#شرف قيد التنفيذ (أثال)

البارت الثامن والعشرين

#بقلم
#ايزابيل
#البارت الثامن والعشرين
#شـرف قـيـد التـنـفـيذ (أثال)
..
أثال

وكفت بنص الحوش وكلت بأستغراب
_انتِ منو بابا وين اخواني شدتسوين هنا

كتفت اديهه وكالت بمياعه
_ شنو شدسوي غير بيتي هذا

بيتهه؟؟ معقوله بابا باع البيت وشال لغير منطقه
خابت اضنوني من طلع ابوي ينشف بشعره ويصيح
_وين صرتي رنووو

بلعت ريكي وخصمت عيوني بتعجب
_بابا منو هاي؟!

تفاجأ من سمع صوتي كال بتلعثم
_أأأ هلاو بابا أثال ادخلي ليش واكفه برا

بغضب واستياء
_مادخل اذا متفهمني هاي منو وشجابهه بالبيت

فرك ركبته ووجهه نكلب اصفر فرك ادي بالمنشفه
وجاوب :- هاي زوجتي رنا

مانصدمت لان كلشي اتوقع من واحد مثله اجت كبال عيني امي صرخت بوجهه :- لك امي بعد ماصار الهه سنه ورحت اتزوجت جان خليت ترابهه ينشف من شنو مخلوق انتَ فهمني

كالت هاي الي اسمهه رنا وهي تباوع على اضافرهه
_ليش حبي الزواج حرام لو عيب

تقربت يم  ابوي نتجت على كتفه بأديهه وبضحكه
_ابوج هم بعده شاب ويريد وحده اتدللله تنسي المرحومه ههههه

رفعت اصبعي عليهه كلبي نملى غل منهم ذول الاثنين
_ديربالج تجيبين امي بالطاري وانتِ وين جان عقلج من تزوجتي واحد عمره ستين وشويه

بشماته
رنا :- شلون انتِ من تزوجتي واحد عمره 40 سنه

تفاجأت هاي شمدريهه ضحكت بأستهزاء
_ديربالج تقارنين لا تسمعج الناس وتضحك عليج

باوعت على ابوي
وكملت ، اني جايه اخذ اخواني وبما انو تزوجت خلي راسك على راس هاي الماعرف منين جايبهه واكعد واسكت

مشيت بعزم تجاه باب المدخل وكف بوجهي ابوي ومد ايده كبالي كال :- على جثتي يله تاخذينهم

دفعت ايده وصحت بعالي صوتي
_دوخرررررر صاير رجال براسي وتمنعني اخذهم يعني اخذهم واذا اضطر الأمر على جثتك ليش لا..

اقتنيت الفرصه ودخلت اركض ادور عليهم بالبيت شفتهم كاعدين على التخم واحد بصف الثاني فتحت الهم حضني وأشرت الهم بأيدي يجون ركضو عليه  ويضحكون
حضنتهم وطبعت بوسات على راسهم..

لزمت وجه رسول باوعت علي بلهفه مشتاقتلهم كلش
عينه بيهه زرك نفجعت من شفته
_رسول شبيك عينك شبيهه

نزل راسه وبتنهيد
_هاي رنا ضربتني لان رادتني اروح الهه بـ٢ بليل للأسواق وماقبلت..

فتحت عيوني مصدومه انوب تطول ايدهه عليهم
_وابوي شسوالهه

_ماسوى الهه شيء هي مادري شحجت ويا وسكت

رصيت على سنوني بغضب مبينه من شكلهه حقيره
صدت بعيني غرفه امي بدون تردد سحبت رسول وحمزه
وراي ودخلت للغرفه متجدده تجديد جذري حتى ماعرفتهه فتحت الكنتور ولا قطعه الأمي