#شرف قيد التنفيذ (أثال)

البارت التاسع

#بــقــلم
#ايــزابــيــل
#البــارت الـتـاســع
#شــــرف قــيــد الـتـنفـيذ (أثـال)
..
عيش
ولاضل تمشي وره #جروحك ..

تره شما سولفت عالبيك

تبقى التوجعك #رَوحك...
..
بان

غسان :- متأكده من كلامج ،،

هزيت راسي ب اي وجاوبته :- يي ،

غسان :- من تجين باجر للكليه مريلي للمكتب ،،

بان :- ماجي للكليه اني

غسان :- ليش شنو السبب ؟!

بان :- امي بالمستشفى ماكدر اعوفهه ،

غسان :- سلامات دزيلي عنوان المستشفى واني اجيج ،

سديت الخط وضليت صافنه ماعرف اذا تصرفي صح او لا ،،
..
أثال

بلعت ريكي بصدمه احس صابتني صعقه كهربائيه من شفته وهو ضل صافن بيه عبالك ممصدك ،،

ذب مال النركيله من ايده وكام

عمار :- أثال شتسوين هنا ؟!

ماجاوبته درت وجهي ورجعت المكاني شفته جاي ناحيتي ومبينه الضوجه والعصبيه علي ..

وكف كبالي وكال :- ماتوقعتج تكونين هنا ؟ ليش طلعتي بدون متكليلي ،، وشجابج لهذا المكان

رفعت حاجبي وجاوبته :- طلعت بدون ماكلك ليش اني جان عندي فرصه حتى احجي ،،

رفع حاجبه وكال بستغراب :- مفهمت ،،

تنهدت وجاوبته :- يعني ياسيدي اني ماطلعت من بيتك بأارادتي اني نطردت بذاك اليوم من الفجر كعدت مرتك ذبت ملابسي بوجهي وطلعتني ،

وكف بأاستقامه ورفع راسه بعد ماجان مدنك عليه كال بعصبيه :- وشنو هالغباء الشايلته انتِ ماتصلتي مارجعتي للبيت ،،

أثال :- ارجع ! سيدي كتلك طردتني يعني حقهه زوجتك اني لاتعرفني ولا اعرفهه وفجاءه اجيت كعدت يمكم اكيد راح تتضايق ..

عمار :- انتِ شعليج بزوجتي عسى ماتهجم البيت اني مو كتلج ابقي اهنا المفروض تكعدين ومعليج بل باقي ،،

كلت بكلبي جاي يفتهم عليه لو لا يعني اكله طردتني شلون ارجع يكلي جان اتصلتي اني رقم اهلي ماحافضته احفض رقمك ،

عمار :- وبعدين شتسوين هنا منو جابج ،،

سكتت وماحجيت ولا كلمه اصلا زين مني جاوبته بالبدايه لان راسي موتني ومادري
شلون لحد الان واكفه على رجليه ،،

عمار :- أثال احجي وياج جاوبيني ،،

أثال :- أني اشتغل هنا اقدم مشروبات وهيج ،،

عمار :- على العموم متبقين هنا اني عرفت مكان ابوج وبس تشتكين ضده من باجر القي القبض علي ،،