#شرف قيد التنفيذ (أثال)

البارت الرابع والعشرين

#بقلم
#ايزابيل
#البارت الرابع والعشرين
#شرف قيل التنفيذ (أثال)
...
أثال

نزلت من الجربايه بخوف شنو صوت هالرمي هذا
دنكت راسي على عمار ونتدهته بخوف
_عمار اكعد عمار

ماجاوبني تأفأفت شلت ايده الي على عيونه
ورجعت بصوت خافت
_عمار صوت رمي اكعد

فز برعب فرك وجهه وكال بـ نعاس
_شكو أثال؟؟

ابتعدت كم خطوه عن الجربايه
_صوت رمي قبل شويه وواحد يصيح..

بين ماجنت احجي ويا رجع صوت الرمي
يعله نهض بسرعه وتوجهه للكنتور طلع مسدسه
فتح الباب وراح يركض

ضليت واكفه بمكاني حايره شسوي دمعتي بطرف
عيني سمعت اصوات بالهول شنو معقوله كعدوا
الي خلاني اطلع هو صوت خديجه الي يصيح
غسلت وجهي ورحت

واكفه بنص الهول تضرب بعوجيتهه وبصوت
يزلزل :- انه من البدايه مارتاحيت الهه هاي المفلوكه بس غير هاي صداقات مره عمار العمت علينه

كلت الفجر
_شكو فجر…

فركت عيونهه  وردت
_هذا واحد جاي يصيح طلعوا رويدا وين ضامينهه

اجيت احجي بس سكتت من شفت رويدا طلعت من غرفتهه تسحب بجنطتهه وتبجي

وكفت بنصنه وكالت
_اني اسفه سببت الكم مشاكل اني طالعتله وراح اروح ويا اعذروني اذا ازعجتكم

خديجه وهي تعوج بشفايفهه
_وانتِ منين تعرفينه هذا وشعده يركض وراج مثل الحصان

كالت بتلكئ
_اا كرايبي

تقربت يمي جرتني من اكتافي وباستني
_باي أثال واعذريني احرجتج هواي اليوم

ماحاجيتهه كلمه واكفه بمكاني مثل الصنم
رادت تطلع بس دخل عمار بس شافهه زمخ
بوجهه
_وين رايحه

_أأ اله غير

عقد حواجبه بأستغراب
_منو هوا

رويدا
_اقاربي

صاح بصوت عالي
_والج عين تجذبين ادبسزز مو صوجج صوجي اني المطي الي تالي عمري اكعد وحده حراميه ببيتي..

بلعت ريكهه
_حراميه شنو شدتحجي؟!

رفع حاجبه براحه وكال الهه
_الرجال الي اجه يرمي على بيتي جنتي تشتغلين ويا وبكتي وشردتي للعماره وهسه جاي يطالب بفلوسه مو لو اني غلطان

هي خافت من نبرته بالكلام وكذلك وضح عليهه التوتر
_احم اني..

عمار
_اشش صوت واحد افرغ الشاجور براسج اطلعي يله وهاي جنطه الفلوس الي بأيدج ترجع الصاحبهه.. والله لو مو مره جان هسه مكانج
ورا بيبان السجن...

مسحت دموعهه وكالت
_منو يرجعني البغداد؟

ضحك بأستهزاء
_بس لا تردين اني ارجعج يي هاي الناقصه