#شرف قيد التنفيذ (أثال)

البارت السادس والثلاثين

#بقلم
#ايزابيل
#البارت السادس والثلاثين
#شـرف قـيـد التـنـفـيذ (أثال)
..
على واإهس فركتك اشتهيت الموت
اباوع صورتك كل عقلي اترجاك
بلكت الله ويطلع من الصوره صوت
مستغرب عشت ليهسة من فركاك
المفروض بغيابك انه شابع موت
باجر هم يجي وما ترجع شلون
أصدك باجر من يكلي راح تعود
من كثر ما دكيت بابك رد عليه الباب
يمعوود حبيبك  و الله   ماموجود
...
أثال

من الفرحه نزلت دموعي بوقتهه صارلي اكثر من شهرين ماشايفته واليوم انام وبكلبي دعاء يلهج اله حين ما خليت راسي على المخده حسيت بي
بصفي

كمت على حيلي لفيت اديه على ركبته وحاضنته بقوه عبالك راح يطير ضحك بصوت عالي ووكع على ضهره راسه صار على المخده..
اما اني توسدت صدره وأستنشقت عطره..

شد ادي على ضهري بقوه وكال
_لج هوب هوب هههه أثال انتِ حامل لا تكمزين هيج..

رفعت وجهي باوعتله وبرطمت جانت ضلمه ومامشغله بوقتهه بس الضوا الأحمر..
_تدري شكد مشتاقتلك ماصدكت ترجعلي..

رفع ابهامه على خدي وتحسسه غمضت عيوني ونجرفت دمعه متمرده حسيت بي يبعدهه قبل لا توصل لسطح شفايفي..

عمار :- ليش جاي تبجين مو هاي اني كدامج مابيه شيء..

فتحت عيوني وبلعت ريكي
_ماكدر اعبر عن فرحتي غير بالدموع..

كام وانتجه على تاج الجربايه جرني من اكتافي
وضمني جوا ايده باس راسي وبتنهيده
_ماحب اشوف دموعج لا بفرح ولا بحزن خليج مبتسمه والضحكه ماتفاركج حتى لو..

كال هيج وسكت رفعت بؤبؤ عيني علي
_حتى لو شنو...!!!

ضحك وكال
_عوفينه من الو بشريني ابني شخباره خوما متعبج...

ابتسمت :- والله كلش متعبني مو شلون ماكان على ابو ميكعد راحا..

ضحك بصوت عالي ونزل رجلي للكاع انطاني ضهره والتهه يفتح ازرار قميصه..

عمار :- أثال راح اموت من التعب كومي حضريلي الحمام..

استغربت
_بهيج وقت اخاف تتمرض

عمار :- لا ما اتمرض كومي خليلي المنشفه والتراك النيلي

هزيت راسي بأي حضرت اله الحمام وطلعت هو دخل يسبح واني من الفرحه ماعرفت شسوي بس اباوع بالمرايه وابتسم

شكد دعيت وطلبت من ربي يرجعه الي وحاشا ربي يفشلني ..

شغلت الكلوب الأبيض كعدت على طرف الجربايه منتضرته يطلع شويه وطلع انتبهت اله وهو يمشط على المرايه ايده متزلغه جريت كف ايده
وبحزن :- هاي ليش هيج ايدك..؟؟

بعد كم خصله ورا أذني وهو يباوع بعيوني
_مابيهه شيء مجرد جروح بسيطه اكلج هاي اني كل ماغيب عنج فتره طويله ارجع الكاج احلى من قبل شنو الفلم!؟