#شرف قيد التنفيذ (أثال)

البارت الحادي عشر

#بـقـلم
#ايـــزابــيــل
#البـــارت الحــادي عــشــر
#شـــرف قـــيــد التـنفـيـذ (أثـال)
...
‏أعاتبُ طيفهُ إن لم يزرني ‏لعل الطيفَ أوعى للعتابِ ‏ألا يا طيفَهُ أبلغهُ عني ‏بأن الشوق أفقدني الصواب..
..
أثال

تفاجئت من شفت عمار موجود وويا جنود
واكفين بنص البيت ويتصايحون وي ابوي .

رجعت الغرفتي حطيت شال على راسي وطلعت وكفت بسد امي الي عباتهه على راسهه وتبجي ..

عمار :- تدري كلامك هذا يوصلك لحبل المشانق

فر ايده وضحك
جاوبه :- وبس لا انت الي توصلني هههههه اني ماخاف لا منك ولا من الأكبر منك ..

هز راسه بتوعد وأشر للجنود الي يمه همه بسرعه ركضو الأبوي ويجرجرون بي من ايده ..

امي لطمت على راسهه وصرخت
:- سيدي فدوه العينك وين ماخذه مو بوعيه والله مايدري شيحجي امسحهه بوجهي ..

مادري ليش امي حجت هيج ودافعتله بوقتهه بس يمكن من خوفهه لان واضح صفار وجهه والهثه الي بيهه

صاح بصوت زلزل اركان البيت :- هذا النكس فوك مصايبه ودنائته يتجاووز اجيته بكل احترام وحاولت اتفاهم ويا بس نسيت المفروض اعامل بالمثل ..

باوعلي وكال :- أثال امشي وياي للمركز بس اريدج تقدمين افادتج وتوقعين على كم ورقه ..

جان مخلي اديه بجويبه ويحجي بأريحيه يمكن جان واثق من انو اني اروح ويا ..

لزمتني امي من ايدي وكالت :- وين تروح ماتطلع ؟!

عمار :- بنتج متعرضه العنف من ابوهه وثنينكم غلطانين بحقهه بس الجريمه الاكبر توكع على عاتق ابوهه لو جان اكو دستور يحمي البنيه الي تتعرض لضرب ماجان صار الي صار( باوعلي وكمل) عموما أثال اريدج تذكرين بأنو حاول يقتلج واني امشي على هالأساس بتهمه محاوله قتل ..

مسحت دموعي من خدي اجيت احجي
بس امي سبقتني :- انتَ ليش تدخل بأامور عائليه تريد تحرض البنيه على ابوهه مشكور وماقصرت بس طلع زوجي واخذ جنودك وكفينه شركم ..

عمار :- يعني مصرين على التجاوز تدرين الكدامج اذا قللتي من شأنه بحرف واحد
يوم كامل تشرفينه بالمركز شلون زوجج ..

كلت بكلبي شسوي هسه اروح اشتكي على ابوي لابد اني يطلع بيوم وبهالحاله اني ستأصلت المشكله مانهيتهه ،،

حطيت ايدي على حلكي ودرت ضهري لتفتت عليه امي رفعت وجهي وحجت بهمس :- أثال ديربالج ترحين ويا لاتعيدين الغلطه اني وياج ماعوفج مادام رجعتيلي من باجر اخذج الخالتج ونخلص من ابوج وشره ..

رفعت وجهي وكلت الهه :- يمه اخاف ابوي يرجع يسوي مشكله ..اخاف يرجع يضربني خلي اشتكي علي ..

بلعت ريكهه وكالت :- اول شيء اذا اشتكيتي علي راح يدخل الحبس كم سنه وبعدهه يطلع مايعوفنه بحالنه والله وسمعتنه تروح بالحضيض حتى خالتج ماتستقبلنه تتذكرين علي ابن خالتج خابرني البارحه وكال جيبي أثال وولدج وتعالي