#بقلم
#ايزابيل
#البارت الثلاثون
#شـرف قـيـد التـنـفـيذ (أثال)
...
فجر
فتحت عيوني ببطئ ورفعت راسي عن المخده
باوعت للجهه الثانيه جسار موجود بس حالته مبهذله وشكله مايوحي الخير
عفست وجهي من شتميت ريحه شرب بي لعبت نفسي منه نزلت وبوجهي للحمام غسلت وجهي وسويت شعري ضفيره راخيه نزلت من كذلتي على صفحه خدي المتأذيه
ورجعت للغرفه شفته بعده نايم اجاني احساس اروح اكعده بس تراجعت ضليت كاعده على القنفه المقابيل الجربايه اهز برجلي واباوع الاضافيري
كعد فرك وجهه ورفع راسه باوعلي ونزل راسه بقوه للمخده..
شويه وكام على حيله نصدمت من شفت مشيه مو منتضم وميشوف بوضوح يمشي ويضرب شكو شيء كدامه لحد مادخل للحمام وسمعت صوت الدوش اشتغل
عشر دقايق تقريباً وطلع صوته يصيح عليه
_فجر هدوم من يمج؟
صفنت بصمت اساساً انه ماعرف وين مخلي ملابسه وبكلبي شايله علي هواي من سالفه البارحه فوك كل هذا يرجع الصبح سكران
تنهدت بتعب
كمزت من رجع صاح
_انه شحجيييت ؟؟
طلعت قميص وبنطرون ونطيته ورجعت المكاني
طلع كبال المرايه ينشف بشعره
كلت بنزعاج ومكتفه اديه
_البارحه وين جنت ؟
شمر المنشفه بعصبيه
_شدخلج تحاسبيني لازم!!
نزلت راسي
_لا يابه منو انه حتى احاسبك
زفر بغضب وطلع ضليت وحدي بالغرفه اتصفن بالحيطان الدمعه بطرف عيني ليش سكتت ليش ماكتله اذا هلكد كارهني شكو ستمريت بالزواج وبهذلتني بهالطريقه!؟
اجت رغد دكت الباب ودخلت كالت
_فجر ليش كاعده هنا وحدج؟؟
_جا وين اولي
_مو كلهم برا جاي نتريك وفتقدناج جسار كال بعدهه نايمه؟
يمكن طلعتي تسببله ازعاج لذلك جذب هيج
اصرت رغد على طلعتي وكالت يردونج برا خليت الشال على راسي وطلعت وياها
ام جسار تباوعلي صفح اكيد مثل ابنهه ماراغبه وجودي ماتحملت اضل كاعده كمت للمطبخ احاول الهي نفسي بأي شيء في سبيل ماروح يمهم
دخل جسار كعد على الكرسي مقابيلي وكال
_حميلي الجاي من يمج برد
زفرت نفس ببطئ وحميت الجاي بقيت واكفه يم الطباخ لحد مافار عيوني مثبته على البخار بس اذني يمه يحجي وي صديقه
صبيت واخذت اله وكفت مقابيله وبيدي الكوب
باوعلي وسحبه بقوه مني نعصرت اصابيعي على الكزاز الحار حسيت الحراره وصلت لعضامي
شرب الجاي وطلع دخلت امه كالت
_شني جسار طلع
هزيت راسي بأي
YOU ARE READING
#شرف قيد التنفيذ (أثال)
Randomانا الانكسارات انا طريق الضلمات انا ذات الروح المخدشه بطعنات الغل ..اترقب الوقت لعل الموت يزورني لعلهُ يسحب روحي وينتشل ألامي .. قلبي مكهفر وداخلي مغلف بالأثال انا الشرف وقت تم تنفيذ انعدامه نقطه انتهى . ..
