#شرف قيد التنفيذ (أثال)

البارت الواحد والثلاثين

#بقلم
#ايزابيل
#البارت الواحد والثلاثين
#شـرف قـيـد التـنـفـيذ (أثال)
للتنويه بدون مراجعه عذرا على التلوث البصري 🤭😒
...
فجر

صياح علي واتهامه لجسار خلاني ارجف كلشي صار بسببي انه حسيت نفسي مذنبه برعشه اختي ووجهه الي  نكلب اصفر

علي :- احجي ليش نخرست صوره مرتي شتسوي بجهازك

جسار :- أأ شكو تصيح انتَ اكعد خلي افهمك...

علي :- شتفهمنييي..

قاطعته بـ

_علي انتَ تعرف انه ماعندي جهاز فـ مرات اخذ مال جسار وكلت الرغد ترسل الي صورتهه علمود اخليهه وي صورتي

ضحك بأستهزاء
_مو غبي انه وتقشمريني  بهالكلمتين..

نطت رغد
_ لا صحيح انه رسلتهه الفجر بس ماعبالي محتفضه بيهه لحد هسه

جسار يباوعلي ويحاول يخفي ابتسامته ابو
صاح :- دكافي يابويه وترتوني يله كل واحد ياخذ مرته ويروح راسي كام يوجعني خرا بهيج خلفه مامنهه بس وجع الراس

كعد على القنفه ولزم راسه

علي :- بس يابه

:-شكوو ولك انتَ لا تسترعن جا هي رغد  غير مثل اخته لاتكبر الموضوع وشوفني عرض اكتافك لاتخليني اكوملك

تأفأف خزر جسار وذب علي الجهاز صعدوا هو ورغد بس رغد تباوعلي بشك وكأنو تطلب تفسر مني

أشرلي بحاجبه بمعنى امشي توني داخطي
صاح ابو جسار بصوت ناصي غاضب

ابو جسار :- تعال ولك تعال وين فالت

تحمحم ولتفت كام على حيله ووكف كبال جسار لزم ياخته وكال بتهديد

_تنصلح وتمشي عدل لاتخليني اشوفلي صرفه وياك تنسيك اسمك..

جسار :-هههه على بختك جا انه شمسوي حتى انصلح شني هاي الأهانه المفرطه..

ابو جسار بسخريه
_لا بويه وين كلشي مامسويه انت من تفوت كلهه  تحلف براسك

عدل ياخه قميصه وخلى ايده فوك راسه
_كفو مني  المفروض ترفع راسك بيه هسه العشاير اوراق طلبهم الي حتى انظم العشيرتهم تارسه كنتوري لان شني انه فخر وعز ورفعه راس و..

صاح بي بصوت عالي
_امشي لك امشيي اذا انتَ فخر اطم روحي بأقرب حفره

ضحك بصوت عالي وأشرلهم بأدي
_يابه يله أودعناكم راح يطلع الصبح اريد اشوف شغلي عود ماوصيكم كصو بيه

مدلي ايده بلعت ريكي بخجل ولزمت
ايده فتح باب الغرفه ودخل قبلي

وكفت على الباب وجريته من قميصه وكفته كبالي غمزلي وكال
_ها ولج ليش تتحارشين..

ميلت راسي بملل
_جسار ليش هيج؟

هز راسه بأستغراب بمعنى شكو
زفرت نفس وكتله
_يعني عاجبتك نظره اهلك عليك...