ငယ်ရွယ်တဲ့ မတ်က​​လေးဟာ အခု ငါ့ယောကျာ်းဖြစ်နေတယ်(Myanmar translation)

Angry old man,Elder Lu

"အဖေ ကုမ်ပဏီတွေကို စီမံအုပ်ချုပ်မဲ့သူအတွက် အကောင်းဆုံးပွဲတစ်ခု စီစဥ်ထားတယ်။ဖိတ်စာတွေအကုန် ပို့ဖို့ သုံးရက်သာလိုတယ်။"
Lu Jinhai က သတင်းပေးသော်လည်း သူ၏အဖေ အကြီးကဲ Lu ဆီမှ မျှော်လင့်ထားသည်နှင့်မတူ ဆန့်ကျင်ဘက် အဖြေကိုသာရခဲ့သည်။

"ဒါဆို မင်းက အကုန်လုံး စီစဥ်ထားပြီးပြီပေါ့ ဟွန့် ၊ ဒါနဲ့များ ငါ့ရဲ့ထင်မြင်ချက်ကို ဘာကြောင့်မေးနေသေးတာလဲ။ဒီကောင်ကတော့ ငါ့ အင်အားတွေကို မင်းကဖြုန်းတီးနေတာပဲ " အကြီးအကဲ Lu ကဆိုသည်။

်"ဟင်း.....ဒါက......အင်း"

Lu Jinhai သူ့အဖေ အကြောင်းကို ကောင်းကောင်း သိတယ်။မိသားစုကြား ပျော်ရွှင်တဲ့လေထု ပြန်ရအောင် လုပ်ပြီဆိုလျှင် သူ့အဖေက ဆန့်ကျင်ဘက် အနေနဲ့ ရှုပ်ထွေးအောင် ပြုလုပ်ရတာကို ကြိုက်နှစ်သက်သည်။ဒါကြောင့် ထိုရည်ရွယ်ချက်ကို ရောက်အောင် မူတည်ပြီး ပြောနေခဲ့သည်။

ခေါင်းစဥ်ပြောင်းရန်အတွက် Zhao Shuang သည် သူမ၏ သားအကြီးဆုံးကို ကြည့်၍မေးသည်"Lu Qiang ဘယ်မှာလဲ။ချစ်ရတဲ့ ငါ့မြေးလေးကို သတိရတယ်။သူ ဘယ်အချိန် ပြန်လာမှာလဲ။"

သူမ Lu Qiang နာမည်ကို ထုတ်ဖော်ပြောကြားလိုက်တာနဲ့ လေထုသည် မူလအခြေအနေသို့ ပြန်လည်ရောက်ရှိလာပြီး နောက်ပိုင်းတွင် သူ့အကြောင်းကို လူတိုင်းက မေးမြန်းကြသည်။

" အမေ သူက အမေရိကမှာ စီးပွားရေးနှင့်ဆိုင်ရာတွေကို သင်ကြားနေတယ်။ မနက်ဖြန်နေ့လည်လောက် နယူးယောက် မြို့ကနေ ထွက်လာပြီး သူ နောက်နေ့မနက်လောက်တော့ ရောက်လောက်တယ်။အကြီးဆုံးချွေးမ Ning Jiahui ကဖြေကြားခဲ့သည်။

Ning Jiahui သည် ပထမသား Lu Jinhai ရဲ့ ဇနီးဖြစ်ပြီး Lu မိသားစု၏ အကြီးဆုံးချွေးမဖြစ်သည်။လှပကျော့ရှင်း၍ တော်ဝင်နန်းထိုက်ပုံပေါက်သော ထိုအမျိုးသမီးသည် ခန့်ညား၍ လူကြိုက် များလှသည့် သူမ ယောကျာ်းနှင့် စံထားလောက်အောင် လိုက်ဖက်ညီလျက်ရှိသည်။

အဖွား Zhao Shuang သည် အားနာမှုအပြည့်ဖြင့် သက်ပြင်းချပြီး ပြောသည်။" ဒီကလေးက သူ့လက်ထဲမှာရှိတဲ့ Lu စီးပွားရေးလုပ်ငန်းကို အရင်တည်းက တာဝန်ယူမှု အပြည့်ရှိပြီး ဘယ်တော့မှ ငါတို့ကိုစိတ်မပျက်စေခဲ့ဘူး။ ဒီနှစ်တွေမှာ သူက စီးပွားရေးကိုပဲ ဦးဆောင်လုပ်နေခဲ့ပြီး တစ်ချက်လေးတောင် အနားမယူခဲ့ဘူး။"