رواية هوسي بإبنة عدوي (مكتملة بدارجة المغربية )

الاجزاء الثامن و العشرون

🕎هوسي بابنت عدوي 🕎
♨️oumaima mega♨️
☠101☠
غير البنت الاخرة لي كانت حانية راسها دازت عليه كان شعرها زعر و تراءات ليه بين عينيه وفاء قلبو تزعزع من بلاصتو وقف على الحركة عينيه حلهم شوية و دار بسرعة كانو هما كيديرو ناري بيديهم على الجادبية لي طاحو فيها فاش داز من حداهم
الريكس بدهول و دهشة عينيه كيشوفو في ديك البنت عاطياه بضهرها هو بعقد حجبانو و زير على يدو العروقة ديدو تنفخو هو يهدر بصوتو الشجي : إييه نتييي ....وقفو كاملين على الحركة بخوف شديد عمرو هدر معاهم مباشر أول مرة هي هادي هو كيوجه نظرو ليهم تخلل بيناتهم الرعب شداتهم الرعادة من رجليهم هو كان نضرو لديك لبنت الزعرة لي في طرف ماشي هي و كيفاش غتكون هنا أسي الريكس دور وحهو و كمل طريقو و فكرو كلو مع ديك البرهوشة لي دات ليه عقلو ماعرف حتى سميتها الريكس لي عمرو كمل الشوفة فشي وحدة و لا يدقق في ملامح البنات باش يتأكد بلي ماشي هي و كيفاش هي فام دوميناج في الاوطيل و غتكون هنا أكيد واقعة شي حاجة ماشي تالهيه في عقلو غادي مرفوع نضرو مخنزر بيه الاسفل و و مزير على قبضة يدو كيحاول يحبس بيها الدقات ديالو القلبو الغير المنتضمة و دخل في شروود شامل خاصو يدير شي حد الهادشي و لهاد الاحساس الجديد عندو توجه بخطواتو لجيهة لي ديرين غيها الباربي كيو (الشوا ) تما مصافين الخدمات وحدة حدا وحدة و كيتفرجو في سعاد ونزار تهو عريان من الفوق و العضلات الشعر كيطير ليه و اقفين قدان هاديك لي كتشوي و كيحطو لحم يتشوااا و كيضحك هو و سعاد و كيتراشقو ودوك الصف ديال الخدامات يطلعو و يهبطو في سعاد هو يدوز عليهم الريكس السخفة أعباد الله شداتهم وحدة بعدا الوسط كانت غطيح كونما رجعوها صحابتها يلاه غتبدا تهدر و تقول ناري و هي تشم داك البارفان لي كيديرو ديك الريحة الرجولية كانت غتسخف ليهم تاني و مشا لعندهم و عنق سعاد من للور وحط وجهو فوق كتفها هي مبتاسمة و دارت يديها فوق حنكوو
الخدامة 1 بشوية : الشارفة لخرى
الخدامة 2 : ياختيييي طلع ليها الزهر يعنقو فيها انا كرهت يعنقونيي تانااا
الخدامة 3 : اويلي البنات راه ولدها
الخدامة 2 : شوف كيف كتمتع بهاد الخير جوج جوج انا ماخديت حتى نص واحد شوفي شوفي
الريكس : دابا نتي غتمشي تجلسي انا و نزار لي غنتكلفو بكلشي ....و شاف في نزار غمزو
سعاد : ههه لا اولداتي انا بغيت نبقا بيناتكم ...و حطات يديها من مورا ضهرهم بجوج و بداو كيشويو في لحم و و كيضحكو بيناتهم
أما وفاء و أمير فا غدين في طموبيل وقفو بعيد حدا السوق غتنزل وفاء باش تكمل على رجليها باش ماتشوفهاش ملكة و خلات أمير مشا يدي طموبيل و هي غادا على رجليها هابطة باش تمشي للسوق و هي تخرج ليها غيتة و بناتها جايين بجلالبهم جيين و يشاليو ة دارو بيها بناتها بجوج شدوها من دراعها و غيتة و قفت قدمها يسحاب ليكم وفاء تخلعت و لا دهشرت و لا بكات نو نو شافت في هادوك لي شدو ليها دراعها و شافت في يديهم لي في دراعها و طلعت حاجب و ضحكت باستهزاء و طلعت فيهم عينيها
وفاء : من نيتكم ؟
غيتة قدامها دايرا يديها على نصها : اسمعي ياااه غتبعدي من ولدي تباركالله مغتبعديش غنسيفطك عند موك بلا شعر
وفاء : شوفي انا مغندويش معاك نتي نتي عكوزتي و غنحتارمك و لكن هاد الجوجات راني مغنعقل على حد ...و هي تنخدها لي حداها
صفية صوتها رقيييق : ههه نتي طلبي لي يعتقك من يدينا
رأفت صوتها غليض : ليوما نوريك العكرب شفتي خويا خدم دغيا دكيتي فيه شوكتك
وفاء كتشوف فيهم : بقاو طرادو عليا تما فحال لباف يلاه لا سميتكم عيلات بداااو يلاااه ....صفية تلاحت ليها على شعرها شداتو و هي طلع وفاء ركبتها ضربتها لكرش زواتفيها لكرش و نزلت لخرى شادة من كرشها و هي تلاحت على رأفت على شعرهاا و لخرى عيات متشالي بيديها والو موصلتهاش نزلتها لأرض ولات اتغوت غيتة مشات عند بنتها لي تزوات
غيتة : صفية صفية نوضي عاوني ختك
صفية نازلة الارض و شادة من كرشها : ناريي ميي كرشي ...غيتة دارت دغيا مشات جرات وفااء من شعرهااا وفاء مطلقتش من رأفت منزلها لأرض
وفاء : أي أي خالتيي مبغيتش ندير فيك يديي
غيتة : يااا الحمااارة طلقي من بنتي ليوما ناكل موووك غير بلاتي ....أمير و عيسى تلاقو في الطريق و جايين حتى كيلقاو لمبارات و صفية يلاه نايضة مزوية تزاوطت عليها وفاء من فوق مهااا و غيتة باقا شادا لوفاء من شعرها عاد مشا أمير و عيسى يفكو القضية عيسى هز وفاء من خصرها و هي كتشابط و ترمي في يديها و كدور عند عيسى تحيد ليه في يديه
وفاء : طلقنييي عليهم أعيسى ....و أمير مشا شاد مو لي كتحلف على وفاء (راه مكيناش ملكة أما كون شعلت بالمزيان )
عيسى رجع وفاء عندو : أمير دي موك و خواتتك للدار نتي غتجي معايا
وفاء : طلقني أ عيسى طلقنيي ...عيسى هاز وفاء و غادي بيها في الاتجاه المعاكس و هي محيحة في يديه🕎هوسي بابنت عدوي 🕎
♨️oumaima mega♨️
☠102☠
أما الناس ديال لي بورجا الحقيقيين في الجردة ديرين فرقة موسيقيا صغيرة كيعزفة على آلة الكمان و البيانو تما و نزار والريكس و سعاد من بعد ما كلاو خلاو الخدمات كيجمعو و ربيع واقف عليهم و هما كيدورو سعااد بيناتهم كتوصل عند ااريكس حاط يدو في خصرها و لوخرى في يديها و كيراقصها و كيشوف فيها بإبتسامة و خطواتهم متناغمين و هي كتبتاسم و كتشوف فيه و كيدورها لعند نزار تهو كيشدها بنفس الطريقة و كيخبرها في ودنيها و هي كضحك ااريكس باقا الابتسامة في وجهو ولكن داير ملامح الاستغراب ليهم
الخدامة 1 كتجمع و مطلعة عينيها : ويلييي ويليي ناكل انا لحمي و لا عضميي شو كيف كيشطحو معاها والله حتى غرت
الخدامة 2 : جمعي جمعي و دوزي تغسلي لماعن على قلبك ...يلاه كان غيدوروها عاود تاني و هي توقف ليهم الوسط
سعاد دارت صبيعاتها على راسها : صافي أنا دخت دخت
الريكس بابتسامة و جا لعندها حوطها بدراعو لكتفها و مشا بيها لفوطوي و معاهم نزار جلست سعاد في الفوطوي لي داير و هما جلسو حداها بتبختر فوق الفوطوي مشبحين و لايحين يد من هنا و يد من هنا و هيا ديرا رجل فوق رجل و كتحيد الكصة ديال شعرها
سعاد : أوكي دابا نهضرو في المعقول معاكن بجوج ....شافو فيها بنفس النظرة جدية و عاقدين حجبانهم بجوج و بحرص شديد و وهبو ليها كل تركيزهم
سعاد كتشوف فيه بنظرة طفولية فيهم بجوج : أنا بغيت نشوف حفادي ...كانت نظراتهم جدية بزااف و لكن غير سمعو قضية حفيد الريكس طلع جاجبو دور وجهو لهيه و نزار طلع حجبانو بجوج و ناض وقف كيقلب على الفيسط ديالو
نزار : كنظن خاصني نمشي تعطلت
سعاد غوتت على نزار : جلللس مازال مكملت هضرتي
نزار:هي اللولة ا لالة ...رجع جلس عاودتاني هي يدور عندها الريكس بكل خشونة حجبانو عاقدهم و شاف فيها بعينيه لي كيف النسر و فمو المتعجرف : سعااد حنا ماشي في الوقت ديال الحفاد ولا ولاد و لا منعرف
سعاد خنزرت فيه و دارت نضرة طفولية : وشنووو ؟؟ هما أكيد هادوك لي مكيتسماوش (وركت على هاد الكلمة) عيشين حياتهم و انا بغيت نشوف ولادك و في نفس الوقت قلب عليهم اولدي انا خفت نموت و منشوفهومش
الريكس طلع نفس و هبطها و شد ليها من يديها و كيهدر و عينو السودواتين المغرورة كيشوفو في عينيها الزوينة المجعدة و كيمسح ليها في يديها كأنه كيطمأنها : متقوليش على راسك هاكا واخا ؟؟ غيجي لوقت المناسب لداكشي دابا لاا ؟؟
سعاد : كيفاش دابا لااا ( ودورت عينيها لنزار لمتكي على الفوطوي تاهو و كيشوف فيهم ) و نتاا مأيدوو في قرارو ياااك (الريكس رجع اللور و تكا على الفوطوي و هز راسو لسماا و غمض عينو ) واش ماشي من حقي نبغيي تأنااا نشوف حفاديي نشوف ولادكم ماعرفااش حتى الدوق ديالكم كيف داير في البنات يعني كيف غتكون هاد البنت لي غتختاروها و لا كيف داير للون ديال شعرها (إحساس الريكس تحرك في هاد لحظة لي سد فيها جفونو و صوت داخيلي كيجاوب أشقر و كيتخيل اصابع ديالها النحيفة لي كترجع بيها شعرها الطويل اللور و كيف هادشي عطاها مظهر ملائكي ) ولا للوون ديال عينيهاا (و هو يتفكر عينيها لي بلون الاخضر لي بحل الهدوء ديل البحر من بعد العاصفة ) ولا فمها (و هو كيتفكر فمها لي دايما كيرتجف و هي كتحترق من الخوف )و لا حتى اللون ديل البشرة ديالها (و هو يتخيل وجهها لي كيف القمر المكتمل لي كينعكس على الماء و النجوم)...و.بدون شعور و هو مغمض عينو تحل فمو شوية و هو في مخيلتو ديك الرقبة البيضاء ديالها و خرجت ليه بدون سطرة : القمر ...نزار كان كيشوف في سعاد كدوي معاه كان بدون ملامح و سعاد كانت كتهدر بزاف و لكن كلمة الريكس لأخيرة جعلتهم يتوقفو و يدورو لعندو سعاد شداتها الضحكة و نزار شاف فيه باستغراب و هز حاحبو فيه
نزار : الريكس ؟؟...نوضو من سباتو و تأملو الداخلي ليها و حل عينوو و طلع راسو فيهم
سعاد بنضرة حقيرة : شكوون هادي لي قمر ممم
الريكس شاف فيها و بتاسم وشد ليها من حناكها بجوج :و شكون من غيرك ا قمر ديل حياتي
سعاد تقلبت ملامحها الفرح و عنقات و لدها :الله يخليك ليا ا حبيبي و نزار شداتو الضحكة على الطريقة لي بدل بيها الربكس الموضوع و هي تبعد سعاد من ولدها و ناضت و طلعو فيها راسهم بجوج
سعاد : شوفو و سمعوو مزياان اش غنقوليكم وحلو ودنيكم الا مختريتوش هادي لي غتجيبي ليا حفادي انا بنفسي غنجيب جوج (و طلعت فيهم صباعها بجوح ) و غندخل وحدة هناا ليك نتاا (شيرات للريكس ) ووحدة في دارك نتاا (و شيرات للنزار ) و ديك الساع شوفو واش تقدو تخرجوهم و لا مدرتهاش راني منتسماش سعاد ...و دورات راسها بغرور و مشات كتمختر عليهم
نزار دغيا دار عند الريكس عاقد حجبانو : الرييكس
الريكس جالس و متكي على لي فوطوي و كيشوف بنفس نظراتو لجامدة : اش هاد تخربيق دخل لراس سعاد
نزار كيهدر تحت سنانو : مكنتخيلش راسي عندي برهوش و عندي مرا تصدع ليا راسي فين غادي فين جااي علاش تعطلتي المرض بالله
الريكس شاف في نزار بنضراتو الباردة المعتادة : بربي تنقتلهاااا (و دور وجهو لهيه و ابتاسم بسخرية عصبية ) دراري قالك (وياربيي يخليينيي حية حتى نشوف هاد صداع الراس ليكم بجوج )🕎هوسي بابنت عدوي 🕎
♨️oumaima mega♨️
☠103☠
أما وفاء و عيسى جالسين عند مول الكسكروطات هو جالس كياكل ضرب ليه نص فيه السوسيط و هيا جالسة معصبة و في يديها قرعة دكوكا و كتبرد فيها غدايدها و دوك دراري لي تما واقفين حاضينها من بعيد و لكن مزاعمينش يقربو ليها كيخافو من عيسى
وفاء : اوووف شفتي راني مكنضلمهش البرهوشات كون طلقتيني عليهم كون ليوما باتو في السبيطار
عيسى كيدوي و فمو عامر : و أمير ؟؟
وفاء : الله ينجيه اعيسى
عيسى : وراه غيبات معاهم راه مو هاديك و خوتاتو هادوك متبقايش اادابزي معاهم
وفاء : وراهماا لي جبدونيي ا عيسى قولي ليا معندك جتى صاحبك نمشي نشري من عندو حوايج تال راس شهر و نخلصو
عيسى : ممم تشوفي الباال
وفاء : البال ؟؟؟
عيسى : غتلقاااي الفن ديال الحوايج في الديبو لتحت هوي لي بغيتي أنا غنتكلف بالحوايج
وفاء ناضت عندو جلسات ليه فوق ركابيه هو حوط يديه بخصرها و عنقاتو و باستو : يخليك ليااا يا أحلى عيسى في هاد العالم
عيسى : و يخليك ليا يا أجمل وفاء في العالم ...داز واحد ببشكليط : و مشة مدبر عليهاااا ا بااا عيسى
عيسى دور وجهو كان غيطلق ليه هدرة مخسرة نيت كون ما عاق بوفاء جالسة فوقو و غتسمع
عيسى : كتاب لمووك عمر جديد نتاا تان نلقا موك
وفاء : يلاه ا عيسى نمشيو
أما ملكة مسكينة واقفا في راس الدرب كتمشي و تجيي و كتاكل في يديها بنتها تعطلااات بزااف بزااف عليها و أكيد هي ماشي مع أمير حيت شافتو قبيلة مدخل خواتاتو منتوفين و مدخل موو و دنيا خوات و هي باقي كدور ووفاء باقي مرجعتش للدار كتمشي و تجي حتى وقف عليها عميمير كلو مخسر من وجهووو (عقلتوو عليه )
عميمير سكرااان شابع شراب و هاز قرعة في يدو: حبك نشي تجابنيي في ليل تجابيي مابيا ماعلياا
دارت ملكة فيه نص شوفة بالقنت ديال عينيها و هي تقلب عينها و دارت يديها على خصرها
عميمير : نموشو نعيش على ود هاد العوينات
ملكة : سير فحالك ا عميمير ليل هادا غنهبط ليك عيسى
عميمير : و بربيييي لعالمين (كيسفط الشتا من فمو لسماء ) حتىىى باغييك لحلال (و كيميل يمين و شماال ) و شتيييي وفاااء بنتشيي وحق الرب ...ملكة تقلب في عينيها
عيسى : إييه نتااا ؟؟...ملكة دارت هي وعميمير لقاو عيسى واقف هاز ميكة كبيييرة كحلة و حداااه وفاء
ملكة : بنتي بنتيي (جات وفاء عندها عنقتهاا ) خلعتيني عليك فين كنتيي
وفاء : مع عيسى
عيسى حط لميكة في الارض و مشا عند عميمر شدو من قرفادتو : واش نتا مكتقدااش ا*بي سير *ود منهناا قبل ما ن*وي مووك
عميمير : ووالله حتى كنبغييها ا عيسى و ناوي الحلاال
عيسى : غت*ود لا ؟؟
عميمير : وراني مكنعسش اصحبي و كنبغيها ...و نزل على رجليه كيبكيي
وفاء : مال عميمر
ملكة : منعرف ليه يلاه نمشيو حنا
وفاء : واخا بلاتي نهز ميكتي ....هزتها ثقيلة
ملكة : أش تم ؟؟
وفاء بابتسامة : حوايجيي....و مشات قدامها غادا فرحانة و ملكة من وراها و عيسى وحل فيه عميمير كيكبي و يضرب في راسو حتى نوضو دااه معنقووو فحالوو
أصبحنا و أصبح الملك للله
وفاء كتحزم في قميجة الحمرة من جيهت الكرش و لالسة معاها سروال كحل و كتقاد و مشات لمرايا تبدا في وجهها
ملكة جالسة كتدير لغدا في الطاسة وفاء كتشوف فيها من المرايا : طويي ليا حوايجي ا ملكة لا يتكمشو
ملكة : تي اش غيتكمشو راه حوايج البال هادو غنصبنهم ليك بعدااا
وفاء : واخا صبنيهم مزيان ....دارت عكر حمر في فمها ماط و ماسكرا و صرحات شعرها بلبلاك و قداتو و دارت رشات ديال الريحة تش تش ولات الاميرة جاهزة لبست طالون ديالها العالي الكحل مكتبدلوش هاداك و خرجت هي و ملكة على برا يشدو طاكسي شدات ليها طاكسي و سيفطتها لأوطيل
الريكس و ما ادراك ما ااريكس جالس في البيرو ديالو متكي بدرعو على اليد ديال الكرسي و كيلعب بستيلو باليد للاخرى و كيشوف قدامو و كيفكر في هادشي لي ولا كيوقع ليه مؤخرا هاصو يواجهو باقي متزادش هادا لي يخلي الريكس يهرب اولا يدور وجهو ليوما غيوضع حد لهاد المشكل لي وقع فيه ملفاتو قدامو كلها مسدودة تفكيرو مشغول كليا و الاكثر من هادشي هو أنه كيتسنى قدومها على أحر من الجمر باش يقضي على هادشي دازت نصف ساعة تقريبا هو على نفس الحالة حتى دخول السكريتيرة محركوش من جمادو حتى وقعت على مساميعو دقات غريبة معروف شكون مولاها حول عينو بهدوء لجيهة دلباب بعيون صقرية سوداء و ضهرت شبح الابتسامة على شفاه ديالو بدون شعور🕎هوسي بابنت عدوي 🕎
♨️oumaima mega♨️
☠104☠
حلات وفاء لباب بشوية و عينيها في الارض و شعرها طايح على وجهها لباسها الرسمي ديال الخدمة منهدم توجهات حانية راسها قدامو باش تخدم ديك الآلة و تشطب بيها قدامو أما هو فكانت كتمشى ليه بين عينيه كان متكي على الكرسي و باقي بنفس البوزيسيو و ابتسامتو غادا و كتوضح لهيب لي في قلبو كيتكفا بالنظر ليها تهو محيدش عينيه كيتفرج فيها في وجهها الملائكي لي كيعجبو فيها لمسة من الطفولة النوع ديالو المفضل شعرهااا المنسدل لي فينما شاف شي شقراء فحالها كيتلفت يشوف واش هيا و حرك عينيه لجسد ديالها النحيف و بنيتو الضعيفة الهشة زاد تكا على يد الكرسي و حط جوج ديال صباعو كيدوز بيهم على فمو و كيتحسس شي لدة فعلا متعات ليه النظر ديالو و هي كتشطب معلى بالهاش غير ميدويش معاها غتبقا طرونكيل دير خدمتها و تمشي فحالها ماشي بزاف حتى تدارك الموقف عدل ملامحو بسرعة خفا بيها ديك الابتسامة و رجع عيونو المخيفة و هو كيشوف فيه و طلع راسو شوية دابا لوقت لي غيختابر راسو لي غيواجه الاحساس ديالو
الريكس بشجية : إييه نتي ...هي سمعت ديك نتي كانت كتشطب تكوانسات و حلات عيني و بدا قلبها كيشطح و تحزم بالعروقة طلعت فين عينيها بشكل مباشر فيه هو كيدوو فيه تيار كهربائي قوي ولكن حافظ على هدوئو و بقا بنفس الملامح الباردة لي كيعكسو واقعو داخليا
الريكس : قربيي هنااا ...معاودتش لهدرة حطات الآلة تما و دمات يديها لعندها و جايا لعندو بشوية و كطلع فيه عينييها و تعاود تهبطها و ترمش كتحس من حدها كتقرب و هي كتحس بالدوخة و الخلعة معششة عندها وقفات قدامو و هبطات عينيها و ياربي تحركو شفاهها من بلايصهم
وفاء : ن ن نعام ا سيدي ....عض فمو بهدوء لشدة لدة ديال داك الفم البارز بداك أحمر الشفاه الغامق تمالك نفسو عليها بصعوبة غير هو السؤال لي تسولت كان صادم
الريكس : اشنو سميتك ؟؟
طلعت عينيها و حلاتهم فيه هو طلع حجبانو معاهم عجبو اتساع البؤبؤ الاخضر الخاص بيها و ديك الحلة ديال فمها المصدوم
وفاء : أاا ناا ؟ س سميتي وفاء ... تبدلات ملامحو حجبانو عقدهم و و تعابير وجهو اشمئزت من الاسم لكثرت كرهو لييع
الريكس : وفاء ؟؟ (دارت ليه براسها أاه ) واخا غتمشي تجيبي ليا قهوة وبزربة ...هي كدير غير أااه براسها مكرهاتش تقوليه دابا تكون عندك و دار ليه بيدو باش تمشا مشات دغيا كتمشى و كتزرب حتى سدات الباب هو تكا على لبيرو و شبك يدوو و حجبانو تعقدو الاحساس ديالو متبدلش بتاتا زائد أنه متع النضر ديالو في جمالها المحكم لإبداع و كان مستمتع بيه جمالها ماعمرو شاف فحالوو شنو واش كتعجبوو ؟؟؟ ممكن و لكن شعورو بالاعجاب إتجاهها مختالف كليا على أغلب البنات لي كانو عجبوه و عاشرهم واش حيت هي صعيبة مفهمش بالضبط لحاجة لوحيدة لي خرجات من فمو بدون شعور و بهمس
الريكس : و فااء (و دار تعابير مشمئزة ) كينا غير هاد سمية يسميوها ...ونفت الريح بفمووو ....ناري هي أش دارت فاش خرجت مشات زعزعت السكريتيرة هي لولا و عينيها خارجين و كترعد
وفاء : عتقي عتيقييييي منين نجييب القهوة لرييييكس العار العار
السكريتيرة كانخد : اويلي واش حمقيتي ولامالك حيدي يديك (بعدت وفاء و هي كتفيفري ) واش قالك نتي تجيبها ليه ؟؟ ولا قالك تقوليها ليا نجيبها ليه
وفاء راسها كيلعب ليمن و ليسر : لااا للااا اناااا انااا لي قالهاااا بياااا منين نجيبهااا منين قهوة الريكس
السكرتيرة : اويلي غير بشوية عليك راه كينا لماشين لتحت خرجي منها القهوة ماشي كاس ديال البلاستيك خرجي لفنجان لي بطبسيلو
وفاء : واخااا ....و مشات بمشية و جرية كتدير خطوات سريعة جدا حتى وصلات لماشين و لقات تما محطوطين فناجين خاوية تماا كليكات على البطونة عمرات قهوة كحلة و حطات الفنجان قدامها و بدات تشوف فيه
وفاء بنضرات خوف : شحال غندير فيه من سكرة اميمتي مغنديرهااش غنحط ربعة في جناب بغا يديرهم يديرهم مبغاش مايدرهمش انا ندخل سوق راسي ...هزات الفنجان من طبسيلو و غادا و كتقرقب فيه يديها كيترعدو غير لراسهم جات و دقت و دخلت و سدات لباب و هي كتحاول تزير على طبسيل باش مديرش تقرقيب ساعة عاد ماكيزيد من حدها كتقرب ليه هو رجع لكرسي للور و اارجل فوق رجل و صباعو شاد بيهم نادرو و كيشوف فيها جايا كتقفقف عليه عرفها خايفة منو جات قريبة منو و تكات قدام أنضارو و حطات لفنجان هو عينو كتحول معاها حتى حطاتو و طلعت راسها أفكارو كانت هائجة إتجاهها غينقد عليها مافيهاش على هاد الحركات لي كديرهم ديال الخوف و الطفولية لي فوجهها قاوم نفسو بصعوبة ولكن خارجيا هادئ كا الصخر ممبين والو
وفاء : س سيدي راه مدرت فيه لا سكار لاوالو راه سكار في الجنب لكان يعجبك اسيدي
الريكس كيستمتع برنين لي تكلم دابا و تحرك بهدوء دور عينو و يديه مشات للمحفظة الصغيرة ديالو الرجولية جلدها من النوع الرفيع كانت محطوطة في لبيرو هزها بكل هداء حلها جبد منها زرقلاف لولة و الثانية و التالتة و الرابعة و دارهم بين صباعو و مدهم ليها