سخونية طلعت مع وجهها و وئام كتلعب بيديها للعندها و تدور في راسها  : ءءء ؟! اواامر لا لا والو ي يمكن ليكم تمشيو ...حنات ليها راسها باحترام و استأدنات بانها تخرج ...عاد ارتاحت وفاء بحكم انها ممتعوداش انهم يكون تحت الامرة ديالها خدم و هي لي خاصها تلقي الاوامر عليهم ....نزلت بنتها فوق الناموسية و بدات كتنزل في ثياب العروس ديالها
في المعسكر الفرعيي الخاص بالريكس ....و بظبط في المكتب ديالو العلوي الفخم ....جالس الريكس في الكرسي ديالو الشخصي بتعبيرو الخالي من الملامح و قدامو عيسى جالس .....وحداه نزار حاط الايادي ديالو بجوج على المكتب و رافع حاجبو في عيسى
عيسى : والله ا مسيو الريكس واجبيي راه درتو و حضيت وئام حتى جات وفاء و دابا دوري سالا
الريكس بصوت خشن و ببرودة كيهدر : قلت ليك قبل ان حياتك دياليي عندي ليك مهمة بنا انك نتا مصدر ثقة غادي نكلفك بالميناء و نزار غادي يشرح ليك الطبيعة ديال العمل ديالك
عيسى نزل حواجبو : المرسة ؟؟ ....الريكس كيشوف فيه بتعابير جامدة
نزار نزل حواجبو و دور راسو في الريكس بجدية : و لكن الامر غادي يكون صعيب عليه في الاول خاص ضروري يساعدو شي حد
عيسى طلع حواجبو :موجووود لخييير أمسيو ريكس كااااااين لييي يعااااون (الريكس طلع فيه عينو بالحاجب ديالها و نزار دار عندو بالزرقة ديال مياه البحر ) كنت نيييت غاديي نقولييك علييهم شييي حاجة صدااااع متصورش كيف دايرييين لحماااق كيعرفووو يديرووو كلشيييي و تييييقة منعاودش لييك على حسابييي
الريكس بحواجب منقضة مهتم للامر لي كيقولو : بعد ساعة يكونوو عندي هنا ...نزار كيحرك راسو بإيجاب
عيسى : كووووون هانيييي اسيي الريكس (و ناااض وقف مخرج عينو فيهم ) داباااا غيكونووو عندك🕎هوسي بابنت عدوي 🕎
♨️oumaima mega♨️
☠566☠
وفاءنازلة مع دروج ديل لقصر ديالها بحال لاميرة و لابسة واحد لبينوار سطان بالابيض قصير حازما الحزام ديالو على الخصر ديالها و في رجليها بانطوفة و شعرها جامعاه فوق راسها باقي فازك ...و هازة وئام في يديها شادة أرنب و ملبساها البيجامة ديالها حتى هي
وئام بدات كتهنن و تاكل في ودن الارنب : ن ننننا نناه نا
وفاء نزلت حواجبها فيه : شنو حبيبة ديالي شنو بغيتيي ياكمااا فيك جووع وينووو على بنوتيي فيها الجوع انا نوكل بنتيي ... حطات رجليها على ارضية القصر الدهبية دورات راسها كتشوف رفيقة كتمشى للعندها
وفاء طلعات حواجبها بابتسامة : عافاك فين كينا الكوزينة
رفيقة حنات راسها ليها : تفضلي معانا الالة ....تمشات وفاء معاها و كتلعب وئام لي بدات كتغنن : هاهيا بنتي غادي نصيبو ليها اارضاعة .....دخلات الكوزينة فخمة بأوانيها و كيتواجدو تما خدمات بزاف و طبخات خاصين بالاكل دخلت مع رفيقة و هما تصافو تما بانتظام و وقفو و طلبات منها اواني باش تصايب للبنتها للحليب
رفيقة منزلة راسها ليها و ضامة يديها للعندها : مدام وفاء حنا غادي نتكلفو بالامر
وفاء بابتسامة : لا لا انا غادي نصايب للبنتيي (و نزلت راسها للوئام لي هلكت واحد ودن ارنب بالعضان ) كفاية انني بعدت عليها عافاك ممكن تشديها ليا ....رفيقة نزلت ليها راسها و هزات منها وئام صايبت ليها الحليب و حطات ليها البطاطة تصلق على جنب من بعدما جابوها ليها الخادمات ....و وفاء هزات وئام بين يديها و عطاتها الرضاعة كترضع فيها الحليب و وئام حالة فيها عينيها و كترضع و تشوف في وئاء وفاء بابتسامة كترمقها و كتمشى في القصر ديالها بحرية و هي تطلع راسها بابتسامة و هي تهجرها و جبدات الحواجب ديالها و عينيها الفيرزية و قلبها كيخفق حماتها على الابواب ....سعاد داخلة القصر و النظرات الشمسية في عينيها بمجردالدخول ديالها حيداتهم بداك الشعر الفضي اللون و تجاعيد لي على وجهها مكتخفيش الملامح ديالها الجميلة و هي كتشوف في الزوجة ديال الابن ديالها
الريكس جالس في البيرو ديالو و حواجبو منقضة كيدوز البؤبؤ ديال عينو بشكل عرضي على واحد الاوجه سبق ليه شافهم ...نزار واقف و يدو في جيبو و منزل حواجبو بنظرات حادة
عيسى بابتسامة : هااااا هاهمااا راااه ناضييين ا مسيو الريكس الثقة و كلشيي  ياك ادراري ....و دور راسو عندهم كانو واقفين مصافين دوك الشماكرية لي كانو مربيين وفاء مكينش وجاههم كلو سيكاطريسات روااااد العالم السفلي الشعبي و سنانهم مسدين و ضاحكين المسيو الريكس
عيسى خسر السيفة ديالو معاهم : حمرو ليا وجهي ادراري هاداا عبيقة لملقب بزيزوار حقاش ديما كيديرو في صبعو ( الريكس حط الادرع ديالو على المكتب و شبك يدو بحواجب منقضة كيشوف في عيسى و طلع عينو في عبيقة لي عرض ليه المهارة ديالو و وراه بين صباعو الزيزوار ) هاداا قرقيبة و كنعيطو ليه في الدرب الناطحة و المتردية ( الريكس حول البؤبؤ ديالو ليه و قريقيبة كيضحك لريكس حيد الكاسكيط و وراه الصلعة لي كينطح بيها ) و هاادا سعيد كان كيقرى مع وفاء فاش كانت صغيورة و كان حاضها دابا كنقولي ليه ولد الحوات كيبيع الكفتة ديال الحوت و كينزل الما بعمق 50 ميلميتر في الساعة (ربط السلوكية ابا عيسى ) (الريكس منين تجبدات الزوجة ديالو وفاء في هاد المجموعة الدكورية ملامحو تعلاها الغضب الشديد و حول عينو للعيسى لي دار عندو شافو بديك الحالة ونزل حواجبو تفكر هوسو الشديد بالشقراء )
سعيد : بالله باقيي نعقل عليها مكان كيقرب ليها حد ....الريكس بدون ما يغير الهيئة ديالو حول غير عينو ليه
عيسى كيشوف في الريكس الملامح لا تبشر بالخير : صافيي ا سااعييد صافي اصحبي
قريقيبة : انااا رااه وفااء كنت كنحطها في هااد الكشف ...و كيخبط في الكتف ديالو ...الريكس مزال غير كيعبئ الشحن ديالو الحرارية عيسى خسر وجهو وبدا يغمز فيه باش يسكت
نزار حول عينو للريكس : انا غادي نتكلف بهادو شخصيا
الريكس حرك ليه راسو ببطئ و هو عينو عليهم
عيسى دار عند الريكس و حط يدو على البيرو و نزل حواجبو : مسيو الريكس باقيي واحد مسكين غير مزرف ما داير والو و غبروه في الحبس راك غادي تعرفو راه سميتو ابراهيم راه كان جالس حداك داك النهار ديال الواد لا عندك فحال هاكا شي معارف خرجو الله يرحم بيها الوليدين و تهو نااااااضييييي ثييييقة
الريكس غير كيشوف بدوك الملامح الجامدة و دار تصف دورة عند الظل ديالو حرك ليه راسو بالايجاب كأنه أمر حتى الظل كان عندو الاستجابة ليه براسو
عيسى خاشي راسو معاهم : غادي تخرجوووه ؟
سعاد كتمشى بدوك تعابير ديالها لهادئة وبابتسامة طفيفة للعند وفاء لي كانت واقفة و قلبها كيخفق و كتسرط الريق ديالها و مجبدة عينيها فيها ...وقفت قدامها سعاد وئام دورت عينيها و هي كترضع فيها (فضولية من الصغر ) نزلت سعاد راسها و حطات حنكها على حنك وفاء
سعاد : صافا ؟؟...و حيدت حنكها
وفاء حتى هي سلمت و عينيها مجبدين و بابتسامة مرتابكة : ح حمدالله
سعاد نزلت عينيها في وئام و تحلو عينيها و بابتسامة كتوسعها و عينها كتلؤلؤو بالدموع : هاديي وئام حفيدتي وئام  عطيني نشد حفيدتيي ...وفاء ابتاسمت ليها و حيدت للوئام الرضاعة لي مجبدة عينيها في جداها و عطاتها للسعاد ....سعاد شداتها و عنقتها للعندها و هي كتبوس فيها و تعنق
سعاد : هه حبيبتي صغيرة زوينة اميرتيي نتيي و اخيرا شفتك ....و كتبوس في وئام لي غير كتشوف مجبدة عينيها و شادا بقبضتها الصغيرة من حوايجها خايفة لا طيح
وفاء بابتسامة ضامة يديها لعندها : عافاكي تفضليي جلسيي ...سعاد دورات راسها للعندها بابتسامة طفيفة : كنشكرك ....و تمشات قدامها و وفاء شداتها السخفة بالفرحة و الابتسامة وسعتها اكثر🕎هوسي بابنت عدوي 🕎
♨️oumaima mega♨️
☠567☠
تمشات سعاد للفوطوي و جلست فيه كضحك و تلعب مع وئام
سعاد : جبدت لحفيدتيي بزااف ديال الالعاب ...و وفاء جلسات في الفوطوي لي حداها بابتسامة كتشوف فيها و تشوف في بنتها
رفيقة كتمشى و من موراها طبق وئام ديال البطاطة حتى وصلو للعند وفاء
رفيقة انحنت ليها باحترام : مدام وفاء طبق ديال الانسة الصغيرة جاهز
وفاء طلعت فيها حاجبها و رفعت فيها راسها : اااه حطيه هنا شكرا ليك .....تحط الطبق قدام سعاد على الطاولة الزجاجية و تكشف عليه الغطاء ...البطاطة مرفوسة بالفروماج و تحط بالقرب ديالها ملعقة فضية و منديل ابيض..شافتها وئام حلات عينيها و بدات تتحرك في يد سعاد
وئام : نانانااننننانانانننن ناناننن (الكلمة اصلها ناكلو )
سعاد ضحكت : هههه اكيد هادا الطبق ديالك المفضل اناا لي غادي نوكلك بنفسي
رفيقة نزلت وقربت الادن ديال وفاء بصوت خافت : مدام وفاء واش نجهزو للغرفة للسيدة
وفاء طلعت فيها راسها و طلعت فيها حواجبها بصوت خافت : ءءءءء؟؟! اااه وجدوو ليها غرفة كبييرة هادي حماتيي
رفيقة : اوامرك مدام وفاء ....وفاء ابتاسمت ليها و مزال في دوامة التوثر ...رفيقة طلعت راسها في الخدم و باشارة منها طلبات منهم تجهيز الغرفة للسيدة
رفيقة نزلات راسها للعند وفاء بصوت خافت : مدام وفاء شنو  اوامرك باش نجيبو الضيافة للسيدة
وفاء طلعات فيها عينيها ببراءة : ءءء؟! جيبوو كلشيي
رفيقة حنات ليها راها باحترام  : كنتسناو الاوامر ديالك باش نديرو الاكلات للعشاء
وفاء جبدات فيها عينها : ءءءء(و ضامة يديها و عليها ثوتر كبير هي غير مدركة لحتى حاجة ) غير سيرو انا غنقوليكم ...رفيقة استأدنات باحترام و انساحبات و بقات وفاء تما بتوتر و سعاد كتوكل في وئام كتلعب الدور ديال الجدة لي طالما حلمات بيه من سمعات الوجود ديالها و وئام كتاكل و كتبنن
وفاء كتحاول ترسم ابتسامة : خالتي راه دابا غادي يجيبو ليك ضيافة اعتبري الدار دارك
سعاد استدرت عندها بابتسامة طفيفة راقية : شكرا ...و نزلت راسها للوئام
وفاء بارتباك : ش شنو بغيتيي نديرو للعشا؟؟
سعاد طلعات فيها راسها برقي و ابتسامة : هادا القصر ديالك و نتيسيدة ديالو و نتي لي غادي تحكمي في قراراتو
وفاء طلعات فيها حواجبها بابتسامة بارتباك : ممم ك كنستأدن ل لوحد دقيقة ....حركت سعاد راسها بايجاب و ناضت وفاء من بلاصتها بتعابير مرتبكة و مشات كتزري في المشية ديالها غادا تطلع للغرفة ديالها
قدام واحد لحبس تحل الباب ديالو و خارج ابراهيم و داير واحد الصاك في اكتافو و ضارية فيه الشمش و كيشوف في جنابو حتى حل عينو على الوسع ديالهم هو كيشوف سيارات سوداء مستفين قدامو  و في وحد السيارة في جميع مجانين درب الحزقة (عبيقة .قريقيبة .سعيد ) خاشيين وجاههم في الجاجة دطموبيل شلاقمهم لاصقين فيه و كيديرو ليها باي باي و عيسى خارج الطموبيل فاتح ليه الكارد الباب و كيدير ليه زيد بيدو
ابراهيم شداتو البكية و كيتمشى للعندو : والله اخويا هادي هي صحبة و الا فالااا واخا درتي لباس منسيتيش خوك في الحبس ....و تلاح عنق عيسى ...نزار في السيارة الامامية بنظرات شمسية بتعبير خالي من الملامح كيشوفيهم من المرايا حتى طلعو في السيارة لي من موراه عاد غادي ينطالقو ككتيبة
وفاء دخلات للبيتها بوجه شاحب و تمشات بزربة للهاتف ديالها هزاتو بين يديها كترعد و غتحول المكالمة للنرجس
وفاء بارتباك : الوو نرجس
نرجس في الغرفة ديال عمران شادة تليفون و فرحانة حيت سمعت صوت بنتها : الووو بنتيي وصلتيي مزيااان كلشي عندك تماا بخيير
وفاء : ااااه مزياان الحمدالله ماما خالتي سعاد جات للهنا
نرجس فحال تصرفيقة جاتها و حلات عينيها : شوفييي ا وفاء أياكي وتحاكي معاها خسري عليها غير سلام متعرفيها علاش جايا وناوية لمهم انا غنتكلف بكلشيي نتي ديري غير هادشي لي قلت ليك
وفاء مطلع حواجبها برأفة : واخاااا ولكن حاجة اخرى عندي فيها مشكيل
نرجس نزلت حواجبها بخوف : مشكل فااش ؟؟
وفاء : كلشييي كيقولو ليا الاوامر ديالك في العشا و انااا معارفة والووو عتقينييي
نرجس : و ديك العقروشة متكلفش بهادشي
وفاء : سولتها و قالت ليااا انا مولات القصر عتقينييي انرجس
نرجس : ممممممم باغااااا تحصلك اناا غادي نصيفط لييك كلشيي في الايمايل ديالك صافيس
وفاء ارتاحت : صافيي
نرجس : قوليها ليهم هما غادي يصايبو للعشا ايوا خاصك تعلميي راك مزوجة دابا و ببنتك
وفاء بنرفزة : نرجس راااه اول مرة لياااااا وقفييي معايااا
نرجس : هانيي معاك داباا و ديك الشارفة انا غادي نتكلف بيها شخصيا متدوي معاها ما والو
وفاء : صافي غير سيفطيي ليا داكشيي
نرجس : يالاه سيري دابا
في أحدى العمرات القريبة من الميناء .....تحطات على الابواب ديالها السيارات ديال نزار السوداء و خرج منها نزار كيقاد الفيست ديالو و كيدور راسو للعند عيسى لي خارج و مخرج معاه اخطر مجرمي درب الحزقة
عيسى تمشا للعندو بابتسامة : والله ماعرف كيف نشكرك اسي نزار على هادشي لي داير معايا نتا و سي الريكس
نزار بابتسامة طفيفة : مكنظنش كين الشكر بيناتنا ا عيسى تفضل هاك البادج ديال الشقة ديالك (عيسى شدها و السعادة على وجهو ) و ها الكونطاك ديال السيارة ديالك متنساش غدا في الصباح تدوز المعسكر باش تبدا تدريبات ديالك على السلاح باش نوريك المكان ديالك و المهام ديالك في الميناء نتا و هادوك
عيسى الابتسامة مزقات ليه حناكو بجوج : لهلاااا يخطييك اسي نزاار نتا و مسيو الريكس زعمة
نزار طلع فيه حواجبو بابتسامة : يلاه نخلييك
عيسى : بلغ سلامي الوفاء
نزار بابتسامة طفيفة : حضي كلامك ا عيسى على الزوجة ديال الريكس
عيسى : كنعتااادر .....و طلع نزار للسيارة ديالو