#شرف قيد التنفيذ (أثال)

البارت الاربعون

#بقلم
#ايزابيل
#البارت الاربعون
#شـرف قـيـد التـنـفـيذ
..
أثال

كعدت على الكرسي وفركت ايدي رنا من سمعت كلام الدكتور الي كال ابوي انشل ولحد الان تبجي ومسويه نفسهه مقهورا

رغم خفت من جبنا للمستشفى بس ورغم عرفت بأعاقته ماهتزتلي شعرا

اجا ببالي اليوم الي لتقيت بي بعمار هنا بالمستشفى غمضت عيوني كلبي وجعني..

بلعت ريكي بقهر شكد مشتاقتله ومشتاقه الكلامه والصوته طلعو ابوي للبيت ورجعنه

جبناله كرسي متحرك ويمشي طبعا هو رجلي وأدي الاثنين نشلن وهو لحد الان بحاله صدمه مايحجي بس يتصفن وحتى رنا من تحاول توكله لو تهتم بي يرفض رفض قاطع ويكوم يتذمر ويصيح

اني مبتعده عنهم مالي دخل بيهم اطلع على كد الاكل وارجع الغرفتي اكضي وقتي كله بالغرفه افكر واستعيد ذكرياتي واي اغلى انسان على كلبي..

اليوم جنت مربعه على الجربايه وكبالي قميصه ايدي على خدي ابجي واحجي
:- شلونك هسه شخبارك هم مشتاقلي دتفكر بيه مثل ما انت شاغل تفكيري حبيبي متتصور الشفته بعدك شكد قاسي شكد جنت بنعمه واني بضلك لا احتار بعيشتي وبأماني ولا حتى بمدى محبه الناس الي لان من رحت انت هواي وجوهه قذره انكشفت الي

تدري بيه شكد احبك اني ولو اكو كلمه تعبر عن محبتي الك اكثر من هاي جان كلتهه بس خليك على يقين ماراح احب غيرك ولا اشوف غيرك...
انت مره كتلي حتى لو عفتج لا تتصورين كرهتج او اخلي غيرج ياخذ مكانج لان انت عايشه بروحي والروح صعب من تستبدل شيء بشيء

مسحت ياخه القميص وحجيت بعبره
هواي نذليت بغيابك وهواي توجعت اتمنى اروحلك باسرع وقت لان اني اعرف بكلمه وحده منك تنسيني كلشي

شكم مره حجيت وياك وكتلي ماعوف المحتل يسرح ويمرح جا شكو سموني عراقي اذا اخلي
غيري يدافع عن هالبلد

كلي هسه ارتاحيت من نمت بكبر اضلم...
جريت حسره طويله ونزلت دمعه من عيني المرهقه بللت شفايفي وحجيت بنفس مقطوع..

اصعب شيء ممكن يمر على الانسان الفقدان اخ شكد شعور  حقير لو الله خالقني بدون مشاعر انسان جليد احسن من هالوجع الي نغمست بي..
..
اتمنى اضحك بفد يوم وتكمل فرحتي صرت احس الاماني مجرد احلام واهنه وماراح يجي يوم تتحقق لو انطي روحي قربان

حتـى لو تحققت مستحيل تكمل انتبهت الموبايلي الي بحضني جريته ودخلت للأستيديو
طلعت صوره وحده منهن بالدوام هو دزلياها من كتله تأخرت واشتاقيتلك

الشاشه غوشت بنظري بسبب دموعي وشهكتي تكسرت بصدري شكد حلو طولك هم بعده جمالك لو تراهن على محيه التراب والخنكه

َماراح اسمع اغاني عشاق بعد ماراح انتظر جيتك مثل قبل ولا ادعي الله يديملي ضحكتي لان نقتلت بيوم الي نزرعت الرصاصه بين ضلوعك