#شرف قيد التنفيذ (أثال)

البارت الثاني والثلاثين

#بقلم
#ايـزابـيـل
#الـبـارت الثاني والثلاثين
#شـرف قـيـد التـنـفـيذ (أثال)
..
فجر

أصعب شعور ممكن تعيشه المرأه الخيانه
تحس النقص صادر منهه
ماعتقد نار كلبي يطفيهه شيء

بذاك اليوم ضليت للصبح كاعده العن واسب بنفسي احتقرت يوم زواجنه..

للصبح اني ماتحركت من مكاني اباوع للفوضه العارمه بالغرفه والهوى الي يحرك البردات وصافنه بنصيبي القدرلي التعب؟

اعترف خطأت بحبي واختياري  جان سبب حروق كلبي هذيان مشاعري بالالم جريان سيول
دماء من صميم روحي..

بشنو اختلفت عني حتى هلكد تنطبع بباله ويلهج بأسمهه انتبهت اله كعد فرك وجهه وباوعلي بأستغراب

جسار :- فجر شمكعدج هنا؟

باوعتله بنظرات اشمأزاز وكفت على حيلي
نعسانه ودايخه رجلي تعثر بأاصغر شيء مذبوب
بالكاع طلعت تراك من الكنتور ودخلت للحمام
بدلت وباوعت النفسي بالمرايه طول الليل ابجي
ومانمت دموعي تاركه أثر بخدي..

وسواد جوا عيوني واضح فتحت البوري هدوء وبس صوت المي يدوي براسي الي افتر من الدوخه..

شمرت المي على وجهي ونزلت قطرات المي ساحبه وياها الندبات القليله ريتهه تغسل كلبي
مثل وجهي
..
من طلعت جان واكف بصف الكنتور يطلع ملابس
بس انتبهلي تقرب عليه لزم معصم ايدي وكال
_فجر اسمعيني..

ضحكت بأستهزاء تذكر عملته المصخمه اكيد
جريت ايدي بقوه وباوعتله بنظرات غاضبه توحي للعصبيه..

دفعته من كدامي جريت شالي وطلعت لبره...
الصاله فارغه محد بيهه بس انه حبست نفسي
بزاويه التخم رافعه حاجبي ببرود واباوع على الأركان

الله ليسامحك ياهتلي على الجرح الي نخزن بيه
بسببك خلي يفيدنك النسوان هسه اكص الساني اذا حاجيتك لو انطيتك اعتبار..

شويه وطلع من الغرفه يمشي تجاهي ويغرز اصابعه لداخل شعره يرجعه لورا

باوعلي ببأبتسامه كأنما يترجه نظره مني تطمنه بعدم زعلي

كعد بصفي بلع ريكه وكال
_فجر ماعرف شلون اعتذر منج وشقدملج حتى تسامحيني انه البارحه جنت سكران ومو بوعيي ولا على السكران عتب

وكالعاده القادمه السكوت جان قائد موقفي

جسار :- باعي ادري بيج متضايقه مني بس الله يسامح ويغفر انتِ ليش ميبسه راسج وداعت عيونج عقلي الغبي كام ياخذ وينطي اسماء من كيفه صار بي خلل برمجي يعني الصوج مو بيه

ادتله بؤبؤ عيني علي باوعتله بحقد ووكفت على حيلي

مانطيته مجال يلحكني دخلت للغرفه وقفلت الباب عباله الأعتذار دواء للداء