Accidentally Fall In Love (Love Back Series 1)

Chapter 17

Chapter 17

"Mag text na lang kayo sa akin Mama pag nandoon na kayo ni Tita Sammy." Sabi ko kay Mama na inihahatid sa labas.

Sumakay ito sa sasakyan namin. Nangunot ang noo kong nilapitan sya sa may pintuan ng sasakyan.

"Hindi ba kayo susunduin ni Tita Sammy?"

Umiling ito. "Nauna na sya doon."

Tumango na lamang ako. "Ingat po kayo Mama."

Naglakad ako sa may gate namin at pinagbuksan sya ng gate upang mailabas nya na ang sasakyan.

Huminto ang sasakyan ni Mama sa may gate kung nasaan ako.

"Mamaya ay tatawagan ko si Marcus para may kasama kayong lalaki dito sa bahay."

"Wag na po Tita!" sigaw ni Ayesha na agad lumapit sa amin ni Mama. "Hindi na po kailangan, okay na po kami dito.  Huwag po kayong mag-aalala iingatan po namin si Chanel."

Tumango tango ako para ipaalam kay Mama na sang ayon ako.

"Tama Mama, kasi pag tinawagan nyo pa si Marcus mag oovernight din dito ang mga kaibigan nya."

Tumawa na lamang si Mama at nag paalam na. Sinarado ko lamang ang gate at sabay na kaming pumasok ni Ayesha sa bahay.

Naabutan namin si Zarene na nakahiga sa malaking sofa habang nanonood ng palabas sa TV.

"Sitting pretty ang mahal na prinsesa na 'yan ha." tinampal ni Ayesha iyong hita ni Zarene bago naupo sa single na sofa.

"Nakaalis na ba si Tita?" tanong ni Zarene na bumalikwas sa pagkakahiga sa sofa.

Tumango ako at lumapit sa tabi nya upang maupo din.

"Kamusta pala Chanel iyong Dinner nyo?" takang tanong ni Ayesha.

"Papaano nyo nalaman?" nagulat ako, hindi ko inaasahan na alam niya iyon.

"Ah, nasabi sa akin ni Marcus kahapon. Hinatid nya kasi ako sa bahay, tapos tinawagan nya si Drake na sya na raw mag hatid sa'yo sa bahay kasi nga hinahatid pa ako ng pinsan mo."

Mas lalo akong nagulat noong binanggit nya iyon pangalan ni Drake. Bigla na lamang nag flashback sa akin iyong mga nangyari kagabi. Iyong halik, iyong lahat. Lahat ng pakiramdam ay muli kong naramdaman.

Napakagat ako sa ibabang labi ko. Parang kanina lamang nangyari iyon, damang dama ko parin ang lambot ng labi niya.

"May nangyari ba?"

Napalingon ako kay Zarene na takang nakatingin sa akin.

"Ha?"

"Kako kung may nangyari ba? Bigla ka na lang natulala. May nangyari ba kahapon sa Dinner nyo?"

Umiling ako, sunod sunod. "Wala." nag iwas ako ng tingin.

"Chanel okay ka lang?" takang tanong naman ni Ayesha kaya napalingon ako sa kanya. "Base sa nakikita namin mukhang may nangyari. Inapi ka na naman ba ng mga pinsan mo? Chanel kilala kita, mas kilala pa kita kesa sa sarili ko."

Napayuko ako, buti naman ang iniisip lang nila iyong sa Dinner, hindi nila naiisip iyong sa amin ni Drake. Kung sabagay, hindi naman talaga nila malalaman iyong sa amin ni Drake. Wala silang alam doon, ang alam lang nila hinatid ako ni Drake sa bahay. Hindi nila alam na pagkatapos ng nangyari sa dinner ay sinundo ako ni Drake.

Tama. Ako lang ang nakakaalam ng lahat.

"Chanel kaibigan mo kami, hindi mo naman kailangang pag taguan kami ng problema mo. Alam ko bata pa lamang tayo, may issue kana sa family ng Papa mo." ani Ayesha.