Accidentally Fall In Love (Love Back Series 1)

Chapter 11

Chapter 11

Tulala lamang akong nakaupo sa table namin. Tila hindi nag si-sink in ang mga sinabi ni Lienzo sa akin. Masyadong magulo, hindi ko ma gets sa papaanong paraan nya ako nagustuhan.

"Hey Chanel? Are you okay? Kanina ka pa wala sa sarili mo, kanina pa rin nag uumpisa ang party pero parang wala kang nalalaman sa nangyayari." Sabi ni Zarene kaya naman napalingon ako sa kanya.

Tumikhim ako. "Maganda ba ako?"

"Oo naman! Bakit mo naman natanong?"

"Wala lang feeling ko ang layo ko sa mga babae dyan."

"Naku ano ka ba! Napaka ganda mo Chanel. Wag mong pansinin yung ibang mga babae. Mag focus ka sa sarili mo."

Tumango na lamang ako sa sinabi nya.

Napalingon ako sa likod ko ng may tumawag kay Kian na nasa tabi ko.

Nakita ko si Vance na papalapit sa pwesto namin.

"Oh Vance!" Bati ni Kian at tumayo pa sa kinauupuan nya para harapin pa ito.

Lumingon sa akin iyong si Vance.

"Hi miss!" Bati niya.

"Gago ka! Si Chanel 'yan." Suway ni Kian.

Muli akong tiningnan ni Vance at kumurap kurap pa tila kinikilala ako ng mabuti.

"Fuck shit! Kala ko kung sinong magandang babae." Sabi ni Vance.

Tumawa na lamang ako at inalis na ang tingin sa dalawa.

"Nga pala Kian sasabihin ko lang sana, malapit na mag umpisa ang intrams natin, anong balak?" Rinig kong tanong ni Vance kay Kian.

"Oo nga! Pero si Drake ang kailangan nating sabihan dyan dahil sya ang captain."

Halos lumaki ang tainga ko ng marinig ko ang pangalan ni Drake.

"Oo nga pala si Drake? I didn't notice him," takang tanong ni Vance.

Lalo kong inilapit ang tainga ko sa kanila upang marinig pa ng mabuti ang pinag uusapan nila.

"Ah si Drake ba?" Natigilan si Kian kaya nilingon ko ito, nag tama agad ang tingin namin dalawa tila may gustong ipahiwatig bago nilingon muli si Vance. "Hindi sya nakapunta e."

"Ganon? Okay sige brad, ang alam ko kakausapin din tayo ni coach dito sa nalalapit na intrams handa na lang." tinapik pa nya ulit 'yung braso ni Kian at nag paalam na.

"Nalalapit na nga pala ang intrams." bulong pero rinig kong sabi ni Kian.

"Sus yakang-yaka nyo 'yon! Baka nga kayo ulit ang manalo eh."

"Sigurado ka?" tanong nito na animo'y hindi naniniwala sa sinabi ko.

Tumango ako, umupo ito sa tabi ko.

"Oo naman. Wala ka bang tiwala sa sarili mo? Never pa atang natatalo ang Dubi University sa mga intrams, pwera na lang kung mag papatalo kayo ngayong."

"Of course not."

"Oh 'yun naman pala eh. Don't worry manonood ako ng game nyo."

"Seryoso? Akala ko ba wala kang hilig sa mga ganun?"

"Kailangan ko kayong icheer, yun man lang maiambag ko sa laro nyo."

Nakita kong naglaro ang mga tingin nya kaya tinaasan ko sya ng isang kilay.

"May sisilayan ka lang e."

Pinanliitan ko sya ng mata at inirapan.

"Alam mo, kung ayaw nyong manood ako edi wag."