Unbreak My Heart

Chapter Twenty Five

Dedicated to MamaChamie

Made Up Lies

Kasalukuyan nang nasa harap ng hapag-kainan si Andres kasama ang pamilya Sandoval. Sa mahigit isang taon nilang relasyon ni Penelope ay ngayon niya lang nakasama ng pormal ang mga magulang ng nobya na kapwa abala sa pag-aasikaso ng negosyo ng mga ito. Hindi pa man nagtatagal ang kanilang pagkukwentuhan nang dumating na ang hinihintay nila; ang adoptive daughter ng pamilya Sandoval.

"Oh, there she is!" Nakangiting sabi ni Penelope habang ang mukha ay nakagawi sa entrada ng komedor.

At hindi makapaniwala si Andres nang makilala kung sino ang hinihintay nila --- si Scarlett! Agad na pumormal ang mukha niya nang magtama ang kanilang paningin.

Biglang naglaho ang maganda niyang impresyon para sa babae. Papaano ay madalas na ikwento sa kanya ni Penelope ang tungkol sa ampon ng mga ito na madalas nitong kainisan.

"I really really hate that girl!" Inis na sabi ni Penelope kay Andres pagdating sa condo niya. Basta na lang nitong ibinagsak ang bag sa sofa saka padabog na naupo. Pinagkrus pa nito ang mga braso sa dibdib.

"Sino na naman?" Natatamad na tanong ni Andres habang nagsasalin ng alak sa dalawang baso.

"Sino pa? Eh, 'di 'yong babaeng sampid sa pamilya namin!" Naiinis na bulyaw nito.

Inabot ni Andres ang baso na may lamang alak sa nobya na tinanggap naman nito.

"I hate her guts!" Patuloy ni Penelope saka lumagok ng alak. "I can truly sense it that she is seducing dad." Akusa nito. "Her actions speak for herself." Dagdag nito.

Andres got curious. Madalas na sa kanya inilalabas ni Penelope ang sama ng loob nito sa ampon umano ng ama nito. Sa tuwina ay pupuntahan siya nito na mainit ang ulo na ang sanhi ay ang babae nga na sampid sa pamilya nito. Her name sounds like Carla or Carly or Carlotte, which he doesn't even throw a little attention. Hindi naman niya talagang pinakikinggan ang nobya sa mga hinaing nito. Daig pa kasi nito ang bata kung umakto. Na animo'y parang lagi itong inaagawan ng laruan o kendi.

"Sagad na sa buto ang kalandian ng babaeng iyon!" Pagsasalita ulit ni Penelope. "Dad's secretary told me that that bitch is seducing Dad. Huh! Napakalandi!" Himutok nito. "Noong una, ang COO, si Mr. Layug. A filthy rich old man. Then there's the CFO, Mr. Raval. May mga balita pang nilalandi din ng babaeng 'yon ang mga shareholders. How pathetic, right? She was more than willing to offer her body for the sake of the company. Syempre, nagpapaimpress siya kay Dad. At syempre nga naman, 'di hamak na mas matabang isda si Dad kaysa sa mga iyon. They are totally nothing compared to Dad. Kaya ultimong si Daddy, hindi niya pinapaligtas." Nanggigigil na saad nito.

And that's what caught Andres attention even more. Noong una kasi pulos wala naman kwenta ang mga sinasabi nito tungkol sa babae. Ngunit ngayon, may mas malalim na itong pinanghuhugutan.

"Honey, com' on!" He cooly said. "I'm sure that those were just rumors." Aniya.

"No, of course not!" Giit nito. "I went to the company this morning and found Dad on that bitch's office. I saw how mad Dad was at nagpapaawa ang mukha ng malanding babaeng iyon. She looked rejected." Kwento nito. "Trying to look at the bigger picture, siguradong sinubukan niyang tuksuhin ang Daddy sa sariling opisina dahil kung nandoon nga naman niya gagawin, malaya niyang magagawa ang lahat ng gusto niya. Kasabwat pa ang sekretarya niya." She hissed. "At isipin ko pa lang kung ilang beses niya ng ginagawa 'yon ay hindi ko na maatim, hindi ko masikmura! Imagine, pinalamon na nga siya't binihisan, ito pa ang igaganti niya! How dare her betray my mother like that!" Inis na inis na sabi nito.