Before I Fall You[Completed]

အပိုင်း(၈)အကယ်ဒမီရှော့(အကယ္ဒမီေရွာ့)

အဆုံးမရှိကျယ်ပြောလှတဲ့ အပြာရောင်ပင်လယ်ပြင်ကြီးရဲ့အလယ်ဗဟိုချက်တည့်တည့်တွင် သင်္ဘော တစ်စင်းမျောလွင့်နေချေတယ်

ကြောက်စရာကောင်းတဲ့ပင်လယ်လှိုင်းခတ်သံတွေနဲ့ စိတ်ပျက်ဖွယ်ကောင်းတဲ့ ငှက်ဆိုးအော်သံတွေက ပတ်ဝန်းကျင် တစ်ခွင်လုံး ဟုံးဟုံးညံနေတယ်

မိုးတိမ်တွေကမှိုင်းညို့အုံ့ဆိုင်းနေပြီး အစက်အပြောက်မျှသောနေရောင်ခြည်လေးတစ်ခုတောင် မရှိချေဘူး

နေအဂ္ဂါက သင်္ဘောဦးပေါ်မတ်တပ်ရပ်လျှက် ရိုက်ခတ်နေတဲ့လှိုင်းလုံးတွေကိုငေးကြည့်နေတယ်

ထိုစဥ်သူ၏ နောက်ကျောဆီမှနွေးထွေးတဲ့လက်နှစ်ဖတ်က သူ၏ခန္ဓာကိုယ်တစ်ခုလုံးကို လွှမ်းခြုံရစ်ပတ်လိုက်သည်

"ကိုကို မင်းငါ့ကိုချစ်လား"

"အင်း ချစ်တာပေါ့"

သူဖြေကြားလို့အပြီးမှာပဲ တဟားဟားရယ်သံတွေက သူ့နောက်ကျောဘက်ဆီမှထွက်ပေါ်လာတယ်

"ငါကတော့မင်းကိုမချစ်ဘူး ငါချစ်တဲ့သူကဒီမှာလေ"

သူနောက်ပြန်လှည့်ကြည့်လိုက်တော့ ညဏ်းဧကရာဇ်နဲ့သူ့ရဲ့တစ်စုံတစ်ယောက်က တစ်ယောက်ကိုတစ်ယောက်လွတ်ထွက်သွားတော့မတက် ပွေ့ဖတ်ထားကြတယ် ညဏ်းဧကရာဇ်က သူ့ဘက်ကိုမျက်နှာမူပြီးစကားတစ်ခွန်းပြောလိုက်တယ်

"ငါမင်းကိုမလိုချင်ဘူး သွားသေလိုက်တော့"

"ဗွမ်း"

အေးစက်စက် အထိအတွေ့ကသူ့တစ်ကိုယ်လုံးကိုလွှမ်းခြုံသွားပြီး အသက်ရှူရခက်ခဲလာစေတယ် ရင်ဘက်တစ်နေရာက စူးအောင့်မှုနှင့်အတူ အသက်ကိုအငမ်းမရရှူရှိုက်မိတယ် နှလုံးခုံသံကပုံမှန်ထက်မြန်နေပြီး သူ့တစ်ကိုယ်ချွေးတွေနဲ့ရွှဲစိုနေခဲ့တယ်

"မဟုတ်ဘူး..."

အမှောင်ထုက သူ့မျက်လုံးထဲတိုးဝင်လာတယ် ရင်ဘက်ကိုလက်နဲ့အုပ်ရင်း သူ့နှလုံးခုန်သံတွေပုံမှန်ပြန်ဖြစ်စေဖို့ အသက်ကိုဖြေးဖြေးခြင်းရှူသွင်းရင်း သူ့မျက်လုံးတွေကို မှိတ်လိုက်ဖွင့်လိုက်လုပ်တယ် အလင်းရောင်ဖျော့ဖျော့ကိုမြင်ရမှ သူသက်ပြင်းချနိုင်တယ်