Midnight Angels: The War

Chapter 20

'Under the Stars'

Bagsak na sina Audin, Wilder at Ash sa sahig habang nakaupo naman 'yung iba dun sa resting area. They were sweating like hell maliban kay Blu na kumukuha ng tubig para sa team. Nakatayo lang din si Reed sa gilid at nakatingin kina Audin.

"What are your bodies made of at bakit parang hindi kayo napapagod?" Tanong ni Wilder kina Reed. Tumingin lang si Reed sa kanya. "Pagod rin ako." Tipid nitong sagot at tsaka tumingin muli sa unahan.

"Pagod? 'Yang mukhang 'yan? Tangina!" Reklamo ni Wilder pero napahawak agad siya sa bibig niya nung tinapunan siya ni Reed ng panyo. "Bibig mo. Kaya kung anu-anong sinasabi ni Audin. Sayo niya pala naririnig lahat." Suway ni Reed sa kanya.

Napaawang nalang ang bibig ni Wilder at tiningnan si Audin na umupo at tinanggap ang tubig na binigay sa kanya ni Blu. At dahil nagmamadali siyang uminom ay nabasa 'yung t-shirt niya.

"Hmm, you're still a kid after all." Nakangiting sambit ni Blu at binigyan ng face towel si Audin.

Binaling naman ni Zia ang tingin niya sa mga AQROs na natumba at tsaka sila tumingin kay Lucas na parang walang balak tumigil. They've been training for hours at pagod na silang lahat pero kanina pa hindi tumitigil si Lucas.

"What the hell?! Gaano ka ba ka heartbroken, ha?!" Inis na tanong ni Archer nung muntik na siyang matamaan ng isang AQRO sa sinipa ni Lucas. "Shut up, birdie." 'Yun lang ang sinabi ni Lucas kaya napairap nalang si Archer.

"Lahat ba ng kinaiinisan mo, pinapangalanan mong hayop?" Tanong ni Atlas sa kanya kaya tumingin si Lucas sa kanya. "What? You want me to call you doggy?" Sumbat nito kaya susugod na sana si Atlas pero pinigilan na siya ni Xy.

Magsasalita rin sana si Ash pero pati siya ay pinigilan narin ni Xy.

"Oh, 'wag ka nang sumabat pa. Baka tawagin ka pa niyang butiki." Hindi alam nina Wilder kung matatawa ba sila o hindi dahil sa mukha ni Ash dahil sa sinabi ni Xy. "What the hell, Wen?" May halong inis na tanong ni Ash sa kanya.

Xy just snickered.

"Hayaan niyo muna si Lucas." Sabi niya sa team at nagkibit-balikat nalang sina Audin tsaka humiga muli.

Pinagpapawisan narin si Zia kaya umalis muna siya para magpalit ng damit. May locker room na sa training site nila ay may shower narin dito. There are two cubicles para sa kanilang dalawa ni Shinshi at open space naman 'yung shower ng mga lalake.

Binuksan ni Zia ang locker niya at tsaka kumuha ng damit.

Pumasok siya sa isang cubicle at tsaka na hinubad ang t-shirt niyang basa na sa pawis. She also changed into her sports bra at sinuot na ang bago niyang damit pero napailing siya nung maramdaman niyang parang may kakaiba sa paligid.

"Zia! Break's over!" Rinig niyang sigaw ni Sir Jez kaya binalewala nalang niya ang naramdaman niya't lumabas na at sumali sa training.

✥✥

"Sa canteen ba ulit tayo kakain?" Tanong ni Audin nung makalabas na silang lahat sa training site.

"Pagkain na naman?" Natatawang tanong ni Reed sa kanya. Audin just giggled.

"May niluluto raw sina Mommy kaya pupunta tayo sa village." Sagot ni Wilder habang nakaakbay siya kina Ash at Xy. Humikab lang si Archer na nasa tabi ni Xy at inakbayan narin ito pero hinampas lang ni Xy ang braso ni Archer.