#شرف قيد التنفيذ (أثال)

البارت السابع

#بــقــلم
#ايـزابــيــل
#البــارت الســـابـع
#شـرف قـيـد التنفـيـذ (أثال)
..
‏مآ كآنت الخيبة إلا عَشم يا سيدي ،
حسبنآ أننا لآ نهون ، وهُنآ .
..
بان

انتفضت مفزوعه من كلامهه .
صرخت بيهه :- شلون تطلبين مني هيج طلب شفتيني بايعه نفسي ؟!

:- ماقصدي هيج بس كتلج ننطيج تعويض عن كلشي

:- تعوووويض شنوو ترديني اصير شجره مثمره الأبنج يقطف منهه الحلو ويذب المر صح فقيره صح وحيده بس مو معناها تستغلوني ..

بجيت بقهر ليش هيج ياربي معقوله انعدمت الانسانيه لهل درجه حتى يطلبون مني هيج شيء ..

نفتح باب الاستقبال على صوت الصياح ..
شفته كبالي بدون تردد توجهت لجهتهه
وكفت كباله وكلت
:- عندكم الانسان لعبه وتسليه تقضون بي حاجاتكم وتلبون نواقصكم صح خدامه بس
مو بايعه الضمير ياااستاذ ..

طلعت من يمهم واني اغليي وعلى طول الطريق دموعي يهلن شلون اكدر اعيش بوسط
هيج مجتمع تافهه بحيث يطلب مني انطي طفل ..
ومافكر بيه وبمشاعري ليش لان خدامه واخدمه معناها اوفرله كلشي ...

وصلت الفرعنه ودخلت بمنطقتنه التعبانه
الي غيري وبنيه متعيش بهيج جحيم ..

وصلت البيتنه بابنه طكه ونص بس دفرته نفتح دخلت للغرفه مال امي شفتهه واكعه
من جربايتهه للكاع ومختنكه ومكلوب لونهه ازرك انفجعت شمرت الجنطه ورحت يمهه ..

حضنتهه بخوف وصحت :- شبيج يوم حاجيني

كالت بصعوبه بالنطق :- منو انتِ ؟

:- اني بنتج اني يمه اني بان

غمضت عيونهه وكأنهه تودعني حضنتهه
وصحت :- اوووف يايمه شلون فهميني شلون ابيع نفسي واجيب الفلوس فهميني شسوي يمه تعبت والله تعبت ..
..
أثال

دخلت وياهن للمكان الي كالن علي
وحده كالت :- تعالي وياي ،،

مدتلي ايدهه حطيت ايدي بأيدهه ورحت وياها ..؟!

غرفه تصير بأاخر الكوفي بيهه كنتور وميز مرايه وجربايه ..

كالت :- شوفي حبي هاي الغرفه احنه مخلينهه حتى نبدل بيهه او ناخذ استراحه انتي تكدرين تكعدين بيهه لحد ما ترتاحين .

أثال :- انتِ شسمج ؟

ابتسمت وكالت :- رويدا

أثال :- حلو اسمج

خلت ايدهه على زندي وابتسمت
:- تسلمين حبيبتي اني طالعه اي شيء تحتاجي صيحيلي ..

هزيت راسي ب اي طلعت وسدت الباب ..
ذبيت نفسي على الجربايه احس متكسره
تكسر نزعت الجواريب الي برجليه ..

اصابيعي مورمه وخطوط زركه وحمره ماليه
رجلي هاي شكد مامشيت ،،

حطيت راسي على المخده احس جبل وكع من اكتافي راحه مو طبيعيه ..