#شرف قيد التنفيذ (أثال)

البارت الثامن والثلاثين

#بقلم
#ايزابيل
#البارت الثامن والثلاثين
#شـرف قـيـد التـنـفـيذ (أثال)
...
بان

شلته بين اديه والفرحه مغركتني مامصدكه ياربي بحلم لو بعلم اني معقوله وليد بين اديه..

مسحت على وجهه الي متغير هو يباوعلي بأستغراب

جسمي لحد الان يرجف وكوا واكفه على رجليه أشرلي غسان براسه بمعنى تعالي وراي..

لتفتت للمدير كتله
:-استاذ ممكن اطلع ما اتأخر

هز راسه بـ اي بس من ورا خشمه لحكته وشايله وليد لحضني اباوعله وابتسم طول الطريق..

فتحلي باب السياره باوعت اله عبالك اول مره التقي بي حسيته شخص غريب عليه..

جان لازم الباب واكف يباوع عليه بتمعن..
بلعت ريكي وكعدت بالصدر ووليد بحضني كل
شويه مدنكه علي بايسته..لو حاضنته حتى نزعج وتذمر

طول ماتسير السياره الصمت جان سائد ماتجرئت انطق ولو حرف ماسألت وين اخذت وليد وليش رجعت هسه..؟؟؟

طلعت من صفنتي من شفته طبك يم مطعم..
فتحت الباب ونزلت دخلت للمطعم كعدت وانتضرته يجي

وجهلي سؤال أثناء ماجان يمشي تجاهي
:- شلونج

رفعت حاجبي
:- والك عين تسأل هيج سؤال..؟!

كعد كبالي ضحك بهدوء
:-بعدج ماخذه موقف مني

:- وللموت هم

تنهد :- ليش؟ مو الصار  جان متفق علي وانت تعرفين كلشي

غمضت عيوني بنفاذ صبر ونترت
:-بعدك تكلي اتفاق واتفاق الاتفاق جان انو متاخذ وليد مني متطلكني هم اله اذا اني ردت..

:- يعني الي مضوجج وكارهتني بسببه طلاكنه..؟

ابتسمت بأستهزاء
_هههه  مقتنع بكلامك ؟؟ اضوج عليك ليش منو انتَ وليش حتى ادمر نفسي على بشر حاله حالي الي يروح الله ويا اجا غيرك الف واحد بس الي ضوجني غدرررك بيه ومن خليتني ابجي وانوح على ابني.. واخذته من دون سابق انذار..

تحمحم وكال
:- المهم اليوم عيد ميلاد وليد و..

ابتسمت وباوعلته لوليد  بعيون لامعه بالدموع
:- اي اعرف صار عمره سنه..

غسان :- جبته الج حتى تشوفي قبل منروح

عقدت حواجبي مستغربه وريكي نشف
:- وين ترحون..؟

غسان :- اني راح اسافر لان نعرض عليه شغل بدوله اجنبيه وراح استقر هناك..

فتحت عيوني مصدومه ضغطت اديه بقوه على ادين الولد وضميته الصدري

:- انت صدك تحجي يعني بعد ماكدر اشوف وليد نهائياً تدري اني من باجر اكدر ارفع قضيه عليك اخذه منك غصب..