#شرف قيد التنفيذ (أثال)

البارت السابع والثلاثين

#بقلم
#ايزابيل
#البارت السابع والثلاثين
#شـرف قـيـد التـنـفـيذ (أثال)
..
بان
..
كلت بأستغراب
:- هاي وين جبتني...؟؟

تحمحم باوع الشذى وكال
:- بان عندي كلمتين وياج

:- وكلامك ماينحجي اله هنا تأخرت على البيت ولازم ارجع.
شذى :- دسمعي شيريد يكلج

كلش تضايقت من تصرفه هذا نترت بأنزعاج
:- اسمعك..؟

ندار عليه باوع بعيوني
_اني احبج.. وناوي اتقدملج

رفعت طرف حاجبي مصدومه
:- تحبني..؟؟ من أشوكت وشبسرعه هيج الحب عندك مثل شربه المي

أبراهيم :- اول شيء لتستهزئين بكلامي ثانياً اني من اول مادخلتي الكليه عجبتيني وحبيتج وجنت اتمنى احجي وياج واعترفلج بس حضرتج ماتنطين مجال

ضحكت بسخريه
_وانت موكفني بنص الليل على هالكلمه ماجنت تكدر تكولهه بالكليه

:- اذا انت عندج هالكلمه وهالحضه  مو مهمه فـ اني العكس وللأسف ماكدرت اصبر لوقت الدوام....

كتفت اديه وكلت بتنهيده
_شوف ابراهيم اني ما افيدك صدكني انتَ انسان تستحق الأفضل مني..

_ليش شبيج انتِ..!!

_زجاجه مكسوره اني ، ومن الأخير مستحيل اسمح الشخص يدخل لكلبي وأن شأت الظروف..

بعد ماجان مندار عليه رجع لمكانه لزم الأستيرن بغضب وشغل السياره ماتحملت عيونه الي تخزر بيه انفجرت بالكلام..

بان :- أبراهيم انتَ تقبل بوحده مطلقه وعندهه طفل..

تفاجأ من كلت هيج كال بصوت مستغرب
:- طفللل؟؟

نزلت راسي لحضني
:- اي بس أخذه ابو..

زمجر بعصبيه وحواجبه معقوده
:-ليش ماحجيتي من قبل ماكلتي...؟

رفعت اكتافي
:- ليش حتى اكول بالنهايه هذا شيء راجع الي وحياتي الشخصيه ماطلعهه برا محيطي

سكت وماجاوبني طول الوقت نتبهت اله موطبيعي ويتنهد وتأفأف يمكن احسن شيء سويته بهاليوم انو حجيتله حتى يبتعد

وصلني للبيت وراح دخلت ذبيت نفسي على القنفه نصت التلفزيون امي وباوعتلي :- بان ليش تأخرتي ومنو هذا الوصلج شفته من الشباك مو تكسي..؟

بان :- يمه اخو شذى  وصلني هو وياهه

مارضت عليه وضلت ترزل ليش تتأخرين الدنيا مو أمان ومن هذا الكلام

حطيت راسي على المخده بس ماكدرت انام بسبب كلام
أبراهيم ضل ياكل بيه هذا من شوكت مخلي عينه عليه..؟؟

المهم هو اكيد تراجع هسه دام عرف عندي طفل
كمت من اداوم احاول ابتعد عنه وكل مايجي يسلم ويوكف يحجي وياي اختصر كلشي وابتعد عنه..