#شرف قيد التنفيذ (أثال)

البارت العاشر

#بـقـلم
#ايـــزابــيل
#البـــارت العـاشــر
#شـــرف قــيــد التـنفـيـذ (أثــال)
...
خـسـرنه اول خـساره وگـلنه تتعــوض
وخســرنه الثـانيه وگـلنه العـتب علـى الحـظ
مــــــــــا ظــلت بـعـد حـجه
وبيـهـه السكـوت افــرض..!!
..
أثال

لحضات رعب وخوف رجفتي تسري بكل جسمي ماعرف شوصف الموقف خلصتهه بس
ابلع بريكي واترقب حركاته تقرب مني وجرني من شعري وسط الجموع
صاح بوجهي :- ولج س..سافله دحتي وكضيتيهه ركص بالتلفزيونات ،،

حاولت اجمع الكلام بلكي اطلع بشيء كلمه تبرر موقفي او على الاقل تهدي بس جان
شابه بي نار الغضب ومايشوف كدامه من كد الغضب الي راقد بعيونه ..

سحلني من شعري صرخت ولزمت ايدي الناس الي كاعده ومن ظمنهم صدام ركض على ابوي يجر بي ويحاول يبعده عني بس قافل عليه وماهد شعري ولا ثانيه ..

احس راسي تهلس من يجرو انجر ويا لان شعري بيده اجن البنات سحبني من ايده
ورويدا ضمتني وراهه ..

صاحت بوجهه
رويدا :- ماتستحي على نفسك انتَ رجال جبير رجلك بالكبر شعندك ساحل البنيه ..

لزكت بضهرهه واناشغ بالبجي كالهم هاي بنتي وجاي اخذهه صدام ماقبل كله شنو اليثبت هاي بنتك طلع جنسيه من ايده وشوفهه لصدام ..

صدام :- أثال هذا ابوج ،،

طلعت نص من عيوني من ورا وهزيت راسي بأي بهالحضه رجع هجم عليه واخذني سحل
ماكدروا يحاجوا لان ابوي ..

يجر بيه من ايدي ويتوعدلي احس كتفي نفصخ طلعنه من المحل واني اتوسل بي
يهدء ويعوفني ..

فتح باب السياره الوره وشمرني على الكشن
سد الباب وركض للجهه الثانيه صعد ..

ماسوالف على الخوف الي عشته بذيج الحضه
بس اطكطك واكل بضافيري وادعي الله بس هالمره يطلعني من هالمأزق ..

شكد ماشفت ايام سوده بحياتي
صرت ااخاف اكعد الصبح خاف تصير كارثه
تمنيت فديوم انام وماكعد على الاقل تهدء المواجع .

طول الطريق سب وغلط وشتم وكل شويه
يدور وجهه يكفخني على راسي لو يجر بشعري بحيث اله شويه جان وكعت من الكشن ..

ابوي :- بنت الكلب دايحه شهر  بالشوارع وتطلع مسرحيات تركص اني الج اذا ماكتلتج وغسلت عارج ماتسمى بسمي يانقمه ياحشره بتليت بوحده عاهره ..

غمضت عيوني بألم احسهن يبزن بجفني ..
مادري شوكت وصلنه للبيت بس جان وقت مغرب ويأذن طبك السياره بباب البيت ونزل
عليه جرني من ايدي وبشكلي المبهذل نزلني ..

اول مافتح الباب انطاني دفره وكعت بالعتبه وكصتي نطكت بالحافه مال الباب نشكت وجره الدم احس روحي راحت فرفحت من البجي ..