رواية هوسي بإبنة عدوي (مكتملة بدارجة المغربية )

103

🕎هوسي بابنت عدوي 🕎
♨️oumaima mega♨️
☠511☠
وفاء كتنهج و وجهها غيطرطق بالحشمة و كتشوف في الناس و كدور تشوف فيه كمية جبل ثلجية واقفة حداها هو يدور راسو للعندها بتراتيل تحت اعينو مستبشرة وهو مزال كيتدوق الطعم ديالها توقف للمصعد في الطابق الموالي و تفتح لباب ديك الدفعة كلها خرجات من المصعد و الريكس جالس على ميزان الصبر كينتظر الخروج ديالهم و هي واقفة حداه كتشوف في الناس كيخرجو و بدات كترجع للور باش تشد القنت ديالها و دمات يديها و طلعات حواجبها و عينيها كتشوف فيه بيراءة بمجرد ما تسد لمصعد دار للعندها بدوك العيون بشرارة للهيب اسود تمشى للعندها و للصق عليها من جديد هي مطلعة فيه راسها كتبان لا شيء ام البنية ديالو وحط يدو على لخدين ديالها كيستنجد بلممسهم و كيتنفس زفيرها و عينيها بعينيها و نيفو على نيفها وهي شدات من دوك الحديدات و كتشوف فيه و طالقة للكرزات ديالها ليه و كتنفس
الريكس بفحيح كانه ثعبان : أميرتيي (وهو منزل حواجبو و ابهمو كيلعب في دوك اشباه السكر )  صبري بدا كينفد شقرائي (غمض عينيه ) و الصد ديال اميرتي باقي مسلااش (وفاء كتشوف فيه و كابحة الانفاس ديالها هو يحل عينو فيها بشبه ابتسامة و بنبرة تهديدية ) تفكري حاجة وحدة مهما هربتي ولا مشيتي نتي ديالييي ...... وفاء كتطلع النفس و تنزلو فيه هو يتحل المصعد و خلات يدو حتى ارتخت من حناكها و نزلت ليه من للتحت باش تهرب كتجري هو فاش نزلت نزل عينو و حواجبو معاها و طلع راسو كيشوفها هاربة خارجللمصعد و دار بشبه ابتسامة " الى اين يا شقراء الملك ؟ " و بدا كيتمشى بهدوء و بشبه ابتسامة وفاء كتتمشى بخطوات سريعة للباب الغرفة ديالها و حالة عينيها و كتنهج حتى وقفت قدام لباب ديالها و بدات كتقلب على البادج في جنابها و في جيبها و يديها كترتاعش و كتنهج و كتطلع عينيها فيه و هو كيتمشى بهدوء للعندها و مبقاتش مسافة بيناتهم و بشبه ابتسامة ركب فيها الرعب انفرد بيها ....وفاء كتزيد تقلب في داتها و تعابيرها تحولو للباكية و قالبها كيخفق لللجنون على انغام الخطوات ديالو هم يحط يدو على دراعها و دورها للعندو فحال الدمية و ضربت مع صدرو و هي مطلعة راسها مطرطقة فيه عينيها و يدو الثانية مشات لاسفل ظهرها كيهبطهها بهدوء و وفاء وصلت لحدود ديال الصعقات الكهربائية في البطن ديالها بدات كتفرز للزوجة السوائل و صدرها بتحركاتو كينده عليه هو كيشوف فيها بشبه ابتسامة كيف كتغير ملامحها امامو بلمساتو و نزل يدو للمؤخرة ديالها و بالظبط و خشاها في لجيب ديالها للوراني كانت تما البادج ديال الغرفة ديالها ....هي حلات فيه فمها أكثر و هو كيجمع مؤخرتها بين يدو و هي تهبط يديها للدراعو كتحاول تحيدها ليه وهو كيزيد يخشي اناميلو فيه و سرير الشهوة ديالو خافت كيشوف فيها
وفاء كتدفع في يدو و منزلة حواجبها : ف فهد ن نتا م ميكنش ليك تدير ليا والو م م مغتجبرنيش
الريكس و الشهوة في صوتو كينهج على شفاهها بجنون : سسسس انا بيغت غير نجبد لبادج ديالك ....و زير عليه حتى شهقت للعندو اكثر عاد خرج يدو من لجيب ديالها وهو شاد من دراعها و كيشوف فيها و فاليدا لبادج و خل للغرفة هي غير مطرطقة عينيها فيه هي غتدخل لوكر الشيطان حل لبيت بهدوء و دخلها و طلق من دراعها و استدار كيسد لباب بهدوء و هي واقفة كتشوف فيه و قلبها كيخفق و دامة يديها و كتطلع النفس و تنزلها و كتشوف فيه كيسد لباب هو يدور نصف دورة و وسع ابتسامة ليها و عينيه ثقب دودية سوداء خباياها ظاهرة على هاد الشقراء
وفاء بلكاد كتنطق لكلمات و قلبها في حلقها و تعابيرها باكية كلها كترجف : ن ن نتا م م متقدرش تديير ش شي حاجة ا ا نا م م مبغاهاش ....هو يستقيم في الوقفة و تعابيرو جدية اكثر و تمشى لعندها بدكونة في عينو و هي واقفة رفعت فيه حواجبها و عينيها و فاتحة فمهااا ....كأنها فريسة تشدت في شبكة الصياد......يتبع🕎هوسي بابنت عدوي 🕎
♨️oumaima mega♨️
☠512☠
وفاء قلبها كيخفق بخفقات مستمرة قوية و كترعد بداك الوجه الخائف و كتحول في عينيها و رجليها كيرجعو بللور و كتدور نشوف فيه بقات مسافة قليلة بيناتهم حتى هز يدو غيحوطها على لخصر ديالها و ملامحو هادئة وجامدة و وفاء بمجرد ماتحطت يدو على ثنايا ديال خصرها و هي تغمض عينها و بدات تميل ليه بين يدو شئ لي اتار استغراب الريكس و ملامحو انقضت وهو شادها بين يدو مزيان وهي ترخي داتها و طاحت على عضلة يدو الضخمة بفقدان الوعي وهونزل معاها شوية و كيشوف فيها بتراتيل الخوف لي كتختالط بالجدية الرجولية على وجهو نازلة على دراعو سخفانة بشكل كلي و مغمضة عينيها و ملامحها دابلة امام انظارو وشعرها الاشقر الدهبي متناتر على العضلة ديالو ...الريكس منزلة حواجبو فيها
و بنبرة حادة : وفاء .....و حركها و في نفس اللحظة تدكر يوم كان غيقضي معاها ليلة في مراكش الحمراء و دارت نفس الفعل نزل حواجبو اكثر بشك ورفعها بعضلتو البارزة لي في خصرها و ويدو ااضخمة لي تحت راسها و قربها لوجهو يتأكد واش فعلها هادا مفتعل و كيشوفها مغمضة عينيها و كترمش بيهم و ملامحها جمدو و قرب انفاسو لانفاسها و صدرها لي كيطلع و ينزل دوز الشفاه ديالو على الشفاه ديالها و هي كتزعز في يدو و كتزير و كتخاطب في راسها باش تقاوم من جديد "قاومي ا وفاء قاومي موتي موتيي قطعيي النفس "(فعايلك تفرشو اختي وفاء جيبي لجديد) الريكس طلع راسو كيشوف فيها ورسم شبه ابتسامة ديالو الساحرة قطتو الشريدة مغاديش تغير ....و هو يهزها دراعو محوطها بالخصر ديالها و دراعو الاخرى في فخاضها حاكمها و راسها و شعرها مطلوقين على العضلة ديالو وهو كيتمشى بيها و كيشوف فيها بشبه ابتسامة و كتسمع لباب تحل يعني هما خارجين من الغرفة ديالها
وفاء مغمضة عينيها و كتخاطب الداخل ديالها و هي كتحس انه كيتمشى بيها : مزيان اكيد غادي بيا للسبيطار تما ننوض دابا خاصني نقاوم اكثر  مخصنيش نتحرك (و هي كتحس براسها كتمشى حتى كتحس بيه انه وقف و كيدير شي حاجة و من بعد سمعات لباب تسد ورغم دالك مزالا مقاومة وهي تحس براسها تحطت على شي حاجة رطبة ) اويليي فين اناا ....الريكس حط وفاء فوق السرير ديالو لخاص في الغرفة ديالو وهي بداك الجمود كانها جثة هامدة لي فارشينها هما عينيها لي كيرمشو هو يطلع فوق منها ببنيتو القوية اي كتحس يالصلابة ديل عضلاتو فوق الصدر ديالها ونفس لي تقطعت فيها من شدة و قوة البنية ديالو وضخامة الاكتاف ديالو .....ريكس بشبه ابتسامة و نزل راسو لعنقها بهدوء كيدوز نيفو على مساحة عنقها الابيض و كيستنشق رائحة ينبوع الخمر المسكر احد الممات هي كترتاعش على حساب تحرك هرموناتها و كزير على لقبضة ديال يديها
وفاء مغمضة عينيها و بصوت داخلي باكي : متقولش لياا لااا ياربيي نقاوم اكثر قاوميييي اوفاء ....و هي كتعصر على لمساتو لي تحولت لقبل ومص في عنقها و طلع لفمها لجامد كيهندس فيه و بشبه ابتسامة نزل فمو للفمها كيبوسو و كيحط و دوك البونجات ديال الحلوى الطرية داخل الفم ديالو و كيمصهم اااه شحال شديدي للذة  و طلع يدو الحرة و ضغط بيها حناكها بجوج باش يحل فمها و يجبد للسانها للعندو كيمتص فيه بهفاوة و هي تحل عينيها على الوسع ديالهم كتزير من اسفل رحمها و كتحاول متحركش تحت منو و رجعت سداتهم بالخف  فاش حست انه رخف على لسانها و طلع راسو بعدما دوق زهرة الساكورة الوردية لي كتشبه لفمها كيشوف فيها بداك الوجه الجامد لي كيجلب الضحكة و لكن ملكنا كيجدب ليه الشهية للاكل ديالو في اطباق
الريكس بصوت خافت رجولي نزل حواجبو :حبيبتي نتي معارفاش ان هاد الاعب ديالك هي لي كتزيد من جنوني (هي غير كتسمع و كتزيد تقاوم مهما قال و كترمش بعيينها لي كيتيروه التحرك ديالهم ) كنعتادر و لكن انا مجبر ندير هادي (و نزل للفمها كيقبل في فاهها للمرتخية و هي تحتو و يدو طلعت للصدر ديالها شدو ليها ببهدوء بدون ميزير عليها
وفاء بدات كتعرق و السوائل غير كينزلو للامر يدعو الى فتح القدمين بدات كتحرك بشكل هادئ باش مايلاحظهاش للشدة الضغدغة ديال سوائلها اثناء النزول : قاااوميييي ا وفااااء قااااوميييي اييي (وهو من لفوق كيظغط على الصدر ديالها و طلع راسو من فمها كيشوف فيها شكلها جداب دور راسو للكميرا و هزها بيدو و بدا كيصور فمها و نزل راسو للرقبة ديالها و حط شفاهو تما و حل فمو وكشر على انيابو و عضها عضة لحب باش تزين ليها الرقبة ديالها و هي تزعزعت لديك للعضة و هز راسو بشبه ابتسامة و هز الكميرا و صور للمكان للكيعضها فيه و كيضرب لفلاش في عينيها و كترمش
وفاء بصوت داخلي : اش اش كيدير هادا واش كيصورني ؟؟....و حط لكميرا على جنب ....و نزل راسو مغمض عينو للعنقها كيعض فيه باستمرار بانيابو وهي كتهز بشوية مع كل عضة ديالو وكتمنع انينها بالقرم على الفم ديالها و هي تحل عينيها في الصقف على الوسع ديالهم مبقاتش قادة تزيد تحمل و يدو نزلها مع كرشها بهدوء وهي كتنتغض من هاد المسات وحابسة شهقاتها الخاضعة لتاتير لمساتو باغا تحرر من فمها و هي كتجبد ملامحها فاش كتحس باصابعو تحطت على اوداجها و قبل ميدير ايحركة هي نتافضت من تحت منو حتى انتاشلاتو من عالم الجنة وحيد يدو من تم و هز راسو بحواجب منقضة فيها و هي كانت مخرجة فيه عينيها و جامعة يديها للعندها و هو غير هز راسو وحيط يدو فوق السرير باش يرفع عليها التقل ديالو وبدات كتدفع في الصدر ديالو بكل قوتها و هي متشدة على تعابيرها وهو كيشوف فيها بتعابير منقضة وحواجبو منزلها
وفاء: نوض نوض عليا عفاك
وهو يستاجب لطلب ديالها و رخف عليها وناض شي شوية و ناضت كتنهج بسرعة و شعرها متبعثر و بمجرد محطات رجليها على الارض و مشات كتجري ليه خارج الغرفة و هي مخرجة عينيها وكدور نشوف فيه واش تابعها و قلبها كيخفق و كتحل لبيبان ....الريكس حول تعابيرو لشبه ابتسامةكيشوف في رشفة من الثمالة ديالو و استدار على ضهرو في السرير ديالو كيشوف فيها كيف كتمشى هاربة كانه تابعها
الريكس بفحيح : انا عند وعدي الاميرة ديالي غتجي للعندي ...و دور راسو لوحد الزر ضغط عليه و شعلت الشاشة لي قدامو كتبين الغرفة ديال وفاء بشكل واضح كيف دخلات هاد الاخيرة وسدات لباب بسرعةو تكات عليه كتنهج و مخرجة عينيها و خاطة يديها على قلبها
وفاء و ملامحها تعلاتهم الراحة وغمضت عينيها : الحمدالله ياربيي .... و مزالا كترعد ...الريكس كيف الملك فوق السرير ديالو كيتفرج فيها و ابتسامة و كيطلقها بقهقهات عالية في الارجاء على هاد القطة ...و هي كتمشي و تجي في الارجاء و عاضة على شفايفها و كتمشى (هاكدا كيف شافها خشات لبادج ديالها في جيب لوراني ديال السروال باش جبدو ليها من الكميرا ديل الغرفة) و جات داخلة للسرير ديالها و هي توقف
وفاء نزلت حواجبها كتنهج : اكيد هو يقدر ببساطة يجي لهنا ... الريكس موسع الابتسامة ديالو و غمض عينو وطلع راسو للسما و رجع نزلو عاض على الشفاه ديالو هو يرجع يشوف في الشاشة وهو ينزل حواجبو باستغراب هو كيشوف فيها راجعة للباب الخارجي ديال الغرفة ديالها و حاطة الهاتف في ودنها هو يطلع اصابعو للادن ديالو باش بعطي تعليمات لجيشو الخفي و عينو حادة على الشاشة.....وفاء شادة الهاتف ديالها في الادن ديالها
وفاء منزلة حواجبها و كطل من الباب ديال الغرفة ديالها : الو نانسي اينا غرفة نتيي ؟؟
نانسي كتهدر كانها بهضرة معوجة كان وجهها مجمد: ليش شوفي اينتي كمان ؟؟
وفاء : ب بغيت نجي لعندك خفت كينة شي حاجة كتحرك هنا في الغرفة عفاك نانسي انا خايفة عتقيني
نانسي باستغراب : شوووو خفتي و فيي هايدا الاوطييل انتو اكيد جن جنونكم وحدة استفرغت و وحدة لوت كعبها شو بكن انتو ؟
وفاء بخوف خارجة من الغرفة ديالها و مجبدة عينيها في البيت ديالو وغادا لسانسور : عفاااك انانسيي الله يرحم باااك
نانسيي : اووووف 213
وفاء : انا هابطة لعندك دابا🕎هوسي بابنت عدوي 🕎
♨️oumaima mega♨️
☠513☠
في وحد الغرفة جميلة و انيقة و ظاهر انها متواضعة امام الغرفة الملكية ديال وفاء كتسمع طرقات خفيفة ....توجهات للباب نانسي بملابس النوم و هي كتقاد في الوجه ديالها و حلات لباب ...كانت وفاء كتنهج و شادا على الهاتف ديالها  و كتشوف لهيه و حالة عينيها و فيهم وميض الخوف و قلبها كيخفق بطريقة ماا كتحس بيه كيتبع خطواتها كان احساسها صائب عيونو كانت في كل مكان في هاد الاوطيل تحركتها تمايلاتها كانت بمثابتة فيلم قدام الشاشة ديالو ....وفاء دارت عند نانسى و هي تجبد عينيها فيها بالصدمة ...كانت نانسي قدامها بماسك كحل مجمد
نانسي مجمدة كتشوف فيها : شو فيي وفااء في حداا يخاف في هيك اوطيل
وفاء بالصدمة كتشوف فيها : غ غير خليني معاك ننعس غير في الفوطوي
نانسي : يا الله صبرني على هييك عارضات ادخليي ....دخلت وفاء معاها و نانسي سدات لباب
وفاء دارت عندها : شنو دايرا في وجهك ؟؟
نانسي كتمشى للعندها : هايدا ماسك للترطيب الوج ناميي هووون اوكيي ....وفاء كتحرك ليها راسها بااه و دارت كتمشى للفوطوي لي تما و نانسي تمشات للناموسية ديالها حتى بدا الهاتف ديال نانسي كيرن وفاء دارت بالصدمة و قلبها كيخفق  عند بالهل الريكس....نانسي هزات الهاتف في ودنها : الووو شو انتيي كماان ...كيييف ؟؟ ...كييف شربت هاي ياربييي بكفييي طلعوها عا شومبر بتعاها بنتكلم بعدين (.وطفات تليفون و دارت عند وفاء )ياربي شو انتو ليوم ....و جلست في الناموسية كتنفخ و تفش و وفاء كتشوف فيها و جلست و هي كترتاح على الاقل كتحس بالراحة هنا
بعد منتصف ليل .....وفاء ناعسة في الفوطوي و الظلام وهي تحل عينيها على اثر صوت الضحك و هي تنوض كتطل
وفاء بصوت خافت خائف : نانسي؟ ....و كتشوف في نانسي ناعسة فوق الناموسية و كتغوت بالضحك كان السيدة في قسارة و هي في احلامها غارقة و مغمضة عينيها ناعسة  وفاء نزلت حواجبها باستغراب تقدر تكون مجرد احلام ماشي دخلها فيها و جات بغات ترجع تنعس و هي تبدل نانسي الصوت و هي مغمضة عينيها و  طلقاتو فحال المشعودات اللبنانية تسمعها تشك فيها شوافة من لبنان عندها مشكل كنظن هادي في نعسها و انا لي استغربت من كون سيدة جميلة فحال نانسي علاش هي عازبة للحد الان  ....رجعت وفاء كطل عليها لقات السيدة نايضة جالسة بداك الماسك الاسواد و كتهدر بشي كلمات بصوت مجهد غريبة كتبان فيها كائن غريب ...وفاء غير كطل عليها بنص عين من مورا داك الفوطوي و شادة من صدرها و كتشوف نانسي بدات كتزيد تجهد : اويليي اعوود بالله من شيطان الرجيم هادي راه حمقة .....و و هي تبدا تنوض بزربة باغا تخرج من تما و مخلية من موراها نانسي راجعة للصوت الضحك و وفاء خرجت من الغرفة ديال نانسي كتمشى راجعة لبيتها بزربة و كتجبد في حواجبها بين اسوار هاد الفندق (و مالكي ابنيتي درباتك الجايحة في هاد ليل )
وفاء غادا عرقانة و كتدوي غير بوحدها : نبقا في بيتيي و نقاوم فهد و منجيش عند هادي راكبينها جوج رواح تلصق فيا واحد
الريكس بهدوء مزال متبعها بكميرات المراقبة من اللحظة ديال الخروج ديالها من عند نانسي و هو متكي على الناموسية و في يدو كأس من نبيدومطلع حواجبو ببشاشة و هو كيشوف فيها برجليها كترجع للوكر ديالو ...وفاء دخلت للطابق مجبدة عينيها و كتمشى بخطوات خفاف حلات للغرفة ديالها و دخلات كتسد فيها خوفا لا يجي للعندها
اصبحنا و اصبح الملك لله
بداية من وجوود اشباه ليموزين اسفل الفندق مستفين بشكل منضم و مهيئين ....و عاد تجمع العارضات كيتمشاو بقيادة نانسي لخارج الفندق و وفاء من موراهم كتمشى كتضهر عليها انثى الملك و هي كتلعب بشعرها بديك الطريقة المثيرة و كتمشى من موراهم و هي تدور من موراها بمحض الصدفة و قلبها اصبح على حافة التوقع تعابيرها المغرورة تبدلت و زادت خطوات القدام تخشات وسط العارضات لي دارو كيشوفو فيها بشوفات ناقصة ....كان الريكس لي كيتمشى من موراها بهدوء و بغرض اكتافو تخت نظرات شمسية سوداء كتخفي لهوية ديالو و بدون ملامح و من نوراه حراس لي كيشعلو المكانة ديالو بالهيبة ....شاف فيها بنصف عين كيف كتخبى منو فحال الفأرة حتى لاش ا سيدة وفاء السمري .....حطيتي اياديك على قلب الملك غتحملي هاد العواقب
في القصر ديال الريكس ....و بالضبط في الغرف ديال نزار المقفلة ....نزار جالس في المكتب ديالو و اصابعو على لوحة المفتاح متجمدة و منزل حواجبو بين الاعين ديالو الزرقاء الصورة ديال دات اللون الاحمر و قلبو هاد اللعين كيخفق كيحاول يركز في العمل ديالو و لكن بدون جدوى هو كيسمع الخطوات ديالها لبارح فاش كان تابعها هو يتغير الملامح ديالو الغضب بتراتيلو قلب لحاسوب ديالو و ناض  بالزعفة و شد القبضة ديالو و بدا يضربها مع المكتب مرااات عديدة و هو مغمض عينو بعصبية و كينهج بقوة غضب ....المغرور مقبلش الهدية ديال الكيوبيد متقبلش انه بديك الشخصية و لمكانة يتبع شرطية سجانة لييه سابقا المفروض ان يقلها ماشي يتشهى معاها الفراش توقف على ضرب المكتب وهو منزل حواجبو و حل عينو المحيط وهو كاره الوضع لي محطوط فيه اللعنة على هاد الحب لي ادل الامير الملقب بالظل الشيطان......على عكسها هي لي جالسة في المنزل ديالها عاطلة على لعمل ...و تعابيرها بدون ملامح كتقلب في شاشات تلفاز بملل و كاع لي شراتهم فاتحاهم حداهااا ...الفوضوية المبدرة كتنهد كل مرة كتفكر الخسارة ديال العمل ديالها للدرجة في بعض الاوقات كتبدا تندم على ليوم لي تلقات فيه هاد نزار لي معرفاش حتى لمكانة ديالو الاسم لي تخلد في الخلايا ديال عقلها ...كتخربق شعرها باستمرار فاش كتفكر للعنة لي تلقات عليها و ظهر نزار في حياتها انقلب السحر على الساحر كانت كظن انها هي لمشكلة في حياتو و لكن حدث العكس ....و نزلت راسها احباطا🕎هوسي بابنت عدوي 🕎
♨️oumaima mega♨️
☠514☠
باريس عاصمة الازياء العالمية ....باضواءها و مسارح عروض الازياء الليلية الكثيفة زلزل دخول رجل اعمال مجهول للهوية للعالم الازياء وكالات ضخمة و هادشي لاكتساحو لامظار و العروض العالمية من اجود المصممين ...اتاخدت افخم قاعة عروض ازياء موجودة في باريس مقر للتدريب ديال العارضات ديالنا لي كانو بقيادة نانسي ....كانت كل من وفاء و باقي العارضات في تدريب مركز على قبل العرض ديال بعد غداا ....و هماا كيتمشاو في داك الممر و بثقة و كيرفعو رؤوسهم الفوق كان تضريبهم مظبوط حتى وقع خلل بسيط هو الدخول ديال الريكس بهدوء و بعرض اكتافو في الفم ديالو السيجار بين الاصابع ديالو كينفت الدخان و اعينو على الممر ديال العارضات كيتمشاو فيه حتى لقا الشقراء ديالو بيناتهم و ابتاسم بشكل طفيف تحت السيجار ديالو و حداه نانسي كتمشى بالموزات معاه و كتضحك و تشرح ليه مع مزيج من الخوف و كتبان انثى حداه ....اي انثى كتجي حدا هاد الرجل كتبان انثى و كتلمس القمر
نانسي بابتسامة : تفضل مستر الريكس الريكس
الريكس بحواجب منقضة و عينو على الشقراء هضر من تحت السيجار : كنشكرك ....و جلس في احد الكراسي الامامية و رجل على رجل
نانسي صفقت باش ينتابهو للعندها بالانجليزية  : بنات وقفوو المستر الريكس المستتثمر هون .....و توقفو حوور العين أمامو بانتظام و هكدا الاعين تجبدو في سمو الملك و بدات القلوب كتخفق بنبضات وكيشوفو في بعضياتهم و الصدمة تعالت وجوههم الجميلة و بيناتهم وفاء اي من بعد صدمتها بوجودو بدات كتشوف فيه بتعابير جامدة و حادة المغزى من وجودو هو انه يضايقها كانت ضامة يديها .. والريكس كانت عينو عليها من وسط البنات
نانسي بالانجليزية : يلاه بنات عيدوها للمرة الثانية ....و دارت عند الريكس جلست حداه و هي مجموعة و كتحاول ترضي وجودو رغم ان وجهو الخالي من تعابير و عينو الشريدة مكيوحيو لا واش هو عاجبو للحال او لعكس
و هما راجعين للاول لممر و بيناتهم وفاء بدات الوشوشات
عارضة 1 بصوت خافت : واش شفتوووه ...وفاء طلعت فيها عينيها نيشان وبشدة
العارضة 2 : شكوون هادي لي قالت شارف اويلي
عارضة 3 : اقسم ان قلبي تهز من بلاصتوو لبنات وقعت في الحب
عارضة 4 : سكتو البناات انا راه حتى شفتكم زدتو عاد زدت و انا غير مصدومة كنشوف فيه معقتش براسي يسحبلي راسي كنحلم ههه
عارضة 1بتغنج :هه نارييي شحااال زوييين ياختييي و شخصيتو لي كطيح فيك نص يا ختي انا بعدا مقديتش نشوف في عينو مباشرة جاتني لحشمة ... وفاء عاضة على شفايفها حتى خرجو منهم الدم و منزل حواجبها لحدة و طالعت معاها فرط الحرارة ولات قنبلة موقوتة على وشك الانفجار .....و استدارو هاد الحريات ...و بدات الاولى كتمشى و هي كتقدم عرض للمؤهلات لجسدية ديالها زائد الابتسامة و التمايل الخارج عن دور عارضة ازياء مابقاش عرض الازياء ....و وفاء كتشوف فيها مجبدة حواجبها و مطرطقة عينيها واقفة على الحافة ديال البركان غيدفق و هي ترجع خطوات للور غتوريهم تاثير الشقراء كيف داير هي الملكة ولا يعلى عليها احد قدام الملك ديالها ....الريكس ثابت في مكانو جبل لا يهتز عيونو كيتحولو باستمرار للي هو جالس على قبلها ...و حداه نانسي كتعرف بيهم وحدة وحدة و هما كيتمشاو قدامو حتى حان الدور الاخير للشقراء وضربت تمايلاتهم عرض الحائط و هي رافعة المكانة لي هي فيها و بدات كتمشى بثقة وبتعالي و هي رافعة راسها للسما ووصلت حتى لحافة حطات يد على خصرها و ميلاتو و نزلت فيه البؤبؤ ديال عينيها الاخضر و طلعاتو ...بالقسم تزعزع جبلو لبارد من مكانو و وسع ابتسامتو الجانبية و هي كتمشى و كتوقف و كتدور باحترافية حتى ثقبت عيون العارضات و هي كتمشى على قلبهم لي كينبض بالحقد تجاهها
نانسي كانت كتشوف في وفاء بابتسامة وهي تبدل تعابر ديالها وهبطت حواجبها باستفسار ودارتكتشوف في الريكس بتردد : ل ليش مستر اخترت وفاء عن باقي العارضات ؟؟
الريكس بشبه ابتسامة و تمايلات اميرتو كتسقي انظارو : بنتي شقراء و عينها خضرين .....نانسي حلات فمها بملامح الدهشة كتستدرك منو اختيارو للوفاء لي الواضح انها كتشبه للصغيرة ديالة و حطات اناملها على شعرها و كتشوف للون ديالو الاسود وبدلت تعابرها لانزعاج "يا ريته كان أشقر "
الريكس دور فيها راسو بنصف دورة وهو مطلع حاجبو و بهدوء : شنو من بعد ؟؟
نانسي طلعت فيه راسها : ءءءء؟ اااه جلسة تصوير للعارضة الاساسيي وفاء و هادول العارضات راح يبقو هون يتدربو
الريكس ببرودة و هو كيهضر بالسيجار ديالو : ادن شنو كنتسناو
نانسي : ءءء ااه تفضل مستر (و استدارت عند وفاء بجدية ) وفاء للغرفة تصوير يلاه.... وفاء طلعت فيها حواجبها و عينيها و حركت ليها راسها بااه .....نانسي ناضت وقفت عاد ناض هو عينو عليها باستبشار تام و هي كتشوف فيه بحدة و غيرة من كلمات الفتيات علييه لي كان خروجو بحل استيقاض من حلم جميل بالنسبة ليهم وطلعو وفاء بنضرة لحسد حقاش غتكمل معاه المشوار .... وفاء بصح مبغاتش تعاود ترجع للنفس الطريق المسدود لي غيقودها لنفس الالم الفراق و تبكي الام ديالها لي مراضياش علا هاد العلاقة من اولها كفاية انها عصاتها حياتها كاملة وهاهي النتيجة ديل عدم رضاها ولكن ماشي معناها انها توقفت على الحب ديالها او الغيرة ديالها ....خاصة انها كتشوفو كيتمشى مع نانسي خارج قاعة للعرض و كتبان انثى حداه بالتواءتها
وفاء شتعلت فيها شياطين الغيرة و بحدة خرجتها من قضبان اسنانها : هاد العوجة هاديي....شعلت بالعافية من جميع جوانبها و دارت كتمشى للغرفة تصوير و احاديث غزل لبنات على حبيبها الملك مكتنتهيش
وفاء شادة على قبضتها و كتمشى خلف الكواليس و صدرها كيطلع و كينزل و كتنغر : هاد الكبة ديال حمارات و العاهرات و ديك نانسي تا هييي و هو اصلا علاااش جاي داخل مابيناتهم (انفجار القنابل الذرية في قلبها ) لي غتهضر عليه مرة اخرى نهرس لمها سنانها
في غرفة تصوير العارضات مجهزة باحدث التقنيات من كمراات و آلات تصوير و طاقم للتبرج و طاقم تصوير و طاقم خاص بالملابس .... و الريكس جالس برجل فوق رجل مشبك يدو و مطلع حواجبو بتراتيلهم وبكل برودة كيشوف في نانسي لي كتشرح ليه بيديها و بتعابيرها على كلشي لي هناا حتى خرجت الشقراء ديالو بملابس جميلة غير فاضحة (بالطبع كان الاوامر من عند الملك للاشباح ديالو باختيار الملابس لي باغيها هو ) طلع عينو فيها باعجاب كانها فرجة بالنسبة ليه ....وفاء كتشوف فيه بنص عين واخدة من عندو موقف توجههات للموقع التصوير و وقفت امام المصور و بدات كتاخظ وضعيات و كتصور بيهم بابتسامات اثملت العيون ديالو و تحركات هيجت رجولتو و وضعيات عديدة لي عجبو الملك هو يميل راسو للنانسي
الريكس بنبرة رجولية و طلع حواجبو ببرودة من تحت اسنانو : مبغيتش حتى صورة تسرب جميع الصور ديالها يكونو عندي في المكتب و انا غنتكلف ....هو يسمع صوت رجولي ندى باسم حبيبتو هو يرفع حاجبو و بعين اخرجت من النار بلهيبها الاسود للصاحب الصوت ....لي كان هو المصور ...و كانت وفاء مطلعة راسها شوية و كتشوف في المصور بملامح هادئة
المصور بالانجليزية و بجدية : وفاء غيريي الوضعية انا غنقادها ليك ....و حيد الكميرا من يدو و مشى كيتمشى للعندها امام انظار الملك المنقضة .....يتبع🕎هوسي بابنت عدوي 🕎
♨️oumaima mega♨️
☠515☠
الريكس بحواجب منقضة عينو فاقدة لللمعان و البرودة الخافقة كتجمد تراتيلو وو تعابيرو الادمية تحولت للموحشة بشكل رهيب كيزلزل الروح داخل لجسد ديالها و هو كيشوف في داك المصور كيتمشى للعند وفاء بخطوات بطيئة و واقفة و يديها على خصرها و كتسناه غيجي ليها باش يقاد ليها الوضعية
الريكس من تحت قضبان اسنانو و هو كيظغط على الحرروف : اش كيدير هاداك تماا ....نانسي شافت فيه و من الصوت الحاد لي نبع منو ملامحهها تشكلو و دارت كتشوف فين كيشوف و هي تنوض بسرعة و كتمشى بسرعة للجهة ديال المصور
نانسي بالانجليزية نزلت حواجبها : رجااع للموقعك كيفن انت مابتعرف شيي عن الوضعيات
كيفن توقف قبل ما يوصل عند وفاء بسنتيمترات قلال دار عندها و هو رافع حواجبو : ااه كنتاسف ولكن راها رافعة رايها كثر من لقياس
نانسي طرطقت فيه عينيها و كتهدر تحت سنانها : اذا المستثمر عجبتو الوضعيي شو دخلك انت
كيفن دار عند الريكس لي كان جلوسو على الجليد بأنظار كتحيط بيها الهالة ديال الشراسة رسلات للسيد نوع من اندار خلاتو يرجع خطوات للوراء ....وفاء دورات عينيها للريكس و نزلت حواجبها فيه و صغرات فيه عينيها افعالو ظاهرة لا تتغير دور عينو فيها و رفع فيها الحاجب ديالو و دار ابتسامة طفيفة و هو مشبك الايادي ديالو وفاء على حالها كتنزل فيه حواجبها و كتزيح بنظرها بعيد و نانسي كتقاد ليها الوضعية و بقات حداها كيصوروها و هي كتقادها تحت انظار الملك ديالنا وهو يبتاسم بشكل طفيف و نهض من مكانو كيستأدن و نصف دورة شاف في وفاء لي كانت مطرطقة فيه عينيها و دار ابتسامة جانبية كتقول "لنا موعد اخر يا شقرائي " و استداار كيتمشى خارجا تحت انظار زمردية للعينة حادة و انظار نانسي المعجبة و لكل منهما لها نضرات مختلفة
في القصر ديال الريكس ....وئام جالسة في الارض نيفها حمر و عينيها دامعيين و عيسى جالس حداها شاد ليها تليفون في ودنها و بدون ملامح كيشوف فيها
وئام بجوج سنينات القدام : داداااه داداااه داااداه
الريكس في المكتب ديالو متكي على الكرسي بشبه ابتسامة : الاميرة ديالي حتى انا توحشتك
وئام بدات تعابيرها فحال الرضع كتميل البكا و كتكبع كتعاتبو على عدم الوجود ديالو و بصوت باكي كتنخسس : داداااه داداااه ...و عيسى حداها كيمسح ليها عينيها بالمنديل
الريكس نزل حواجبو رئفة على الطفلة ديالو : كنعتادر خاصنا نرجعوو ماماك .....عيسى كيشوف فيها : و
دابا متبقيش تبكي ولا غنطفيه
وئام طلعت فيه بدوك العيون الدامعين : داداااه دااادااه .... هو ياخد ليها التليفون و حطو في ودنو و خلاها هي غتشانق معاها بيديها صغيوريين و باغات تنوض و هي كتهضر بحرف الدال: ألو مسيو الريكس
الريكس ميل راسو بدون ملامح و بنبرة حادة من تحت سنانو و بطريقة ثقيلة : واش دابا سعمت انك هددتي بنتي ؟
عيسى دورها في راسو و بدا اللون ديالو كيدوز للون الاصفر :لا لا امسيو الريكس وااايليي 
الريكس على نفس الهيئة : خدم ليها الكام
عيسى وئام واقفة بدوك رجيلات و شادة من عيسى من حوايجو بقبضتها الصغيورة و كتأن و كتنهج و مجبدا دراعها الصغيرة و منزلة حواجبها باغ تليفون لي في ودن عيسى فاش مكتوصلش كتبقى تضرب في وجه عيسى ...عيسى شادها و مغنض عين و كيهضر مع الريكس
وئام : سيسيى سيسى سيسى دادااه دااداااه دااادااه سيسى سيسىفي كواليس عرض الازياء .....صفوف لا متناهية من المرايات ....وفاء جالسة كتحط احمر الشفاه على الشفاه ديالها ....و وحدة من العارضات جالسة حداها كتشوف في المرايا و حاطة ايدها على الخد ديالها و كتشوف و كتنهد ...العارضات تغامزو عليها
عارضة 1 : مالكي ا سالي
هي كتنهد بانوثة : المستثمر (وفاء هرست العكر في فمها و دارت عندها مجبدة حواجبها و هي دارت عند العارضات ) مكيخرجش ليا من عقلي جا دقيقة دا قلبي و عقلي معاه
عارضة 2 : تانا وحق الله حتى باقي ليا في راسي
عارضة 1 تنهدت : معرفتش واش غنشوفوه مرة اخرى ولا والو ....وفاء نزلت راسها و مزيرة غلى القبضة ديال يديها و سادة على الفم ديالها بعصبية و وجهها ولا حمر
عارضة 2 : يبان ليا مرة اخرى نمشي عندو واخا غير نتصدم بيه بلعاني ههه
عارضة 4 : غيير جمعووو عينيكم البنات مغيشوف في حتى وحدة فيكم ....وفاء دارت عندها نصف دورة و نزلت حواجبها باستغراب ....و بدات اصوات لفتيات كتنهضر بكلمة "علاش "علاش" علاش".....هاديك العارضة تنهدت بعمق : هو على ما أظن حبيب نانسي (وفاء جبدات فيها عينيها و العارضات حتى هما طلقو مسامعهم بالدهشة ) قبيلة جلست معاها و هي بقات كتلمح ليا انه دار هادشي كامل على ودها باش طلع الوكالة ديالها و هو كيهضر معاها بزاف في تليفون بالرغم من ان كلامو قليل و قالت انها كتعرف حتى بنتو صغيرة يعني شنووو بان ليكم اكيد جابتو قبيلة باش تفقصنا
عارضة 1 : متقوليهاش نارييي على زهر عندهااا
عارضة 2 😭: سعداااااااتهاااا علاش اي راجل زوين عندو لفلوس مرتابط علااااش
عارضة 3 : فحال هادو لي كتزدق ليهم ... هما يسمعو ضربة على الطاولة قفزو و دارو عند وفاء لي لقاوها نايضة كتنفخ و كتفش و مزيرة بالاعصاب و هي تحل فمها غتفجر القنبلة و منزلة الحواجب ديالها بالغضب
وفاء بالغوات  : نتومااااا مالا عندكم حتىىى حاجة فيي حيااااتكم غير الهدرة في الناااس مكتسكتووش تساليو من هادو تجبدوووو هادوووو بنادم كيف داااااير .....و استدارت عاطيهم بظهرها اتجاه لباب و خلاتهم مطرطقين فيها عينيهم بالصدمة حتى خرجت مع للباب و دارو لبعضياتهم
عارضة 1 : غوتت علينا لاا ؟؟!
عارضة 2 : يكمااا هادي يحسابليها راسها عارضة رئيسية غتحكم فيناا