#بقلم
#ايزابيل
#البارت العشرون
#شرف قيد التنفيذ (أثال)
..
بان
نصدمت من كلامه كلت :- منو انتَ
جاوبني :- اني محمد جوارينكم امج تخربطت واخذته للمستشفى
كلت بفجع وكلب خايف :- خوما بيهه شىء
_لابس تخربطت وهسه هيه بالمستشفى حالتهه
مستقره
بلعت ريكي وجاربته
_ماشي اني هسه جايه
سديت الموبايل وكفت على المرايه وعدلت شالي
بسرعه ونزلت اركض صار بوجهي غسان مفاتيح
السياره بأيده ويريد يصعد
كال :- ها وين ؟
جاوبته بعدم اهتمام :- امي متخربطه بالمستشفى واريد اروح الهه
باوعلي بصدمه وقريت بعيونه نفس الخوف الي واجهته اني قبل دقايق :- ماكو داعي اني اروح
أشرلي بحزم علئ الباب ورد بنفاذ صبر
:- امشي لخاطر ﷲ وين اعوفج ترحين وحدج
تنهدت بضيق وطلعت كدامه
فتحلي باب السياره وصعدت.. حرك السياره
ووبعد نص ساعه وصلنه للمستشفى
مانتضرته نزلت اركض روحي خايفه علئ امي يارب مايكون صاير الهه شيء اضيع وراهه والله
سألت على مكان غرفتهه وكالو بالطابق الثاني
صعدت الدرج وغسان وراي
فتحت باب الغرفه ودخلت متمدده علئ الجربايه
وواكبالهه محمد وامه
كلت السلام عليكم وبوجهي علئ امي حضنتهه
وتطمنت عليهه كالت مابيه شيء بس صابتني
دوخه لان صعدت على الدرج ونزلت البردات..
ربتت على ايدهه ببطئ :- ليش هيج يمه جان خابرتيني واني اجيج اخلص الشغل العندج ليش تعبتي نفسج!!
امي :- صارت بعد انت ِ شلونج
_اني الحمدالله بخير
جان غسان واكف علئ الباب باوعتله تقدم بخطوات بطيئه سلم علئ امي وتحمد الهه بالسلامه
التفتت لمحمد وامه كلت الهم :- شكرا ً على وكفتكم ويايه ماعرف شلون اردلكم الدين
ام محمد :- مابينه شكر احنه جيران وواحد محسوب على الثاني
تنهدت ودرت الأمي كلت الهه
:- اليوم اجي ابات يمج
سمعت صوت غسان الي حمحم بضيق
حاجيت الدكتور وكال تكدرون تطلعونهه اليوم
فورٍ سجلنه خروج وغسان كال اني اوصلهه بسيارتي ردت اكله شكراً لمبادرتك احنه نروح
بس خفت امي تشك انو بينه شيء
لذلك صعدتهه وياي
وصلنه لمنطقتنه ذبنه وراح تمددت امي على جربايتهه واني دخلت الغرفتي القديمه
تفحصت كل زواياها ياما كعدت هنا وفكرت بيك ياغسان ياما وكفت هنا واحتاريت وخفت وبجيت وترددت
YOU ARE READING
#شرف قيد التنفيذ (أثال)
Randomانا الانكسارات انا طريق الضلمات انا ذات الروح المخدشه بطعنات الغل ..اترقب الوقت لعل الموت يزورني لعلهُ يسحب روحي وينتشل ألامي .. قلبي مكهفر وداخلي مغلف بالأثال انا الشرف وقت تم تنفيذ انعدامه نقطه انتهى . ..
