#شرف قيد التنفيذ (أثال)

البارت السـادس عشر

#بــقــلم
#ايــــزابــيـل
#البـــــارت الســادس عـــشـر
#شــرف قــيـد التـنفـيذ (أثال)
..
أثال

كمزت مفزوعه على أثر صيحه بان طلعت للبستان اركض شفتهه تبجي وفجر خربانه من الضحك

كلت :- شكو شبيج ؟!

فجر :- شافتلهه جريذي يمكز هنا وتسودنت

مسحت وجهه وكالت :- لا صدك والله خلي ندخل هسه طلع النه جريذي احتمال بعد شويه تتطور الامور وتصير حيه ..

فجر :- لا يمعوده شني السالفه هو جريذي عابر سبيل لاطخج ولا وصلج شبيج تكهربتي تعالن نكعد جوا هاي النبكه ،،

بان ضاجت بالبدايه ورادت تدخل جوا بس فجر جرتهه كعدن جوا الشجره واني مقابيلهن ..

فجر :- بان صارلكم شكد متزوجين انتِ وغسان ؟!

جرت ورقه مال شجره تكطع بيهه وتحجي
:- شهر تقريبا وشويه ؟!

فجر :- أحم ولو تدخل مني بس على حسب علمي هو متزوج ،،

ضحكت بستهزاء ونزلت راسهه
:- صحيح متزوج واني الثانيه ،،

خطر ببالي سؤال من دون تردد نطقت
:- أأ انتِ شتدرسين ؟!

ابتسمت وكالت :- كليه للغات قسم انكليزي مرحله ثالثه ،،

باوعت الهه بحسرره وكلت :- حلوه الدراسه والجامعه مو ؟!

بان :- اكيد حلوه صح متعبه بس تبقى فخر ؟! ليش انتِ شمكمله

ابتسمت بيأس :- اني سادس ابتدائي وتركت

رفعت حواجبه بستغراب :- ليش شعجب ؟!

رفعت اكتافي وكلت :- ضروف

بان :- ليش متكملين

أثال :- شلون اكمل

بان :- ادرسي خارجي

أثال :- عموما حاليا اني شايله هالفكره من بالي عود بعدين الله كريم

جنت شكد احب المدرسه واحب اكمل وامنيتي اصير دكتوره والزم بيدي السماعه الطبيه
احلامي بسيطه بس ستكثروهن عليه ..

نزلت راسي العب بالثيل الاخضر

كالت فجر :- اصعب شيء ممكن يمر بي الأنسان يواجه مخاوفه الشيء الي يحذر ان يتقربله فجاءه وبدون سابق انذار يلكه نفسه ياخذ وينطي ويا

تنهدت وكالت
بان :- ومرات نضحي بشيء حتى نكسب شيء على أمل انو الضحينه بي يغزر

أثال :- الأهل يعني الأمان والاستقرار يعني الي تلم نفسك بحضنهم خوفاً من اشواك الغربه ..
(ضحكت بستهزاء) والصدمه يطلع الموضوع عكسي

بان :- شنو قصدج ؟

كمت على حيلي ونكتت ملابسي
:- سلامتج اني داخله جوه احس الدنيا صارت حاره ..