#شرف قيد التنفيذ (أثال)

البارت التاسع عشر

#بقلم
#ايزابيل
#البارت التاسع عشر
#شرف قيد التنفيذ (أثال)
..
بان

سحبت الكرسي وكعدت كبالي
خلت رجل على رجل وكالت :- شلونج بان

بان :- لينا شتسوين هنا ،،

باوعت يمنى ويسرى :- اجيت اشوف غسان ،،

بلعت ريكي ونزلت عيوني على كتابي سمعتهه
كاالت :- هلا والله توني داجيك ،،

رفعت راسي فورٍ شفته غسان واكف ايده ورا ضهره
ويباوع بعصبيه يخزر بيه وملامحه ماتدل على الرحمه ..

يباوعلي ويحجي وياها :- لينا شجابج ؟!

لينا :- جنت ماره على المجمع القريب منا واجيت كلت نرجع سوا للبيت ،

غسان :- دوامي مطول تكدرين ترجعين ،

كامت على حيلهه وكفت كباله
وكالت :- ليش هسه مضايقتك بشيء هههه راح اجي وياك للمكتب ،،

باوعلهه وكال بنتر :- لينا من كل عقلج شتسوين جايه وياي للمكتب عندي شغل وخبصه وتصحيح لو ترحين لو تضلين بالنادي ،،

كعدت على الكرسي بأنزعاج :- اهوو ياغسان يله كعدت

اثناء مدنحجي تقربت طالبه ويانه بالقاعه سلمت على غسان وسألته على موضوع بخصوص الدراسه اخر
شيء ذبت قنبله نوويه :- دكتور بالمناسبه حبيت اباركلك بزواجك كلش لايكيين انتَ وبان ،،

هز راسه وابتسم الهه مجامله لينا رفعت حاجبهه وتهز برجلهه بضيق بس راحت البنيه كالت :- ماشاءلله توكم اجيتوا للكليه ونشرتوا الخبر ،،

تنهد
غسان :- بان كومي راح تبدي المحاضره ،،

هزيت راسي ب اي وكمت ويا الم بكتبي واحاول احط
جنطتي بكتفي يمشي سريع عكسي حاولت اصير بمستوى بس ماكدرت ضليت امشي ورا ..

دخل للقاعه واني لحكته كعدت على الستول وبدت تتوافد الطلاب يشرح وعينى عليه الي ماتفسر غير الغضب شكول عليج ريم عممتي الخبر بجميع انحاء الكليه شكو حجيت اني وهو محذرني مأانطق ولا حرف ..

كمل المحاضره وكل للطلاب اطلعوا هو التهه يلملم
اوراقه كمت حتى اطلع بس وكفني صوته :- أنتضري بان ،

بلعت ريكي والتفت اله جانت القاعه فارغه محد بيهه بس اني وهو نزل من مكانه ووكف كبالي ..

لف اصابيعه على معصم ايدي وجرني
كال بكلمات تبخرت منها الحمم :- مره ثانيه من اكلج وانبهج من شيء لاتعانديني وتسوي ترا اكسر راسج .

يحجي ويفرك بأيدي احس اصابيعه نطبعت بجلدي
رغم تأذيت بس ماحجيت

نترت :- شنو هالسلوب هذا عوفني ،؟

جرني بطريقه اقوى من القبلهه :- عوفج من اسلوبي حضرتج راضيه ومقتنعه بأاسلوبج انتِ !! قسمٍ بالله يابان اذا تكرر هالتصرف امحيج من الوجود ..؟! مفهوووم ...