Accidentally Fall In Love (Love Back Series 1)

Chapter 12

Chapter 12

Pagkatapos ng first subject ko ay naub-ob muna ako dahil may susunod pang isa pang subject. First subject palang ay ramdam ko na ang pagiging drain ng utak ko sa hindi ko malamang dahilan. Hindi naman gaano karami yung topic na diniscuss ng instructor namin pero ni isa ay wala na agad akong matandaan.

Bumuntong hininga ako at pinikit ang mga mata. Naidlip ako ng kaunting minuto at ng maramdaman kong nag si tahimikan na ang mga kaklase ko ay hudyat na iyon na dumating na ang next naming instructor.

Natapos ang ilang subject at ng mag break time na nilapitan ako ni Lienzo.

"Can we eat together?" Tanong niyang ramdam kong nahihiya.

Napalingon ako sa likod nya, kasalukuyang nakakunot ang noo ni Marcus. Si Kian naman ay parang wala lamang sa kanya, si Drake naman nakikita ko sa mga mata ang galit nya.

"Uhm... sige." Pumayag na ako, hindi ko na magawang makapag isip pa.

Halos isang linggo ko na syang iniiwasan siguro naman ay sapat na iyon para muli kaming makapag usap na dalawa.

"Salamat sa libre." Sabi ko at sinimulan ng kainin iyong pagkain na binili nya.

"Nakapag isip isip kana ba?" Tanong niyang hindi pa man ako nakakarami ng kain sa binili nya.

Naibaba ko iyong kinakain ko at tinitigan sya.

"Talagang 'yan agad ang itinanong mo ano?" Ngumisi ako at inilingan sya. "Hindi, wala naman akong dapat pag isipan."

"Pero isang linggo mo akong iniwasan. Hindi ba't nag isip isip ka?"

Umiling ako. "Hindi naman ako nakapag isip. Naguguluhan lamang ako pag pinipilit kong isipin."

Bahagya itong tumango, tila naunawaan ata ang sinabi ko.

Nag patuloy na lamang ako sa pagkain. Bago biglang napaisip at nag tanong.

"Talaga bang gusto mo ako?"

Umangat ang tingin nya sa akin. Tumango ito, seryoso ang mga mata nya.

"Kailangan ko pa ba ulit ulitin?" Seryosong tanong nya kaya umiling ako at ngumuso.

"Hindi naman, pero sige. Gustuhin mo lang ako kung gusto mo. Ngayon lang ako napaisip bigla. Na bakit kita iiwasan? Eh gusto mo lang naman ako? Diba? Wala ka namang balak manligaw. Hindi mo naman ako mahal, gusto mo lang ako kaya... sige go."

Nakita ko ang kislap sa mga mata nya. "Talaga?"

"Mukha ba akong nagbibiro Lienzo?"

Nakita kong ngumiti ang mga labi nya bago umiling.

Pagkatapos naming kumain ay sabay na kaming nag tungo sa room namin. Nakasalubong pa namin sina Marcus na papalabas pa ng room, e malapit ng mag time.

"Saan pa kayo pupunta? Time na." Suhestyon ko.

"Hahanapin ka sana." Ani Marcus at hinila ako palayo sa tabi ni Lienzo. "Hinahanap ka ni Ayesha sakin. Bakit hindi ka sumabay sa kanya mag break time?" Inis nyang tanong.

"Teka! Kita nyo namang inaya ako ni Lienzo."

Binitiwan nya ako sa kamay at lumabas na sya, kasunod si Drake at si Kian.

Napatingin ako kay Lienzo, nakangiti lamang itong nakatingin sa akin. Napaisip naman ako kung bakit ganon na lamang ang ngiti nya.

"Tara na." Aya ko na maupo na sa may upuan naming dalawa.

Mabilis lang na natapos ang discussion kaya hudyat na para sa lunch break. Nag paalam ako kay Lienzo na sasabay ako kina Ayesha, okay naman sa kanya iyon kaya umalis na ako doon at nag tungo na sa cafeteria.