[Unicode]
ကျန်းရှီဝမ်ရဲ့အိမ်ကနေထွက်လာပြီးတဲ့နောက်မှာတောင်မှ ရှယောင်ကကျိုးတုကိုကြည့်ဖို့ မဝံ့ရဲသေးပေ။
ကျိုးတုကသူ့ရဲ့နောက်ဆုံးဒိုက်ထိုးခြင်းပြီးဆုံးသွားပြီးနောက် သူကတမင်သက်သက်လား အမှန်တကယ်လားမသိစွာဖြင့် ရုတ်တရက် ရှယောင်၏ သေးငယ်လှသောကိုယ်ပေါ်လေးသို့ သူ့ကိုယ်သူလဲချလိုက်သည်။
ရှယောင်က သူ့ကိုထဖို့ကူညီပေးဖို့ပေမယ့် မမျှော်လင့်ထားပဲ ကျိုးတုက သူ့လည်ပင်းကိုနမ်းလိုက်သည့်အခါ ရှယောင်လည်း ကြောက်ပြီးတကိုယ်လုံး တောင့်တင်းသွားတော့သည်။ သူတို့ကိုကြည့်နေကြသည့် မျက်လုံးတွေအများကြီးအောက်မှာရှယောင်က ရင်ဖိုပြီး ပျော်နေသလို တစ်ချိန်တည်းမှာပဲစိုးရိမ်ပြီးကြောက်နေမိသည်။
ကျန်းရှီဝမ်၏ပွဲလေးမှာတော့ သူ့သူငယ်ချင်းမိန်းကလေးတွေနှင့် သူ့ကောင်လေးတို့သာကျန်ရှိတော့သည်။ ကျိုးတုကအစထဲကဒီပွဲကိုလာချင်ခဲ့တာမဟုတ်ပေ။ သူကရှယောင်နဲ့အတူဒီနေရာကထွက်သွားပြီး တစ်ခုခုသာလုပ်ချင်သည် သိပ်မကြာခင်မှာပဲ ထိုအခွင့်အရေးကိုသူတွေ့သွားခဲ့၏။
ရှယောင်ကသူထွက်မသွားခင် ကျန်းရှီဝမ်ကသူ့ကိုအဓိပ္ပါယ်ပါသော သံသယအကြည့်ကြီးဖြင့်ကြည့်နေသည်ဟုတွေးလိုက်မိသည်။ ဒါ့ကြောင့်သူက ကျိုးတုလက်မောင်းလေးကိုဖြည်းဖြည်းလေး တို့ထိလိုက်ရင်းမေးလိုက်၏ " အမ် ကျန်းရှီဝမ် သူ... သူငါတို့ကိုမသင်္ကာဖြစ်နေတာလား "
ရှယောင်က တစ်ခြားလူတွေရဲ့အမြင်ကိုတော်တော်လေးဂရုစိုက်တာကို သူသိတာကြောင့်ကျိုးတုခမျာ ရှယောင်ကို အဲ့မေးခွန်းအတွက်အဖြေကိုတည့်တည့် မဖြေရဲပေ လူတိုင်းသိနေသည့်သူတို့ရဲ့အကြောင်းကိုတော့ ကျန်းရှီဝမ်ကသိနေပြီးသားဆိုတာလေးတစ်ခုတော့ ဝန်ခံလိုက်သည်။
" မင်းဗိုက်ဆာလား ညလယ်စာသွားစားကြမယ်လေ "
ရှယောင်ကသူ့ခေါင်းကိုခါလိုက်ပြီး " နောက်ကျနေပြီ ငါတို့အိမ်ပဲပြန်သင့်တယ် ဟုတ်သားပဲ မင်းမနက်ဖန်အားလား "
आप पढ़ रहे हैं
© ကျွန်တော့်မိန်းမကကျွန်တော်သူ့ကိုမချစ်ဘူးလို့ပဲထင်နေတယ် [ဘာသာပြန်]
रोमांसOriginal Name - 媳妇总以为我不爱他 (My Wife Always Thought I Did Not Love Him) Original Author - 江心小舟(Jiāng Xīn Xiǎozhōu) Status - 70 Chapters (Completed) English Tran - Completed Myanmar Tran - Completed English Tran - You can read in https://exiledrebelss...
![© ကျွန်တော့်မိန်းမကကျွန်တော်သူ့ကိုမချစ်ဘူးလို့ပဲထင်နေတယ် [ဘာသာပြန်]](https://img.wattpad.com/cover/201937240-64-k753180.jpg)