The Vampire King's Beloved

Chapter 10: Sirendepity

Chapter 10: Sirendepity

"Sirendepity.."

Nasaan ako?

Inilibot ko naman ang paningin ko at nakita ang isang batang babaeng dala-dala ang kanyang maliit na laruan.

"Troy!" masayang wika ng batang babae kaya tiningnan ko naman ang gawi kung asan siya nakatingin.

Pormado ang batang lalaking naglalakad papalapit sa batang babae. Teka!

Lumapit ako sa gawi nila at napasinghap. Kahawig ng batang lalaki si Troy. Teka! Ibig sabihin nito, si Troy ito nong sya'y bata pa!

Ba't ko ba 'to nakikita?

"Halika, may ipapakita ako sa'yo." sabi ng batang si Troy at kinuha ang kamay ng batang babae.

Lumakad sila at bigla namang nag-iba ang buong lugar. Nasaan ako?

"Rain! Ang sama mo talaga! Ba't ba ayaw mong sabihin kung nasaan si Troy!" nakabusangot na tanong ng batang babae sa isang batang lalaki na panigurado akong kahawig ni Rain.

Nilapitan ko sila at ramdam kong hindi nila ako nakikita.

"Ano bang nangyayari?" tanong ko habang tinitingnan pa rin silang dalawa na nag-uusap.

Nagbago na naman ang buong lugar. Ngayon nandito kami sa gitna ng isang viilage.

Teka ito ata 'yong plaza ng Valencia ah. Ba't ako nandito?

"Aaaaah bitawan mo ako! Bitawan mo 'ko!" malakas na sigaw ng batang babae.

Anong ginagawa niya?

Tiningnan ko ang isang matandang lalaking marahan na hinihila ang batang babae. Saan niya ito dadalhin?

Lumapit ako upang hawakan ang lalaki ngunit parang hangin lamang sila sa aking harapan.

"Kung hindi tayo aalis sasaktan ka nila Sirendepity!" sabi ng matandang lalaki sa babae.

"Pero si Troy! Masasaktan siya!" maiyak iyak naman na sabi ng batang babae.

"Huwag kang mag-alala magkikita pa rin kayo, pero sa ngayon kailangan na muna nating magpakalayo layo rito. Hindi ka pwedeng masaktan. Dahil kung mangyayari iyon. Hindi na maipapatuloy ang henerasyon ng mga bampira." sabi ng matanda na ikina kunot noo ko.

"Ano pong ibig niyong sabihin?" tanong ng batang babae habang nagmamadali pa rin silang umaalis.

"Ikaw ang magiging kaagapay ng susunod na hari ng buong Valencia. Ikaw at wala ng iba."

Nag-iba na naman ang paligid at ngayon eh nandito na ako sa labas ng Valencia. Ito 'yong gubat kung saan ako napadpad nong nagtago ako kay Troy.

Lalakad na sana ako ng biglang may sumigaw.

"Noooooooooo! Saan mo ako dadalhin? Nooooooooooo!" sigaw ng batang babae at ngayon eh ibang tao na ang nakahawak sakanya.