#شرف قيد التنفيذ (أثال)

البارت الثاني عشر

#بــقــلم
#ايـزابــيـل
#شــــرف قـيـد التـنفـيـذ (أثـال)
#البــارت الثـــاني عـــشـر
..
ربما ينتهي الأمر بصرخه مكبوته ؟!
بدمعه منهرمه بجريان دماء بكماء
بطرق مطرقه الاعدام بحق اشلائي ..
ليت البحار تعلم دموعي فاقت مُستواها ؟
عند المنتهى سقطت احلامي رفقاً بجسدي ..؟
..
أثال

احس روحي راحت من سمعت كلامهم شنو قصده عمار امي تسحل بيه من ايدي دكلي امشي راح يطلعون بس اني صافنه ولازكه بنفس المكان ..

اخر شيء عاطت بوجهي بصوت ناصي :- ولج امشييي ،،

استدركت نفسي وبلعت ريكي رحنه للمطبخ ..
وكفت بصفي امي وفرحانه بيه كالت :- أثال اذا طلبج توافقين مو ؟!

هزيت راسي ب لا وكلت :- لا ماقبل ماريد ،،

فتحت عيونهه متفاجئه
كالت :- انتِ عوبه فوك  ماكال اوضف ابوج واي شيء تحتاجونه بالخدمه يعني حتى بيتنه المهدم هذا نكدر نبدله وبعدين راح يخلصج من ابوج ،

ضحكت بستهزاء وباوعتلهه :- يخلصني من ابوي ؟ خو كولي تردون تستفادون براسي خلي يكون بعلمج اني ماقبل اتزوج لا هذا ولا غيره ،

ابتعدت من يمهه خليت ضهري على الكاونتر ونزلت راسي شسوي هسه اذا وافقت انتهي والله لا لا مستحيل اوافق أثال خليج قويه اوكفي بوجهم ولو مره ،،

خليت اديه على عيوني وحاولت احبس دموعي تقريباً نص ساعه ودخل بابا للمطبخ
مد راسه كال الأمي :- يامره جيبي بنتج وتعالي ،،

هزت راسهه ب اي وتقربت يمي جرتني
وكالت :- يله امشي واذا سألج ابوج كليله موافقه ،،

نترت ايدي وصرخت :- لا والله ماموافقه ولا راح اوافق ،،

خلت ايدهه على حلكي وكالت بصوت
ناصي :- اشش ولج لايسمع ابوج يكلب البيت فوك راسج والله ،،

غمضت عيوني وبلعت ريكي اخذتني وياها للستقبال لنفس المكان الي جان كاعد بي عمار وابوي ..

كعدت امي بصف ابوي واني كدامهم

كال :- الرجال جاي يتقدم الأثال وكال كلشي تريدونه اني حاضر وها من هسه ماكو لا عرس ولا حنه ولا خرابيط مجرد يعقد عليج وترحين ويا يكول ماريد هوسه واحنه ماعدنه شيء ،،

رفعت حاجبي يحجي بثقه وعباله راح
اوافق حجيت كلام خلى الشياطين تنطنط فوكا :- اني ماموافقه ،

فتح عيونه مصدوم صرخ بوجهي
:- ليش ولج ؟ شناقصه الرجال ،،

أثال :- أأأ شسمه هو اكبر مني بهواي ؟!

امي :- ليش شكد عمره !!

ابوي :- 40

امي :- يا يمه جبير واني عبالي تلاثينات لا عيني ممنطيهه شنو اكبر منهه بهواي