BGT 03: HIS BEAUTIFUL PUNISHMENT ✔

Chapter 1 - Ikalawang Yugto

Babaeng manipis ang suot na puting long shirt, kita ang panty at walang bra ang nadatnan ni Aya na kasama ni Javier sa kusina habang nagluluto ang lalaki. Si Xiellou, ayon sa pagkatatanda niyang pangalan nito. Nag-atubili na siyang pumasok nang tumayo ito at niyakap si Javier mula sa likod habang abala sa pagsangag ng fried rice ang lalaki.

"Ang bango!" malandi nitong sabi at pasimpleng sumulyap sa kanya.

Lumikot ang utak niya nang marinig iyon. Pumihit siya paalis. Mabango? Connotative meaning. Hindi ang pagkain ang tinutukoy ni Xiellou kundi si Javier. Nahinto na naman siya sa pamilyar na paghigpit ng kanyang puso. Kagabi, napagod siya sa kabibigay ng kahulugan sa nakakainis na damdaming iyon.

She tried so hard to justify her emotion that it's normal to feel this way because she is Aki's mother. Na natural lang sa kanya ang mainis. Nagmistula siyang palaman sa gitna ng kasinungalingan at katotohanan. She is afraid hatred would again loomed her heart. Bakit ba kasi dumating pa ito? Sana ipinaubaya na lang nito sa kanya si Aki. Pwede naman itong mag-anak ng kahit ilan pa sa babaeng gusto nitong makasama habang-buhay.

"Mama?"

Pumitlag siya nang marinig ang maliit na boses ng anak. Mabilis niyang dinaluhan ang bata na kagigising lamang. Nagkukusot ito ng mga mata at humikab.

"Good morning, baby boy!" masigla niyang bati at hinagkan ng matunog ang nanunulis nitong nguso.

"Good morning, Mama. Where is Papa Jav?" Naglibot sa buong kuwarto ang paningin nito.

"He's in the kitchen, cooking for your breakfast." Ngumiti siya ng matamis.

Naaaliw na tumitig sa kanya ang anak. "Papa is a good cook, unlike you Mama, you don't know how to cook. When you made me scrambled egg, and hot dog, you burn them all."

Magiliw siyang umirap at pinisil ang ilong nito. "Mama will learn to cook, you'll see."

Tawang-tawa ito at kumunot ang bridge ng ilong na parang ayaw maniwala.

"Why don't you ask Papa to teach you?" Nagsasalita ito habang humihikab at nagkamot ng ulo. Lumalaki pa ang butas ng ilong.

"Perhaps, I will."

Sinuklay muna niya ang malambot at mahaba nitong buhok. Hinayaan na lang munang nakabagsak ng malaya sa mga balikat nito. Inayos niya ang suot nitong pajamas. Magkahawak-kamay silang lumabas ng silid habang lihim niyang ipinapanalangin na hindi nila dadatnang nakapulupot kay Javier ang babaeng bisita. Ayaw niyang makita ni Aki ang ama na nilalandi ng iba. Tiyak magtatanong ang bata.

Natanaw niyang lumabas ng kitchen si Javier. Tingin niya ay pupuntahan sila nito. Kumawala agad ang pamatay nitong ngiti na lulusawin ang katinuan ng girls.

"Morning, Papa's boy!" Malalaki ang mga hakbang nito at sabik na kinarga si Aki. Hinagkan sa noo. "And you, Papa's girl," isang damping halik ang kumiliti sa pisngi niya.

Hindi niya iyon napaghandaan. Mistula tuloy siyang kandelang itinulos sa sahig na unti-unting tinutunaw ng sariling init. Pati sikmura niya ay tumatahip at nagkakagulo ang kanyang bituka.

"I'm done setting the meal just right on time," pagmamalaki nitong sumampay sa marupok niyang balikat ang isang braso at inakay siya patungong kusina habang karga nito ang anak nilang abot-tainga ang ngiti. Pumalakpak pa sa kasiyahan ang bata.

Tipid siyang ngumiti at nagpatangay na lang sa kanyang mag-ama. Kanyang mag-ama? Pag-aari na ba niya si Javier para angkinin niya? Pero ang anak niya, mula nang dumating ang binata, laging umaapaw ang ligayang nakikita niya sa mga mata ni Aki. Ibang-iba noong dumadalaw ito sa kanya sa kulungan. Kahit hindi ito malungkutin ngunit may kulang sa saya na nasa mukha nito. Ngayon ay nabura na ang kakulangang iyon.