#شرف قيد التنفيذ (أثال)

البارت الرابع

#بــقـلم
#ايـــزابــيـل
#البـــارت الــرابــع
#شرف قــيد التنفيذ (أثال)
..
واكـول تـهـون بس شـتهون
 وانه من الوجع بفراشـي اذب عـيون..
..
أثال

بلعت ريكي ودفعت معتز
:- معتز روح ابوي صعد ..

ابتمسلي ودار وجهه وراح من هالحضه اني بقيت وحيده اناجي الغريب واحتمي بي ..

صعد ابوي شفته عيونه حمر ودايخ يطوطح منا ومنا باوعلي وصاح :- ولج بنت الكلب ويامن جنتي تحجين ؟!

بلعت ريكي وهزيت راسي ب لا :- مو وي احد

صاح صوت هدم عواميد البيت
:- ولج تجذبيني ؟!!!

تقرب يمي وجرني من شعري نزلني من السطح سحل احس شعري تكطع بين اصابعه ..

لزمت ايده اتوسل وابجي في سبيل يعوفني ..
ماجان همي غير شعري الي تكطع بحيث احس بي يوكع جوا رجليه ..

دفعته حيل هو بسرعه وكع لان سكران ومايدري بروحه درت وجهي وركضت ادور على مكان اضم روحي بي واحمي نفسي من
الضرب ..

صارت كبالي غرفتهم دخلت وقفلت الباب صدري يصعد وينزل الهث وامسح بوجهي ..
كعدت على الجربايه اسمع الباب يندك بقوه

جنت مدنكه راسي واديه على اذاني ماريد اسمع صوته صراخه وصل السابع جار
يصيح :- ولج افتحي الباب لا اكسره

تنفست بعمق وبلعت ريكي اسمع صوت الدفر على الباب ابجي وادعي الله امي تجي كون تجي هسه بهالحضه وتخلصني منه ..

ماعرف شسوي بس افتر بالغرفه مثل المصراع وافرك بأاديه ..

لحد مانفتح الباب الضاهر دافره بقوه لان هي دفره هي وكعه وكع للكاع على ايده .

شهكت ورجعت كم خطوه ليوره خليت ايدي على حلكي وهمست :- بابا

كام وكف على حيله ويفرك بزنده باوعلي وابتسم بمكر كال :- الفاره تضم نفسهه ؟! ماتدري الاسد يطلعهه من سابع جار ..

شهكت وردتيله :- بابا اني

صاح ب اشش وتقرب ليمي جرني من شعري بقوه وركع راسي بالكاع وكعت على حنجي
احس وجهي تفلش صرخت من كثر الألم
وولزمت وجهي صار دم بأايدي من الفجعه ضليت بس اصرخ ب :- الحكولييييي ولج يمه

جنت متمدده قريب على الجربايه يعني بس اتدنه شويه ادخل جواها ..

خلى ايده على حلكي وثكله ذبه على جسدي الخاوي كال بدوخه :- اشش ولج اذبحج والله اذبحج

رغم ايده الي على شفايفي بس حجيت بصعوبه :- بابا حرام حرام وخررر

جسمي كله يرجف وماعرف شسوي قرفت من تصرفاته ولمساته وضحكته المستفزه وكلامه الي تعده حدود الطهاره ..

رفعت عيوني اجت نضرتي بالحديده الي جوه الجربايه تذكرت هاي يضرب امي بيهه ..

ماكدرت اتحمل لمساته الي احسهه جردتني من شرفي مديت ايدي لجوه الجربايه وسحبت الحديده لزمتهه بأايدي هو من شافهه ..