#شرف قيد التنفيذ (أثال)

البارت السابع عشر

#بقلم
#ايزابيل
#البارت السابع عشر
#شرف قيد التنفيذ (أثال)
..
بان

بعدت ادي الي محاوطه خصري وتراجعت بخطوات بطيئه ليوره كلت بصوت ناصي :- اني اخاف من ركوب الخيول

رفع حاجبه وحك طرفه هز راسه وابتسم
:- براحتج

اخذ الحصان وراح يرجعه المكانه جنت اباوع الخطواته
وايدي على كلبي الحمدالله ماتورطت وصعدت ويا
اخذتني رجليه لجوه شفت فجر واكفه على الطباخ
سألتهه :- أثال وين ؟!

فجر :- طلعت تشوف منو بالباب

اخذت كلاص المي وبللت شفايفي صفنت بتصرفات
غسان الي احسه ديحاول يعودني على وجوده بحياتي
..
أثال

نصدمت من شفت بابا واكف شيريد وليش اجه
والمشكله وحده جاي ..

قاطع صمتي بسؤاله :- زوجج وين ؟!

باوعتله بتعجب :- قصدك عمار

رد بسخافه :- ليش عندج غيره !!

حكيت ركبتي بفشل وكلت :- لا قصدي ماعرف وين هسه ..

قاطعني صوت الباب نفتح ودخل عمار وكف متعجب لثواني بعدها باوع الابوي وكال بسخريه :- ياهلا

مدله ايده ابوي وصافحه جان فضولي قاتلني حتى اعرف شيريد من عمار بس ضطريت اسحب نفسي من يمهم من انطاني عمار العلاكه وكال وديهه للمطبخ

..
ذبيت العلاكه السوده بضوجه على الكاونتر وكتفت اديه عاقده حواجبي واصبر بنفسي "هسه يطلع عمار واعرف شيريد منه "

صاحت فجر :- أثال عمار يريد جاي القوري كامل بس صبي ،

اخذت الكوبين بسرعه خليت شكر وصبيت جاي
خليتهن بصينيه وطرت للأستقبال دكيت الباب الي جان مسدود شفت عمار وبابا كاعدين وماعرف شيحجون ..
من شافوني سكتوا ..

خليت الصينيه على الطاوله مقابيلهم وعيوني تتفحصهم احاول اقرا كلامهم من بين عيونهم بس ماكو فائده ..

خليت وكعدت مقابيلهم على القنفه وجهت سؤال الأبوي :- أمي شلونهه ؟!

باوع العمار ورجع جاوبني :- أأأ الحمدالله مشتاقتلج تسلم عليج وطاك كلبهه على شوفتج ..

عمار مخلي رجل على رجل ويشرب بالجاي بين ما نظراته تتجول بيني وبين ابوي ..

أثال :- اني الاسبوع الجاي اجي اشوفهه كلش مشتاقتلهه والرسول والحمزه هم .

ذب الكلاص على الطاوله وأشرلي براسه
عمار :- أثال بلا زحمه اخذي الكلاص للمطبخ وبطريقج النفاضه ..

هزيت راسي ب اي وكمت اخذتهن وطلع بأاثناء ما داسد الباب سمعت كلام عمار :- انطيك مو على مود شيء بس انتَ هسه اي شيء يصيبك اتضرر اني ومكانتي وسمعتي لذلك الك لراس الشهر اذا ميرجعن الي حساب ثاني وياك ..