#شرف قيد التنفيذ (أثال)

البارت السادس والعشرين

#بـقلم
#ايزابيل
#البارت السادس والعشرين
#شرف قيد التنفيذ (أثال)
..
بان

دخلت رجلي وسديت الباب عدلت كعدتي ونداريت علي
_خير غسان احجي…

فر السويج وحرك السياره عقدت حواجبي
وكتله :- هاي وين انتَ كلت احاجيج كلمتين بالسياره..

غسان :- ماشفتي الفرع شلون صغير وين اخلي السياره

بلعت ريكي بقلق سالفته مو خاليه رجعت
ضهري للكرسي واهز برجلي توتر.

طلع على الشارع العام ووكف السياره بقى بالعشر دقايق صافن ماعرف بشنو يفكر او شيستعيد من ذكريات

كور كف ايده وقربهه على شفايفه كح بشكل متقطع زفر نفس وباوعلي

غسان :- بان اني...

سكت عقدت حواجبي وكتله بأستهزاء
_لهل درجه الموضوع صعب ومتكدر تفاتحني ب...

قاطعني وكال بسرعه
_اني اسف اعتذر عن كل التصرفات والأذيه الي بدرت مني اعرف الاعتذار ميكفي ومايصلح شيء بس اتمنى تسامحيني وترجعين وياي واي شيء تطلبي اني حاضر

رفعت حاجبي وكتله
_الاعتذار عن الفعل ممكن ينسي الانسان اكبر أذيه شافهه بس لازم يكون بصدق نيه وماتوقع اعتذارك هذا ماورا شيء

غسان
_شنو قصدج

بان
_قصدي واضح، شمدريني جائز جاي علمود مصلحه شيء طلب غرض او طفل..

باوعلي بصدمه ووجهه شحب
_يعني تقصدين اعتذاري منج ونيتي بأنو ارجعج علمود الطفل صح احنه اتفقنه من البدايه زواجنه في سبيل الطفل بس بان اني احبج وماكدر استعملج كـ سلعه وافرط بيج نظرتج الي سطحيه...

ضحكت على تفاههه الكلمه الأخيره
_سطحيه خلي اذكرك بذاك اليوم شلون خنكتني وضربتني علمود مرتك وامك اني مو حيوان حتى انضرب واسكت وانهان والمفروض ماحجي وين السطحي بالموضوع وانتَ نخرت عضامي .

غسان :- واني داعتذرلج واكلج مستعد اسوي اي شيء تطلبي

بان :- وشمدريني اذا رجعت وياك ماتضربني مره ثانيه شنو اليضمن

صاح بصوت عالي
_بان ليش تضيقين الموضوع شسوي حتى اثبتلج بعد مامد ايدي عليج مواجيتج برجليه  واعتذرت بعد شبيج

_والله مكلف نفسك لان جاي تعتذر  

تنهد وكال
_شوفي حبيبتي بذاك اليوم اني تلفت اعصابي لان الطفل الي اتمنى من سنين بخطئ صغير منج راح متتصورين شكد جنت محمل عليج  بس سكتت لان توج طالعه من المستشفى وتعبانه بس من شفتج تراددين امي ماتحملت اضل ساكت وماكدرت الزم نفسي..

نزلت راسي وسكتت
_وفوك كل هذا تعاندين واني الي يعاندني يجني على نفسه من اكلج لاتسوين هيج تروحين تعانديني وتسوي قابل اني عدوج غير زوجج...