#شرف قيد التنفيذ (أثال)

مهره الخطاب

#بقلم إيـزابيـل
#مقدمه
# مهُره الخطاب

شوفو القصه الجديده هاي عمري نازله بحسابي بس ادخلو علي راح تطلع الكم وي الاعمال

..
الدنيا بدت تغورب وحاره طافيه الكهرباء كعدت بالكاع وومددت رجليه ووتجيت راسي على الحايط رفعت طرف ثوبي ووطلعت رجليه.

جان المسجل بصفي مديت ايدي وشغلته طلعت ااغنيتي المفضله وادندن بيهه

موبدينه نودع عيون الحبايب مو بدينه
والعشك لحضه عمر وتمر علينه

و يلى طعم المستحه على عيونكم
ويلي ويلي
ويلي شوكي يذوب بين ارموشكم

و يلى طعم المستحه على عيونكم
ويلي ويلي
ويلي شوكي يذوب بين ارموشكم
ويلي ويلي
و ليلكم كمره وهوانا مسهرينه

لحد هسه ما مصدكه ابوي جابنله مسجل جان بوقتنه بس الحالته زينه يشتري تلفزيون ومسجل...

واتذكر اول مادخل علينه بي حطينا اني وواخوتي لتمينه علي ووكل شويه نطفي ونشغل...

جانن صديقتي من اروح الهه تطلعه تحطه كدامي ابوهه يشتغل وي الريس وويجيب الهم اشكال الوان وومدللهم ووبالمنطقه كلهه تحسب الهم حساب وههي البنات مثل الدود عليهه..

اني ماعندي هواي صديقات بس هي هاي...
ندك الباب كامت امي طلعت شويه ووطبت عليه..

كالت  : هذا سامي يريد خبز ولا تاخذين منه فلوس

: تعبانه جان انطيتي انت اليوم ضهري نكسر رحت للسوك وبعتلج الخضره كلهه وورجعت وخبزت وياج رجليه تشنجن

: دكومي كومي شكد تگرين وتشكين كثره الشكوه تترس البيت شياطين..

تنهدت ووكمت هاي هي حجته بكل مره كلي تلتم الشياطين ادري تقشمر عليه  بس شسوي من لا چاره اطاوعهه خطيه ماتكدر تشتغل وحدهه..

رحت فتحت الچدر الي حاطين بي الخبر ولافينه بوصله طلعت اله سفطه وشلتهه بيدي...

جان واكف بباب الحوش لابس بنطرون جارلس حني ووقميص ابيض مفتح اول تلث دكم ووهالمره مطول زلفه اكثر ووبكشخته المعتاده..

تمشيت ليمه ووهو رافع راسه بغرور وانفه..
حطيت الخبز بيده جره فلوس من جيبه حجيت واني مدنكه راسي : لا امي كالت لا تاخذين..

حجه
: ليش يعني اذا اقاربكم ناخذ تعبكم بدون مقابل دهاچ هاچ..

:احم مو امي

جان حاط الخبز على چف ايده ووشايله بطريقه مستقيمه ووالثانيه لازم بيهه الفلوس اشرلي افتح ايدي فتحتهه حطهن بأيدي..

ودار وجهه وطلع تمشيت ورا سديت الباب وورجعت دخلت لجوه وواتذكر تصرفاته...

امي تخبلت من كلت الهه اخذت فلوس كالت شكول الاخوي بعتلكم خبز بفلوس..