"သူဌေး တစ်ခုခုများ ဖြစ်ခဲ့လား?"နောက်ဆုံးမှာတော့ ရှောင်မင် သတ္တိတွေကို စုစည်းကာ သူ့ကိုမေးလိုက်တော့၏။
လုချောင်မှာ သူ့အား ကြည့်ရှုနေသည်ကို သတိပြုမိတဲ့နောက် ကသိကအောက်ဖြစ်သွားကာ ချောင်းဆိုးလေသည်။လည်ချောင်းကို ရှင်းကာ သူ့ရဲ့ ဖတ်၍မရသော မျက်နှာနှင့်အတူ လုချောင် ပြန်ဖြေသည်က "ဘာမှမဟုတ်ဘူး တစ်ခုခုကို စဥ်းစားနေတာ။"
"သူဌေးမှာ ပူပန်စရာ တစ်ခုခုများ ရှိနေတာလား?"သူ့သူဌေးမှာ နားရွက်တက်ချိတ်လောက်အောင် ပြုံးနေသည့်အတွက် ဒီမေးခွန်းက အသုံးမဝင်မှန်း ရှောင်မင် သိလိုက်၏။သူ့မှာ ကောင်းတဲ့ အရာတစ်ခုခု ဖြစ်လာတာ နေလိမ့်မည်။
"မဟုတ်ဘူး။" လုချောင်က ပုံမှန် အသံဖြင့် ပြန်ဖြေလေသည်။
ရှောင်မင်နဲ့ ယာဥ်မောင်းက ဒီဆွေးနွေးခြင်းက "မဟုတ်ဘူး" တစ်လုံးနဲ့ ပြီးဆုံးသွားပြီ ထင်လို်က်သော်လည်း သူတို့ သူဌေးက ထပ်ပြောလာတာကြောင့် အ့ံအားသင့်သွားရ၏။
"ကြင်နာမှု တစ်ခုကို ပြန်ဆပ်ရမယ့်အကြောင်း စဥ်းစားနေတာ"လုချောင်က ပြောရင်းနဲ့ အချက်အလက်တွေကို ထပ်မံဖွင့်ကာ စတင် ဖတ်နေတော့သည်။
ရှောင်မင်မှာတော့ သူ့ သူဌေး အစက ပြန်ဖြေပြီးတဲ့နောက် မှာ စကားခြောက်လုံး ထပ်ပြောလာမယ်လို့ မထင်ထားလေဘူး။ယာဥ်မောင်းကလည်း အ့ံဩသွားတယ်။သူ ဒီထက် ပိုပြီးလည်း ထပ်မမေးရဲဘူး၊ သေချာတာကတော့ ဒီနေ့တစ်နေ့တာ အတွက် သူဌေးရဲ့ အကန့်အသတ်စကားလုံးတွေက စိတ်ကျေနပ်စေမှာတော့ အမှန်ပဲ။
_ _ _ _ _ _ _ _ _
ကျန်းယွီယန်သည် ကန့်လန့်ဖြတ်မျဉ်းအနီးမှ ကားထဲတွင် သူမအစ်ကိုကို စောင့်ဆိုင်းနေခဲ့၏။တစ်နာရီခွဲကြာတာတောင် သူ ပြန်မလာသေးဘူး။သူမဖုန်းခေါ်မယ့် အချိန်မှာပဲ ပြတင်းပေါက် မှ ခေါက်သံတစ်ချက် သူမကြားလိုက်ရသည်။
အဲ့ဒါကတော့ အိတ်တစ်အိတ်ကို ကိုင်ထားတဲ့ သူမ အစ်ကိုပင်။ယာဥ်မောင်းက သူ့ကို တံခါးလာဖွင့်ပေးပြီး ကျန်းယန်က အိတ်ကို ရှေ့က ခရီးသည်ထိုင်ခုံတွင် ထားလိုက်ကာ သူ့ညီမဘေးတွင် ဝင်ထိုင်လိုက်တော့၏။ယာဥ်မောင်းက ကားစက်နှိုးကာ သူတို့၏အိမ်သို့ စတင် မောင်းနှင်လေသည်။
YOU ARE READING
ငယ်ရွယ်တဲ့ မတ်ကလေးဟာ အခု ငါ့ယောကျာ်းဖြစ်နေတယ်(Myanmar translation)
RomanceLu Lijun & Jiang Yuyan Credit to all Author and Translator. This story is not mine.I just translate this. 🖤 ပထမဆုံးဘာသာပြန်တာဖြစ်တဲ့အတွက်အမှားများရှိရင်ခွွင့်လွှတ်ပါ
