#بــقــلم
#ايــــزابــيـل
#البــارت الثــالـث عــشـر
#شـــرف قــيـد التـنفـيـذ (أثــال)
..
مرات تحصل بالصدف نظرات بيني وبينها ،
واصفن ، واحير ، وارتبك يا لون هذا بعينـها ؟
..
أثال :- مفهمت ؟سمعته تنهد وجاوبني :- أثال بمجرد ما أعقد عليج راح اطلعج منا من النار الي انتي عايشه بيهه راح نروح لبيت أهلي وهناك اخليج يمهم صدكيني ..
قاطعته وكلت :- بس ..
عمار :- اخذيهه وعد مني ماراح يكون بينه اي شيء اني فهمت قصدج عدل زواجنه مجرد جذبه كدام الناس حتى اخليج تبقين يمي ومحد يكدر يحجي او يمسج بحجايه ماراح اخنكج بعقود زواج مزيف ولا راح اجبرج على شيء ..
صفنت بكلامه ارتاحيت من كال هيج
أثال :- ومرتك ؟
ضحك بستهزاء :- يعني تتصورين اخلف بكلامي ووعودي علمود مرتي ؟
سكتت ماجاوبته
كال :- انتِ غبيه ومترضين تشتكين على ابوج وامج كذلك من اخذته ماقبلت واعترضت أذن ماكو غير حل حتى اطلعج من هالمستنقع كلهبقيت احجي ويا لحد مااتعبت ماخليت شيء ماستفسرت عنه بخصوص الزواج بس بعدني دايخه بموضوعه هلكد مهتم الأمري وضحه هالتضحيه ..
ياترا لو صادف بنيه غيري ونفس مشكلتي هم راح يتزوجهه ؟!
تنهدت وكمت رجعت الموبايل لمكانه رجعت الغرفتي سديت الباب وقفلته تمددت على الجربايه شلت الغطه تغطيت وضليت فكره تاخذني والثانيه تجيبني لحد ماغمضت عيوني ونمت
..
بانبلعت ريكي من شفته تقرب وكف كبالي
جنت مرتبكه حيل وماعرف شتصرف وشكول ..تفاجئت من حسيته لف ايده على خصري
كلت :- أأ دكتور امي تصيحني ،،باوع بعيوني وكال :- كولي غسان
تنهدت من حسيت ماكو مفر
..
غمضت عيوني بقوه من حسيت ضهري يتوسد
الجربايه مادري ليش بهالحضه اجت ببالي
ايام الكليه خجلت من نفسي من تذكرت كلامي واني اصيحله دكتوريمكن غلطي ستسلمت بسرعه لطلبه هو وأمه
ضيعت نفسي شبابي الزواج الي هو احلى مرحله بحياه البنيه اني من هالحضه صار اسود يوم بحياتي غيمه تلاحكني تمطر عليه اشواك هدفهه تحديداً كلبي
..
فتحت عيوني دنيا ليل وصوت الجلاب يرن بأارجاء المكان ،، سحبت نفسي للحمام ..
دخلت جوا المي وستذكرت كل ثانيه ..
وعلى شنو اتذكر واحتمال نهايه هالزواج طلاكبس هو كلي ماطلكج معقوله يضل متمسك بيه
ماحسيت بنفسي غير لابسه البرنص وطالعهوكفت كبال المرايه باوعت لنفسي وشعري
الي ينقط مياني نطيته نفسي بمقابل ينقذلي حياه امي
امي الي جذبت عليهه بموضوعنه اذا عرفت
شراح يصير ..
![](https://img.wattpad.com/cover/218986591-288-k920512.jpg)
أنت تقرأ
#شرف قيد التنفيذ (أثال)
Randomانا الانكسارات انا طريق الضلمات انا ذات الروح المخدشه بطعنات الغل ..اترقب الوقت لعل الموت يزورني لعلهُ يسحب روحي وينتشل ألامي .. قلبي مكهفر وداخلي مغلف بالأثال انا الشرف وقت تم تنفيذ انعدامه نقطه انتهى . ..