#بــقــلم
#ايــــزابــيـل
#البـــــارت الخـــامس عــشـر
#شــرف قــيـد التـنفـيذ (أثال)
(البارت بدون مراجعه)
..
بانكال بستغراب :- شنو ليش وين ترحين ؟!
بان :- اريد اروح وي امي للبيت بعد عمليتهه جديده ومحد يمهه ،
رفع حاجبه وكال :- يي خلي تجي ويانه للبيت ،،
بان :- لاماكو داعي ببيتنه ترتاح اكثر
غسان :- ليش شنو اليختلف ؟! بكل الاحوال راح تكابليهه وتكعدين ،،
حاولت اتهرب منه بس ماكو فايده منين ماروح يطلعلي كتله :- خلص ماشي خلي اسأله اول
درت عليهه حاولت اقنعهه انو تجي ويانه بس رفضت رفض قاطع حجه وياها غسان يله لانت
..
وصلنه للبيت وساعدت امي انو تنزل غسان فتح الباب لان جان عنده مفاتيح دخلنه لجوه
من باب المطبخجانت لينا واكفه تغسل الحم من شافتنه نصدمت
كالت :- اا غسان بان الحمدالله على السلامه ،،
لتفتت صفح وباوعت لأمي بنزعاج عرفت راح تنزعج من وجودهه يمي لذلك ردت نكون ببيتنه ..
تنهدت ودخلنه للأستقبال ام غسان كامت سلمت علينه وتبوس بأامي وتتحمدلهه بالسلامه ...
تقريبا نص ساعه ودخلت لينا ابتسمت وكالت :- شويه ويكمل الغده ،،
وكعدت بصف غسان ماعرف شهمستله وطلعوا سوا ..
صار وقت الاكل وكمنه اني وامي وام غسان
بعد ماصاحتنه لينا ..غسان ماجان موجود ماعرف وينه ؟!
نزلت راسي وصفنت بالماعون ..شردت من صفنتي على صوت سحب الكرسي
رفعت راسي شفته هو كعد وباوعلي بنظره ماعرف شسميهه بس يمكن لان جنت صافنه ومداكل ،،خلصنه اكل وساعدت لينا بنقل المواعين
خلت اخر ماعون على السنك
وكالت :- بان بلا زحمه غسليهم عني غسان ينتضرني فوكماشفت غير طفرتهه من كدامي تنهدت ورفعت ردان قميصي وكفت اغسل المواعين
خلصت وخدرت جاي اخذت تلث كوابه الي والأمي وام غسان ،،
كعدنه نشرب ..
صفنت بيني وبين نفسي شلون راح تكون حياتي وي غسان ؟! البيت هذا شلون راح اعيش بي واني بعد حتى غرفتي ماندلههه ..
ذبيت الكلاص من ايدي
ام غسان :- بان اذا تردين اصعدي ارتاحي امج راح تبقى يمي واذا تريد هسه اذبلهه فراش وتنام خاف تعبانه من السفر ،،
مددت امي رجليهه وكالت :- يي والله اريد انام احس راسي مسطور من هوسه المطار ،
كمت على حيلي ورحت للنضيده جريت
جودليه ومغده وغطه فرشتهن وتمددت امي
عليهم وام غسان هم حطت راسهه ونامت ..
دنيا جان بوقتهه وحاره تفور شغلت الهن السبلت وطفيت الضوه سديت الباب وطلعت ..
![](https://img.wattpad.com/cover/218986591-288-k920512.jpg)
YOU ARE READING
#شرف قيد التنفيذ (أثال)
Randomانا الانكسارات انا طريق الضلمات انا ذات الروح المخدشه بطعنات الغل ..اترقب الوقت لعل الموت يزورني لعلهُ يسحب روحي وينتشل ألامي .. قلبي مكهفر وداخلي مغلف بالأثال انا الشرف وقت تم تنفيذ انعدامه نقطه انتهى . ..