#شرف قيد التنفيذ (أثال)

البارت السادس

#بــقــلم
#ايـــزابــيــل
#البـــارت الســادس
#شـــرف قــيـد التنفيذ (أثال)
...
اذآ عني خذوک بعيد ، واذآ
لآسامح الله وبعد مالوحک
اريدک تعتني بروحك ،،♥  ٌ
..
أثال

دخلت ورا للبيت خفت من نظرات البنيه الواكفه وتخوزر ..

تفاده سؤالهه ودار وجهه عليه ابتسم وكال
:- تفضلي ،،

مشيت ورا وأشرلي بمعنى اكعد على التخم
سويت مثل ماكال غير طريقه وراح للبنيه
الواكفه لزمهه من زندهه واخذهه للغرفه ..

رجعت ضهري للتخم وكتفت اديه باوعت على البنات الاثنين الواكفات شكلهن كلش حلو ..
ابتسمت وكلت :- شنو اسمجن ،،

وحده كالت :- اني شمس وهاي قمر ،،

ابتسمت على اسمائهن الحلوه مديت ايدي الهن واجن يمي كعدن بصفي كلت :- عمار شيصير منكم ؟

شمس :- بابا ،،

رفعت حاجبي بستغراب لعد شو ماشفت حلقه
بأيده ؟!

شويه وطلعت البنيه وياها عمار ،،
رغم هدئت ملامحهه عكس ماشفتهه اول مره بس هم بعدهه تخزر ..

عمار :- أثال ..اعرفج زوجتي غسق ،

ابتسمت وكلت :- اهلاً

غسق :- هلا بيج حبيبتي ،،

باوعلي وكال :- اني داخل اسبح اي شيء تحتاجي غسق موجوده ،،

عافنه ودخل للغرفه اجت كعدت كدامي
خلت رجل على رجل وكالت :- شكد عمرج ،،

أثال :- اليوم صرت 18

رفعت حواجبهه وكالت :- بعدج طفله ،،

أثال :- هههه ليش انتي شكد عمرج ،،

غسق :- 25 سنه ،

هي ناعمه عبالي اصغر  توقعت 21 او 20

غسق :- اكوم اسوي غده مرخصتج ،

عافتني ودخلت للمطبخ ضليت كاعده بمكاني
وبس افكر بأاهلي . سمعت صوت عمار رفعت راسي شفته طالع من الغرفه لابس تراك واديه بجيوب البجامه ،

راح لشمس شالهه ودخل للمطبخ ،،
تقريبا ثواني وطلعوا كعد كدامي
وكال :- أثال خوما محتاجه شيء ؟!

أثال :- لا تسلم

رغم ماحسسوني بشيء بس اني احس نفسي متضايقه طلعت باوعت لغسق واكفه تخلي الأكل على ميز الطعام ..

وكفت وكلت الهه :- اساعدج ،،

ابتسمت بمجامله :- تسلمين استريحي انتِ ،

رجعت المكاني وهي كملت كلشي وصاحت النه

أثال :- اني ماشتهي ،

عمار :- شنو هالحجي هذا كومي بويه ،،

غسق :- كومي حبيبتي لتستحين ،